11
1 ဒီးတၢ်စူၢ်တၢ်နာ်မ့ၢ်တၢ်မုၢ်လၢ်န့ၣ်အတၢ်သန့ၤပသး, ဒီးတၢ်လၢပတထံၣ်ဘၣ်တဖၣ်အတၢ်သ့ၣ်ညါလီၤ.
2 အ အဂ့ၢ်ဒ်အံၤ, လၢအဝဲန့ၣ်အပူၤ,ပမှံၤပပှၢ်ဒိးတၢ်အုၣ်အ သးလၢအဂီၢ်လီၤ.
3 လၢတၢ်နာ်, ပသ့ၣ်ညါလၢဟီၣ်ခိၣ်ဘၣ်တၢ်တ့အီၤ လၢယွၤအကလုၢ်အကထါလီၤ. မၤသးဒ်န့ၣ်ဒီး,တၢ်လၢ ပထံၣ်အီၤတဖၣ်န့ၣ်,တမ့ၢ်ဘၣ်အကဲထီၣ်ဝဲလၢတၢ်လၢ အအိၣ်ဖျါတဖၣ်န့ၣ်ဘၣ်.
4 စီၤဟ့းဘ့းလးဟဲစိာ်တၢ်လုၢ်ဆူယွၤအအိၣ်, ဂ့ၤန့ၢ်စီၤ ကၤယံၣ်တက့ၢ်, လၢတၢ်နာ်လီၤ.ဒီးတၢ်အုၣ်အသးလၢ အဂီၢ်လၢအဝဲန့ၣ်အဃိ, လၢအမ့ၢ်ပှၤတီပှၤလိၤ,အဂ့ၢ်ဒ် အံၤ,ယွၤအုၣ်အသးလၢအတၢ်ဟ့ၣ်တဖၣ်အဃိလီၤ. ဒီး သံဘၣ်ဆၣ်ဒီးကတိၤဒံးတၢ်,လၢအတၢ်နာ်အဃိလီၤ.
5 လၢတၢ်နာ်, စီၤဃနိၣ်ဒိးတၢ်လဲက့ၤအသးဒ်သိးအသု တထံၣ်တၢ်သံတဂ့ၤလီၤ.ဒီးတၢ်ဃုအီၤတန့ၢ်လၢၤဘၣ်. အဂ့ၢ်ဒ်အံၤ, ယွၤလဲက့ၤအီၤလီၤ.အဂ့ၢ်ဒ်အံၤ,တချုးတၢ် လဲက့ၤအီၤဒီး, တၢ်အုၣ်အသးလၢယွၤဘၣ်အသးလၢ အီၤလီၤ.
6 မ့မ့ၢ်တၢ်နာ်တအိၣ်ဘၣ်ဒီး,တၢ်ဘၣ်အသးတ သ့ဘၣ်. အဂ့ၢ်ဒ်အံၤ, ပှၤလၢအဟဲဃီၤဆူယွၤအအိၣ်, ဘၣ်နာ်လၢအအိၣ်, ဒီးလၢအမ့ၢ်ပှၤဟ့ၣ်လီၤတၢ်ဘျုး လၢပှၤလၢအဃုအီၤတဖၣ်န့ၣ်လီၤ.
7 လၢတၢ်နာ်, စီၤနိအၤဘၣ်တၢ်သိၣ်အီၤလၢတၢ်တအိၣ် ဖျါထီၣ်ဒံးဘၣ်အဂ့ၢ်အကျိၤ, ဒီးအိၣ်ဒီးတၢ်ပျံၤဘၣ်ဃး ဒီးယွၤဒီး, တ့ကဘီလၢတၢ်အုၣ်က့ၤခီၣ်က့ၤအဟံၣ်ဖိအ ဂီၢ်လီၤ. အဝဲန့ၣ်အဃိဒီး,မ့ၢ်အစံၣ်ညီၣ်ဃၣ်ဟီၣ်ခိၣ်,ဒီး ကဲထီၣ်ပှၤန့ၢ်ဘၣ်သါ တၢ်တီတၢ်လိၤဘၣ်ဃးဒီးတၢ်နာ် န့ၣ်လီၤ.
8 လၢတၢ်နာ်စီၤအၤဘြၤဟၣ် တုၤအဘၣ်တၢ်ကိးအီၤ ဒီး,ဒိကနၣ်ဝဲဒ်သိးအကဟးထီၣ်ဆူအလီၢ်လၢအကန့ၢ် ဘၣ်သါ, ဒီးလဲၤဆူလဲၣ်ဆူလဲၣ်န့ၣ်တသ့ၣ်ညါဘၣ်နာ် သက့ဒီး,ဟးထီၣ်ကွံာ်ဝဲလီၤ.
9 လၢတၢ်နာ်န့ၣ်,အိၣ်ဝဲဆိး ဝဲလၢကီၢ်ဘၣ်ဃးဒီးတၢ်စံးပာ်,ဒ်တခီဘီမုၢ်ဖိအသိး, ဒီး အိၣ်ဝဲဆိးဝဲလၢဒဲပူၤဒီးစီၤအံၤစဲးဒီးစီၤယၤကိာ်, ပှၤလၢအ ကန့ၢ်ဃုာ်တၢ်ဟ့ၣ်သါဒီးအီၤ, လၢတၢ်စံးပာ်တမံၤဃီ လီၤ.
10 အဂ့ၢ်ဒ်အံၤ,ကွၢ်လၢ်ဝ့ၢ်တဖျၢၣ်လၢအအိၣ်ဒီးအ ခီၣ်ထံးတဖၣ်,လၢပှၤသူၣ်အီၤဒီးတ့အီၤတဂၤန့ၣ်,မ့ၢ်ယွၤ လီၤ.
11 လၢတၢ်နာ်, နီၢ်စၤရါအကစၢ်ဒၣ်ဝဲ,ဒိးန့ၢ်အဂံၢ်အဘါ လၢအကဒၢထီၣ်အချံအသၣ်, လၢအဟုးတုၢ်အလီၢ်ခံ လီၤ.အဂ့ၢ်ဒ်အံၤ, ပာ်ပှၤလၢအစံးပာ်တၢ်တဂၤလၢအက လုၢ်တီလီၤ.
12 မၤသးဒ်န့ၣ်ဒီး,ပှၤအါဝဲဂီၢ်ဝဲဒ်မူခိၣ်အဆၣ် ဧိၤဖီဧိၤအသိး, ဒီးဒ်မဲးလၢပီၣ်လဲၣ်နံၤ, လၢတၢ်ဂံၢ်တ လၢာ်ဘၣ်အသိးန့ၣ်, အိၣ်ဖျဲၣ်ဝဲလၢပှၤတဂၤ,ဒီးအဝဲဒၣ် န့ၣ်မၤသးဒ်ပှၤသံတ့ၢ်အသိးန့ၣ်လီၤ.
13 အဝဲသ့ၣ်ခဲလၢာ်န့ၣ်, တန့ၢ်ဘၣ်တၢ်စံးပာ်ဘၣ်,ဒီးသံ ဝဲလၢတၢ်နာ်အပူၤလီၤ. မ့ၢ်အထံၣ်သကွ့ၤတၢ်တဖၣ်န့ၣ်, ဒီးဖိးဝဲ,ဒီးအၢၣ်လီၤလၢအမ့ၢ်ပှၤတမှံၤ, ဒီးပှၤတခီဘီမုၢ် ဖိလၢဟီၣ်ခိၣ်ချၢလီၤ.
14 အဂ့ၢ်ဒ်အံၤ,ပှၤလၢအစံးတၢ်ဒ် န့ၣ်သိးတဖၣ်န့ၣ်, လီၣ်ဖျါထီၣ်ဝဲလၢအဃုအထံအကီၢ် လီၤ.
15 ဒီးမ့ၢ်သ့ၣ်နီၣ်ထီၣ်က့ၤအထံအကီၢ်လၢအဟး ထီၣ်ကွံာ်လၢအပူၤဒီး,အကတီၢ်လၢအကက့ၤက့ၤအဂီၢ် န့ၣ်,အိၣ်ဝဲသ့လီၤ.
16 မ့မ့ၢ်ခဲကနံၣ်အံၤ,ဆၢန့ၢ်တၢ်လၢအ ဂ့ၤန့ၢ်အန့ၣ်တက့ၢ်, ဒ်ပစံးတၢ်အသိး,တၢ်ဘၣ်ဃးဒီးမူ ခိၣ်လီၤ.မၤသးဒ်န့ၣ်ဒီး, ပှၤကိးယွၤလၢအဝဲသ့ၣ်အကစၢ် န့ၣ်,ယွၤအမဲာ်တဆှးဘၣ်. အဂ့ၢ်ဒ်အံၤ, ကတဲာ်ကတီၤ တ့ၢ်ဝ့ၢ်တဖျၢၣ်လၢအဂီၢ်လီၤ.
17 လၢတၢ်နာ်, စီၤအၤဘြၤဟၣ်ဘၣ်တၢ်မၤကွၢ်အီၤဒီး, ပာ်ထီၣ်စီၤအံၤစဲးလီၤ. ဒီးပှၤလၢအန့ၢ်ဘၣ်တၢ်စံးပာ်တ ဖၣ်န့ၣ်,ပာ်ထီၣ်အဖိခွါတဂၤဃီလီၤ.
18 တၢ်စံးလၢအဂ့ၢ် န့ၣ်,နချံနသၣ်ကဘၣ်ကိးအီၤလၢစီၤအံၤစဲးအပူၤလီၤ.-
19 ဒီးဆိကမိၣ်လၢ ယွၤဒုးဂဲၤဆၢထၢၣ်က့ၤအီၤလၢတၢ်သံ အပူၤသ့သတးဒီး,လၢအဝဲန့ၣ်အပူၤန့ၢ်ဘၣ်က့ၤအီၤ,လၢ တၢ်အဒိအတဲာ်လီၤ.
20 လၢတၢ်နာ်, စီၤအံၤစဲးဆိၣ်ဂ့ၤစီၤယၤကိာ်ဒီးစီၤဧ့ၡီၤ, လၢတၢ်ကမၤအသးဆူညါအဂ့ၢ်အကျိၤလီၤ.
21 လၢတၢ်နာ်, စီၤယၤကိာ်ကသံတ့ၢ်ဒီး,ဆိၣ်ဂ့ၤစီၤယိၤ သးအဖိခွါခံဂၤလိာ်,ဒီးဘါတၢ်,Ref ဒီးသန့ၤအသးလၢအ နီၣ်ထိးဘိအခိၣ်လီၤ.
22 လၢတၢ်နာ်, စီၤယိၤသးကသံတ့ၢ်ဒီး, ကတိၤဝဲလၢ အံၣ်စရ့လးအဖိခွါတဖၣ်အတၢ်ဟးထီၣ်ကွံာ်အဂ့ၢ်, ဒီး မၤလိာ်တၢ်လၢအဃံအဂ့ၢ်အကျိၤလီၤ.
23 လၢတၢ်နာ်,စီၤမိၤရှ့အိၣ်ဖျဲၣ်ဒီး, အမိၢ်အပၢ်ပာ်ခူသူၣ် အီၤသၢလါလီၤ.အဂ့ၢ်ဒ်အံၤ, ထံၣ်ဝဲလၢဖိသၣ်အက့ၢ်အ ဂီၤဂ့ၤ,ဒီးတပျံၤဘၣ်စီၤပၤအတၢ်မၤလိာ်ဘၣ်.
24 လၢတၢ်နာ်,စီၤမိၤရှ့ဒိၣ်ထီၣ်ဒီး, တအၢၣ်လီၤအီလီၤ ဘၣ်လၢပှၤကကိးအီၤလၢ စီၤပၤဖၤရိၤအဖိမုၣ်န့ၣ်အဖိခွါ ဘၣ်.
25 ဘၣ်နးဘၣ်ဖှီၣ်ဃုာ်ဒီးယွၤအပှၤဂီၢ်မုၢ်န့ၣ်,ဘၣ် အသးဒိၣ်န့ၢ်အမုာ်လၤတၢ်လၢတၢ်ဒဲးဘးအတၢ်မုာ်တၢ် လၤအပူၤတစိၢ်တလီၢ်န့ၣ်တက့ၢ်လီၤ.
26 ဆိကမိၣ်ဝဲလၢ ခရံာ်အတၢ်ဒုၣ်ဒွဲၣ်, မ့ၢ်တၢ်အထူးအတီၤဒိၣ်န့ၢ်အဲၤကူပ တူးအတၢ်လုၢ်ဒိၣ်ပှ့ၤဒိၣ်တက့ၢ်လီၤ.အဂ့ၢ်ဒ်အံၤ,ကွၢ်ဃီၤ ဝဲဆူတၢ်အဘူးအလဲလီၤ.
27 လၢတၢ်နာ်, တပျံၤဘၣ်စီၤပၤအသးဒိၣ်ထီၣ်ဘၣ်,ဒီး ဟးထီၣ်ကွံာ်လၢအဲၤကူပတူးအပူၤလီၤ. အဂ့ၢ်ဒ်အံၤ, သူၣ်ဂၢၢ်သးကျၢၤ ဒ်အထံၣ်ပှၤလၢအတအိၣ်ဖျါဘၣ်တ ဂၤအသိးလီၤ.
28 လၢတၢ်နာ်, မၤဘူၣ်လဲၤကပာ်, ဒီးတၢ်ဂၢ်လီၤတၢ် သွံၣ်,ဒ်သိးပှၤလၢအမၤဟးဂီၤကွံာ်ဖိဝဲၢ်ကိန့ၣ်, အသုတ ထိးဘၣ်အီၤတဂ့ၤလီၤ.
29 လၢတၢ်နာ်ခီဂာ်ပီၣ်လဲၣ်ဂီၤဒ်လၢခိအသိး, ဒီးပှၤအဲၤ ကူပတူးဖိန့ၣ်ဂုာ်မၤဝဲဒ်န့ၣ်ဒီး, လီၤအုးသံကွံာ်ဝဲလီၤ.
30 လၢတၢ်နာ်, ပှၤလဲၤတရံးယရံၤဃိအဝ့ၢ်ခိၣ်ဒူနွံနံၤဒီး, လီၤပှီၢ်ကွံာ်လီၤ.
31 လၢတၢ်နာ်, ပှၤဃဲသဲမုၣ်နီၢ်ရၤဃးတဂၤတူၢ်လိာ်ပှၤ ကွၢ်ဟုၣ်တၢ်လၢတၢ်ဃူတၢ်ဖိးသတးဒီး, တဟးဂီၤဃုာ် ဒီးပှၤတစူၢ်တနာ်ဘၣ်န့ၣ်ဘၣ်.
32 ဒီးမ့ၢ်ယကစံးဒံးလၢမနုၤတမံၤလဲၣ်. အဂ့ၢ်ဒ်အံၤ,ယ မ့ၢ်စံၣ်တဲၤတဲလီၤတၢ်ဘၣ်ဃးဒီးစီၤကံးဒဧိၣ်, ဒီးစီၤဘါ ရး,ဒီးစီၤၡံၡိၣ်,ဒီးစီၤယံးဖသၤ,ဒီးစီၤဒၤဝံး, ဒီးစီၤၡမူၤအ့ လး,ဒီးဝံသ့ၣ်တဖၣ်အဂ့ၢ်အကျိၤဒီး, အဆၢအကတီၢ်တ လၢတပှဲၤဘၣ်လီၤ.
33 အဝဲသ့ၣ်တဖၣ်လၢတၢ်နာ်အဃိ န့ၣ်,မၤနၢၤတၢ်အဘီအမုၢ်, မၤတၢ်တီတၢ်လိၤ,ဒိးန့ၢ်တၢ် စံးပာ်,ပအၢဃာ်ခ့ယုၢ်အထးခိၣ်,
34 မၤလီၤပံာ်မ့ၣ်အူအစိ အကမီၤ, ပူၤဖျဲးကွံာ်နးအကနၣ်,လၢတၢ်ဂံၢ်စၢ်ဘါစၢ်အ ပူၤ,တၢ်ဒုးအိၣ်ထီၣ်အဂံၢ်အဘါ, လၢတၢ်ဒုးတၢ်ယၤအ ပူၤကဲထီၣ်ပှၤခူ, မၤဃၣ်ကွံာ်ပှၤတခီဘီမုၢ်ဖိ အသုးမုၢ် သံၣ်ဘိန့ၣ်လီၤ.
35 ပိာ်မုၣ်တဖၣ်ဒိးန့ၢ်က့ၤ အပှၤသံလၢ တၢ်ဒုးဂဲၤဆၢ ထၢၣ်က့ၤအီၤလီၤ. ဒီးအဂၤတနီၤ, ဘၣ်တၢ်မၤအၢမၤနး အီၤဒီးတတူၢ်လိာ်ဘၣ်တၢ်ထူၣ်ဖျဲးဘၣ်, ဒ်သိးအကန့ၢ် ဘၣ်တၢ်ဂဲၤဆၢထၢၣ်က့ၤလၢအဂ့ၤတက့ၢ်လီၤ.
36 ဒီးအဂၤတနီၤဘၣ်တၢ်မၤကွၢ်အီၤလၢတၢ်ဒုၣ်ဒွဲၣ်, ဒီး တၢ်တီၢ်တၢ်ဝ့ၤ,ဒီးလၢန့ၣ်အမဲာ်ညါလၢတၢ်စၢဃာ်, ဒီး တၢ်လီၤဘၣ်လၢဃိာ်ပူၤလီၤ.
37 တၢ်ကွံာ်အီၤလၢလၢၢ်, တၢ်ပူာ်တဲာ်အီၤ, တၢ်လ့ပစီအီၤ, တၢ်မၤသံအီၤလၢနး, ဟးဝ့ၤဝီၤကူသိးလၢသိအဖံး,ဒီးမဲာ်တဲးလဲးအဖံး,ဒီးဘၣ် ဖှီၣ်ဘၣ်ယာ်,ဘၣ်နးဘၣ်ဖှီၣ်,ဘၣ်တၢ်မၤအၢမၤနးအီၤ,-
38 (ဟီၣ်ခိၣ်တဂ့ၤဘၣ်ဒီးအီၤဘၣ်), ဟးဝ့ၤဝီၤလၢပှၢ်မုၢ်က နၢဒီးလၢအကစၢၢ်ကလိအကျါ,ဒီးလၢလၢၢ်အအိပူၤ,ဒီး လၢဟီၣ်ခိၣ်အအိပူၤလီၤ.
39 အဝဲသ့ၣ်ခဲလၢာ်န့ၣ်ဘၣ်တၢ်အုၣ်အသးလၢအဂီၢ်လၢ တၢ်နာ်အဃိဘၣ်ဆၣ်ဒီး, တန့ၢ်ဘၣ်တၢ်စံးပာ်တဖၣ် ဘၣ်.
40 ယွၤပာ်တ့ၢ်တၢ်ဂ့ၤန့ၢ်အန့ၣ်တက့ၢ်လၢပဂီၢ်,ဒ် သိးပဝဲဒၣ်တအိၣ်ဘၣ်ဒီး, အဝဲသ့ၣ်အသုတလၢထီၣ်ပှဲၤ ထီၣ်တဂ့ၤလီၤ.