28
ဒီးနဲဒၣ်အံၤဒုးဟဲဘူးဒီးနၤ နဒီပုၢ်ဝဲၢ်စီၤအၤဟရိၣ်ဒီး အဖိခွါအိၣ်ဒီးအီၤတဖၣ်လၢပှၤအံၣ်စရ့လးဖိအကျါ, ဒ် သိးအကမၤပှၤလုၢ်တၢ်အဒိၣ်အတၢ်လၢယဂီၢ်, စီၤအၤ ဟရိၣ်, ဒီးစီၤအၤဟရိၣ်အဖိခွါစီၤနၤဒး, ဒီးစီၤအဘံ ဟူၤ, စီၤအလၤဧစၢ်, ဒီးစီၤအံသမၢ်တက့ၢ်.
ဒီးနဘၣ်မၤတၢ်အကူအသိးစီဆှံလၢအအိၣ်ဒီးအလၤ အကပီၤ, ဒီးအဃံအလၤလၢနဒီပုၢ်ဝဲၢ် စီၤအၤဟရိၣ် အဂီၢ်လီၤ.
ဒီးနဘၣ်ကတိၤတၢ်ဒီးကယဲၢ်ပှၤလၢအသးဆး, လၢ ယမၤပှဲၤအီၤဒီးသးကူၣ်တၢ်သ့ခဲလၢာ်, လၢအကမၤစီၤ အၤဟရိၣ်အကူအသိး, ဒ်သိးတၢ်ကပာ်စီဆှံအီၤ, ဒ် သိးအကမၤပှၤလုၢ်တၢ်အဒိၣ်အတၢ်လၢယဂီၢ်လီၤ.
ဒီးအအံၤမ့ၢ်တၢ်အကူအသိး လၢအဘၣ်မၤတဖၣ် န့ၣ်, သဃိးတဘ့ၣ်, ဒီးအ့ဖိးတဘ့ၣ်, ဒီးဆ့ထီတဘ့ၣ်, ဒီးဆ့ကံၣ်ဃ့တဘ့ၣ်, ဒီးခိၣ်သလုးတဖျၢၣ်, ဒီးယီၢ်တ ကိးတဘိန့ၣ်လီၤ. ဒီးဘၣ်မၤတၢ်အကူအသိးစီဆှံလၢန ဒီပုၢ်ဝဲၢ်စီၤအၤဟရိၣ်အဂီၢ်, ဒီးအဖိခွါတဖၣ်အဂီၢ်,ဒ်သိး အကမၤပှၤလုၢ်တၢ်အဒိၣ်အတၢ်လၢယဂီၢ်လီၤ.
ဒီးဘၣ်ဟံးန့ၢ်ထူ, ဒီးတၢ်လါ, ဒီးတၢ်လုးတကုာ်, ဒီးတၢ်ဂီၤ, ဒီးဖှီဝါကဆှၣ်လီၤ.
ဒီးဘၣ်မၤအ့ဖိးတဘ့ၣ်လၢထူ, လၢတၢ်လါ, ဒီးလၢ တၢ်လုးတကုာ်, လၢတၢ်ဂီၤ, ဒီးလၢဖှီဝါကဆှၣ်လၢ အလုၣ်လ့ၢ်ဃံၤအသး, ပှၤမၤတၢ်သ့အတၢ်မၤလီၤ. ဒီး အဖံဘၣ်ခိၣ်ခံဘ့ၣ် ဘၣ်စဲဘူးလိာ်အသးဖဲအဃၢၤခံ ဃၢၤလီၤ. ဒီးဘၣ်စဲဘူးလိာ်အသးလီၤ. ဒီးအ့ဖိးအယီၢ်တကိးကံၣ်ဃ့လၢအအိၣ်လၢအဖီခိၣ် န့ၣ်, ဘၣ်မၤအသးလၢတၢ်တဘ့ၣ်ဃီ, ဒ်အတၢ်မၤအသိး န့ၣ်လၢထူ, လၢတၢ်လါ, ဒီးလၢတၢ်လုးတကုာ်, ဒီးလၢ တၢ်ဂီၤ, ဒီးလၢဖှီဝါကဆှၣ်အလုၣ်လ့ၢ်ဃံၤအသးလီၤ.
ဒီးနဘၣ်ဟံးန့ၢ်တၢ်မျၢ်မဟူယၤခံဖျၢၣ်, ဒီးကွဲးပှၤအံၣ် စရ့လးဖိအမံၤလၢအလိၤလီၤ. 10 ဃုဂၤအမံၤလၢလၢၢ်တ ဖျၢၣ်အလိၤ, ဒီးဃုဂၤလၢအအိၣ်လီၤတဲာ်အမံၤလၢလၢၢ် အဝဲတဖျၢၣ်အလိၤ, ဒ်အအိၣ်ဖျဲၣ်ဝဲအသိးန့ၣ်လီၤ. 11 န ဘၣ်ကွဲးပှၤအံၣ်စရ့လးဖိအမံၤလၢ လၢၢ်ခံဖျၢၣ်အလိၤ လၢပှၤကွဲးလၢၢ်ဖိအတၢ်မၤ, တၢ်စဲပနီၣ်ဃာ်အတၢ်ကွဲး လီၤ. နဘၣ်မၤအီၤ, ဒ်သိးပှၤကပာ်အီၤလၢအမဲာ်ထူအ ပူၤလီၤ. 12 ဒီးနဘၣ်ပာ်လၢၢ်ခံဖျၢၣ်လၢ အ့ဖိးအဖံဘၣ် ခိၣ်, လၢၢ်တၢ်သ့ၣ်နီၣ်ထီၣ်က့ၤတၢ်လၢပှၤအံၣ်စရ့လးဖိ အဂီၢ်လီၤ. ဒီးစီၤအၤဟရိၣ်ဘၣ်စိာ်အမံၤလၢအဖံဘၣ် ခိၣ်လၢယွၤအမဲာ်ညါလၢ တၢ်သ့ၣ်နီၣ်ထီၣ်က့ၤတၢ်အ ဂီၢ်လီၤ.ဒီးနဘၣ်မၤတၢ်အမဲာ်တဖၣ်လၢထူ, 13-14 ဒီးသွဲထူစီ ခံဘိလီၤ. နဘၣ်မၤအီၤလီၤဂာ်ဒီးပျံၤတဖၣ် လၢတၢ် ထ့အသး, ဒီးနဘၣ်စၢဃာ်သွဲထ့အသးလၢတၢ်အမဲာ် တဖၣ်န့ၣ်လီၤ.
15 ဒီးနဘၣ်မၤတၢ်စံၣ်ညီၣ်အသဃိးလၢ ပှၤမၤတၢ်သ့ အတၢ်မၤ, ဒ်အ့ဖိးအတၢ်မၤအသိးန့ၣ်, နဘၣ်မၤအီၤ လီၤ. လၢထူ, လၢတၢ်ဟ့, ဒီးလၢတၢ်လုးတကုာ်,ဒီး လၢတၢ်ဂီၤ, ဒီးလၢဖှီဝါကဆှၣ်အလုၣ်လ့ၢ်ဃံၤအသးန ဘၣ်မၤအီၤလီၤ. 16 တုၤအချံးအသးလၢအဖးဖီဒီး, ဘၣ် ကဲထီၣ်တၢ်လွံၢ်နၢၣ်ဒ်သိးသိးလီၤ. အထီတထါ, ဒီး အဒီၣ်ဃီၤတထါလီၤ. 17 ဒီးနဘၣ်မၤပှဲၤအီၤလၢလၢၢ်အ တၢ်ပှဲၤ, လၢၢ်လွံၢ်ဂ့ၢ်လီၤ. တၢ်မျၢ်ဆီသွံၣ်တဖျၢၣ်, တၢ် မျၢ်ဘီအူးသပၤယၤတဖျၢၣ်, ဒီးတၢ်မျၢ်ဟ့မၠးတဖျၢၣ်န့ၣ် မ့ၢ်အခီၣ်ထံးတဂ့ၢ်လီၤ.
18 ဒီးခံဂ့ၢ်တဂ့ၢ်န့ၣ်မ့ၢ်တၢ်မျၢ်ဂီၤတဖျၢၣ်, တၢ်မျၢ်နံၤလါ တဖျၢၣ်, ဒီးတၢ်မျၢ်မဟူယၤတိၤအသးတဖျၢၣ်လီၤ.
19 ဒီးသၢဂ့ၢ်တဂ့ၢ်န့ၣ်တၢ်မျၢ်ဂီၤဘီတဖျၢၣ်, တၢ်မျၢ်မဟူ ယၤကံၣ်ဃ့တဖျၢၣ်, ဒီးတၢ်မျၢ်သကီၤဖီတဖျၢၣ်လီၤ. 20 ဒီးလွံၢ်ဂ့ၢ်တဂ့ၢ်န့ၣ် မ့ၢ်တၢ်မျၢ်ဟ့ဘီတဖျၢၣ်, ဒီးတၢ်မျၢ်မဟူယၤတဖျၢၣ်, ဒီးတၢ်မျၢ်နကၤသွဲးတဖျၢၣ်လီၤ.ဘၣ်အိၣ်ဒီးအမဲာ်ထူဝးတရံးအီၤလီၤ.-
21 ဒီးလၢၢ်တဖၣ်န့ၣ်ဘၣ်အိၣ်ဒီး ပှၤအံၣ်စရ့လးဖိအမံၤ တဆံခံမံၤဒ်အမံၤအသိးန့ၣ်, ဒ်တၢ်စဲပနီၣ်ဃာ်အတၢ် ကွဲးအသိး, တဂၤလၢအမံၤဒၣ်ဝဲ, ဒ်ပှၤတဆံခံဒူၣ်အ သိးန့ၣ်လီၤ.
22 ဒီးနဘၣ်မၤ သွဲထူစီထ့အသးလၢ သဃိးအစိးနါ လီၤ. 23 ဒီးနဘၣ်မၤကွီၤထူခံကွီၤလၢသဃိးအလိၤ, ဒီး နဘၣ်ပာ်ကွီၤခံကွီၤန့ၣ်လၢသဃိးအစိးနါခံခီလီၤ. 24 ဒီး နဘၣ်ဒၢနုာ်သွဲထူထ့အသးခံဘိ လၢကွီၤခံကွီၤအိၣ်လၢ သဃိးအစိးနါခံခီလီၤ. 25 ဒီးသွဲထ့အသးအစိးနါခံခီန ဘၣ်စၢဃာ်လၢအမဲာ်, ဒီးပာ်အီၤလၢအ့ဖိးအဖံဘၣ်ခိၣ် လၢအမဲာ်ညါန့ၣ်လီၤ.
26 ဒီးနဘၣ်မၤကွီၤထူခံကွီၤ, ဒီးနဘၣ်ပာ်အီၤလၢသဃိး အစိးနါခံခီလၢအကနူၤဆူအ့ဖိးအညါပူၤလီၤ.
27 ဒီးနဘၣ်မၤကွီၤထူအဂၤခံကွီၤ, ဒီးနဘၣ်ပာ်အီၤလၢ အ့ဖိးအဖံဘၣ်ခိၣ်ခံခီ လၢအဖီလာ်ဆူအမဲာ်ညါတခီ, သ ဃီၤဒီးတၢ်စဲဘူးလိာ်အသး, လၢအ့ဖိးအယီၢ်တကိး ကံၣ်ဃ့အဖီခိၣ်လီၤ.
28 ဒီးပှၤကစၢဃာ်သဃိးလၢအကွီၤ, ဒီးအ့ဖိးအကွီၤလၢ ပျံၤတၢ်လါ, ဒ်သိးအကအိၣ်ဝဲလၢ အ့ဖိးအယီၢ်တကိး ကံၣ်ဃ့အဖီခိၣ်, ဒီးဒ်သိးသဃိးအသုတထူၣ်ဖျဲးဒီးအ့ ဖိးန့ၣ်တဂ့ၤလီၤ.
29 ဒီးတုၤစီၤအၤဟရိၣ် လဲၤနုာ်လၢတၢ်အလီၢ်စီဆှံပူၤဒီး, ကစိာ်ပှၤအံၣ်စရ့လးဖိအမံၤ လၢတၢ်စံၣ်ညီၣ်အသဃိး အပူၤလၢအသးလိၤ, လၢတၢ်သ့ၣ်နီၣ်ထီၣ်က့ၤ အဂ့ၢ် လၢယွၤအမဲာ်ညါတထံၣ်ဃီလီၤ.
30 ဒီးနဘၣ်ပာ်အူရံၣ်ဒီး တူမံၣ်လၢ တၢ်စံၣ်ညီၣ်အသ ဃိးအပူၤ, ဒီးတုၤစီၤအၤဟရိၣ်လဲၤနုာ်လၢယွၤအမဲာ်ညါ ဒီး, ကအိၣ်လၢအသးလိၤလီၤ. ဒီးစီၤအၤဟရိၣ်ကစိာ် ပှၤအံၣ်စရ့လးဖိအတၢ်စံၣ်ညီၣ် လၢအသးလိၤလၢယွၤ အမဲာ်ညါတထံၣ်ဃီလီၤ. ဒီးနဘၣ်မၤအ့ဖိးအဆ့လၢ တၢ်လါဒီဘ့ၣ်ညါလီၤ. 31 31
32 ဒီးကအိၣ်ဒီးကိာ်အလီၢ်လၢအခိၣ်ဖးဖီလီၤ. ကအိၣ်ဒီး အကနူၤဆးသနံၣ်ဝးတရံးကိာ်အလီၢ်, ဒ်သဃိးသုးအ သိးန့ၣ်, ဒ်သိးအသုတယာ်တဂ့ၤလီၤ.
33 ဒီးလၢအခီၣ်ထံးအသရ့ၤန့ၣ် နဘၣ်မၤသလဲသၣ်လၢ တၢ်လါ, ဒီးလၢတၢ်လုးတကုၣ်, ဒီးလၢတၢ်ဂီၤဝးတရံး အသရ့ၤန့ၣ်, ဒီးပှ့ၤသၣ်ထူလၢအဘၢၣ်စၢၤ ဝးတရံးဝဲ လီၤ. 34 ပှ့ၤသၣ်ထူတဖျၢၣ်ဒီးသလဲသၣ်တဖျၢၣ်, ပှ့ၤ သၣ်ထူတဖျၢၣ်ဒီးသလဲသၣ်တဖျၢၣ်လၢ ဆ့အခီၣ်ထံး အသရ့ၤဝးတရံးဝဲလီၤ. 35 ဒီးကအိၣ်လၢစီၤအၤဟရိၣ်အ လိၤဒ်သိးအကမၤတၢ်အခ့အပှၤအတၢ်မၤ, ဒီးတုၤအ လဲၤနုာ်ဆူတၢ်အလီၢ်စီဆှံဆူယွၤအမဲာ်ညါ, ဒီးတုၤအ ဟဲက့ၤထီၣ်ဒီး, အသီၣ်ကဟူထီၣ်, ဒ်သိးအသုတသံ တဂ့ၤလီၤ.
36 ဒီးနဘၣ်မၤတၢ်ဘ့ၣ်ဘၣ်ထူစီတဘ့ၣ်လီၤ. ဒီးလၢအ လိၤန့ၣ်နဘၣ်ကွဲး, တၢ်စီဆှံလၢယွၤ, လၢတၢ်စဲပနီၣ် ဃာ်အတၢ်ကွဲးလီၤ. 37 ဒီးနဘၣ်ပာ်အီၤလၢပျံၤဘ့ၣ်ဘၣ် တၢ်လါအလိၤ, ဒ်သိးအကအိၣ်လၢ ခိၣ်သလုးအလိၤ န့ၣ်လီၤ. ဘၣ်အိၣ်လၢခိၣ်သလုးအမဲာ်ညါတခီလီၤ.-
38 ဒီးဘၣ်အိၣ်လၢစီၤအၤဟရိၣ်အမဲာ်တူၢ်ခိၣ်, ဒ်သိးစီၤအၤ ဟရိၣ်ကစိာ်တၢ်ကမၣ်ဘၣ်ဃးဒီး တၢ်စီဆှံလၢပှၤအံၣ် စရ့လးဖိကပာ်စီဆှံလၢအတၢ်မၤဘူၣ်စီဆှံခဲလၢာ်လီၤ. ဒီးကအိၣ်လၢအမဲာ်တူၢ်ခိၣ်တထံၣ်ဃီ, ဒ်သိးအဝဲသ့ၣ် ကဘၣ်တၢ်တူၢ်လိာ်အီၤလၢယွၤအမဲာ်ညါလီၤ. 39 ဒီးန ဘၣ်မၤကံၣ်ဃ့အဆ့ဖှီဝါကဆှၣ်, ဒီးနဘၣ်မၤအခိၣ်သ လုးလၢဖှီဝါကဆှၣ်, ဒီးနဘၣ်မၤအယီၢ်တကိးလၢတၢ် ကံၣ်ဃ့လီၤ.
40 ဒီးနဘၣ်မၤဆ့တဖၣ်လၢ စီၤအၤဟရိၣ်အဖိခွါတဖၣ် အဂီၢ်, ဒီးနဘၣ်မၤယီၢ်တကိးတဖၣ်လၢအဂီၢ်, ဒီးန ဘၣ်မၤခိၣ်ဖၢၣ်တဖၣ်လၢအဂီၢ်လၢ တၢ်လၤကပီၤဒီး တၢ်ဃံတၢ်လၤအဂီၢ်လီၤ.
41 ဒီးနဘၣ်ဒုးသိးအီၤလၢနဒီပုၢ်ဝဲၢ်စီၤအၤဟရိၣ်, ဒီးအ ဖိခွါတဖၣ်အိၣ်ဒီးအီၤ, ဒီးနဘၣ်ဖှူအီၤ, ဒီးပာ်အီၤလၢ အတၢ်မၤအဂီၢ်, ဒီးမၤစီဆှံအီၤ, ဒ်သိးအကမၤပှၤလုၢ် တၢ်အဒိၣ်အတၢ်လၢယဂီၢ်လီၤ.
42 ဒီးနဘၣ်မၤတၢ်ဖျီၣ်ခံ ဖှီဝါလၢအဂီၢ် ဒ်သိးအကဖျီၣ် ဘၣ်အညၣ်ဘ့ၣ်ဆ့န့ၣ်, လၢအယီၢ်ဒ့ ပၢၢ်လီၤလၢအ ကံၣ်ဒုၣ်လီၤ.
43 ဒီးတုၤစီၤအၤဟရိၣ်ဒီးအဖိခွါတဖၣ် ဟဲနုာ်လၢဒဲတၢ် အိၣ်ဖှိၣ်အပူၤမ့ၢ်ဂ့ၤ, တုၤအသုးဘူးအသးဆူ တၢ်လုၢ် အလီၢ်ဒ်သိး အကမၤတၢ်အခ့အပှၤအတၢ်လၢ တၢ်အ လီၢ်စီဆှံအပူၤမ့ၢ်ဂ့ၤ, ဘၣ်အိၣ်လၢအလိၤ, ဒ်သိးအသု တဘၣ်တၢ်ဒဲးဘးဒီးသံတဂ့ၤလီၤ. မ့ၢ်တၢ်မၤလိာ်အထူ အယိာ်လၢအဂီၢ်, ဒီးလၢအချံအသၣ်လၢအလီၢ်ခံအဂီၢ် န့ၣ်လီၤ.