23
1 ဒီးနီၢ်စၤရါအသးပှၢ်တကယၤခံဆံနွံနံၣ်လီၤ. အန့ၣ် မ့ၢ်နီၢ်စၤရါအသးသမူအနံၣ်တဖၣ်လီၤ.
2 ဒီးနီၢ်စၤရါသံ ဝဲလၢကံးရယးအၢ်ဘၤ, အဝဲန့ၣ်မ့ၢ်ဃ့ဘြိၣ်, အိၣ်လၢ ကီၢ်ကနၤဧၣ်အပူၤလီၤ. ဒီးစီၤအၤဘြၤဟၣ်ဟဲဝဲဒ်သိး အကဟီၣ်, ဒီးအမဲာ်ထံကလီၤလၢအဃိလီၤ.
3 ဒီးစီၤအၤဘြၤဟၣ်ဂဲၤဆၢထၢၣ် လၢအတၢ်သံအမဲာ် ညါ, ဒီးကတိၤတၢ်ဒီးစီၤဃ့ၤသးအဖိခွါတဖၣ်, ဒီးစံးဝဲ ဒၣ်,
4 ယဲဒၣ်အံၤယမ့ၢ်ပှၤတမှံၤ, ဒီးယအိၣ်တမှံၤလၢ သုကျါလီၤ. ဟ့ၣ်ယၤလၢတၢ်သွၣ်ခိၣ်လၢတၢ်ဟံးဃာ် အဂီၢ်လၢသုကျါတက့ၢ်. ဒီးယကခူၣ်လီၤကွံာ်ယတၢ် သံလၢယမဲာ်ညါလီၤ.
5 ဒီးစီၤဃ့ၤသးအဖိခွါတဖၣ်စံးဆၢစီၤအၤဘြၤဟၣ်, ဒီး စံးဘၣ်အီၤ,
6 ကစၢ်ဧၢ, ကနၣ်ပကလုၢ်တက့ၢ်. နမ့ၢ် ယွၤအပဒိၣ်တဂၤလၢပကျါလီၤ. ဖဲဒၣ်နဃုထၢတၢ်လၢ ပသွၣ်ခိၣ်အကျါန့ၣ်ခူၣ်လီၤကွံာ်နတၢ်သံတက့ၢ်. ပှၤ လၢအတြီနခူၣ်လီၤကွံာ် နတၢ်သံလၢအသွၣ်ခိၣ်ပူၤန့ၣ် တအိၣ်ဘၣ်လၢပကျါနီတဂၤဘၣ်.
7 ဒီးစီၤအၤဘြၤဟၣ်ဂဲၤဆၢထၢၣ်, ဒီးသကူးလီၤအသးလၢပှၤကီၢ်ဖိ, စီၤဃ့ၤသးအဖိခွါတဖၣ်အမဲာ်ညါလီၤ.-
8 ဒီးကတိၤတၢ်ဒီးအီၤ, ဒီးစံးဝဲဒၣ်, မ့ၢ်ဘၣ်သုသးလၢယ ကခူၣ်လီၤကွံာ်ယတၢ်သံလၢယမဲာ်ညါဒီး, ကနၣ်ယက လုၢ်, ဒီးဃ့ကညးန့ၢ်ယဂီၢ်လၢစီၤစိၤဃၢ်အဖိခွါ စီၤဧ့ၤ ဖရိၣ်,
9 ဒ်သိးအကဟ့ၣ်ယၤလၢတၢ်အိပူၤ မးကပ့လၤ လၢအအိၣ်ဒီးအီၤ, လၢအအိၣ်လၢအဟီၣ်ခိၣ်တကဝီၤ ပူၤအကတၢၢ်န့ၣ်တက့ၢ်. ကဟ့ၣ်ဘၣ်ယၤလၢစ့ဖဲအပှ့ၤ ကြၢးအဃိ, ဒ်သိးအကကဲထီၣ်တၢ်သွၣ်ခိၣ်အတၢ်ဟံး ဃာ်လၢသုကျါလီၤ.
10 ဒီးစီၤဧ့ၤဖရိၣ်ဆ့ၣ်နီၤဝဲလၢ စီၤဃ့ၤသးအဖိခွါတဖၣ် အကျါလီၤ. ဒီးပှၤဃ့ၤသးဖိ, စီၤဧ့ၤဖရိၣ်စံးဆၢစီၤအၤ ဘြၤဟၣ်လၢစီၤဃ့ၤသးအဖိခွါတဖၣ်အနၢ်ပူၤ, ကယဲၢ် ပှၤလဲၤနုာ်ဝဲလၢအဝ့ၢ်အပဲတရီန့ၣ်, ဒီးစံးဝဲဒၣ်,
11 တမ့ၢ် ဘၣ်, ကစၢ်ဧၢ, ကနၣ်ယကလုၢ်တက့ၢ်. ဟီၣ်ခိၣ်တ ကဝီၤန့ၣ်ယကဟ့ၣ်နၤ, ဒီးတၢ်အိပူၤအိၣ်ဝဲလၢအပူၤန့ၣ် ယကဟ့ၣ်နၤ, လၢပှၤတကလုာ်ဒၣ်ယဲအမဲာ်ညါအံၤ ယဟ့ၣ်နၤလီၤ. ခူၣ်လီၤကွံာ်နတၢ်သံတက့ၢ်.
12 ဒီးစီၤအၤဘြၤဟၣ် သကူးလီၤအသးလၢပှၤကီၢ်ဖိအ မဲာ်ညါ,
13 ဒီးကတိၤတၢ်ဒီးစီၤဧ့ၤဖရိၣ်လၢပှၤကီၢ်ဖိအနၢ် ပူၤ, ဒီးစံးဝဲဒၣ်, ဘၣ်ဆၣ်ဒီးကနၣ်လၢ်ယကလုၢ်တ က့ၢ်. ယကဟ့ၣ်နၤလၢစ့လၢဟီၣ်ခိၣ်တကဝီၤန့ၣ် အ ဂီၢ်လီၤ. ဟံးန့ၢ်လၢယစုပူၤတက့ၢ်, ဒီးယကခူၣ်လီၤ ကွံာ်ယတၢ်သံဖဲန့ၣ်လီၤ. ဒီးစီၤဧ့ၤဖရိၣ်စံးဆၢစီၤအၤဘြၤဟၣ်, ဒီးစံးဘၣ်အီၤ,
14 14
15 ကစၢ်ဧၢ, ကနၣ်ယကလုၢ်တက့ၢ်. ဟီၣ်ခိၣ်တကဝီၤ အပှ့ၤန့ၣ်မ့ၢ်စ့ၡက့လးလွံၢ်ကယၤလီၤ. တၢ်န့ၣ်လၢယၤ ဒီးနၤအဘၢၣ်စၢၤန့ၣ်မ့ၢ်မနုၤလဲၣ်. ဒီးခူၣ်လီၤကွံာ်နတၢ် သံတက့ၢ်.
16 ဒီးစီၤအၤဘြၤဟၣ်ကနၣ်စီၤဧ့ၤဖရိၣ်အကလုၢ်, ဒီးစီၤ အၤဘြၤဟၣ်စီၤထီၣ်န့ၢ် စီၤဧ့ၤဖရိၣ်အစ့လၢအစံးတ့ၢ် လၢစီၤဃ့ၤသးအဖိခွါတဖၣ်အနၢ်ပူၤ, စ့ၡက့လးလွံၢ် ကယၤလၢပှၤကၤတၢ်ဖိတူၢ်လိာ်ဝဲန့ၣ်လီၤ.
17 ဒီးစီၤဧ့ၤဖရိၣ်အဟီၣ်ခိၣ်တကဝီၤလၢ အအိၣ်ဝဲလၢမး ကပ့လၤအပူၤ, လၢမးမရ့အမဲာ်ညါ, ဟီၣ်ခိၣ်တကဝီၤ ဒီးတၢ်အိပူၤအိၣ်လၢအပူၤ, ဒီးကယဲၢ်သ့ၣ်လၢအအိၣ် လၢဟီၣ်ခိၣ်တကဝီၤပူၤ, ဒီးအိၣ်ဝဲလၢအဃၢၤဝးဝးခဲ လၢာ်န့ၣ်, တၢ်မၤကျၢၤဝဲ,
18 လၢစီၤအၤဘြၤဟၣ်အတၢ် ပှ့ၤဃာ်အဂီၢ်လၢစီၤဃ့ၤသးအဖိခွါတဖၣ်အမဲာ်ညါ,လၢ ကယဲၢ်ပှၤလၢ အလဲၤနုာ်လၢအဝ့ၢ်အပဲတရီခဲလၢာ် အ မဲာ်ညါလီၤ.
19 တၢ်တဖၣ်အလီၢ်ခံန့ၣ်, စီၤအၤဘြၤဟၣ်ခူၣ်လီၤကွံာ် အမါနီၢ်စၤရါလၢတၢ်အိပူၤအိၣ်ဝဲလၢ မးကပ့လၤအ ဟီၣ်ခိၣ်တကဝီၤပူၤ, လၢမးမရ့အမဲာ်ညါလီၤ. အဝဲန့ၣ် မ့ၢ်ဃ့ဘြိၣ်အိၣ်ဝဲလၢကီၢ်ကနၤဧၣ်အပူၤလီၤ.
20 ဒီးဟီၣ် ခိၣ်တကဝီၤ, ဒီးတၢ်အိပူၤအိၣ်ဝဲလၢအပူၤန့ၣ် ပှၤဃ့ၤ သးအဖိခွါတဖၣ် မၤကျၢၤဝဲလၢစီၤအၤဘြၤဟၣ်အဂီၢ်, လၢတၢ်သွၣ်ခိၣ်အတၢ်ဟံးဃာ်အဂီၢ်လီၤ.