လံာ်စီၤမိၤရှ့ခံဘ့ၣ်တဘ့ၣ်.
1
ဒီးအအံၤမ့ၢ်ပှၤအံၣ်စရ့လးဖိလၢအဟဲဆူအဲၤကူပတူး တဖၣ်အမံၤ, တဂၤဒီးအပှၤဟံၣ်ဖိ, တဂၤဒီးအပှၤဟံၣ် ဖိဟဲဝဲဒီးစီၤယၤကိာ်လီၤ. စီၤရူၤဘ့ၣ်, စီၤစူၤမ့းအိၣ် စီၤလ့ၤဝံ, ဒီးစီၤယူဒၤ, စီၤယံးစၣ်ကၢ်, စီၤစဘူလိၣ်, ဒီးစီၤဘံၣ်ယၤမံၣ်, စီၤဒၣ်, ဒီးစီၤနးသၤလံ, စီၤကး, ဒီးစီၤအၤရှ့ၢ်လီၤ.
ဒီးကယဲၢ်ပှၤအသးလၢအဟဲထီၣ်လၢ စီၤယၤကိာ်အ ယီၢ်ဒ့ခဲလၢာ်န့ၣ်မ့ၢ်ပှၤအသးနွံဆံလီၤ. အဂ့ၢ်ဒ်အံၤ, စီၤ ယိၤသးအိၣ်တ့ၢ်ဝဲလၢအဲၤကူပတူးအပူၤလီၤ. ဒီးစီၤယိၤ သးသံဝဲ, ဒီးအဒီပုၢ်ဝဲၢ်ခဲလၢာ်, ဒီးကယဲၢ်ပှၤတစိၤန့ၣ် ခဲလၢာ်လီၤ.
ဒီးပှၤအံၣ်စရ့လးဖိသၣ်ထီၣ်, ဒီးအါထီၣ်, ဒီးဒိၣ် ထီၣ်, ဒီးဆူၣ်ထီၣ်ဒိၣ်ဒိၣ်ကလဲာ်လီၤ. ဒီးထံဧိၤကီၢ်ဧိၤ န့ၣ်ပှဲၤဝဲဒီးအီၤလီၤ.
ဒီးစီၤပၤအသီတဂၤအိၣ်ထီၣ်လၢ အဲၤကူပတူးအဖီ ခိၣ်လၢအတသ့ၣ်ညါဘၣ်စီၤယိၤသးဘၣ်. ဒီးစံးဘၣ် အပှၤဂီၢ်မုၢ်, ကွၢ်ကွၢ်, ပှၤဂီၢ်မုၢ်, ပှၤအံၣ်စရ့လးဖိအါ န့ၢ်ဆူၣ်န့ၢ်ပှၤတက့ၢ်လီၤ. 10 ဟဲမီၣ်, မၤသကိးအီၤဒီးတၢ် ကူၣ်သ့တက့ၢ်. ကအါထီၣ်, ဒီးတၢ်ကမၤအသးဘၣ် ဖုးလၢတၢ်ဒုးတၢ်ယၤမ့ၢ်အိၣ်ထီၣ်တမံၤမံၤဒီး, အဝဲသ့ၣ် တဖၣ်န့ၣ်ကပာ်ဖှိၣ်အသးဒီးပဒုၣ်ပဒါ, ဒီးဒုးတၢ်ဒီးပှၤ, ဒီးဟးထီၣ်ကွံာ်လၢကီၢ်အံၤလီၤ.
11 ဒီးပာ်သွဲအပဒိၣ်တဖၣ်လၢအဖီခိၣ်, ဒ်သိးအကမၤနး မၤဖှီၣ်အီၤလၢအတၢ်ဝံတၢ်ယိးလီၤ. ဒီးအဝဲသ့ၣ်မၤထီၣ် တၢ်ပာ်ဖှိၣ်အဝ့ၢ်တဖၣ်လၢဖၤရိၤအဂီၢ်, ဝ့ၢ်ပံသိၣ်, ဒီး ဝ့ၢ်ရၤမစ့လီၤ.
12 ဘၣ်ဆၣ်ဒီး ဒံးမၤနးမၤဖှီၣ်အီၤဒီး, အဝဲသ့ၣ်ဒံးအါ ထီၣ်, ဒီးဒံးဒိၣ်ထီၣ်လီၤ. ဒီးအသးဆါလၢပှၤအံၣ်စရ့ လးဖိအဃိလီၤ. 13 ဒီးပှၤအဲၤကူပတူးဖိမၢပှၤအံၣ်စရ့လး ဖိမၤအတၢ်ဒီးဒူတၢ်လီၤ. 14 ဒီးမၤကိၢ်မၤဂီၤအသးသမူလၢ ကုၢ်အတၢ်မၤဘၣ်ဃးဒီးအီကတ့ၣ်, ဒီးအူးခဲ, ဒီးကယဲၢ် ကုၢ်အတၢ်မၤလၢစံာ်ပူၤပှဲၤပူၤတမံၤလၢ်လၢ်လီၤ. အတၢ် မၤလၢအမၢအမၤန့ၣ် အိၣ်ဝဲဒီး ဒူတၢ်ကိးမံၤဒဲးလီၤ.
15 ဒီးအဲၤကူပတူးအစီၤပၤစံးဘၣ် ပှၤဧ့ၤဘြံၤအပှၤကွၢ်ပ ဟုး (အဝဲတဂၤအမံၤမ့ၢ်နီၢ်ၡံးပရၤ, ဒီးအဝဲတဂၤအမံၤ မ့ၢ်နီၢ်ပူၤဧၤလီၤ.) 16 ဒီးစံးဝဲဒၣ်, တုၤသုမၤပှၤကွၢ်ပဟုး အလီၢ်လၢပှၤဧ့ၤဘြံၤမုၣ်အဂီၢ်ဒီး, အိၣ်ဒံးလၢလီၢ်ဆ့ၣ် နီၤဖိအဖီခိၣ်ဒီး, သုဘၣ်ကွၢ်တၢ်လီၤ. မ့မ့ၢ်အပိာ်ခွါဒီး, သုဘၣ်မၤသံအီၤလီၤ. ဘၣ်ဆၣ်မ့မ့ၢ်အပိာ်မုၣ်ဒီး,ကမူ ဘၣ်ဝဲလီၤ.
17 ဒီးပှၤကွၢ်ပဟုးတဖၣ်န့ၣ်ပျံၤယွၤ, ဒီးတမၤဘၣ်ဒ်အဲၤ ကူပတူးအစီၤပၤကတိၤတၢ်ဒီးအီၤအသိးဘၣ်, ဒီးဒုးမူ ဒံးဖိသၣ်ပိာ်ခွါတဖၣ်လီၤ. 18 ဒီးအဲၤကူပတူးအစီၤပၤကိး က့ၤပှၤကွၢ်ပဟုး, ဒီးစံးဘၣ်အီၤ, သုမၤတၢ်အံၤ, ဒီးဒုး မူဒံးဖိသၣ်ပိာ်ခွါတဖၣ်န့ၣ်မ့ၢ်အဘၣ်မနုၤလဲၣ်.
19 ဒီးပှၤကွၢ်ပဟုးစံးဘၣ်ဖၤရိၤ, အဂ့ၢ်ဒ်အံၤ, ပှၤဧ့ၤဘြံၤ မုၣ်တဒ်ဘၣ်ပှၤအဲၤကူပတူးမုၣ်အသိးဘၣ်, မ့ၢ်အဂံၢ် ဆူၣ်အဘါဆူၣ်သတးဒီး, ပှၤကွၢ်ပဟုးတချုးတုၤဒံး ဘၣ်လၢအအိၣ်ဒီး, ဆံးစၢ်န့ၢ်တၢ်လီၤ.
20 ဒီးယွၤမၤဂ့ၤ ပှၤကွၢ်ပဟုး, ဒီးပှၤဂီၢ်မုၢ်အါထီၣ်, ဒီး ဆူၣ်ထီၣ်ဆူၣ်မးလီၤ. 21 ဒီးမ့ၢ်ပှၤကွၢ်ပဟုးပျံၤယွၤအဃိ ဒီး, ယွၤဒုးအိၣ်ထီၣ်အပှၤဟံၣ်ဖိလီၤ.
22 ဒီးဖၤရိၤမၤလိာ်အပှၤဂီၢ်မုၢ်ခဲလၢာ်, ဒီးစံးဝဲဒၣ်, ဖိခွါ လၢအအိၣ်ဖျဲၣ်တဖၣ်န့ၣ်, သုဘၣ်ကွံာ်တ့ၢ်ကွံာ်အီၤလၢ ထံမိၢ်ပှၢ်အပူၤကိးဂၤဒဲးလီၤ. မ့မ့ၢ်ပိာ်မုၣ်တဖၣ်န့ၣ်,သု ဘၣ်ဒုးမူအီၤကိးဂၤဒဲးလီၤ.