21
ဒီးအဝဲအံၤမ့ၢ်တၢ်စံၣ်ညီၣ်တဖၣ်လၢ နဘၣ်ပာ်လၢ အမဲာ်ညါလီၤ. နမ့ၢ်ပှ့ၤကုၢ်ပှၤဧ့ၤဘြံတဂၤဒီး, ဃုနံၣ်ဘၣ်မၤနတၢ်,ဒီးနွံနံၣ်တနံၣ်န့ၣ်ကဟးထီၣ်ထူၣ်ဖျဲးကလီကလီလီၤ.-
မ့ၢ်ဟဲအကစၢ်ဒၣ်ဝဲတဂၤဧိၤဒီး, ကဟးထီၣ်အကစၢ်ဒၣ် ဝဲတဂၤဧိၤလီၤ. မ့ၢ်အိၣ်ဒီးအမါဒီး, ကဟးထီၣ်ဒီးအမါ အိၣ်ဒီးအီၤလီၤ. အကစၢ်မ့ၢ်ဟ့ၣ်လီၤအီၤလၢအမါ,ဒီး အဝဲဒၣ်မ့ၢ်ဆံးစၢ်န့ၢ်တ့ၢ်အီၤလၢ ဖိမုၣ်ဖိခွါဒီး, အမါဒီး အဖိကမ့ၢ်ဒၣ်ဝဲအကစၢ်အတၢ်, ဒီးပှၤတဂၤန့ၣ်ကဟး ထီၣ်အကစၢ်ဒၣ်ဝဲတဂၤဧိၤလီၤ.
ဒီးကုၢ်တဂၤန့ၣ်မ့ၢ်စံးတီတီ, ယအဲၣ်ယကစၢ်, ယမါ, ဒီးယဖိတဖၣ်, ယတဟးထီၣ်ထူၣ်ဖျဲးဘၣ်န့ၣ်ဒီး, အ ကစၢ်ဘၣ်ဆှၢအီၤဆူယွၤအအိၣ်, ဒီးတြဲၤမ့ၢ်ဂ့ၤ, ကျဲ စၢၤအထူၣ်မ့ၢ်ဂ့ၤ, ဘၣ်ဆှၢအီၤစ့ၢ်ကီးဖဲန့ၣ်, ဒီးအက စၢ်ဘၣ်ပျံာ်ဖျိအနၢ်လၢထးပျံာ်, ဒီးဘၣ်မၤအတၢ်လီၤထူ လီၤယိာ်လီၤ.
ဒီးပှၤမ့ၢ်ဆါကွံာ်အဖိမုၣ် ဒ်သိးအကကဲထီၣ်ကုၢ်မုၣ် ဒီး, အဝဲဒၣ်တဘၣ်ဟးထီၣ်ကွံာ်ဘၣ်ဒ်ကုၢ်ပိာ်ခွါဟး ထီၣ်ကွံာ်အသိးန့ၣ်ဘၣ်. မ့ၢ်တဘၣ်ဘၣ်အကစၢ်လၢ အအဲၣ်တီအီၤတဂၤအသးဒီး, ဘၣ်ပျဲတၢ်ပှ့ၤက့ၤအီၤ လီၤ. ဒ်သိးအကဆါကွံာ်အီၤဆူပှၤတခီဘီမုၢ်ဖိဒီး, အစိ အကမီၤတအိၣ်ဘၣ်, မၤတ့ၢ်အီၤဒီးလီတၢ်လီၤ.
ဒီးမ့ၢ်အဲၣ်တီအီၤဒီးအဖိခွါဒီး, ဘၣ်မၤအီၤဒ်တၢ်စံၣ် ညီၣ်ဖိမုၣ်တဖၣ်အသိးန့ၣ်လီၤ. 10 မ့ၢ်ဟံးန့ၢ်အမါတဂၤ ဒၣ်ဒီး, တဘၣ်မၤစှၤလီၤဘၣ်အတၢ်အီၣ်တၢ်အီ, အကူ အသိး, ဒီးတၢ်ကြၢးဒီးမါန့ၣ်ဘၣ်. 11 ဒီးမ့ၢ်တမၤဘၣ် အီၤလၢတၢ်သၢမံၤန့ၣ်ဒီး, တလိးက့ၤစ့ဘၣ်ဒီး, ကဟး ထီၣ်ထူၣ်ဖျဲးဝဲလီၤ.
12 ပှၤလၢအကျီပှၤကညီတဂၤဂၤတုၤအသံန့ၣ် ကဘၣ် တၢ်မၤသံအီၤသပှၢ်တၢၢ်လီၤ. 13 ဒီးပှၤလၢအတအိၣ်ခိး ဘၣ်, ဒီးယွၤဟ့ၣ်အီၤလၢအစုပူၤဒီး, ယကပာ်တၢ်အ လီၢ်လၢနဂီၢ်ဖဲအကဃ့ၢ်ဆူအအိၣ်လီၤ. 14 မ့မ့ၢ်ပှၤမ့ၢ်ပာ်ထီၣ်ထီအသးလၢ ပှၤလၢအဃၢၤအဖီခိၣ်ဒ်သိးအကမၤသံအီၤဒီးလီတၢ်ဒီး, နဘၣ်ဟံးန့ၢ်အီၤလၢယတၢ်လုၢ်လီၢ်အအိၣ်ဒၣ်လဲာ်,ဒ်သိးအကသံလီၤ.-
15 ဒီးပှၤလၢအတီၢ်အမိၢ်အပၢ်တဂၤန့ၣ် ကဘၣ်တၢ်မၤသံ အီၤသပှၢ်တၢၢ်လီၤ.
16 ဒီးပှၤလၢအဟုၣ်န့ၢ်ပှၤကညီ, ဒီးဆါကွံာ်အီၤ, မ့တ မ့ၢ်ဘၣ်ဒ်န့ၣ်, တၢ်မ့ၢ်ထံၣ်န့ၢ်အီၤလၢအစုပူၤဒီး, အဝဲ တဂၤန့ၣ်ကဘၣ်တၢ်မၤသံအီၤသပှၢ်တၢၢ်လီၤ.
17 ဒီးပှၤလၢအဆိၣ်အၢအမိၢ်အပၢ်တဂၤန့ၣ် ကဘၣ်တၢ် မၤသံအီၤသပှၢ်တၢၢ်လီၤ.
18 ဒီးပှၤမ့ၢ်အ့ၣ်လိာ်အသး, ဒီးပှၤတဂၤမ့ၢ်ထံးဘၣ်ပှၤ လၢအဃၢၤလၢလၢၢ်မ့ၢ်ဂ့ၤ, မ့ၢ်ထိဘၣ်အီၤလၢစုခိၣ်မ့ၢ် ဂ့ၤ, ဒီးပှၤတဂၤန့ၣ်တသံဘၣ်, ဒီးလီၤဃံၤလၢအလီၢ် မံ, 19 ဒီးမ့ၢ်ဂဲၤဆၢထၢၣ်က့ၤ, ဒီးလဲၤထီၣ်ဆူခိဒီးအနီၣ် ထိးဘိဒီး, ပှၤလၢအထံးတၢ်တဂၤန့ၣ် ကပူၤဖျဲးလီၤ. ဘၣ်ဆၣ်ဒီးဘၣ်လိးက့ၤတၢ်လၢ အတၢ်မၤဆိကတီၢ် အဃိ, ဒီးဘၣ်ဒုးမၤဘျါအီၤသပှၢ်တၢၢ်လီၤ.
20 ဒီးပှၤမ့ၢ်တီၢ်အကုၢ်ပိာ်ခွါအကုၢ်ပိာ်မုၣ်, လၢနီၣ်တီၢ်, ဒီးမ့ၢ်သံလၢအစုဖီလာ်ဒီး, တၢ်ကမၤဆၢတၢ်သပှၢ်တၢၢ် လီၤ. 21 ဘၣ်ဆၣ်ဒီးမ့ၢ်အိၣ်ဒံးတနံၤခံနံၤဒီး, တဘၣ်ဘၣ် တၢ်မၤဆၢအီၤဘၣ်. အဂ့ၢ်ဒ်အံၤ, အဝဲဒၣ်မ့ၢ်အစ့လီၤ.
22 ဒီးပှၤကညီမ့ၢ်တီၢ်လိာ်အသးဒီး ဘၣ်ပိာ်မုၣ်လၢအဒၢ ထီၣ်, ဒီးအဟုးဟးဂီၤ, ဒီးတဘၣ်လၢၤတၢ်နီတမံၤဘၣ် ဒီး, ကလိးစ့သပှၢ်တၢၢ်ဒ်သိးပိာ်မုၣ်အဝၤကပာ်လၢအ လိၤအသိး, ဒီးဘၣ်ဟ့ၣ်လီၤတၢ်ဖဲဒၣ်ပှၤစံၣ်ညီၣ်ကွီၢ်အ သးလီၤ. 23 ဒီးပိာ်မုၣ်မ့ၢ်ဘၣ်တၢ်တမံၤမံၤဒီး, နဘၣ် ဟ့ၣ်သးလၢသးအဂီၢ်, 24 မဲာ်လၢမဲာ်အဂီၢ်, မဲလၢမဲအ ဂီၢ်, စုလၢစုအဂီၢ်, ခီၣ်လၢခီၣ်အဂီၢ်, 25 ကိၢ်ဃၢၣ်အ လီၢ်လၢကိၢ်ဃၢၣ်အလီၢ်အဂီၢ်, တၢ်ဘၣ်တူာ်လၢတၢ် ဘၣ်တူာ်အဂီၢ်, တီၢ်အလီၢ်လၢတီၢ်အလီၢ်အဂီၢ်လီၤ.
26 ဒီးပှၤမ့ၢ်တီၢ် အကုၢ်ပိာ်ခွါအမဲာ်, အကုၢ်ပိာ်မုၣ်အ မဲာ်, ဒီးမၤဟးဂီၤအီၤဒီး, ဘၣ်ပျၢ်အီၤလၢအမဲာ်အဃိ လီၤ. 27 ဒီးမ့ၢ်မၤပိာ်ကွံာ်အကုၢ်ပိာ်ခွါအမဲ, အကုၢ်ပိာ် မုၣ်အမဲဒီး, ဘၣ်ပျၢ်အီၤလၢအမဲအဃိလီၤ.
28 ဒီးဂီၤဖံးမ့ၢ်ဘျၢၣ်ပိာ်မုၣ်ဂ့ၤ, ပိာ်ခွါဂ့ၤ, ဒီးမ့ၢ်သံဒီး, ကဘၣ်တၢ်ကွံာ်သံအီၤလၢလၢၢ်သပှၢ်တၢၢ်, ဒီးပှၤတ ဘၣ်အီၣ်ဘၣ်အညၣ်ဘၣ်. မ့မ့ၢ်ဂီၤဖံးအကစၢ်န့ၣ်ကပူၤ ဖျဲးလီၤ. 29 ဘၣ်ဆၣ်ဒီးဂီၤဖံးန့ၣ် မ့ၢ်ဘျၢၣ်တၢ်မဟါမ ဟိဒီးပှၤဘိးဘၣ်သ့ၣ်ညါအကစၢ်, ဒီးအဝဲတကွၢ်ဘၣ် အီၤ, ဒီးဂီၤဖံးမၤသံတ့ၢ်ပိာ်မုၣ်ဂ့ၤ, ပိာ်ခွါဂ့ၤဒီး, ဂီၤဖံး ကဘၣ်တၢ်ကွံာ်သံအီၤလၢလၢၢ်, ဒီးအကစၢ်ကဘၣ် တၢ်မၤသံစ့ၢ်ကီးအီၤလီၤ. 30 ဒီးတၢ်မ့ၢ်ပာ်တၢ်မၤပူၤဖျဲးလၢ အဂီၢ်ဒီး, ဘၣ်ဟ့ၣ်အသးအပှ့ၤဖဲဒၣ်တၢ်ပာ်လၢအလိၤ ခဲလၢာ်လီၤ. 31 မ့ၢ်ဘျၢၣ်တ့ၢ်ဖိခွါတဂၤမ့ၢ်ဂ့ၤ, ဖိမုၣ်တဂၤ မ့ၢ်ဂ့ၤ,ဒ်တၢ်စံၣ်ညီၣ်အံၤအသိးန့ၣ်, ပှၤဘၣ်မၤအီၤလီၤ.
32 ဂီၤဖံးမ့ၢ်ဘျၢၣ်တၢ်အကုၢ်ပိာ်ခွါ, တၢ်အကုၢ်ပိာ်မုၣ် ဒီး, ဘၣ်ဟ့ၣ်လီၤအကစၢ်န့ၣ်လၢစ့သၢဆံလီၤ. ဒီးဂီၤ ဖံးကဘၣ်တၢ်ကွံာ်အီၤလၢလၢၢ်လီၤ.
33 ဒီးပှၤမ့ၢ်အိးထီၣ်တၢ်ပူၤမ့ၢ်ဂ့ၤ, ပှၤမ့ၢ်ခူၣ်တၢ်ပူၤမ့ၢ်ဂ့ၤ, ဒီးတကျၢၢ်ဘၢဃာ်ဘၣ်, ဒီးဂီၤဖံးမ့ၢ်ဂ့ၤ, ကသ့ၣ်ယီၤ မ့ၢ်ဂ့ၤ, မ့ၢ်လီၤတဲာ်လၢအပူၤဒီး, 34 တၢ်ပူၤအကစၢ်ဘၣ် ဟ့ၣ်တၢ်ထဲသိးသိး, ဘၣ်ဟ့ၣ်က့ၤစ့လၢတၢ်တဒုအက စၢ်, ဒီးတၢ်အစိၣ်န့ၣ်ကကဲထီၣ်အတၢ်ဒၣ်ဝဲလီၤ.
35 ဒီးပှၤတဂၤအဂီၤဖံးမ့ၢ်ဘျၢၣ်ပှၤတဂၤဒၣ်အဂီၤဖံး, ဒီး မ့ၢ်သံဝဲဒီး, အဝဲသ့ၣ်တဖၣ်ဘၣ်ဆါကွံာ်ဂီၤဖံးလၢအမူ ဒံးတဒု, ဒီးနီၤဖးစ့အဆၢ, ဒီးဘၣ်နီၤဖးတၢ်အစိၣ်န့ၣ် စ့ၢ်ကီးလီၤ. 36 ဘၣ်ဆၣ်ဒီးပှၤမ့ၢ်သ့ၣ်ညါလၢဂီၤဖံးဘျၢၣ် တၢ်လၢမဟါမဟိ, ဒီးအကစၢ်တကွၢ်ဘၣ်အီၤဒီး,ဘၣ် ဟ့ၣ်တၢ်ထဲသိးသိးလၢလၢပှဲၤပှဲၤ သပှၢ်တၢၢ်လၢဂီၤဖံး တဒုအဂီၢ်,ဒီးတၢ်အစိၣ်န့ၣ်ကကဲထီၣ်အတၢ်ဒၣ်ဝဲလီၤ.