5
မၤသးဒ်န့ၣ်ဒီး, အိၣ်ဂၢၢ်ဆိးကျၢၤလၢတၢ်ထူၣ်ဖျဲးအ ပူၤလၢခရံာ်မၤထူၣ်ဖျဲးပှၤန့ၣ်တက့ၢ်. ဒီးသုတဘၣ်တၢ် ဖီၣ်ဃာ်ကဒီးသုလၢ ကုၢ်အနီၣ်ယိးဘိအဖီလာ်တဂ့ၤ.- ကွၢ်ကွၢ်, ယၤစီၤပီလူးစံးဘၣ်သု, သုမ့ၢ်ဒိးတၢ်ကူးတရံးဒီး, ခရံာ်တဂိာ်တသီၣ်ဘၣ်တၢ်လၢသုဂီၢ်နီတမံၤဘၣ်.-
ဒီးယအုၣ်ကဒီးယသးလၢ ကယဲၢ်ပှၤဒိးတၢ်ကူးတရံးတ ဂၤလၢ်လၢ်, အကမၢ်အိၣ်ဝဲလၢအဘၣ်တိၢ်န့ၢ်တၢ်သိၣ် တၢ်သီခဲလၢာ်လီၤ. ဖဲဒၣ်ပှၤလၢအဘၣ်တၢ်ပာ်တီပာ် လိၤလၢတၢ်သိၣ်တၢ်သီသုဝဲသ့ၣ်အံၤ, သုလီၤမုၢ်လီၤဖး ဒီးခရံာ်, ဒီးသုလီၤတဲာ်ကွံာ်လၢ တၢ်ဘျုးတၢ်ဖှိၣ်အပူၤ လံ. အဂ့ၢ်ဒ်အံၤ,ပဝဲဒၣ်အံၤလၢသးန့ၣ်ပအိၣ်ခိးတၢ်မုၢ် လၢ်ဘၣ်ဃးဒီးတၢ်တီတၢ်လိၤလၢတၢ်နာ်လီၤ. အဂ့ၢ်ဒ် အံၤ, လၢယ့ၣ်ရှူးခရံာ်အပူၤန့ၣ်,တၢ်ကူးတရံးမ့ၢ်ဂ့ၤ,တၢ် တကူးတရံးမ့ၢ်ဂ့ၤ, တဂိာ်တသီၣ်ဘၣ်တၢ်ဘၣ်. မ့ၢ်တၢ် စူၢ်တၢ်နာ်လၢအမၤတၢ်လၢတၢ်အဲၣ်တၢ်ကွံလီၤ.
သုဃ့ၢ်တ့ၢ်ကစီဒီလီၤ. မ့ၢ်မတၤတြီသုဒ်သိးသုသုတ စူၢ်ဘၣ်တၢ်မ့ၢ်တၢ်တီတဂ့ၤန့ၣ်တဂၤလဲၣ်. တၢ်လွဲအံၤ တဟဲဘၣ်လၢပှၤလၢအကိးက့ၤသုဘၣ်. ကိၣ်မံၤတစဲး ဖိ, မၤဖးထီၣ်တၢ်ဒီဖျၢၣ်ညါလီၤ. 10 ယနာ်တၢ်လၢကစၢ် အပူၤလၢသုဂ့ၢ်, လၢသုသးတလီၤဆီဘၣ်လီၤ. ဒီးပှၤမ တၤတဂၤမတၤတဂၤလၢ အမၤတံာ်တာ်သုန့ၣ်ကဘၣ် တၢ်စံၣ်ညီၣ်အီၤလီၤ. 11 ပုၢ်သ့ၣ်ဝဲၢ်သ့ၣ်ဧၢယဲဒၣ်အံၤ, ယ မ့ၢ်စံၣ်တဲၤတဲလီၤဒံးတၢ်ဒိးတၢ်ကူးတရံးအဂ့ၢ်ဒီး, ဘၣ်မ နုၤလၢယဘၣ်ဒံးတၢ်မၤအၢမၤသီယၤလဲၣ်. မ့မ့ၢ်ဒ်န့ၣ်ဒီး တၢ်ဘၣ်တိၢ်ဘၣ်ဃးဒီးထူၣ်စုညါန့ၣ်, ဟါမၢ်ကွံာ်လံ လီၤ. 12 ပှၤလၢအမၤတံာ်တာ်သုတဖၣ်န့ၣ်, ဂ့ၤဘၣ်တၢ် ဒီၣ်တဲာ်ကွံာ်အီၤလီၤ.
13 အဂ့ၢ်ဒ်အံၤ, ပုၢ်သ့ၣ်ဝဲၢ်သ့ၣ်ဧၢ,တၢ်ကိးက့ၤသုဆူတၢ် ထူၣ်ဖျဲးအပူၤလီၤ. ထဲတၢ်အံၤ, သုတမၤသုတၢ်ထူၣ်ဖျဲး န့ၣ်,လၢတၢ်ဒုးအိၣ်ထီၣ်ပဖံးပညၣ်အလီၢ်တဂ့ၤ. မ့မ့ၢ် လၢတၢ်အဲၣ်တၢ်ကွံန့ၣ်မၤစၢၤလိာ်သုသးတက့ၢ်. 14 အဂ့ၢ် ဒ်အံၤ, တၢ်သိၣ်တၢ်သီခဲလၢာ် လၢထီၣ်ပှဲၤထီၣ်လၢတၢ် ကတိၤတဘီအံၤ, ပှၤအိၣ်လၢနဃၢၤန့ၣ်,အဲၣ်အီၤဒ်နအဲၣ် လီၤနသးအသိးန့ၣ်တက့ၢ်. 15 ဒီးသုမ့ၢ်အ့ၣ်လိာ်သုသး, ဒီးအီၣ်လိာ်သုသးဒီး, ပလီၢ်သုသးလၢသုသုတမၤဟး ဂီၤလိာ်သုသးတဂ့ၤန့ၣ်တက့ၢ်.
16 ဘၣ်ဆၣ်ဒီးယစံးယဲ, လဲၤတၢ်လၢသးအပူၤတက့ၢ်. ဒီးသုညၣ်အသးကွံတၢ်န့ၣ်, သုတမၤလၢထီၣ်ပှဲၤထီၣ်တ ဂ့ၤ. 17 အဂ့ၢ်ဒ်အံၤ, တၢ်ညၣ်အသးကွံတၢ်န့ၣ်ထီဒါသး န့ၣ်, ဒီးသးအသးကွံတၢ်န့ၣ်ထီဒါတၢ်ညၣ်န့ၣ်လီၤ.ဒီး တၢ်တဖၣ်န့ၣ်ထီဒါလိာ်အသးအဃိဒီး, တၢ်လၢသုတ ဆၢမၤဘၣ်န့ၣ်သုမၤလီၤ. 18 ဘၣ်ဆၣ်ဒီးသးန့ၣ်မ့ၢ်ဆှၢ သုဒီး, သုတအိၣ်ဘၣ်လၢတၢ်သိၣ်တၢ်သီအဖီလာ်ဘၣ်.
19 ဒီးတၢ်မၤဘၣ်ဃးဒီးပဖံးပညၣ်တဖၣ်, အိၣ်ဖျါဝဲလီၤ. မ့ၢ်အအံၤ,တၢ်မၤကမၣ်မုၣ်ကမၣ်ခွါ, တၢ်အဲၣ်တလ့ၤ အဲၣ်တဘီ, 20 တၢ်သးကတၢ, တၢ်ဘါတၢ်ဂီၤ, တၢ်ဟိၣ် တၢ်ယီ, တၢ်ထီဒုၣ်ထီဒါ,တၢ်အ့ၣ်လိာ်ဆိးက့လိာ်,တၢ် ခိးထဲသိးလိာ်အသး, တၢ်သူၣ်ဒိၣ်သးဟ့,တၢ်ဂ့ၢ်လိာ်ဘှီ လိာ်, တၢ်လီၤမုၢ်လီၤဖး, တၢ်အစုတလီၤဃုာ်ဘၣ်.-
21 တၢ်သးကါ, တၢ်မၤသံပှၤကညီ,တၢ်အီမူၤသံး,တၢ်မၤပွဲ ဧိၤဝီဧိၤ, ဒီးတၢ်ဒ်န့ၣ်အသိးတဖၣ်န့ၣ်လီၤ.တၢ်လၢယစံး ပာ်သု, ယစံးပာ်ကဒီးသုဒ်န့ၣ်အသိး,ပှၤလၢအမၤတၢ်ဒ် န့ၣ်တဖၣ်,တန့ၢ်ဘၣ်သါယွၤအဘီအမုၢ်ဘၣ်.
22 မ့မ့ၢ်သးအတၤသၣ်န့ၣ်, မ့ၢ်တၢ်အဲၣ်တၢ်ကွံ,တၢ်သူၣ် ခုသးခု, တၢ်ဃူတၢ်ဖိး,တၢ်ဝံသးစူၤ,တၢ်သူၣ်စူၤသးစူၤ, တၢ်မၤဂ့ၤတၢ်,တၢ်စူၢ်တၢ်နာ်, 23 တၢ်ဆီၣ်လီၤပသး, တၢ် ကီၤသူၣ်ကီၤသးသ့ၣ်တဖၣ်န့ၣ်လီၤ. တၢ်ဒ်န့ၣ်အသိးတ ဖၣ်အံၤ,တၢ်သိၣ်တၢ်သီလၢအတြီအီၤန့ၣ်,တအိၣ်ဘၣ်နီ တမံၤဘၣ်. 24 ဒီးပှၤလၢအဘၣ်ဃးဒီးခရံာ်တဖၣ်န့ၣ်,ပျၤ ထီအဖံးအညၣ်အိၣ်ဒီးအသးဆၢတၢ်, ဒီးအတၢ်သးကွံ တဖၣ်,လၢထူၣ်စုညါအလိၤလီၤ. 25 ပမ့ၢ်မူလၢသးန့ၣ်အ ပူၤဒီး, မ်ပလဲၤတၢ်လၢသးန့ၣ်အပူၤတက့ၢ်. 26 မ်ပသုတ ဆၢပမံၤဟူသၣ်ဖျါကလီကလီ, ဒီးမၤသးထီၣ်လိာ်ပ သး,ဒီးသးကါလိာ်ပသး,တဂ့ၤ.