2
1 ဒီးပှၤလၢအသံတ့ၢ်လၢ တၢ်သရူးတၢ်ကမၣ်ဒီးတၢ်ဒဲး တူာ်တၢ်ဒဲးဘးအပူၤသုဝဲသ့ၣ်အံၤ, ယွၤမၤမူထီၣ်က့ၤလံ သုလံ.
2 တၢ်န့ၣ်တဖၣ်အပူၤ သုလဲၤတ့ၢ်ဒ်ပှၤအအံၤတ ဃၣ်ဖိအသိး, ဒ်တၢ်ဖးဖီအစိအကမီၤအခိၣ်,သးလၢအ မၤတၢ်ခဲကနံၣ်အံၤ လၢပှၤတစူၢ်ဘၣ်တၢ်အပူၤအသိးန့ၣ် လီၤ.
3 လၢအဝဲသ့ၣ်အကျါလၢထံးလၢမကိၣ်ပဝဲဒၣ်ခဲ လၢာ်အံၤ, ပအိၣ်ပဆိးလၢပဖံးပညၣ်အသးကွံတၢ်အ ပူၤ,ဒီးပမၤတၢ်ဖဲဒၣ်ပဖံးပညၣ်အသး, ဒီးဒ်ပသးကူၣ်တၢ် ဖးတၢ်အသိး, ဒီးပအိၣ်ဖျဲၣ်လၢ ပှၤဂ့ၤဘၣ်တၢ်သးဒိၣ် ထီၣ်ဒ်ပှၤဂၤအသိးန့ၣ်လီၤ.
4 မ့မ့ၢ်ယွၤလၢအသူၣ်ကညီၤ တၢ်ဒိၣ်သးကညီၤတၢ်အါန့ၣ်, မ့ၢ်အအဲၣ်ပှၤကွံပှၤအါ အါကလဲာ်အဃိဒီး,
5 ပှၤလၢအသံလၢတၢ်ကမၣ်အပူၤ ပဝဲဒၣ်အံၤ,မၤမူထီၣ်က့ၤဃုာ်ပှၤဒီးခရံာ်လီၤ. (သုတုၤ လၢတၢ်အုၣ်က့ၤခီၣ်က့ၤသုလၢတၢ်ဘျုးတၢ်ဖှိၣ်,)
6 ဒီးမၤ ဂဲၤဆၢထၢၣ်ဃုာ်ပှၤ, ဒီးဒုးဆ့ၣ်နီၤဃုာ်ပှၤ, လၢမူခိၣ်အ လီၢ်တဖၣ်အပူၤလၢယ့ၣ်ရှူးခရံာ်အပူၤ,
7 ဒ်သိးအကဒုး နဲၣ်အဘျုးထူးဒိၣ်အဖှိၣ်တီၤအါလၢ ခဲကိာ်အစိၤအဃၣ် တဖၣ်,လၢအမၤဂ့ၤပှၤလၢယ့ၣ်ရှူးခရံာ်အပူၤအဃိလီၤ.
8 အဂ့ၢ်ဒ်အံၤ, သုတုၤလၢတၢ်အုၣ်က့ၤခီၣ်က့ၤသုလၢ တၢ်ဘျုးတၢ်ဖှိၣ်လၢတၢ်နာ်အဃိလီၤ. ဒီးအဝဲန့ၣ်တမ့ၢ် ဘၣ်လၢသုဃိဒၣ်သုဝဲဘၣ်, မ့ၢ်ယွၤအတၢ်ဟ့ၣ်လီၤ.
9 ဒ် သိးပှၤသုတပာ်အသးကဖၢလၢနီတဂၤတဂ့ၤဒီး, တမ့ၢ် ဘၣ်လၢတၢ်မၤအဃိဘၣ်.
10 အဂ့ၢ်ဒ်အံၤ,ပမ့ၢ်အတၢ်မၤ လၢအတ့လီၤဝဲလၢယ့ၣ်ရှူးခရံာ်အပူၤ, ဒ်သိးပကမၤတၢ် ဂ့ၤတဖၣ်လၢ ယွၤကတဲာ်ကတီၤပာ်လၢ ပကလဲၤတၢ် လၢအပူၤန့ၣ်လီၤ.
11 မၤသးဒ်န့ၣ်ဒီး, သုလၢအမ့ၢ်တ့ၢ်ပှၤကလုာ်တဖၣ်လၢ တၢ်ဖံးတၢ်ညၣ်အပူၤ, ပှၤလၢပှၤဒိးတၢ်ကူးတရံးလၢတၢ် ဖံးတၢ်ညၣ်လၢတၢ်မၤလၢပစု, ကိးဝဲလၢပှၤတဒိးဘၣ် တၢ်ကူးတရံးန့ၣ်,
12 လၢဖဲအကတီၢ်န့ၣ်သုတအိၣ်ဘၣ် ဒီးခရံာ်ဘၣ်, ပှၤတခီဘီမုၢ်ဖိလၢအတဘၣ်ဃးဒီးအံၣ်စ ရ့လးဘၣ်, ဒီးပှၤတမှံၤတပျီၤလၢအတဘၣ်ဃးဘၣ်ဒီး တၢ်စံးပာ်အတၢ်အၢၣ်လီၤအီလီၤဘၣ်, ပှၤတအိၣ်ဘၣ်ဒီး တၢ်မုၢ်လၢ်ဘၣ်, ဒီးတအိၣ်ဘၣ်ဒီးယွၤလၢဟီၣ်ခိၣ်ချၢ န့ၣ်,သ့ၣ်နီၣ်ထီၣ်က့ၤသုဝဲတက့ၢ်.
13 မ့မ့ၢ်ခဲကနံၣ်အံၤလၢ ယ့ၣ်ရှူးခရံာ်အပူၤန့ၣ်, သုလၢအအိၣ်ယံၤတ့ၢ်ဝဲအံၤ,အိၣ် ဘူးထီၣ်က့ၤလၢခရံာ်အသွံၣ်အဃိလီၤ.
14 အဂ့ၢ်ဒ်အံၤ,အ ဝဲဒၣ်မ့ၢ်ပတၢ်ဃူတၢ်ဖိး, ပှၤလၢအမၤက့ၤပှၤခံဖုတဖုဃီ, ဒီးမၤလီၤပှီၢ်ကွံာ်တၢ်ခိၣ်ဒူအိၣ်လၢပဘၢၣ်စၢၤ,
15 ဒီးလၢ အဖံးအညၣ်အပူၤမၤဟးဂီၤတၢ်ထီဒုၣ်ထီဒါ, ဒ်ပစံးတၢ် အသိး, တၢ်သိၣ်တၢ်သီဘၣ်ဃးဒီး တၢ်မၤလိာ်လၢတၢ် အသနိတဖၣ်န့ၣ်သတးဒီး, ပှၤခံကလုာ်န့ၣ်တ့က့ၤဝဲလၢ ပှၤအသီတဂၤဃီလၢအကစၢ်ဒၣ်ဝဲအပူၤဒီး, မၤတၢ်ဃူ တၢ်ဖိးလီၤ.
16 ဒီးမၤသံကွံာ်တၢ်ထီဒုၣ်ထီဒါန့ၣ်သတးဒီး, မၤဖိးလိာ်တၢ်ခံခီဒီးယွၤ လၢအနီၢ်တဂၤဃီလၢထူၣ်စု ညါန့ၣ်လီၤ.
17 ဒီးဟဲစံၣ်တဲၤတဲလီၤတၢ်ဃူတၢ်ဖိးလၢသု လၢအအိၣ်ယံၤ, ဒီးတၢ်ဃူတၢ်ဖိးဒီးပှၤ လၢအအိၣ်ဘူး လီၤ.
18 အဂ့ၢ်ဒ်အံၤ,ပဝဲဒၣ်ပှၤခံဖုအံၤ, ပန့ၢ်ဘၣ်တၢ်ဆှၢပှၤ ဆူပၢ်အအိၣ်လၢသးတဖျၢၣ်ဃီလၢအဝဲဒၣ်အဃိလီၤ.
19 မၤသးဒ်န့ၣ်ဒီး သုတမ့ၢ်လၢၤဘၣ်ပှၤတခီဘီမုၢ်ဖိဒီးပှၤ တမှံၤဘၣ်. မ့မ့ၢ်သုမ့ၢ်ပှၤဝ့ၢ်ဖိသကိးပှၤဝ့ၢ်ဖိဒီးပှၤစီဆှံ,ဒီး ယွၤအပှၤဟံၣ်ဖိ,
20 ဒီးတၢ်မၤထီၣ်သုလၢပှၤတၢ်မၢဖိ,ဒီး ဝံသ့ၣ်တဖၣ်အခီၣ်ထံးအဖီခိၣ်, ဒီးယ့ၣ်ရှူးခရံာ်အကစၢ် ဒၣ်ဝဲမ့ၢ်ဟံၣ်သနၢၣ်အခီၣ်ထံးလီၤ.
21 လၢအဝဲဒၣ်အပူၤ ဟံၣ်န့ၣ်ခဲလၢာ် ဘၣ်လိာ်ဖိးဒ့လိာ်အသးဒီဖျၢၣ်ညါသ တးဒီး, ဒိၣ်ထီၣ်ဒီးကဲထီၣ်လၢယွၤအဟံၣ်စီဆှံလီၤ.
22 ဒီး လၢအဝဲဒၣ်အပူၤ တၢ်သူၣ်ထီၣ်ဃုာ်သုလၢ ယွၤအိၣ်ဝဲ ဆိးဝဲအလီၢ်လၢသးအပူၤလီၤ.