8
တၢ်လၢမုၢ်တနံၤန့ၣ် စီၤပၤအဃၤၡဝ့ရိၣ် ဟ့ၣ်လီၤပှၤ ယူဒၤဖိအဒုၣ်အဒါစီၤဟၤမၣ်အဟံၣ်လၢ နီၢ်ပၤမုၣ်အ့ၤစ တၢ်, ဒီးစီၤမၢ်ဒကဲၤဟဲဝဲဆူ စီၤပၤအအိၣ်လီၤ. အဂ့ၢ်ဒ် အံၤ, အဝဲဒၣ်န့ၣ်ဘၣ်ဃးဒီးအီၤ ဒ်လဲၣ်ဒ်လဲၣ်န့ၣ်နီၢ်အ့ၤ စတၢ်စံးဘၣ်တဲဘၣ်ဝဲလီၤ.
ဒီးစီၤပၤဘ့ၣ်လီၤအပသံးလၢအဟံးန့ၢ်က့ၤ လၢစီၤဟၤ မၣ်, ဒီးဟ့ၣ်လီၤဝဲလၢစီၤမၢ်ဒကဲၤန့ၣ်လီၤ. ဒီးနီၢ်အ့ၤစ တၢ်ပာ်စီၤမၢ်ဒကဲၤလၢစီၤဟၤမၣ်အဟံၣ်အဖီခိၣ်လီၤ.
ဒီးနီၢ်အ့ၤစတၢ်ကတိၤကဒီးတၢ်လၢ စီၤပၤအမဲာ်ညါ, ဒီးထိၣ်လီၤပှီၤအသးလၢအခီၣ်ထံး, ဒီးဃ့ကညးဝဲလၢအ မဲာ်ထံလီၤဒ်သိးအကဒုးပူၤကွံာ် ပှၤအကၤကးဖိစီၤဟၤ မၣ်အတၢ်အၢ, ဒီးအတၢ်ကူၣ်လၢအကူၣ်တၢ်ထီဒါပှၤယူ ဒၤဖိန့ၣ်လီၤ. ဒီးစီၤပၤယူာ်ထီၣ်နီၣ်ထိးထူဆူ နီၢ်အ့ၤစတၢ်, ဒီးနီၢ်အ့ၤစတၢ်ဂဲၤဆၢထၢၣ်, ဒီးဆၢထၢၣ်လၢစီၤပၤအမဲာ်ညါ,-
ဒီးစံးဝဲဒၣ်, မ့ၢ်ဂ့ၤဒီးစီၤပၤ, ဒီးယမ့ၢ်ဘၣ်ဘျုးဘၣ်ဖှိၣ်လၢ စီၤပၤအမဲာ်ညါ, ဒီးတၢ်တမံၤအံၤမ့ၢ်လိၤလၢစီၤပၤအမဲာ် ညါ, ဒီးယဲဒၣ်ယမ့ၢ်ဂ့ၤလၢစီၤပၤအမဲာ်ဒီး, မ်တၢ်ကွဲးဘိး ကဒါက့ၤလံာ်လၢပှၤအကၤကးဖိ, စီၤဟးမဒၤသၤအဖိခွါ စီၤဟၤမၣ်ကူၣ်ထီၣ်ဝဲလၢအကွဲးဝဲဒ်သိး အကမၤဟးဂီၤ ပှၤယူဒၤဖိလၢအအိၣ်ဝဲလၢ စီၤပၤအထံအကီၢ်ခဲလၢာ်အ ပူၤန့ၣ်တက့ၢ်. အဂ့ၢ်ဒ်အံၤ, တၢ်အၢလၢအကဘၣ်ယ ပှၤတကလုာ်န့ၣ်ယထံၣ်ကကဲဒ်လဲၣ်. ဒီးတၢ်မၤဟးဂီၤ ယဘူးယတံၢ်န့ၣ်ယထံၣ်ကကဲဒ်လဲၣ်.
ဒီးစီၤပၤအဃၤၡဝ့ရိၣ်စံးဘၣ် နီၢ်ပၤမုၣ်အ့ၤစတၢ်, ဒီး ပှၤယူဒၤဖိစီၤမၢ်ဒကဲၤ, ကွၢ်ကွၢ်, ယဟ့ၣ်လီၤလံနီၢ်အ့ၤစ တၢ်လၢစီၤဟၤမၣ်အဟံၣ်, ဒီးပှၤဘျးထီၣ်အီၤလၢသ့ၣ်တ ကျီၣ်န့ၣ်အလိၤလၢအပာ်အစုလၢ ပှၤယူဒၤဖိအလိၤအဃိ လီၤ. ကွဲးစ့ၢ်ကီးသုဝဲလၢပှၤယူဒၤဖိအဂီၢ်, ဖဲအဂ့ၤလၢ သုမဲာ်, လၢစီၤပၤအမံၤ, ဒီးစဲဃာ်ပနီၣ်လၢစီၤပၤအပသံး တက့ၢ်. အဂ့ၢ်ဒ်အံၤ, လံာ်လၢအကွဲးအသးလၢစီၤပၤအ မံၤ, ဒီးစဲဃာ်ပနီၣ်လၢစီၤပၤအပသံးန့ၣ် ပှၤတမၤကဒံ ကဒါဘၣ်နီတဂၤဘၣ်.
ဒီးအကတီၢ်ဖဲန့ၣ် လၢလါသၢလါတလါလၢအမ့ၢ်လါ စံဝၣ်, လါထီၣ်ခံဆံသၢနံၤတနံၤန့ၣ်ပှၤကိးန့ၢ်စီၤပၤအပှၤ ကွဲးလံာ်, ဒီးပှၤကွဲးဝဲဒ်ကယဲၢ်တၢ်လၢစီၤမၢ်ဒကဲၤမၤလိာ် ပှၤယူဒၤဖိ, ဒီးပဒိၣ်ဖးဒိၣ်တဖၣ်, ဒီးပဒိၣ်တဖၣ်, ဒီးထံ ဧိၤကီၢ်ဧိၤအပဒိၣ်ဖးဒိၣ်တဖၣ် လၢအအိၣ်ဝဲလၢဟံၣ်ဒူၤ ပၢၢ်လၢကူၤၡး, ကီၢ်တကယၤခံဆံနွံဘ့ၣ်, ဒီးတဘ့ၣ် ဘၣ်တဘ့ၣ်ဒ်ကီၢ်အလံာ်ကွဲးအသးအသိး, ဒီးလၢပှၤအ ကလုာ်ကလုာ်ဒ်အတၢ်ကတိၤအကျိာ်အသိး, ဒီးလၢပှၤ ယူဒၤဖိဒ်အလံာ်ကွဲးအသးအသိး, ဒီးဒ်အတၢ်ကတိၤအ ကျိာ်အသိးန့ၣ်လီၤ.
10 ဒီးကွဲးဝဲလၢ စီၤပၤအဃၤၡဝ့ရိၣ်အမံၤ, ဒီးစဲဃာ်ပနီၣ် ဝဲလၢစီၤပၤအပသံး, ဒီးဟ့ၣ်ယုၢ်လံာ်လၢပှၤဃ့ၢ်တၢ်ဖိအ စုပူၤလၢအဒိးကသ့ၣ်, ပှၤဒိးကသ့ၣ်ချ့, ကသ့ၣ်လၤ, ဒီး ကီၤလၤအူးဖိလီၤ. 11 လၢလံာ်ပူၤန့ၣ်စီၤပၤဟ့ၣ်ပှၤယူဒၤဖိ လၢအအိၣ်လၢဝ့ၢ်ကိးဖျၢၣ်ဒဲးအပူၤ လၢအကအိၣ်ဖှိၣ်ရိ ဖှိၣ်, ဒီးဆၢထၢၣ်လၢအသးသမူအဂီၢ် ဒ်သိးအကမၤ ဟးဂီၤဒီးမၤသံ, ဒီးမၤဟါမၢ်ကယဲၢ်ပှၤဂီၢ်မုၢ်, ဒီးကီၢ်တ ဘ့ၣ်လၢအကမၤအၢအီၤအစိအကမီၤခဲလၢာ်, ဖိဒံဖိသၣ်, ဒီးပိာ်မုၣ်ပိာ်မၢၤ, ဒီးဂုာ်န့ၢ်အတၢ်ဖိတၢ်လံၤလၢအတၢ်ဒၣ် ဝဲအဂီၢ်, 12 လၢမုၢ်တနံၤဃီလၢစီၤပၤအဃၤၡဝ့ရိၣ်အကီၢ် ကိးဘ့ၣ်ဒဲးအပူၤလၢလါတဆံခံလါတလါ, လၢအမ့ၢ်လါအးဒၢ်, လါထီၣ်တဆံသၢနံၤတနံၤန့ၣ်လီၤ.
13 လံာ်ကွဲးဆဲတၢ်တဘ့ၣ်လၢ တၢ်မၤလိာ်အဂီၢ်န့ၣ် ပှၤ ဘၣ်ဟ့ၣ်ဝဲလၢကီၢ်ကိးဘ့ၣ်ဒဲးအပူၤ, ဒီးဘၣ်စံးဘၣ်တဲ ဘၣ်ပှၤကိးကလုာ်ဒဲး, ဒီးပှၤယူဒၤဖိကဘၣ်ကတဲာ်က တီၤတၢ်လၢမုၢ်တနံၤန့ၣ် ဒ်သိးအကမၤအၢဆၢအဒုၣ်အ ဒါလီၤ.
14 ဒီးပှၤဃ့ၢ်တၢ်ဖိလၢအဒိးကသ့ၣ်ချ့, ဒီးကသ့ၣ်လၤတ ဖၣ်န့ၣ်ဟးထီၣ်ဝဲ, ဒီးစီၤပၤအကလုၢ်မၢအလဲၤတၢ်ချ့ချ့ လီၤ. ဒီးတၢ်ဟ့ၣ်တၢ်မၤလိာ်န့ၣ်လၢနူၢ်ရှူၡၣ်အပူၤလီၤ.
15 စီၤမၢ်ဒကဲၤဟးထီၣ်ဝဲလၢစီၤပၤအအိၣ်, ကူဝဲသိးဝဲလၢ တၢ်ကူတၢ်သိးစီၤပၤ, လၢတၢ်လါ, ဒီးတၢ်ဝါ, အိၣ်ဒီးအ ခိၣ်သလုးထူဖးဒိၣ်, ဒီးယၣ်ဖှီဝါကဆှၣ်, ဒီးလုးတကုာ်, ဒီးပှၤဝ့ၢ်ဖိကိးပသူထီၣ်လၢအသူၣ်ခုအသးခုလီၤ.
16 ပှၤယူဒၤဖိအိၣ်ဝဲဒီးတၢ်ကပီၤ, ဒီးတၢ်သူၣ်ခုသးခု, ဒီး တၢ်သူၣ်ဖှံသးညီ, ဒီးတၢ်လၤကပီၤလီၤ.
17 ဒီးဖဲဒၣ်စီၤပၤအကလုၢ်, ဒီးအတၢ်မၤလိာ် ဟဲဝဲလၢ ကီၢ်တဘ့ၣ်လၢ်လၢ်အပူၤ, ဒီးလၢဝ့ၢ်တဝ့ၢ်လၢ်လၢ်အပူၤ န့ၣ်ပှၤယူဒၤဖိအိၣ်ဝဲဒီးတၢ်သူၣ်ခုသးခု, တၢ်သူၣ်ဖှံသး ညီ, တၢ်အီၣ်တၢ်အီ, ဒီးမုၢ်နံၤအဂ့ၤတနံၤလီၤ. ဒီးပှၤ ကီၢ်ဖိအါဂၤကဲထီၣ်ပှၤယူဒၤဖိလီၤ. အဂ့ၢ်ဒ်အံၤ, တၢ်ပျံၤ ပှၤယူဒၤဖိလီၤဘၣ်အလိၤလီၤ.