8
1 လၢဃုနံၣ်တနံၣ်, လါဃုလါတလါ,ထီၣ်ယဲၢ်နံၤတ နံၤန့ၣ်ယဆ့ၣ်နီၤလၢယဟံၣ်ပူၤ, ဒီးယူဒၤအပှၤသူၣ်က့ သးပှၢ်ဆ့ၣ်နီၤဝဲလၢယမဲာ်ညါ, ဒီးတၢ်မၤအသးလၢက စၢ်ယွၤအစုလီၤဘၣ်ယၤဖဲန့ၣ်လီၤ.
2 ဒီးကကွၢ်တၢ်, ဒီးကွၢ်ကွၢ်,တၢ်အက့ၢ်အဂီၤမၤအသး ဒ်မ့ၣ်အူအသိး, တၢ်ဖျါလၢအယီၢ်ဒ့အဖီလာ်ဒ်မ့ၣ်အူ အသိး, ဒီးလၢအယီၢ်ဒ့အဖီခိၣ်န့ၣ် ဒ်တၢ်ကပီၤကယဲၢ် ကယူာ်အသိး, ဒ်လၢၢ်ဆှံဘီအသိးန့ၣ်လီၤ.
3 ဒီးယူာ်ထီၣ်တၢ်ဖျါဒ်အစုအသိး, ဒီးဟံးဃာ်ယခိၣ် သူ, ဒီးသးန့ၣ်စိာ်ထီၣ်ယၤလၢမူခိၣ်ဒီးဟီၣ်ခိၣ်အဘၢၣ် စၢၤ, ဒီးစိာ်ထီၣ်ယၤလၢတၢ်ထံၣ်လၢညါခီဘၣ်ဃးဒီး ယွၤအပူၤဆူယရူၤၡလ့ၣ်, ဆူဂၢၤလၢညါတခီအပဲတ ရီအကျဲစၢၤလၢအဒိးဝဲဆူ ကလံၤစိးတခီ, ဖဲတၢ်သး က့ၣ်အတၢ်ဂီၤလၢ အထိၣ်ဂဲၤတၢ်သးက့ၣ်န့ၣ်အိၣ်ဝဲ လီၤ.
4 ဒီးကွၢ်ကွၢ်,အံၣ်စရ့လးအကစၢ်အလၤကပီၤ အိၣ်ဝဲဖဲန့ၣ်, ဒ်တၢ်ထံၣ်တၢ်လၢညါခီလၢ ယထံၣ်ဘၣ် လၢတၢ်ပျီပူၤအသိးန့ၣ်လီၤ.
5 တုၤနုၤတစုစံးလၢယၤ, ပှၤကညီဖိခွါဧၢ,ကျ့ထီၣ်နမဲာ် ဆူကလံၤစိးတခီတက့ၢ်. ဒီးယကျ့ထီၣ်ယမဲာ်ဆူက လံၤစိးတခီ, ဒီးကွၢ်ကွၢ်,လၢတၢ်လုၢ်လီၢ်အပဲတရီလၢ ကလံၤစိးတခီန့ၣ် တၢ်သးက့ၣ်အတၢ်ဂီၤအိၣ်ဝဲဖဲတၢ် လဲၤနုာ်လၢအလီၢ်လီၤ.
6 ဒီးစံးဘၣ်ယၤ,ပှၤကညီဖိခွါ ဧၢ, ပှၤမၤဝဲဒ်လဲၣ်ဒ်လဲၣ်န့ၣ်နထံၣ်ဘၣ်စ့ၢ်ကီးဧါ.တၢ် သးဘၣ်အၢလၢအံၣ်စရ့လးအပှၤဟံၣ်ဖိမၤဖဲအံၤ ဒ်သိး ယကလဲၤယံၤဒီးယလီၢ်စီဆှံန့ၣ်မ့ၢ်အဒိၣ်လီၤ. ဒီးနက ထံၣ်ဒံးတၢ်သးဘၣ်အၢဒိၣ်န့ၢ်အန့ၣ်တက့ၢ်လီၤ.
7 ဒီးစိာ်ယၤဆူတၢ်အဂၢၤအကျဲစၢၤ, ဒီးယကွၢ်တၢ်,ဒီး ကွၢ်ကွၢ်,တၢ်ဖျိလၢတၢ်အဒူၣ်တဖျိလီၤ.
8 ဒီးစံးဘၣ်ယၤ ပှၤကညီအဖိခွါဧၢ, ဘၢၣ်ဖျိတၢ်လၢတၢ်အဒူၣ်န့ၣ်တ က့ၢ်. ဒီးယဘၢၣ်ဖျိတၢ်လၢတၢ်အဒူၣ်န့ၣ်,ဒီးကွၢ်ကွၢ်, ကျဲစၢၤတဖျိလီၤ.
9 ဒီးစံးဘၣ်ယၤ,လဲၤနုာ်, ဒီးကွၢ်တၢ်သးဘၣ်အၢတဖၣ် လၢအဝဲသ့ၣ်မၤဖဲန့ၣ်တက့ၢ်.
10 ဒီးယလဲၤနုာ်,ဒီးယထံၣ်တၢ်,ဒီးကွၢ်ကွၢ်, ကယဲၢ်တၢ် စွါအကလုာ်ကလုာ်, ဒီးဆၣ်ဖိကီၢ်ဖိတကဆှီဘၣ်,ဒီး အံၣ်စရ့လးအတၢ်ဂီၤတၢ်ဖီၣ်တဖၣ်န့ၣ် ကွဲးအသးလၢ တၢ်အဒူၣ်လိၤန့ၣ်ဝးတရံးဝဲလီၤ.
11 ဒီးအံၣ်စရ့လးအပှၤဟံၣ်ဖိ အပှၤသူၣ်က့သးပှၢ်နွံဆံ ဆၢထၢၣ်လၢအမဲာ်ညါ, ဒီးစီၤၡၤဖၣ်အဖိခွါစီၤယၤစါ နယၤအိၣ်ဝဲလၢအသးကံၢ်ပူၤ, ဒီးတဂၤအိၣ်ဒီးအသ ပၢၤမ့ၣ်အူ, တဂၤအိၣ်ဒီးအသပၢၤမ့ၣ်အူစုာ်စုာ်,ဒီးတၢ် ဆိၣ်ကဲၤနၢမူအတၢ်အၢၣ်ထီၣ်ဝဲလီၤ.
12 ဒီးစံးဘၣ်ယၤ, ပှၤကညီဖိခွါဧၢ,တၢ်လၢအံၣ်စရ့လး အပှၤဟံၣ်ဖိအပှၤသူၣ်က့းသးပှၢ် မၤဝဲလၢတၢ်ခံးကျါ တဂၤလၢအတၢ်ဂီၤအဒၢးပူၤစုာ်စုာ်န့ၣ် နထံၣ်ဘၣ်စ့ၢ် ကီးဧါ. အဂ့ၢ်ဒ်အံၤ,စံးဝဲ,ယွၤတထံၣ်ဘၣ်ပှၤဘၣ်,ယွၤ လဲၤသဒၣ်လံထံဧိၤကီၢ်ဧိၤလံလီၤ.
13 ဒီးစံးဘၣ်ယၤ,န ကထံၣ်ဒံးတၢ်သးဘၣ်အၢအဒိၣ်တဖၣ် လၢအမၤဝဲန့ၣ် လီၤ.
14 ဒီးစိာ်ယၤဆူယွၤအဟံၣ်အပဲတရီအကျဲစၢၤ လၢအ အိၣ်ဝဲလၢကလံၤစိးတခီ, ဒီးကွၢ်ကွၢ်,ပိာ်မုၣ်တဖၣ်ဆ့ၣ် နီၤဟီၣ်ဝဲလၢတးမူးအဃိလီၤ.
15 ဒီးစံးဘၣ်ယၤ,ပှၤက ညီဖိခွါဧၢ, နထံၣ်ဘၣ်စ့ၢ်ကီးဧါ.ဒီးနကထံၣ်ဒံးတၢ်သး ဘၣ်အၢတဖၣ်ဒိၣ်န့ၢ်အန့ၣ်တက့ၢ်လီၤ.
16 ဒီးစိာ်ထီၣ်ယၤဆူ ယွၤအဟံၣ်အဂၢၤလၢညါတပူၤ,ဒီး ကွၢ်ကွၢ်, ဖဲယွၤအနူၢ်အကျဲစၢၤ, လၢတၢ်ခိၣ်ဒုးထီၣ်အ သးဒီးတၢ်လုၢ်လီၢ်အဘၢၣ်စၢၤန့ၣ် ပှၤကညီခံဆံယဲၢ် ဂၤဃၣ်ဃၣ်အိၣ်ဝဲဒီး ဃၣ်ဒူချၢအသးဒီး ယွၤအနူၢ်အ စီၤ, ဒီးဒိးအမဲာ်ဆူမုၢ်ထီၣ်တခီ, ဒီးဘါထီၣ်မုၢ်ဆူမုၢ် ထီၣ်တခီလီၤ.
17 ဒီးစံးဘၣ်ယၤ, ပှၤကညီဖိခွါဧၢ,နထံၣ်ဘၣ်စ့ၢ်ကီးဧါ. တၢ်သးဘၣ်အၢလၢယူဒၤအပှၤဟံၣ်ဖိ မၤဖဲအံၤမ့ၢ်တၢ် အဆံးလၢအဂီၢ်စ့ၢ်ကီးဧါ. အဂ့ၢ်ဒ်အံၤ,မၤပှဲၤထံဧိၤကီၢ် ဧိၤဒီးတၢ်မၤန့ၢ်ဆူၣ်, ဒီးထိၣ်ဂဲၤယသးထီၣ်,ဒီးကွၢ်ကွၢ်, ပာ်သ့ၣ်အဒ့ဆူအနးဒ့လီၤ.
18 မၤသးဒ်န့ၣ်ဒီး, ယကမၤအီၤစ့ၢ်ကီးလၢယသးကဲၤ ထီၣ်လီၤ. ယမဲာ်တသးလီဘၣ်, ဒီးယတသးကညီၤ ဘၣ်, ဒီးမ့ၢ်ကိးထီၣ်လၢယနၢ်ပူၤလၢ အကလုၢ်ဖးဒိၣ် ဘၣ်ဆၣ်ဒီး,ယတကနၣ်ဘၣ်အကလုၢ်ဘၣ်.