6
ဒီပုၢ်ဝဲၢ်သ့ၣ်ဧၢ, ပှၤကညီတဂၤဂၤ မ့ၢ်ဘၣ်တၢ်ချုးန့ၢ် အီၤလၢတၢ်လီၤကမၣ်တမံၤမံၤဒီး, သုဝဲလၢအဘၣ်ဃး ဒီးသးန့ၣ်, ဝံၣ်ဆၢထၢၣ်က့ၤအီၤအိၣ်ဒီးသုသူၣ်စူၤသးစူၤ, ဒီးကွၢ်လီၤနသးဒၣ်နဲ ဒ်သိးနသုတဘၣ်တၢ်လ့ပစီတဂ့ၤ န့ၣ်စ့ၢ်ကီးတက့ၢ်. ဝံလိာ်သုတၢ်ဝံတၢ်ဃၢသကိးသ ကိး, ဒီးမၤလၢထီၣ်ပှဲၤထီၣ်ခရံာ်အတၢ်သိၣ်တၢ်သီဒ်န့ၣ် အသိးတက့ၢ်. အဂ့ၢ်ဒ်အံၤ, ပှၤလၢအတမ့ၢ်ဘၣ်တၢ်နီ တမံၤဘၣ်, မ့ၢ်ဆိကမိၣ်လၢအမ့ၢ်တၢ်ထဲအံၤထဲနုၤဒီးမ့ၢ် အလီလီၤအသးလီၤ. ဘၣ်ဆၣ်ဒီးမ်ပှၤပစီကွၢ်အတၢ် မၤဒၣ်ဝဲကိးဂၤဒဲးတက့ၢ်. တုၤနုၤတစုကအိၣ်ဒီးတၢ်သး ခုလၢအကစၢ်ဒၣ်ဝဲတဂၤဃီအဂ့ၢ်, ဒီးတမ့ၢ်ဘၣ်လၢပှၤ ဂၤအဂ့ၢ်ဘၣ်. အဂ့ၢ်ဒ်အံၤ,ပှၤဘၣ်ဝံအတၢ်ဝံဒၣ်ဝဲ,ကိး ဂၤဒဲးလီၤ.
ဒီးပှၤလၢအဘၣ်တၢ်သိၣ်လိအီၤလၢ တၢ်အကလုၢ်အ ကထါန့ၣ်, မ်အနီၤဟ့ၣ်အတၢ်ဂ့ၤတဖၣ်ခဲလၢာ်ဒီးပှၤလၢ အသိၣ်လိအီၤတဂၤန့ၣ်တက့ၢ်. သုတလီလီၤသုသးတ ဂ့ၤ.ယွၤတတူၢ်လိာ်ဘၣ်တၢ်တရီတပါဘၣ်. ကယဲၢ်တၢ် လၢပှၤကညီဖှံဝဲတမံၤမံၤန့ၣ်, ကကူးအဝဲန့ၣ်စ့ၢ်ကီးလီၤ.
အဂ့ၢ်ဒ်အံၤ, ပှၤလၢအဖှံတၢ်ဘၣ်ဃးဒီးအညၣ်ဒၣ်ဝဲန့ၣ်, ကကူးတၢ်အုၣ်သံဘၣ်ဃးဒီးတၢ်ညၣ်န့ၣ်, ဒီးပှၤလၢအဖှံ တၢ်ဘၣ်ဃးဒီးသးန့ၣ်, ကကူးတၢ်မူလီၤထူလီၤယိာ်, ဘၣ်ဃးဒီးသးန့ၣ်လီၤ. ပမၤတၢ်ဂ့ၤန့ၣ်,မ်ပသုတလီၤ ဘှံးလီၤတီၤတဂ့ၤ. အဂ့ၢ်ဒ်အံၤ, ပမ့ၢ်တလီၤဘှံးဘၣ်ဒီး, တုၤအမုၢ်အလါဘၣ်ဒီး, ပကကူးတၢ်န့ၣ်လီၤ. 10 မၤသးဒ် န့ၣ် ဒီးဖဲပအိၣ်ဒီးအဆၢကတီၢ်န့ၣ်,မ်ပမၤဂ့ၤတၢ်လၢပှၤ ကညီကိးဂၤဒဲးတက့ၢ်. ဘၣ်ဆၣ်ဒီးအါတက့ၢ်လၢပှၤစူၢ် က့ၤနာ်က့ၤတၢ်အဟံၣ်လီၤ.
11 ယကွဲးန့ၢ်သုလၢယစုဒၣ်ယဲ, လၢလံာ်အဖျၢၣ်ဆံးဒိၣ် ဆံးဒိၣ်န့ၣ်,ကွၢ်သုဝဲတက့ၢ်.
12 ဖဲဒၣ်ပှၤလၢအဆၢန့ၢ် အလၤကပီၤလၢတၢ်ဖံးတၢ်ညၣ် အပူၤန့ၣ်, မ့ၢ်ထဲလၢအသုတဒိးဘၣ်တၢ်မၤအၢမၤသီလၢ ခရံာ်အထူၣ်စုညါအဃိတဂ့ၤဒီး, မၢဆူၣ်သုဒိးတၢ်ကူး တရံးလီၤ. 13 အဂ့ၢ်ဒ်အံၤ,ပှၤလၢအဒိးတၢ်ကူးတရံးတဖၣ် န့ၣ် တတိၢ်န့ၢ်ဘၣ်တၢ်သိၣ်တၢ်သီလၢ အကစၢ်ဒၣ်ဝဲ ဘၣ်. မ့ၢ်ဒ်သိးအကပာ်အသးကဖၢလၢလၢသုဖံးသုညၣ် အဃိဒီး, မၢသုဒိးတၢ်ကူးတရံးလီၤ. 14 မ့မ့ၢ်ယဲဒၣ်အံၤ,မ့ တမ့ၢ်ဘၣ်လၢ ပကစၢ်ယ့ၣ်ရှူးခရံာ် အထူၣ်စုညါအပူၤ ဘၣ်ဒီး, မ်ယသုတပာ်ယသးကဖၢလၢလၢတၢ်နီတမံၤ တဂ့ၤ. လၢအဝဲန့ၣ်အဃိ, ဟီၣ်ခိၣ်ဘၣ်တၢ်ပျၤထီဝဲလၢ ထူၣ်စုညါအလိၤလၢယဂီၢ်, ဒီးယဘၣ်တၢ်ပျၤထီယၤလၢ ထူၣ်စုညါအလိၤလၢဟီၣ်ခိၣ်အဂီၢ်လီၤ. 15 အဂ့ၢ်ဒ်အံၤ, တၢ်လၢယ့ၣ်ရှူးခရံာ်အပူၤန့ၣ်,ဒိးတၢ်ကူးတရံးမ့ၢ်ဂ့ၤ,တ ဒိးဘၣ်တၢ်ကူးတရံးမ့ၢ်ဂ့ၤ, တမ့ၢ်ဘၣ်တၢ်ဘၣ်.မ့မ့ၢ်တၢ် တ့သီန့ၣ်မ့ၢ်တၢ်လီၤ. 16 ဖဲဒၣ်ပှၤလၢအလဲၤဝဲဒ်တၢ်ဘျၢ အံၤအသိးတဖၣ်, မ်တၢ်ဃူတၢ်ဖိးဒီး တၢ်သးကညီၤက အိၣ်လၢအလိၤ,ဒီးလၢယွၤအအံၣ်စရ့လးအလိၤတက့ၢ်.
17 တုၤအံၤဆူညါ, သုတမၤတံာ်တာ်ယၤနီတဂၤတဂ့ၤ. အဂ့ၢ်ဒ်အံၤယစိာ်တၢ်အပူၤလီၢ်တဖၣ် ဘၣ်ဃးဒီးကစၢ် ယ့ၣ်ရှူး,လၢယနီၢ်ခိအလိၤလီၤ.
18 ပုၢ်သ့ၣ်ဝဲၢ်သ့ၣ်ဧၢ, ပကစၢ်ယ့ၣ်ရှူးခရံာ်အဘျုးအဖှိၣ် န့ၣ်,မ်အအိၣ်ဒီးသုသူၣ်သုသးတက့ၢ်. အၤမ့ၣ်.