41
1 ဒီးတၢ်မၤအသးလၢခံနံၣ်အမုၢ်နံၤတဖၣ် အကတၢၢ် န့ၣ်, ဖၤရိၤမံမီၢ်တၢ်, ဒီးကွၢ်ကွၢ်, ဆၢထၢၣ်ဝဲလၢထံ မိၢ်ပှၢ်အနံၤလီၤ.
2 ဒီးကွၢ်ကွၢ်, ဂီၤဖံးမိၢ်လၢပကွၢ်ဂ့ၤ, လၢအဖံးအညၣ်ဘီၣ်နွံဒုဟဲထီၣ်လၢထံမိၢ်ပှၢ်အပူၤ, ဒီး အီၣ်အဆၣ်လၢဆှဲကျါလီၤ.
3 ဒီးကွၢ်ကွၢ်, ဂီၤဖံးမိၢ်လၢ ပကွၢ်အၢ, ဒီးအဖံးအညၣ်ဃဲၤအဂၤနွံဒုဟဲထီၣ်လၢထံ မိၢ်ပှၢ်အပူၤ, ဒီးဆၢထၢၣ်လၢဂီၤဖံးမိၢ်အဝဲတဖၣ်န့ၣ်အ ဃၢၤလၢထံနံၤလီၤ.
4 ဒီးဂီၤဖံးမိၢ်လၢပကွၢ်အၢ, ဒီးအ ဖံးအညၣ်ဃဲၤတဖၣ်န့ၣ်အီၣ်ကွံာ် ဂီၤဖံးလၢပကွၢ်ဂ့ၤလၢ အဖံးအညၣ်ဘီၣ်တဖၣ်န့ၣ်လီၤ. ဒီးဖၤရိၤဖုသံနီၣ်ထီၣ် လီၤ.
5 ဒီးမံသပ့ၤဝဲ, ဒီးမံမီၢ်ကဒီးခံဘျီတဘျီ, ဒီးကွၢ်ကွၢ် ဘုအစဲၤနွံစဲၤမဲထီၣ်ဝဲလၢထံးတဘိဃီ, ဒီးအဖျၢၣ်ကၢ ဒီးဂ့ၤလီၤ.
6 ဒီးကွၢ်ကွၢ်, ဘုအစဲၤနွံစဲၤလၢအဖျၢၣ်သွံး ဒီးဃ့ထီၣ်ကွံာ်လၢကလံၤမုၢ်ထီၣ်န့ၣ်, မဲထီၣ်ဝဲလၢအ ဝဲသ့ၣ်တဖၣ်အလီၢ်ခံန့ၣ်လီၤ.
7 ဒီးဘုစဲၤလၢအဖျၢၣ် သွံးနွံစဲၤယူၢ်လီၤကွံာ်ဘုစဲၤလၢအဖျၢၣ်ကၢဒီးဂ့ၤနွံစဲၤန့ၣ် လီၤ.ဒီးဖၤရိၤဖုသံနီၣ်ထီၣ်,ဒီးကွၢ်ကွၢ်,မ့ၢ်တၢ်မံမီၢ်လီၤ.
8 ဒီးမုၢ်ဆ့ၣ်ထီၣ်န့ၣ်တၢ်မၤအသးလၢ အသူၣ်ကိၢ်အ သးဂီၤ, ဒီးမၢလီၤပှၤလဲၤကိးန့ၢ်ကယဲၢ်အဲၤကူပတူးအ ပှၤကွဲးလံာ်, ဒီးအပှၤကူၣ်တၢ်သ့ခဲလၢာ်, ဒီးဖၤရိၤဃဲၤ ဘၣ်အီၤလၢအတၢ်မံမီၢ်တဖၣ်လီၤ. ဒီးပှၤဖးန့ၢ်တၢ်လၢ ဖၤရိၤတအိၣ်ဘၣ်နီတဂၤဘၣ်.
9 ဒီးပှၤကွၢ်တၢ်အီတဖၣ်အဒိၣ်တဂၤန့ၣ် ကတိၤထီၣ် တၢ်ဒီးဖၤရိၤဒီးစံးဝဲဒၣ်, တၢ်လၢမုၢ်မဆါတနံၤအံၤယ သ့ၣ်နီၣ်ထီၣ်က့ၤယတၢ်ဒဲးဘးလီၤ.
10 ဖၤရိၤသးထီၣ်အ ကုၢ်အပှၤ, ဒီးဟ့ၣ်တၢ်ပၢၤယၤလၢပှၤမၤသံတၢ်တဖၣ် အဒိၣ်အဟံၣ်ပူၤ, ယၤဒီးပှၤကုၢ်ကိၣ်တဖၣ်အဒိၣ်လီၤ.-
11 ဒီးပမံမီၢ်တၢ်မံမီၢ်လၢမုၢ်တနၤဃီ, ယၤဒီးအဝဲဒၣ်, တ ဂၤဒ်အတၢ်မံမီၢ်ဖးဝဲအသိး, တဂၤဒ်အတၢ်မံမီၢ်ဖးဝဲအ သိးန့ၣ်, ပမံမီၢ်တၢ်လီၤ.
12 ဒီးပှၤမၤသံတၢ်တဖၣ်အဒိၣ် တဂၤအကုၢ်အပှၤဖိၣ်သၣ်ခွါ, ပှၤဧ့ၤဘြံၤဖိတဂၤအိၣ်ဝဲ ဒီးပှၤဖဲန့ၣ်, ဒီးပဃဲၤဘၣ်အီၤ, ဒီးအဝဲဒၣ်န့ၣ်ဖးန့ၢ်ပှၤ လၢပတၢ်မံမီၢ်, တဂၤဒ်အတၢ်မံမီၢ်အသိး, တဂၤဒ်အ တၢ်မံမီၢ်အသိးန့ၣ်ဖးဝဲလီၤ.
13 ဒီးဒ်အဖးန့ၢ်ပှၤအသိးန့ၣ် တၢ်မၤအသးလီၤ. တၢ်လၢယၤအံၤပာ်က့ၤဝဲလၢယလီၢ် လီၤ. မ့မ့ၢ်အဝဲတဂၤန့ၣ်ဘျးထီၣ်ဝဲလီၤ.
14 ဒီးဖၤရိၤမၢလီၤပှၤကိးန့ၢ်စီၤယိၤသး, ဒီးဒုးဟဲက့ၤထီၣ် အီၤလၢဃိာ်ပူၤချ့ချ့, ဒီးလူၤအခၣ်ဆူၣ်, ဒီးကလံၤအ သး, ဒီးဟဲဝဲဆူဖၤရိၤအအိၣ်လီၤ.
15 ဒီးဖၤရိၤစံးဘၣ်စီၤယိၤသးန့ၣ်, ယမံမီၢ်တၢ်မံမီၢ်, ဒီး ပှၤဖးဝဲတအိၣ်ဘၣ်နီတဂၤဘၣ်ဒီးယနၢ်ဟူပှၤစံး, တုၤ နနၢ်ဟူတၢ်မံမီၢ်ဒီး, နဖးအီၤသ့လီၤ.
16 ဒီးစီၤယိၤသးစံးဆၢဖၤရိၤဒီးစံးဝဲဒၣ်, တအိၣ်ဘၣ်ဒီး ယၤဘၣ်, ယွၤကစံးဆၢဖၤရိၤမုာ်မုာ်လီၤ.
17 ဒီးဖၤရိၤစံးဘၣ်စီၤယိၤသးန့ၣ်, လၢယမံမီၢ်တၢ်န့ၣ် ကွၢ်ကွၢ်, ယဆၢထၢၣ်လၢထံမိၢ်ပှၢ်အနံၤ,
18 ဒီးကွၢ်ကွၢ်, ဂီၤဖံးမိၢ်လၢအဖံးအညၣ်ဘီၣ်, ဒီးပကွၢ်ဂ့ၤနွံဒုဟဲထီၣ်, လၢထံမိၢ်ပှၢ်အပူၤ, ဒီးအီၣ်အဆၣ်လၢဆှဲကျါလီၤ.
19 ဒီး ကွၢ်ကွၢ်, ဂီၤဖံးမိၢ်အဂၤနွံဒုလၢအဘၣ်ဖှီၣ်ဘၣ်ယာ်လၢ ပကွၢ်အၢနးမး, ဒီးအဖံးအညၣ်ဃဲၤ, ဒ်အဝဲသ့ၣ်အၢဝဲ အသိးန့ၣ်ယတထံၣ်ဘၣ်လၢ အဲၤကူပတူးနီတပူၤနီတ ဘျီဘၣ်.
20 ဒီးဂီၤဖံးအဃဲၤဒီးအအၢတဖၣ်န့ၣ်အီၣ်ထီၣ် ကွံာ်ဂီၤဖံးအဘီၣ်လၢအအိၣ်ထီၣ်ဆိနွံဒုန့ၣ်လီၤ.
21 ဒီးနုာ် ဝဲလၢအပူၤဝံၤဒီး, ပှၤတသ့ၣ်ညါဘၣ်လၢအနုာ်လၢအ ပူၤဘၣ်. ပကွၢ်အီၤအၢဒ်လၢအခီၣ်ထံးအသိးလီၤ. ဒီး ယဖုသံနီၣ်ထီၣ်လီၤ.
22 ဒီးယထံၣ်တၢ်လၢယမံမီၢ်တၢ်အပူၤ, ဒီးကွၢ်ကွၢ်,ဘုစဲၤနွံစဲၤမဲထီၣ်ဝဲလၢထံးတဘိဃီ, အဖျၢၣ်ပှဲၤဒီးဂ့ၤလီၤ.-
23 ဒီးကွၢ်ကွၢ်, ဘုအဂၤနွံစဲၤလၢအဖျၢၣ်သွံးဒီးဃ့ထီၣ်လၢ ကလံၤမုၢ်ထီၣ်န့ၣ်မဲထီၣ်ဝဲလၢ အဝဲသ့ၣ်တဖၣ်အလီၢ်ခံ န့ၣ်လီၤ.
24 ဒီးဘုစဲၤလၢအဖျၢၣ်သွံးန့ၣ်ယူၢ်လီၤကွံာ်ဘု စဲၤလၢအဖျၢၣ်ဂ့ၤနွံစဲၤလီၤ. ဒီးယဃဲၤဘၣ်ပှၤကွဲးလံာ်တ ဖၣ်, ဒီးပှၤဒုးနဲၣ်တၢ်လၢယၤတအိၣ်ဘၣ်နီတဂၤဘၣ်.
25 ဒီးစီၤယိၤသးစံးဘၣ်ဖၤရိၤ, ဖၤရိၤအတၢ်မံမီၢ်န့ၣ် မ့ၢ် တၢ်တမံၤဃီလီၤ. တၢ်လၢယွၤကမၤတ့ၢ်န့ၣ် ဒုးနဲၣ်ဝဲ လၢဖၤရိၤလီၤ.
26 ဂီၤဖံးမိၢ်ဂ့ၤနွံဒုန့ၣ်မ့ၢ်နွံနံၣ်လီၤ. ဒီးဘု စဲၤဂ့ၤနွံစဲၤန့ၣ်မ့ၢ်နွံနံၣ်လီၤ. တၢ်မံမီၢ်န့ၣ်မ့ၢ်တၢ်တမံၤဃီ လီၤ.
27 ဂီၤဖံးမိၢ်အဃဲၤဒီးပကွၢ်အအၢလၢအဟဲထီၣ်လၢ အလီၢ်ခံနွံဒုန့ၣ်မ့ၢ်နွံနံၣ်လီၤ. ဒီးဘုစဲၤလၢအဖျၢၣ်သွံးဒီး ဃ့ထီၣ်လၢကလံၤမုၢ်ထီၣ်နွံစဲၤန့ၣ်, မ့ၢ်နွံနံၣ်အိၣ်ဒီးတၢ် သၣ်ဝံၤလီၤဒိလီၤ.
28 အအံၤမ့ၢ်တၢ်ကတိၤလၢ ယစံးဘၣ်တဲဘၣ်တ့ၢ်ဖၤရိၤ လီၤ. တၢ်လၢယွၤကမၤတ့ၢ်န့ၣ်ဒုးထံၣ်ဘၣ်ဝဲလၢဖၤရိၤ လီၤ.
29 ကွၢ်ကွၢ်, နွံနံၣ်ကဟဲအိၣ်ဒီးတၢ်လၢတၢ်ပှဲၤဖးဒိၣ်လၢ ကီၢ်အဲၤကူပတူးဒီဘ့ၣ်ညါအပူၤလီၤ.
30 ဒီးနွံနံၣ်အိၣ်ဒီး တၢ်သၣ်ဝံၤလီၤဒိကအိၣ်ထီၣ်လၢအလီၢ်ခံန့ၣ်, ဒီးပှၤက သးပ့ၤနီၣ်တၢ်လၢတၢ်ပှဲၤလၢ ကီၢ်အဲၤကူပတူးအပူၤန့ၣ်, ဒီးတၢ်သၣ်ဝံၤလီၤဒိကမၤလၢာ်ကွံာ် ထံဧိၤကီၢ်ဧိၤန့ၣ် လီၤ.
31 ဒီးပှၤတသ့ၣ်ညါလၢၤဘၣ် တၢ်လၢတၢ်ပှဲၤလၢ ကီၢ်ပူၤလၢတၢ်သၣ်ဝံၤလီၤဒိအိၣ်လၢ အလီၢ်ခံအဃိန့ၣ် လီၤ. အဂ့ၢ်ဒ်အံၤ, အဝဲန့ၣ်ကအိၣ်နးမးလီၤ.
32 - ဒီးတၢ် မံမီၢ်အိၣ်ဒီးဖၤရိၤခံမံၤခံဘျီ, အဂ့ၢ်ဒ်အံၤ, မ့ၢ်ယွၤကတဲာ် ကတီၤတၢ်တမံၤန့ၣ် ဂၢၢ်ဂၢၢ်ကျၢၤကျၢၤအဂ့ၢ်လီၤ. ဒီး ယွၤကဒုးကဲထီၣ်တၢ်န့ၣ်ချ့သဒံးလီၤ.
33 ဒီးခဲကနံၣ်အံၤ မ်ဖၤရိၤကွၢ်ဃုပှၤအသူၣ်ဖးအသးဖး, ဒီးကူၣ်တၢ်သ့ကူၣ်တၢ်ဘၣ်တဂၤ, ဒီးပာ်အီၤလၢကီၢ် အဲၤကူပတူးအဖီခိၣ်န့ၣ်တက့ၢ်.
34 မ်ဖၤရိၤမၤဝဲ, ဒီးပာ် ပှၤအံးက့ၤကွၢ်က့ၤတၢ်တဖၣ် လၢထံဧိၤကီၢ်ဧိၤအဖီခိၣ်, ဒီးတၢ်လၢတၢ်ပှဲၤအနွံနံၣ်န့ၣ် ဟံးန့ၢ်ကီၢ်အဲၤကူပတူး ယဲၢ်ပူတပူတက့ၢ်.
35 ဒီးမ်ပှၤထၢဖှိၣ်တၢ်အီၣ်တၢ်အီလၢ အနံၣ်အဂ့ၤလၢအကဟဲဝဲခဲလၢာ်, ဒီးပာ်ဖှိၣ်ဘုဧိၤဟုဧိၤ လၢဖၤရိၤအစုဖီလာ်, ဒီးပၢၤတၢ်အီၣ်တၢ်အီလၢဝ့ၢ်တ ဖၣ်အပူၤန့ၣ်တက့ၢ်.
36 ဒီးတၢ်အီၣ်တၢ်အီန့ၣ်ကအိၣ်ပာ် စၢၤလၢကီၢ်အဂီၢ်လၢ တၢ်သၣ်ဝံၤလီၤဒိအနွံနံၣ်လၢအ ကအိၣ်ထီၣ်လၢကီၢ်အဲၤကူပတူးအဃိန့ၣ်, ဒ်သိးထံဧိၤ ကီၢ်ဧိၤအသုတဟးဂီၤလၢတၢ်သၣ်ဝံၤလီၤဒိအဃိန့ၣ်တ ဂ့ၤလီၤ.
37 ဒီးတၢ်တမံၤန့ၣ်ဂ့ၤဝဲလၢဖၤရိၤအမဲာ်, ဒီးလၢအခ့အ ပှၤအမဲာ်ခဲလၢာ်လီၤ.
38 ဒီးဖၤရိၤစံးဘၣ်အခ့အပှၤန့ၣ်, ပထံၣ်န့ၢ်ပှၤဒ်အံၤသိး, ပှၤလၢပကစၢ်အသးအိၣ်လၢအ ပူၤကသ့စ့ၢ်ကီးဧါ.
39 ဒီးဖၤရိၤစံးဘၣ်စီၤယိၤသး, မ့ၢ်ပကစၢ်ဘိးဘၣ်သ့ၣ် ညါနၤလၢတၢ်တဖၣ်န့ၣ်ခဲလၢာ်ဒီး, ပှၤအသူၣ်ဖးအသး ဖး, ဒီးကူၣ်တၢ်သ့ကူၣ်တၢ်ဘၣ်ထဲသိးဒီးနၤအံၤတအိၣ် ဘၣ်နီတဂၤဘၣ်.
40 နကအိၣ်လၢယဟံၣ်အဖီခိၣ်, ဒီး ဖဲတၢ်ထီၣ်ဖျဲးလၢနထးခိၣ်န့ၣ် ယပှၤဂီၢ်မုၢ်ဘၣ်ဒိကနၣ် ခဲလၢာ်လီၤ. ထဲလၢယလီၢ်ပစိာ်အဖီခိၣ်န့ၣ် ယကဒိၣ် န့ၢ်နၤလီၤ.
41 ဒီးဖၤရိၤစံးဘၣ်စီၤယိၤသး, ကွၢ်, ယပာ် လံနၤလၢကီၢ်အဲၤကူပတူးဒီဘ့ၣ်ညါအဖီခိၣ်လံ.
42 ဒီးဖၤရိၤဘ့ၣ်ကွံာ်အပသံးတဘိလၢအစု, ဒီးဖျီၣ်ထီၣ် လၢစီၤယိၤသးအစု, ဒီးဒုးသိးဝဲဒီးအဆ့ဖှီဝါကဆှၣ်ဒၣ်, ဒီးဒုးလံာ်ဝဲဒီးသွဲထူတဝီလၢအကိာ်လိၤန့ၣ်လီၤ.
43 ဒီးဒုး ဒိးလ့ၣ်ကဟၣ်ခံဖျၢၣ်တဖျၢၣ်လၢအအိၣ်ဒီးအီၤ, ဒီးပှၤ ကိးဝဲလၢအမဲာ်ညါ, ချံးခီၣ်တက့ၢ်. ဒီးပာ်အီၤလၢကီၢ် အဲၤကူပတူးဒီဘ့ၣ်ညါအဖီခိၣ်လီၤ.
44 ဒီးဖၤရိၤစံးဘၣ်စီၤယိၤသး, ယမ့ၢ်ဖၤရိၤလီၤ. ဒီးနၤ တအိၣ်ဘၣ်ဒီး, ပှၤတယူာ်ထီၣ်ဘၣ်အစုအခီၣ်လၢကီၢ် အဲၤကူပတူးဒီဘ့ၣ်ညါနီတဂၤဘၣ်.
45 ဒီးဖၤရိၤကိးက့ၤစီၤယိၤသးအမံၤလၢ စီၤစးဖနးသဖၤ န့ၤ, ဒီးဟ့ၣ်အမါလၢဝ့ၢ်အိၣ် အပှၤလုၢ်တၢ်အဒိၣ်စီၤပိၤ တံၤဖ့ရၤအဖိမုၣ်နီၢ်အၤစနးလီၤ. ဒီးစီၤယိၤသးလဲၤတၢ် သကုၤကီၢ်အဲၤကူပတူးလီၤ.
46 ဒီးလၢစီၤယိၤသးဆၢထၢၣ်လၢ အဲၤကူပတူးအစီၤပၤ ဖၤရိၤအမဲာ်ညါန့ၣ်, အသးပှၢ်အနံၣ်သၢဆံ, ဒီးစီၤယိၤ သးဟးထီၣ်လၢဖၤရိၤအမဲာ်ညါ, ဒီးလဲၤတၢ်လၢကီၢ်အဲၤ ကူပတူးဒီဘ့ၣ်ညါအပူၤလီၤ.
47 ဒီးတၢ်လၢတၢ်ပှဲၤအနွံနံၣ်န့ၣ် ဟီၣ်ခိၣ်ဒုးမဲထီၣ်တၢ် ဒီးဘုကဒိၣ်တဖၣ်လီၤ.
48 ဒီးနွံနံၣ်န့ၣ်ထၢဖှိၣ်ဝဲလၢတၢ် အီၣ်တၢ်အီလၢအအိၣ်လၢကီၢ်အဲၤကူပတူးအပူၤခဲလၢာ်, ဒီးပာ်ဖှိၣ်ဝဲလၢဝ့ၢ်တဖၣ်အပူၤလီၤ. တၢ်အီၣ်တၢ်အီလၢ အအိၣ်လၢခိဝးတရံးဝ့ၢ်တဖျၢၣ်ဖျၢၣ်န့ၣ် ပာ်ဝဲလၢအပူၤ န့ၣ်လီၤ.
49 ဒီးစီၤယိၤသးဂၢ်ဖှိၣ် ဘုဧိၤဟုဧိၤဒ်မဲးလၢပီၣ် လဲၣ်နံၤအသိးအါအါကလဲာ်, တုၤအဂံၢ်တၢ်န့ၣ်ဆိတ့ၢ် ဝဲလီၤ. အဂ့ၢ်ဒ်အံၤ, ဂံၢ်ဝဲတသ့ဘၣ်.
50 ဒီးတၢ်သၣ်ဝံၤလီၤဒိအနံၣ်တဖၣ် တချုးဘၣ်ဒံးဘၣ် ဒီးအဖိခွါခံဂၤအိၣ်ဖျဲၣ်လၢစီၤယိၤသးအဂီၢ်, လၢဝ့ၢ်အိၣ် အပှၤလုၢ်တၢ်အဒိၣ် စီၤပိၤတံၤဖ့ရၤအဖိမုၣ် နီၢ်အၤစနး န့ၣ်ဆံးစၢ်န့ၢ်လၢအဂီၢ်လီၤ.
51 ဒီးစီၤယိၤသးယုၢ်ဝဲအဖိဝဲၢ်ကိအမံၤလၢ မနၤရှ့ၤလီၤ. အဂ့ၢ်ဒ်အံၤ, ယွၤဒုးသးပ့ၤနီၣ်ယၤလၢယတၢ်ကိၢ်တၢ်ဂီၤ ခဲလၢာ်ဒီးယပၢ်အပှၤဟံၣ်ဖိခဲလၢာ်လီၤ.
52 ဒီးအဖိခွါခံဂၤတဂၤန့ၣ်ယုၢ်ဝဲအမံၤလၢ အ့ဖရဲၣ်လီၤ. အဂ့ၢ်ဒ်အံၤ, ယွၤဒုးသၣ်ထီၣ်ယၤလၢယတၢ်နးတၢ်ဖှီၣ် အကီၢ်ပူၤလီၤ.
53 ဒီးတၢ်လၢတၢ်ပှဲၤနွံနံၣ်လၢအအိၣ်ဝဲလၢ ကီၢ်အဲၤကူပ တူးအပူၤန့ၣ်ကတၢၢ်ဝဲလီၤ.
54 ဒီးတၢ်သၣ်ဝံၤလီၤဒိနွံနံၣ် အိၣ်ထီၣ်သီဒ်စီၤယိၤသးစံးဝဲအသိးန့ၣ်, ဒီးတၢ်သၣ်ဝံၤ လီၤဒိအိၣ်ဝဲလၢကီၢ်ကိးဘ့ၣ်ဒဲးလီၤ. မ့မ့ၢ်လၢကီၢ်အဲၤကူ ပတူးဒီဘ့ၣ်ညါအပူၤန့ၣ်တၢ်အီၣ်အိၣ်ဝဲလီၤ.
55 ဒီးတုၤပှၤအဲၤကူပတူးဖိခဲလၢာ်အိၣ်ဝံၤအိၣ်စ့ၤဒီး, ပှၤ ဂီၢ်မုၢ်ကိးထီၣ်ဖၤရိၤလၢတၢ်အီၣ်အဂီၢ်, ဒီးဖၤရိၤစံးဘၣ် ပှၤအဲၤကူပတူးဖိခဲလၢာ်န့ၣ်, လဲၤဆူစီၤယိၤသးအအိၣ်, ဒီးဖဲအစံးဘၣ်သုန့ၣ်မၤတက့ၢ်.
56 ဒီးတၢ်သၣ်ဝံၤလီၤဒိအိၣ်ဝဲလၢ ဟီၣ်ခိၣ်ချၢဒီဘ့ၣ်ညါ, ဒီးစီၤယိၤသးအိးထီၣ်ကယဲၢ်ဖီတဖၣ်ခဲလၢာ်, ဒီးဆါဝဲ ဒီးပှၤအဲၤကူပတူးဖိလီၤ. ဒီးတၢ်သၣ်ဝံၤလီၤဒိစွၣ်မးဝဲ လၢကီၢ်အဲၤကူပတူးအပူၤလီၤ.
57 ဒီးကယဲၢ်ပှၤကီၢ်တဖၣ်အဖိဟဲဝဲဆူ ကီၢ်အဲၤကူပတူး အပူၤဆူစီၤယိၤသးအအိၣ်, ဒ်သိးအကပှ့ၤတၢ်လီၤ. အ ဂ့ၢ်ဒ်အံၤ, တၢ်သၣ်ဝံၤလီၤဒိစွၣ်မးဝဲလၢကီၢ်ကိးဘ့ၣ်ဒဲး အပူၤလီၤ.