12
ဒီးယွၤစံးဘၣ်စီၤမိၤရှ့, ဒီးစီၤအၤဟရိၣ်လၢကီၢ်အဲၤကူ ပတူးအပူၤ, ဒီးစံးဝဲဒၣ်, လါတလါအံၤကကဲထီၣ်လါ တဖၣ်အခိၣ်,လါအခီၣ်ထံးလၢနံၣ်အပူၤလၢသုဂီၢ်လီၤ.
ကတိၤတၢ်ဒီးပှၤအံၣ်စရ့လးဖိအတၢ်အိၣ်ဖှိၣ်ခဲလၢာ်, ဒီးစံး, လါအံၤထီၣ်ဆံဆဲၣ်နံၤတနံၤန့ၣ်, ပှၤဘၣ်ဟံးန့ၢ် လၢသိဒီးမဲာ်တဲးလဲးအကျါ, အဖိလၢအဂီၢ်, တဂၤအ ဖိတဒု, တဂၤအဖိတဒု, ဒ်အပၢ်အဟံၣ်အသိး, အဖိ တဒုလၢ ဟံၣ်တဖျၢၣ်အဂီၢ်လီၤ. ဒီးပှၤဟံၣ်ဖိမ့ၢ်စှၤ ကဲာ်ဆိးလၢတၢ်အဖိတဒုအဂီၢ်ဒီး, မ်အဝဲဒၣ်ဒီးပှၤလၢ အအိၣ်ဘူးဒီးအဟံၣ်န့ၣ်,ဟံးန့ၢ်ဒ်ပှၤကညီအသးအသိး န့ၣ်တက့ၢ်. သုဘၣ်ဂံၢ်ပှၤဒ်အအီၣ်လၢအီၣ်တၢ်အသိး န့ၣ်လၢတၢ်အဖိအဂီၢ်ကိးဂၤဒဲးလီၤ. သုတၢ်အဖိတဒု ဘၣ်မ့ၢ်အလၢအပှဲၤ, အဖါ, တနံၣ်အဖိလီၤ. လၢသိ တဖၣ်အကျါမ့ၢ်ဂ့ၤ, လၢမဲာ်တဲးလဲးတဖၣ်အကျါမ့ၢ်ဂ့ၤ, သုဘၣ်ဟံးန့ၢ်အီၤလီၤ. ဒီးသုဘၣ်ပၢၤအီၤတုၤလၢလါ ထီၣ် တဆံလွံၢ်နံၤတနံၤလၢလါတလါဃီန့ၣ်လီၤ. ဒီး အံၣ်စရ့လးအပှၤဂီၢ်မုၢ်ခဲလၢာ်အတၢ်အိၣ်ဖှိၣ်န့ၣ်ဘၣ်မၤ သံအီၤလၢမုၢ်ဟါလီၤခံတီၤအဘၢၣ်စၢၤန့ၣ်လီၤ.
ဒီးဘၣ်ဟံးန့ၢ်အသွံၣ်တနီၤ ဒီးပာ်ဝဲလၢကျဲစၢၤအ ထူၣ်လိၤခံခီ, ဒီးလၢကျဲစၢၤအခိၣ်ပိာ်လိၤ, လၢဟံၣ်တ ဖၣ်ဖဲအကအီၣ်အီၤလီၤ. ဒီးတၢ်လၢမုၢ်နၤန့ၣ်ကဘၣ် အီၣ်အညၣ်ကၣ်လၢမ့ၣ်အူ, ဒီးကိၣ်တအိၣ်ဘၣ်ဒီးကိၣ် မံၣ်ဘၣ်, ဒီးဘၣ်အီၣ်ဝဲဒီးတၢ်ဒိးအခၣ်လီၤ. အီၣ်အီၤ အသံကစဲာ်တဂ့ၤ. ချီအီၤဒီးထံလ့ၤတက့ၤတဂ့ၤ. ကၣ် အီၤလၢမ့ၣ်အူ, အခိၣ်, ဒီးအခီၣ်, ဒီးတၢ်အိၣ်လၢသအိ အပူၤန့ၣ်တက့ၢ်. 10 ဒီးဒုးအိၣ်လီၤတဲာ်တုၤမုၢ်ဆ့ၣ်ထီၣ် နီတစဲးတဂ့ၤ. ဒီးတၢ်လၢအအိၣ်လီၤတဲာ်တုၤမုၢ်ဂီၤန့ၣ်, သုဘၣ်ဆူးထီၣ်ကွံာ်အီၤလၢမ့ၣ်အူလီၤ.
11 ဒီးသုဘၣ်အီၣ်အီၤဒ်အံၤ, သုယီၢ်ဒ့ကံၢ်တူာ်အသး, သုခီၣ်ဖံးအိၣ်လၢသုခီၣ်လိၤ, ဒီးသုနီၣ်ထိးဘိလၢသုစု ပူၤလီၤ. ဒီးသုဘၣ်အီၣ်အီၤချ့ချ့လီၤ. မ့ၢ်ဝဲလၢယွၤအ လဲၤကပာ်တၢ်လီၤ.
12 အဂ့ၢ်ဒ်အံၤ, လၢမုၢ်တနၤအံၤယကလဲၤခီဂာ်ကီၢ်အဲၤ ကူပတူး, ဒီးယကကျီသံကွံာ်ကယဲၢ်တၢ်အဖိဝဲၢ်ကိလၢ ကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ် ဖိအဒၢ, ဒီးထီဒါအဲၤကူပတူးအကစၢ်တဖၣ်ခဲလၢာ်န့ၣ် ယကမၤတၢ်စံၣ်ညီၣ်လီၤ. ယဲဒၣ်အံၤယမ့ၢ်ယွၤလီၤ.
13 ဒီးတၢ်သွံၣ်န့ၣ် ကကဲထီၣ်တၢ်ပနီၣ် လၢသုဂီၢ်လၢ ဟံၣ်လိၤဖဲသုအိၣ်လၢအပူၤ, ဒီးတုၤယထံၣ်တၢ်သွံၣ်န့ၣ် ဒီး, ယကလဲၤကပာ်သု, ဒီးတုၤယကျီကွံာ်ကီၢ်အဲၤကူ ပတူးဒီး, တၢ်သံသတြိာ်တဘၣ်ဘၣ်သု လၢတၢ်ဟး ဂီၤအဂီၢ်ဘၣ်လီၤ.
14 ဒီးတၢ်လၢမုၢ်နံၤအံၤ ကကဲထီၣ်တၢ်သ့ၣ်နီၣ်ထီၣ်က့ၤ တၢ်လၢသုဂီၢ်, ဒီးသုဘၣ်တိၢ်န့ၢ်အီၤလၢတၢ်မၤဘူၣ်ယွၤ လီၤစိၤလီၤဃၣ်လီၤ. သုဘၣ်မၤအီၤလၢတၢ်မၤဘူၣ်လၢ တၢ်မၤလိာ်အထူအယိာ်လီၤ.
15 နွံနံၤန့ၣ် သုဘၣ်အီၣ်ကိၣ်တအိၣ်ဘၣ်ဒီး ကိၣ်မံၣ် ဘၣ်. မုၢ်ခီၣ်ထံးတနံၤန့ၣ်ဒၣ်လဲာ်သုဘၣ်ပာ်ကွံာ်ကိၣ် မံၣ်လၢသုဟံၣ်ပူၤလီၤ. အဂ့ၢ်ဒ်အံၤ, ပှၤလၢအအီၣ်ကိၣ် အိၣ်ဒီးကိၣ်မံၣ်လၢမုၢ်ခီၣ်ထံးတုၤလၢမုၢ်နွံနံၤတနံၤတဂၤ ဂၤန့ၣ်, ကဘၣ်တၢ်ဒီၣ်တဲာ်ကွံာ်အီၤဒီးအံၣ်စရ့လးလီၤ.
16 ဒီးလၢမုၢ်ခီၣ်ထံးန့ၣ်တၢ်ကိးဖှိၣ်စီဆှံ, ဒီးလၢမုၢ်နွံနံၤ တနံၤန့ၣ်တၢ်ကိးဖှိၣ်စီဆှံကအိၣ်လၢသုဂီၢ်လီၤ. လၢမုၢ် နံၤတဖၣ်န့ၣ်အတီၢ်ပူၤ သုတဘၣ်မၤတၢ်နီတမံၤဘၣ်. မၤထဲတၢ်လၢကယဲၢ်ပှၤဘၣ်အီၤဧိၤလီၤ. ဘၣ်မၤထဲန့ၣ် ဧိၤလီၤ.
17 ဒီးသုဘၣ်တိၢ်န့ၢ် ဘူၣ်ကိၣ်တအိၣ်ဘၣ်ဒီး ကိၣ်မံၣ် လီၤ. အဂ့ၢ်ဒ်အံၤ, တၢ်လၢမုၢ်တနံၤအံၤဒၣ်လဲာ်ယဒုး ဟးထီၣ်ကွံာ်သုသုးမုၢ်တဖၣ်လၢကီၢ်အဲၤကူပတူးအပူၤ, ဒီးသုဘၣ်တိၢ်န့ၢ် မုၢ်တနံၤအံၤလၢ သုစၢၤသုသွဲၣ်လၢ တၢ်မၤလိာ်အထူအယိာ်လီၤ.
18 လၢလါအခီၣ်ထံးတခါန့ၣ် လါထီၣ်တဆံလွံၢ်နံၤတ နံၤလၢမုၢ်ဟါ, သုဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်, တုၤလၢလါထီၣ်ခံဆံတနံၤလၢမုၢ်ဟါန့ၣ်လီၤ.
19 နွံနံၤအတီၢ်ပူၤကိၣ်မံၣ်န့ၣ် တဘၣ်အိၣ်လၢသုဟံၣ်ပူၤ ဘၣ်. အဂ့ၢ်ဒ်အံၤ, ကယဲၢ်ပှၤလၢအအီၣ်တၢ်အိၣ်ဒီးကိၣ် မံၣ်တဂၤလၢ်လၢ်န့ၣ်, ပှၤတခီဘီတခီမုၢ်ဖိမ့ၢ်ဂ့ၤ, ပှၤ အိၣ်ဖျဲၣ်လၢကီၢ်ပူၤမ့ၢ်ဂ့ၤ, အဝဲဒၣ်ကဘၣ်တၢ်ဒီၣ်တဲာ် ကွံာ်အီၤလၢအံၣ်စရ့လးအတၢ်အိၣ်ဖှိၣ်န့ၣ်လီၤ. 20 တၢ် အိၣ်ဒီးကိၣ်မံၣ်န့ၣ်သုတဘၣ်အီၣ်နီတမံၤဘၣ်. သုဘၣ် အီၣ်ကိၣ်တအိၣ်ဘၣ်ဒီး ကိၣ်မံၣ်လၢသုအိၣ်သုဆိးအ လီၢ်ကိးပူၤဒဲးလီၤ.
21 ဒီးစီၤမိၤရှ့ကိးန့ၢ်ပှၤအံၣ်စရ့လးဖိ အသူၣ်က့သးပှၢ်ခဲ လၢာ်ဒီးစံးဘၣ်အီၤ, မိၤထီၣ်ဒီးဟံးန့ၢ်တၢ်အဖိလၢသိဒီး မဲာ်တဲးလဲးအကျါ, ဒ်သုဒူၣ်တဖၣ်အသိးန့ၣ်, ဒီးမၤသံ တၢ်လဲၤကပာ်တက့ၢ်. 22 ဒီးသုဘၣ်ဟံးန့ၢ်ကဖျီၣ်အ့စိး တကဒိၣ်,ဒီးဘျၢလၢတၢ်သွံၣ်လၢအအိၣ်လၢသလၢပူၤ, ဒီးတီၢ်ကျဲစၢၤခိၣ်ပိာ်လိၤ, ဒီးကျဲစၢၤအထူၣ်ခံခီလၢတၢ် သွံၣ်အိၣ်လၢသလၢပူၤလီၤ. ဒီးပှၤတဘၣ်ဟးထီၣ်လၢ အဟံၣ်အကျဲစၢၤတုၤလၢမုၢ်ဂီၤနီတဂၤဘၣ်. 23 ဒီးယွၤ ကလဲၤခီဂာ်တၢ်ဒ်သိးအကကျီကွံာ် ပှၤအဲၤကူပတူးဖိ, ဒီးတုၤအထံၣ်တၢ်သွံၣ်လၢကျဲစၢၤခိၣ်ပိာ်လိၤ ဒီးလၢကျဲ စၢၤအထူၣ်ခံခီအလိၤဒီး, ကလဲၤကပာ်ကျဲစၢၤန့ၣ်, ဒီး တဟ့ၣ်တၢ်မၤဟးဂီၤလဲၤနုာ်လၢသုဟံၣ်ပူၤ ဒ်သိးအက ကျီကွံာ်တၢ်ဘၣ်လီၤ.
24 ဒီးသုဘၣ်တိၢ်န့ၢ်တၢ်တမံၤန့ၣ် လၢတၢ်အလုၢ်အလၢ် လၢနဂီၢ်ဒီးလၢနဖိနလံၤအဂီၢ်လီၤထူလီၤယိာ်လီၤ. 25 ဒီး တၢ်ကမၤအသးတုၤသုတုၤ လၢကီၢ်တဘ့ၣ်လၢယွၤက ဟ့ၣ်လီၤသု, ဒ်အစံးတၢ်အသိးဒီး, သုဘၣ်တိၢ်န့ၢ်တၢ် မၤအံၤလီၤ.
26 ဒီးတၢ်ကမၤအသး တုၤသုဖိသုလံၤစံးလၢသု, သုမၤ တၢ်အံၤမ့ၢ်ဒ်လဲၣ်, 27 သုဘၣ်စံး, အဝဲအံၤမ့ၢ်ယွၤအတၢ် လဲၤကပာ်အတၢ်လုၢ်လီၤ. အဂ့ၢ်ဒ်အံၤ, တုၤအကျီကွံာ် ပှၤအဲၤကူပတူးဖိဒီး, လဲၤကပာ်ပှၤအံၣ်စရ့လးဖိအဟံၣ် တဖၣ်လၢအဲၤကူပတူးအပူၤ, ဒီးမၤပူၤမၤဖျဲးပဟံၣ်တဖၣ် လီၤ. ဒီးပှၤဂီၢ်မုၢ်ဆုးလီၤအခိၣ်, ဒီးဘူၣ်တၢ်ဘါတၢ်လီၤ.
28 ဒီးပှၤအံၣ်စရ့လးဖိလဲၤမၤတၢ် ဒ်ယွၤမၤလိာ်စီၤမိၤရှ့ ဒီးစီၤအၤဟရိၣ်အသိးန့ၣ်, မၤဝဲဒ်န့ၣ်လီၤ.
29 ဒီးတၢ်မၤအသးလၢမုၢ်နၤဖးဖီမုၢ်န့ၣ်, ယွၤကျီသံကွံာ် ကယဲၢ်တၢ်အဖိဝဲၢ်ကိ အိၣ်လၢကီၢ်အဲၤကူပတူးအပူၤ, လၢဖၤရိၤလၢအဆ့ၣ်နီၤလၢလီၢ်ပစိာ်အဖီခိၣ်အဖိဝဲၢ်ကိ, ပၢၢ်လၢပှၤဘၣ်တၢ်ဖီၣ်န့ၢ်အီၤ အိၣ်လၢဃိာ်အတပူၤအ ဖိဝဲၢ်ကိ, ဒီးကယဲၢ်ဆၣ်ဖိကီၢ်ဖိအဒၢအဖိဝဲၢ်ကိခဲလၢာ် လီၤ.
30 ဒီးဖၤရိၤဂဲၤဆၢထၢၣ်လၢမုၢ်နၤ, အဝဲဒၣ်, ဒီးအခ့အ ပှၤခဲလၢာ်, ဒီးပှၤအဲၤကူပတူးဖိခဲလၢာ်, ဒီးတၢ်ကိးပ သူထီၣ်ဖးဒိၣ်အိၣ်ဝဲလၢအဲၤကူပတူးအပူၤလီၤ. အဂ့ၢ်ဒ် အံၤ, ဟံၣ်လၢပှၤသံတဂၤတအိၣ်ဘၣ်လၢအပူၤဘၣ်န့ၣ်, တအိၣ်ဘၣ်နီတဟံၣ်ဘၣ်.
31 ဒီးကိးက့ၤစီၤမိၤရှ့ဒီးစီၤအၤဟရိၣ်လၢမုၢ်နၤ, ဒီးစံးဝဲ ဒၣ်, ဂဲၤဆၢထၢၣ်, ဟးထီၣ်ကွံာ်လၢယပှၤဂီၢ်မုၢ်အကျါ, သုဝဲမ့ၢ်ဂ့ၤ, ပှၤအံၣ်စရ့လးဖိမ့ၢ်ဂ့ၤ, ဒီးလဲၤမၤယွၤအတၢ် ဒ်သုစံးတ့ၢ်အသိးန့ၣ်တက့ၢ်. 32 ဒီးဟံးန့ၢ်သုသိဒီးမဲာ်တဲး လဲး, ဒီးသုဂီၤဘုၣ်ဂီၤဖံး, ဒ်သုစံးတ့ၢ်အသိးန့ၣ်, ဒီး ဟးထီၣ်ကွံာ်, ဒီးဆိၣ်ဂ့ၤစ့ၢ်ကီးယၤတက့ၢ်.
33 ဒီးပှၤအဲၤကူပတူးဖိ မၤဆူၣ်ပှၤဂီၢ်မုၢ်ဒ်သိး အကဒုး ဟးထီၣ်ကွံာ်အီၤချ့ချ့လၢကီၢ်ပူၤန့ၣ်လီၤ. အဂ့ၢ်ဒ်အံၤ, စံးဝဲဒၣ်, ပမ့ၢ်ပှၤသံခဲလၢာ်လီၤ.
34 ဒီးပှၤဂီၢ်မုၢ်ဟံးန့ၢ်အကိၣ်သံကစဲာ် လၢအတချုးမၤ ဒံးဘၣ်လၢကိၣ်မံၣ်ဘၣ်, ဒီးဘိၣ်ကိၣ်အကျိးတဖၣ်လၢ အယၣ်ပူၤလၢအဖံဘၣ်ခိၣ်န့ၣ်လီၤ.
35 ဒီးပှၤအံၣ်စရ့လးဖိမၤဝဲဒ် စီၤမိၤရှ့အကလုၢ်အသိး, ဒီးဃ့ကယၢစ့, ဒီးကယၢထူ, ဒီးအကူအသိးလၢပှၤ အဲၤကူပတူးဖိလီၤ. 36 ဒီးယွၤဟ့ၣ်ပှၤဂီၢ်မုၢ်လၢတၢ်ဘျုး တၢ်ဖှိၣ်လၢပှၤအဲၤကူပတူးဖိအမဲာ်ညါ, သတးဒီး, အ ဝဲသ့ၣ်ဒုးဟံးန့ၢ်အီၤလၢတၢ်လၢအဃ့ဝဲလီၤ. ဒီးဂုာ်န့ၢ် ပှၤအဲၤကူပတူးဖိအတၢ်လီၤ.
37 ဒီးပှၤအံၣ်စရ့လးဖိ လဲၤတၢ်လၢဝ့ၢ်ရၤမစ့ ပၢၢ်လၢစူး ကိၤသးလီၤ. ဒီးလၢဖိဒံဖိသၣ်အမဲာ်ညါန့ၣ်ပှၤကညီပိာ် ခွါလၢအလဲၤလၢအခီၣ်အိၣ်ဝဲဃုကလီၢ်ဃၣ်ဃၣ်လီၤ.
38 ဒီးပှၤဃါဃုာ်ဂီၢ်မုၢ်လဲၤထီၣ်စ့ၢ်ကီးဒီးအီၤ, ဒီးသိဒီး မဲာ်တဲးလဲး, ဒီးဂီၤဘုၣ်ဂီၤဖံးတဖၣ်, ဒီးဆၣ်ဖိကီၢ်ဖိအ ဒၢအါအါကလဲာ်လီၤ.
39 ဒီးသၣ်ဘၢကိၣ်ဒီဘ့ၣ် လၢအတအိၣ်ဘၣ်ဒီးကိၣ်မံၣ် လၢကိၣ်အသံကစဲာ်လၢအဟဲစိာ်လၢအဲၤကူပတူးအပူၤ လီၤ. မ့ၢ်အဘၣ်တၢ်ဟီထီၣ်ကွံာ်အီၤ လၢအဲၤကူပတူး ဒီးအိၣ်ဝဲတသ့ဘၣ်ဒီး, တကတဲာ်ကတီၤဘၣ်တၢ်အီၣ် လၢအဂီၢ်ဘၣ်.
40 ဒီးပှၤအံၣ်စရ့လးဖိအအိၣ်အဆိး လၢအအိၣ်ဝဲဆိးဝဲ လၢအဲၤကူပတူးအပူၤန့ၣ်, မ့ၢ်အနံၣ်လွံၢ်ကယၤသၢဆံ လီၤ. 41 ဒီးလၢအနံၣ်လွံၢ်ကယၤသၢဆံအကတၢၢ်န့ၣ်, တၢ်မၤအသးလၢမုၢ်တနံၤဒၣ်ဝဲန့ၣ် ယွၤအသုးမုၢ်ခဲလၢာ် ဟးထီၣ်ဝဲလၢကီၢ်အဲၤကူပတူးအပူၤလီၤ.
42 မ့ၢ်မုၢ်နၤဘၣ်ဃးဒီး တၢ်တိၢ်န့ၢ်လၢယွၤအဂီၢ်လၢအ ဒုးဟးထီၣ်အီၤ လၢကီၢ်အဲၤကူပတူးအပူၤအဃိန့ၣ်လီၤ. တၢ်လၢမုၢ်နၤအံၤ ပှၤဘၣ်တိၢ်န့ၢ်အီၤလၢယွၤအဂီၢ်လၢ ကယဲၢ်ပှၤအံၣ်စရ့လးဖိ လီၤလၢအစၢၤအသွဲၣ်ခဲလၢာ် လီၤ.
43 ဒီးယွၤစံးဘၣ်စီၤမိၤရှ့ ဒီးစီၤအၤဟရိၣ်, အဝဲအံၤမ့ၢ် တၢ်လဲၤကပာ်အလုၢ်အလၢ်လီၤ. ပှၤတခီဘီတခီမုၢ်ဖိ တအီၣ်ဘၣ်ဝဲဘၣ်. 44 ဒီးကယဲၢ်ပှၤအကုၢ်အပှၤလၢနပှ့ၤ ဒီးစ့တဂၤလၢ်လၢ်န့ၣ်တုၤနကူးတရံးအီၤဝံၤဒီး, ကအီၣ် ဘၣ်ဝဲလီၤ. 45 မ့မ့ၢ်ပှၤအိၣ်တမှံၤ, ဒီးပှၤလၢအဒိးလဲအ သးတဂၤန့ၣ်တဘၣ်အီၣ်ဘၣ်လၢအီၤဘၣ်.
46 ကဘၣ်တၢ်အီၣ်အီၤလၢ ဟံၣ်တဖျၢၣ်ဃီလီၤ. နတ ဘၣ်ဒုးစိာ်ဘၣ်အညၣ်လၢဟံၣ်ပူၤဆူခိဘၣ်, ဒီးသုတ ဘၣ်မၤကၢ်အဃံဘၣ်. 47 ကယဲၢ်အံၣ်စရ့လးအတၢ်အိၣ် ဖှိၣ်ဘၣ်တိၢ်န့ၢ်အီၤလီၤ. 48 ဒီးတုၤပှၤတခီဘီမုၢ်ဖိ အိၣ်ဝဲဆိးဝဲဒီးနၤဒီးကတိၢ်န့ၢ်တၢ်လဲၤကပာ်လၢယွၤအဂီၢ်ဒီး, မ်အပိာ်ခွါဒိးတၢ်ကူးတရံးကိးဂၤဒဲးတက့ၢ်. တုၤနုၤတစု ကဟဲဘူးဒၣ်ဝဲဒ်သိးအကတိၢ်န့ၢ်တက့ၢ်. ဒီးကကဲထီၣ်ဝဲဒ် ပှၤလၢအအိၣ်ဖျဲၣ်လၢ ကီၢ်ပူၤအသိးန့ၣ်လီၤ. ဒီးပှၤလၢအတဒိးဘၣ်တၢ်ကူးတရံးန့ၣ် တဘၣ်အီၣ်ဘၣ်နီတဂၤဘၣ်.-
49 ပှၤလၢအအိၣ်ဖျဲၣ်လၢကီၢ်ပူၤ, ဒီးပှၤတခီဘီမုၢ်ဖိလၢအ အိၣ်အဆိးလၢသုကျါန့ၣ်, ကအိၣ်ဒီးတၢ်သိၣ်တၢ်သီ တမံၤဃီလီၤ.
50 ဒီးပှၤအံၣ်စရ့လးဖိခဲလၢာ် မၤဝဲဒ်ယွၤမၤလိာ်စီၤမိၤရှ့ ဒီးစီၤအၤဟရိၣ်အသိးန့ၣ်, မၤဝဲဒ်န့ၣ်လီၤ.
51 ဒီးတၢ်မၤအသးလၢမုၢ်နံၤတနံၤဃီန့ၣ်, ယွၤဒုးဟး ထီၣ်ပှၤအံၣ်စရ့လးဖိ လၢအသုးမုၢ်တဖၣ်လၢကီၢ်အဲၤ ကူပတူးအပူၤလီၤ.