17
ဒီးလၢစီၤအၤဘြၣ်အသးပှၢ် ခွံဆံခွံနံၣ်န့ၣ် ယွၤလီၣ် ဖျါထီၣ်အသးလၢ စီၤအၤဘြၣ်အမဲာ်ညါ, ဒီးစံးဘၣ် အီၤ, တၢ်လၢယၤအံၤယမ့ၢ်ကစၢ်သ့တၢ်လၢာ်လီၤ.လဲၤ တၢ်လၢယမဲာ်ညါ, ဒီးလၢထီၣ်ပှဲၤထီၣ်တက့ၢ်.
ဒီးယကအၢၣ်လီၤအီလီၤတၢ်ဒီးနၤ, ဒီးယကမၤအါ ထီၣ်နၤအါအါကလဲာ်လီၤ.
ဒီးစီၤအၤဘြၣ်တီၤလီၤကဒွံကျိာ်, ဒီးယွၤကတိၤတၢ် ဒီးအီၤ, ဒီးစံးဝဲဒၣ်, ယဲဒၣ်အံၤကွၢ်ကွၢ်, ယတၢ်အၢၣ် လီၤအီလီၤအိၣ်ဒီးနၤ, ဒီးနကကဲထီၣ်ပှၤအါကလုာ်အ ပၢ်လီၤ. ဒီးတၢ်တကိးလၢၤဘၣ်နမံၤလၢအၤဘြၣ်ဘၣ်. မ့မ့ၢ်နမံၤကမ့ၢ်အၤဘြၤဟၣ်လီၤ. အဂ့ၢ်ဒ်အံၤ, ယပာ် နၤလၢပှၤအါကလုာ်အပၢ်လီၤ. ဒီးယကဒုးသၣ်ထီၣ် နၤအါအါကလဲာ်,ဒီးယဒုးကဲထီၣ်နၤလၢပှၤအါကလုာ်, ဒီးစီၤပၤတဖၣ်ကလီၤစၢၤလၢနၤလီၤ. ဒီးယကဒုးအိၣ် ဂၢၢ်ဆိးကျၢၤ ယတၢ်အၢၣ်လီၤအီလီၤဒီးနၤ, ဒီးနချံန သၣ်လၢနလီၢ်ခံလၢအစိၤအဃၣ်အကျါ, ဒ်သိးအက ကဲထီၣ် တၢ်အၢၣ်လီၤအီလီၤအထူအယိာ်, လၢယက ကဲထီၣ်နကစၢ်, ဒီးနချံနသၣ်လၢနလီၢ်ခံအကစၢ်အဂ့ၢ် လီၤ. ဒီးယကဟ့ၣ်လီၤနၤ, ဒီးနချံနသၣ်လၢနလီၢ်ခံ န့ၣ်လၢကီၢ်တဘ့ၣ်အံၤလၢနအိၣ်တမှံၤလၢအပူၤ, ကီၢ် ကနၤဧၣ်ဒီဘ့ၣ်ညါလၢတၢ်ဟံးဃာ်အထူအယိာ်အဂီၢ်, ဒီးယကကဲထီၣ်အကစၢ်လီၤ.
ဒီးယွၤစံးဘၣ်စီၤအၤဘြၤဟၣ်, နဘၣ်တိၢ်န့ၢ်ယတၢ် အၢၣ်လီၤအီလီၤ, နဲဒၣ်, ဒီးနချံနသၣ်လၢနလီၢ်ခံလၢ အစိၤအဃၣ်တဖၣ်လီၤ. 10 ဒီးယတၢ်အၢၣ်လီၤအီလီၤဒီး သု, ဒီးနချံနသၣ်လၢနလီၢ်ခံလၢသုဘၣ်တိၢ်န့ၢ်န့ၣ်မ့ၢ် အအံၤ, ကယဲၢ်ပိာ်ခွါလၢသုကျါတဂၤလၢ်လၢ်န့ၣ်ဘၣ် ဒိးတၢ်ကူးတရံးလီၤ. 11 ဒီးသုဘၣ်ကူးတရံးကွံာ်သုတၢ် အခိၣ်ဖံးလီၤ. ဒီးကကဲထီၣ်ယတၢ်အၢၣ်လီၤအီလီၤဒီး သုအတၢ်ပနီၣ်လီၤ. 12 ဒီးပှၤဃိးနံၤဖိလၢသုကျါ, ကယဲၢ်ပိာ်ခွါလၢသုစိၤသုဃၣ်တဖၣ်, ပှၤလၢအအိၣ်ဖျဲၣ်လၢဟံၣ်ပူၤမ့ၢ်ဂ့ၤ, ပှၤလၢသုပှ့ၤအီၤဒီးစ့လၢ တခီဘီတခီမုၢ်ဖိ လၢအတမ့ၢ်ဘၣ်သုချံသုသၣ်မ့ၢ်ဂ့ၤ, ကဘၣ်ဒိးတၢ်ကူးတရံးလီၤ.-
13 ပှၤလၢအအိၣ်ဖျဲၣ်လၢနဟံၣ်ပူၤ, ဒီးပှၤလၢနပှ့ၤအီၤလၢ နစ့, ဘၣ်ဒိးတၢ်ကူးတရံးသပှၢ်တၢၢ်လီၤ. ဒီးယတၢ် အၢၣ်လီၤအီလီၤကအိၣ်လၢ သုညၣ်လၢတၢ်အၢၣ်လီၤ အီလီၤအထူအယိာ်အဂီၢ်လီၤ. 14 ဒီးပှၤပိာ်ခွါလၢအတ ဒိးဘၣ်တၢ်ကူးတရံး, လၢအတၢ်အခိၣ်ဖံးတဘၣ်တၢ် ကူးတရံးဘၣ်န့ၣ်, အဝဲတဂၤကဘၣ်တၢ်ဒီၣ်တဲာ်ကွံာ် အီၤလၢ အပှၤတကလုာ်န့ၣ်လီၤ. မ့ၢ်အလုၣ်သ့ၣ်ခါပ တာ်ယတၢ်အၢၣ်လီၤအီလီၤလီၤ.
15 ဒီးယွၤစံးဘၣ်စီၤအၤဘြၣ်ဟၣ်, နမါနီၢ်စၤရဲအံၤနတ ဘၣ်ကိးဘၣ်အမံၤလၢစၤရဲဘၣ်. မ့မ့ၢ်စၤရါကမ့ၢ်အမံၤ လီၤ. 16 ဒီးယကဆိၣ်ဂ့ၤအီၤ, ဒီးယကဟ့ၣ်လီၤနဖိခွါ လၢအီၤစ့ၢ်ကီးလီၤ. ဒီးယကဆိၣ်ဂ့ၤအီၤ, ဒီးကကဲထီၣ် ပှၤကလုာ်တဖၣ်, ဒီးပှၤဂီၢ်မုၢ်အစီၤပၤတဖၣ် ကလီၤ စၢၤလၢအီၤလီၤ.
17 ဒီးစီၤအၤဘြၤဟၣ်တီၤလီၤကဒွံကျိာ်, ဒီးနံၤထီၣ်, ဒီး စံးလၢအသးကံၢ်ပူၤ, ပှၤလၢအသးပှၢ်အနံၣ်တကယၤ တဂၤအံၤဘၣ်ကထီၣ်ဖိဧါ. ဒီးပှၤလၢအသးပှၢ်အနံၣ်ခွံ ဆံနီၢ်စၤရါတဂၤန့ၣ်, ဘၣ်ကဆံးစၢ်န့ၢ်တၢ်ဧါ. 18 ဒီး စီၤအၤဘြၤဟၣ်စံးဘၣ်ယွၤ, မ်စီၤယံးၡမၤဧ့လးမူလၢန မဲာ်ညါတက့ၢ်.
19 ဒီးယွၤစံးဝဲဒၣ်, နမါနီၢ်စၤရါကဆံးစၢ်န့ၢ်နဖိခွါ သ ပှၢ်တၢၢ်, ဒီးနဘၣ်ယုၢ်အမံၤလၢစီၤအံၤစဲး, ဒီးယကဒုး အိၣ်ဂၢၢ်ဆိးကျၢၤယတၢ်အၢၣ်လီၤအီလီၤဒီးအီၤ, ဒီးအ ချံအသၣ်လၢအလီၢ်ခံန့ၣ် လၢတၢ်အၢၣ်လီၤအီလီၤအ ထူအယိာ်အဂီၢ်လီၤ.
20 ဒီးတၢ်လၢစီၤယံးၡမၤဧ့လးန့ၣ် ယနၢ်ဟူလံနကလုၢ် လံ. ကွၢ်ကွၢ်, ယဆိၣ်ဂ့ၤလံအီၤလံ. ဒီးယကဒုးသၣ် ထီၣ်အီၤ, ဒီးယကမၤအါထီၣ်အီၤအါအါကလဲာ်လီၤ. ကထီၣ်ဖိပဒိၣ်တဆံခံဂၤ, ဒီးယကဒုးကဲထီၣ်အီၤလၢ ပှၤတကလုာ်ဖးဒိၣ်လီၤ. 21 မ့မ့ၢ် ယကဒုးအိၣ်ဂၢၢ်ဆိး ကျၢၤ ယတၢ်အၢၣ်လီၤအီလီၤဒီးစီၤအံၤစဲးလၢ နီၢ်စၤရါ ကဆံးစၢ်န့ၢ်နၤ ခဲကိာ်တနံၣ်ဖဲအကတီၢ်အံၤဆၢအလီၢ် လီၤ. 22 ဒီးကတိၤတၢ်ဒီးအီၤန့ၣ်ဆိတ့ၢ်ဝံၤဒီး, ယွၤဟး ထီၣ်ဆူထးလၢစီၤအၤဘြၤဟၣ်အအိၣ်လီၤ.
23 ဒီးမုၢ်တနံၤဃီန့ၣ်ဒ်ယွၤမၤလိာ်အီၤအသိးန့ၣ်, စီၤအၤ ဘြၤဟၣ်ဟံးန့ၢ်အဖိခွါ စီၤယံးၡမၤဧ့လး, ဒီးကယဲၢ်ပှၤ အိၣ်ဖျဲၣ်လၢအဟံၣ်ပူၤ, ဒီးကယဲၢ်ပှၤလၢအပှ့ၤလၢအစ့, ကယဲၢ်ပိာ်ခွါလၢစီၤအၤဘြၤဟၣ်အပှၤဟံၣ်ဖိအကျါကိး ဂၤဒဲး, ဒီးကူးတရံးအတၢ်အခိၣ်ဖံးအညၣ်လီၤ.
24 ဒီးလၢစီၤအၤဘြၤဟၣ် ဒိးတၢ်ကူးတရံးအတၢ်အခိၣ် ဖံးန့ၣ်, အသးပှၢ်တ့ၢ်ခွံဆံခွံနံၣ်လီၤ. 25 ဒီးအဖိခွါစီၤယံး ၡမၤဧ့လးလၢအဒိးတၢ်ကူးတရံး အတၢ်အခိၣ်ဖံးန့ၣ်, အသးပှၢ်တ့ၢ်တဆံသၢနံၣ်လီၤ. 26 ဒီးစီၤအၤဘြၤဟၣ်, ဒီးအဖိခွါစီၤယံးၡမၤဧ့လးန့ၣ် ဒိးတၢ်ကူးတရံးမုၢ်တနံၤ ဃီလီၤ. 27 ဒီးကယဲၢ်အပှၤဟံၣ်ဖိ, ပှၤအိၣ်ဖျဲၣ်လၢအ ဟံၣ်ပူၤ, ဒီးပှၤလၢအပှ့ၤဝဲလၢစ့ လၢပှၤတခီဘီမုၢ်ဖိန့ၣ် ဒိးတၢ်ကူးတရံးဒီးအီၤခဲလၢာ်လီၤ.