29
1 ဒီးစီၤယၤကိာ်ထွဲထီၣ်အခီၣ်, ဒီးလဲၤတုၤလၢ ပှၤမုၢ် ထီၣ်ဖိအကီၢ်ပူၤလီၤ.
2 ဒီးကွၢ်ဝဲ, ဒီးကွၢ်ကွၢ်, ထံပူၤ အိၣ်ဝဲတပူၤလၢပျီပူၤ, ဒီးကွၢ်ကွၢ်, ဖဲန့ၣ်သိဒီးမဲာ်တဲး လဲးသၢဖုကိာ်လီၤလၢအဃၢၤန့ၣ်လီၤ. အဂ့ၢ်ဒ်အံၤ, ပှၤ ဒုးအီသိဒီးမဲာ်တဲးလဲးအထံ, လၢထံပူၤန့ၣ်လီၤ. ဒီး လၢၢ်ဖးဒိၣ်တဖျၢၣ်အိၣ်ဝဲလၢထံပူၤအခိၣ်ထိးလီၤ.
3 ဒီး သိဒီးမဲာ်တဲးလဲးအိၣ်ဖှိၣ်ရိဖှိၣ်ဖဲန့ၣ်ခဲလၢာ်ဒီး ပှၤတလ့ၣ် ကွံာ်လၢၢ်န့ၣ်လၢထံပူၤအခိၣ်ထိး, ဒီးဒုးအီသိဒီးမဲာ်တဲး လဲးအထံ, ဒီးတလ့ၣ်ကဒါက့ၤလၢၢ်ဆူအလီၢ်ဒၣ်ဝဲလၢ ထံပူၤအခိၣ်ထိးလီၤ.
4 ဒီးစီၤယၤကိာ်စံးဘၣ်အီၤ, ယဒီပုၢ်ဝဲၢ်ဧၢ, သုဟဲလၢ လဲၣ်. ဒီးစံးဝဲဒၣ်, လၢဟၤရၣ်ပဝဲလီၤ.
5 ဒီးစံးဘၣ်အီၤ, စီၤနၤဃိၢ်အဖိခွါစီၤလၤဘၣ်န့ၣ်သု သ့ၣ်ညါအီၤစ့ၢ်ကီးဧါ. ဒီးစံးဝဲဒၣ်, ပသ့ၣ်ညါသၢၣ်.
6 ဒီးစံးဘၣ်အီၤ, မ့ၢ်အအိၣ်မုာ်စ့ၢ်ကီးဧါ. ဒီးစံးဝဲဒၣ်, အိၣ်မုာ်, ဒီးကွၢ်ကွၢ်, အဖိမုၣ်နီၢ်ရၤဃ့လးဟဲဝဲဒီးသိ ဒီးမဲာ်တဲးလဲးန့ၣ်လီၤ.
7 ဒီးစံးဝဲဒၣ်, ကွၢ်ကွၢ်, မုၢ်အိၣ်ဒံးဖးထီ, ဒီးအဆၢအ ကတီၢ်လၢ ပှၤဒုးအိၣ်ဖှိၣ်ဆၣ်ဖိကီၢ်ဖိအဒၢ တဘၣ်ဒံး ဘၣ်. ဒုးအီသိဒီးမဲာ်တဲးလဲးအထံ, ဒီးလဲၤဒုးအီၣ်အ ဆၣ်တက့ၢ်.
8 ဒီးစံးဝဲဒၣ်, ကယဲၢ်သိဒီးမဲာ်တဲးလဲးခဲလၢာ် တချုး အိၣ်ဖှိၣ်ဒံးဘၣ်, ဒီးတချုးပှၤတလ့ၣ်ကွံာ်ဒံးဘၣ်လၢၢ် လၢထံပူၤအခိၣ်ထိးဘၣ်ဒီး, ပမၤတသ့ဘၣ်. တုၤအ န့ၣ်တစု ပဒုးအီသိတဖၣ်အထံလီၤ.
9 ဒီးကတိၤဝဲဒီးအီၤအဖၢမုၢ်ဒီး, နီၢ်ရၤဃ့လးဟဲဒီးအပၢ် အသိဒီးမဲာ်တဲးလဲးလီၤ. အဂ့ၢ်ဒ်အံၤ, အဝဲဒၣ်ကွၢ်အီၤ လီၤ.
10 ဒီးတုၤစီၤယၤကိာ်ထံၣ်ဘၣ် အမိၢ်အဒီပုၢ်ဝဲၢ်ခွါစီၤလၤ ဘၣ်အဖိမုၣ်နီၢ်ရၤဃ့လး, ဒီးအမိၢ်အဒီပုၢ်ဝဲၢ်ခွါစီၤလၤ ဘၣ်အသိဒီးမဲာ်တဲးလဲးဒီး, တၢ်မၤအသးလၢစီၤယၤ ကိာ်သုးဘူးအသး, ဒီးတလ့ၣ်ကွံာ်လၢၢ်လၢထံပူၤအ ခိၣ်ထိး, ဒီးဒုးအီအမိၢ်အဒီပုၢ်ဝဲၢ်ခွါ, စီၤလၤဘၣ်အသိ ဒီးမဲာ်တဲးလဲးအထံန့ၣ်လီၤ.
11 ဒီးစီၤယၤကိာ်နၢမူနီၢ်ရၤဃ့လး, ဒီးထုထီၣ်အကလုၢ်, ဒီးအမဲာ်ထံလီၤဝဲလီၤ.
12 ဒီးစီၤယၤကိာ်စံးဘၣ်တဲဘၣ် နီၢ်ရၤဃ့လးလၢသါဒီပုၢ်ဒီဝဲၢ်ဒီးအပၢ်, ဒီးလၢသါမ့ၢ်နီၢ် နီၢ်ရံးဘကၤအဖိခွါလီၤ. ဒီးအဝဲဒၣ်ဃ့ၢ်စံးဘၣ်က့ၤအ ပၢ်လီၤ.
13 ဒီးတုၤစီၤလၤဘၣ်နၢ်ဟူအဒီပုၢ်ဝဲၢ်မုၣ်အဖိခွါ စီၤယၤ ကိာ်အကစီၣ်ဒီး, တၢ်မၤအသးလၢအဃ့ၢ်သဂၢၢ်အီၤ, ဒီးဖိးအီၤ, ဒီးနၢမူအီၤဒီးဆှၢအီၤဆူအဟံၣ်လီၤ. ဒီးအ ဝဲဒၣ်စံၣ်တဲၤတဲလီၤ စီၤလၤဘၣ်လၢ တၢ်တဖၣ်န့ၣ်ခဲ လၢာ်လီၤ.
14 ဒီးစီၤလၤဘၣ်စံးဘၣ်အီၤ, မ့ၢ်မးနမ့ၢ်ယဃံဒီးယညၣ် လီၤ. ဒီးအိၣ်ဝဲဒီးအီၤတလါအမုၢ်နံၤတဖၣ်လီၤ.
15 ဒီးစီၤလၤဘၣ်စံးဘၣ်စီၤယၤကိာ်, မ့ၢ်နမ့ၢ်ယဒီပုၢ်ဝဲၢ် ဒီး, နဂ့ၤမၤယတၢ်ကလီကလီစ့ၢ်ကီးဧါ. နဘူးနလဲ မ့ၢ်မနုၤမနုၤလဲၣ်န့ၣ်စံးဘၣ်ယၤတက့ၢ်.
16 ဒီးစီၤလၤဘၣ်အိၣ်ဒီးအဖိမုၣ်ခံဂၤလီၤ. အဒိၣ်တဂၤ အမံၤမ့ၢ်နီၢ်လ့ၤအၤ, ဒီးအဆံးတဂၤအမံၤမ့ၢ် နီၢ်ရၤဃ့ လးလီၤ.
17 ဒီးနီၢ်လ့အၤန့ၣ်အမဲာ်ဖ့လီၤ. မ့မ့ၢ်နီၢ်ရၤဃ့ လးတဂၤန့ၣ်အိၣ်ဒီးအဃံအလၤ,ဒီးအက့ၢ်အဂီၤဂ့ၤလီၤ.
18 ဒီးစီၤယၤကိာ်အဲၣ်နီၢ်ရၤဃ့လး, ဒီးစံးဝဲဒၣ်, ယကမၤ နတၢ်နွံနံၣ်လၢနီၢ်ရၤဃ့လး, နဖိမုၣ်အဆံးတဂၤအဂီၢ် လီၤ.
19 ဒီးစီၤလၤဘၣ်စံးဝဲဒၣ်, ယဟ့ၣ်အီၤလၢနၤန့ၣ်ဂ့ၤ န့ၢ်ယဟ့ၣ်အီၤလၢပှၤဂၤတက့ၢ်လီၤ. အိၣ်ဒီးယၤတက့ၢ်.
20 ဒီးစီၤယၤကိာ်မၤတၢ်နွံနံၣ်လၢနီၢ်ရၤဃ့လးအဂီၢ်, ဒီး အိၣ်ဝဲလၢအမဲာ်ညါ ဒ်စှၤနံၤစှၤသီအသိး, လၢအအဲၣ် အီၤအဃိလီၤ.
21 ဒီးစီၤယၤကိာ်စံးဘၣ်စီၤလၤဘၣ်, ဟ့ၣ်ယမါတက့ၢ်. အဂ့ၢ်ဒ်အံၤ, ယမုၢ်နံၤတဖၣ်လၢထီၣ်ပှဲၤထီၣ်လံ. ဒီးယ ကလဲၤနုာ်ဆူအအိၣ်လီၤ.
22 ဒီးစီၤလၤဘၣ်ဒုးအိၣ်ဖှိၣ်ရိဖှိၣ် ပှၤကညီအိၣ်ဝဲလၢအ လီၢ်တပူၤန့ၣ်ခဲလၢာ်, ဒီးမၤတၢ်အီၣ်တၢ်အီလီၤ.
23 ဒီး တၢ်မၤအသးလၢမုၢ်နၤန့ၣ်,လၢအဟံးန့ၢ်အဖိမုၣ်နီၢ်လ့ၤ အၤ, ဒီးဆှၢဝဲဆူအအိၣ်, ဒီးအဝဲဒၣ်လဲၤနုာ်ဆူအအိၣ် လီၤ.
24 ဒီးစီၤလၤဘၣ်ဟ့ၣ်အကုၢ်ပိာ်မုၣ်နီၢ်စံၤလပၤ, လၢ အဖိမုၣ်နီၢ်လ့ၤအၤလၢအကုၢ်ပိာ်မုၣ်အဂီၢ်လီၤ.
25 ဒီးတၢ်မၤအသးလၢမုၢ်ဆ့ၣ်ထီၣ်န့ၣ်, ကွၢ်ကွၢ်, မ့ၢ် နီၢ်လ့ၤအၤလီၤ. ဒီးအဝဲဒၣ်စံးဘၣ်စီၤလၤဘၣ်, တၢ်လၢ နမၤယၤမ့ၢ်မနုၤလဲၣ်. ယမၤနတၢ်လၢနီၢ်ရၤဃ့လးအဂီၢ် တမ့ၢ်ဘၣ်ဧါ. ဒီးနလီန့ၢ်ယၤမ့ၢ်အဘၣ်မနုၤလဲၣ်.
26 ဒီးစီၤလၤဘၣ်စံးဝဲဒၣ်, ဟ့ၣ်ဆိပှၤအဆံးလၢအဝဲၢ်ကိအမဲာ်ညါန့ၣ်,တမၤဘၣ်ဘၣ်လၢပလီၢ်တပူၤအံၤဘၣ်.-
27 မၤပှဲၤထီၣ် အဝဲတဂၤန့ၣ်အတနွံတက့ၢ်. ဒီးပကဟ့ၣ် အီၤစ့ၢ်ကီးလၢနၤလၢ နမၤတၢ်လၢနကမၤဒီးယၤနွံနံၣ် အဂၤတဖၣ်အဃိလီၤ.
28 ဒီးစီၤယၤကိာ်မၤဝဲဒ်န့ၣ်, ဒီးမၤပှဲၤထီၣ်အဝဲတဂၤန့ၣ် အတနွံ, ဒီးအဝဲဒၣ်ဟ့ၣ်အီၤလၢအဖိမုၣ်နီၢ်ရၤဃ့လးလၢ အမါစ့ၢ်ကီးလီၤ.
29 ဒီးစီၤလၤဘၣ်ဟ့ၣ်အကုၢ်ပိာ်မုၣ်နီၢ် ဘံၤလဟၤလၢအဖိမုၣ် နီၢ်ရၤဃ့လးအကုၢ်ပိာ်မုၣ်အဂီၢ် လီၤ.
30 ဒီးလဲၤနုာ်ဝဲစ့ၢ်ကီးဆူနီၢ်ရၤဃ့လးအအိၣ်, ဒီးအဲၣ်စ့ၢ် ကီးနီၢ်ရၤဃ့လးဒိၣ်န့ၢ်နီၢ်လ့အၤတက့ၢ်, ဒီးမၤကဒီးအ တၢ်နွံနံၣ်တဂၤတဖၣ်ဒီးအီၤလီၤ.
31 ဒီးယွၤထံၣ်ဝဲလၢနီၢ်လ့ၤအၤ ဘၣ်တၢ်သးဟ့အီၤ, ဒီး အိးထီၣ်အဒၢလီၢ်လီၤ. မ့မ့ၢ်နီၢ်ရၤဃ့လး မ့ၢ်ပှၤတူာ်ဖိ လီၤ.
32 ဒီးနီၢ်လ့ၤအၤဒၢထီၣ်, ဒီးဆံးစၢ်န့ၢ်အဖိခွါလီၤ. ဒီး ယုၢ်အမံၤလၢစီၤရူၤဘ့ၣ်လီၤ. အဂ့ၢ်ဒ်အံၤ, စံးဝဲဒၣ်, ယွၤ ကွၢ်က့ၤယတၢ်နးတၢ်ဖှီၣ်လီၤ. အဂ့ၢ်ဒ်အံၤ, ခဲကနံၣ် အံၤယဝၤကအဲၣ်ယၤလီၤ.
33 ဒီးဒၢထီၣ်ကဒီးတစု, ဒီးဆံးစၢ်န့ၢ်အဖိခွါ, ဒီးစံးဝဲ ဒၣ်, မ့ၢ်ယွၤနၢ်ဟူလၢယဘၣ်တၢ်သးဟ့ယၤဒီး, ဟ့ၣ် လီၤယၤလၢအဝဲအံၤစ့ၢ်ကီးလီၤ. ဒီးယုၢ်အမံၤလၢစီၤစူၤ မ့းအိၣ်လီၤ.
34 ဒီးဒၢထီၣ်ကဒီးတစု, ဒီးဆံးစၢ်န့ၢ်အဖိခွါ, ဒီးစံးဝဲ ဒၣ်, အအံၤတဘျီယဝၤကဘျုးအသးဒီးယၤလၢယဆံး စၢ်န့ၢ်အဖိခွါသၢဂၤအဃိလီၤ. မၤသးဒ်န့ၣ်ဒီးယုၢ်ဝဲအ မံၤလၢစီၤလ့ၤဝံလီၤ.
35 ဒီးဒၢထီၣ်ကဒီးတစု, ဒီးဆံးစၢ်န့ၢ်အဖိခွါ, ဒီးစံးဝဲ ဒၣ်, ခဲကနံၣ်အံၤယကစံးထီၣ်ပတြၢၤယွၤလီၤ. မၤသး ဒ်န့ၣ်ဒီး ယုၢ်ဝဲအမံၤလၢစီၤယူဒၤလီၤ. ဒီးဆံးစၢ်န့ၢ်တၢ် တၢ်န့ၣ်ဆိတ့ၢ်ဝဲလီၤ.