40
ပကဲကုၢ်အနံၣ်ခံဆံယဲၢ်နံၣ်တနံၣ်, လါခီၣ်ထံး,လါ ထီၣ်ဆံဆဲၣ်နံၤတနံၤလၢ ဝ့ၢ်ဘၣ်တၢ်မၤလူၤအီၤအလီၢ် ခံတဆံလွံၢ်နံၣ်တနံၣ်, လၢမုၢ်တနံၤဃီန့ၣ်ယွၤအစုအိၣ် ဝဲလၢယလိၤ, ဒီးစိာ်ထီၣ်ယၤဆူန့ၣ်လီၤ.
လၢတၢ်ထံၣ်တၢ်လၢညါခီ ဘၣ်ဃးဒီးယွၤန့ၣ်တၢ်စိာ် ထီၣ်ယၤဆူကီၢ်အံၣ်စရ့လးအပူၤ, ဒီးပာ်ယၤလၢကစၢၢ် ထီထီကလဲာ်တဖျၢၣ်အလိၤ, ဒီးတၢ်မၤသးဒ်ဝ့ၢ်တဝ့ၢ် မၤထီၣ်အသးလၢအလိၤလၢကလံၤထံးတခီလီၤ.
ဒီးတုၤအစိာ်ထီၣ်ယၤဆူန့ၣ်ဒီး, ကွၢ်ကွၢ်,ပှၤကညီဖျါ ဝဲဒ်တိၢ်အသိးအိၣ်ဝဲဒီးပျံၤလုၣ်တဘိလၢအစုပူၤ, ဒီး အိၣ်ဝဲဒီးနီၣ်ထိၣ်တပိၢ်, ဒီးဆၢထၢၣ်လၢပဲတရီအပူၤ လီၤ.
ဒီးပှၤကညီတဂၤန့ၣ်စံးဘၣ်ယၤ, ပှၤကညီဖိခွါဧၢ, ကွၢ်လၢနမဲာ်, ဒီးကနၣ်လၢနနၢ်,ဒီးတိၢ်လၢနသးလၢ ကယဲၢ်တၢ်လၢယကဒုးနဲၣ်နၤန့ၣ်တက့ၢ်. အဂ့ၢ်ဒ်အံၤ, တၢ်ဟဲစိာ်နၤဖဲအံၤ ဒ်သိးယကဒုးနဲၣ်တၢ်တဖၣ်န့ၣ်လၢ နၤလီၤ. ကယဲၢ်တၢ်လၢနထံၣ်ဘၣ်န့ၣ်ဒုးနဲၣ်အံၣ်စရ့ လးအပှၤဟံၣ်ဖိခဲလၢာ်တက့ၢ်.
ဒီးကွၢ်ကွၢ်,တၢ်အဒူၣ်အိၣ်ဝးတရံးဟံၣ်လၢခိ, ဒီးလၢ ပှၤတဂၤန့ၣ်အစုပူၤနီၣ်ထိၣ်တပိၢ်လၢအထီဃုပျၢ် (တ ပျၢ်န့ၣ်မ့ၢ်တပျၢ်ဒီးတထါ,) အိၣ်ဝဲလီၤ. ဒီးထိၣ်တၢ် အဒူၣ်အဒီၣ်ဃီၤမ့ၢ်တစိၤ,ဒီးအကစီၤထီၣ်မ့ၢ်တစိၤလီၤ.
ဒီးဟဲဝဲဆူပဲတရီလၢအဖျိဝဲဆူမုၢ်ထီၣ်တခီ ဒီးလဲၤ ထီၣ်ဝဲအဃီလိၤ, ဒီးထိၣ်အကျဲစၢၤအကျိၤထံး အဒီၣ် ဃီၤမ့ၢ်တစိၤ, ဒီးပဲတရီကျဲစၢၤအကျိၤထံးလၢအဒီၣ်ဃီၤ မ့ၢ်တစိၤလီၤ.
ဒီးကယဲၢ်ဒၢးဖိတပူၤလၢ်လၢ်န့ၣ် အထီမ့ၢ်တစိၤ,ဒီး အဒီၣ်ဃီၤမ့ၢ်တစိၤ, ဒီးလၢဒၢးဖိတဖၣ်အဘၢၣ်စၢၤန့ၣ် မ့ၢ်တၢ်ယဲၢ်ပျၢ်, ဒီးကျဲစၢၤအကျိၤထံးလၢပဲတရီအတၢ် ခိၣ်ဒုးထီၣ်အသးလၢညါမ့ၢ်တစိၤလီၤ.
ဒီးထိၣ်ပဲတရီအတၢ်ခိၣ်ဒုးထီၣ်အသး လၢညါတစိၤ လီၤ. ဒီးထိၣ်ပဲတရီအတၢ်ခိၣ်ဒုးထီၣ်အသးလၢဃိး ပျၢ်, ဒီးတၢ်ဒူၣ်အထူၣ်တဖၣ်လၢခံပျၢ်, ဒီးပဲတရီအ အတၢ်ခိၣ်ဒုးထီၣ်အသးလၢညါခီလီၤ.
10 ဒီးဒၢးဖိဘၣ်ဃးဒီး ပဲတရီလၢမုၢ်ထီၣ်တခီန့ၣ်မ့ၢ်သၢ ဒၢးလၢအဝဲတခီ, ဒီးသၢဒၢးလၢအဝဲတခီလီၤ. အဝဲ သၢဒၢးန့ၣ်တုၤသိးသိးဒီးတၢ်ဒူၣ်အထူၣ်တဖၣ်လၢ အ ဝဲတခီဒီးလၢအဝဲတခီတုၤသိးသိးလီၤ.
11 ဒီးထိၣ်တၢ်လဲၤနုာ်ပဲတရီ အဒီၣ်ဃီၤလၢအပျၢ်တဆံ လီၤ. ဒီးတၢ်လဲၤနုာ်ပဲတရီအထီန့ၣ်မ့ၢ်တဆံသၢပျၢ် လီၤ.
12 တၢ်အဃၢၤလၢဒၢးဖိအမဲာ်ညါန့ၣ်မ့ၢ်တပျၢ်, ဒီးတၢ် အဃၢၤလၢအဝဲတခီမ့ၢ်တပျၢ်, ဒီးဒၢးဖိန့ၣ်မ့ၢ်ဃုပျၢ် လၢအဝဲတခီ, ဒီးဃုပျၢ်လၢအဝဲတခီလီၤ.
13 ဒီးထိၣ်ပဲတရီလၢဒၢးဖိအခိၣ် တဒၢးပၢၢ်လၢဒၢးဖိအ ခိၣ်တဒၢးလီၤ. အဒီၣ်ဃီၤမ့ၢ်ခံဆံယဲၢ်ပျၢ်လီၤ.ကျဲစၢၤ အိၣ်သဃီၤဒီးကျဲစၢၤလီၤ.
14 ဒီးမၤတၢ်အဒူၣ်အထူၣ်တဖၣ်လၢ အပျၢ်ဃုဆံပၢၢ်လၢ တၢ်အဂၢၤဝးတရံးဝဲ အပဲတရီအထူၣ်လီၤ.
15 ဒီးလၢတၢ်လဲၤနုာ်အပဲတရီအမဲာ်ညါ ပၢၢ်လၢပဲတ ရီလၢညါခီအတၢ်ခိၣ်ဒုးထီၣ်အသးအမဲာ်ညါ အိၣ်ဝဲ အပျၢ်ယဲၢ်ဆံလီၤ.
16 ဒီးတၢ်ထူၣ်ဖျိအံၣ်အိၣ်ဝဲလၢဒၢးဖိအပူၤ, ဒီးလၢတၢ် ဒူၣ်အထူၣ်ပူၤ, လၢညါတခီဖဲပဲတရီဝးတရံးဝဲလီၤ.အိၣ် စ့ၢ်ကီးဝဲလၢသကျီၤပူၤလီၤ. တၢ်ထူၣ်ဖျိအံၣ်အိၣ်ဝဲလၢ ညါခီဝးတရံးဝဲ, ဒီးသ့ၣ်စူၣ်ပလိၣ်အိၣ်ဝဲလၢတၢ်အဒူၣ် အထူၣ်အလိၤလီၤ.
17 ဒီးဟဲစိာ်ယၤဆူတၢ်အဒၢးလၢခိတခီ, ဒီးကွၢ်ကွၢ်,တၢ် အဒၢးဖိတဖၣ်, ဒီးတၢ်ဒါလၢၢ်မၤအသးလၢတၢ်အဂၢၤ အဂီၢ်ဝးတရံးဝဲလီၤ. တၢ်အဒၢးဖိအိၣ်ဝဲသၢဆံလၢတၢ် ဒါလၢၢ်အဖီခိၣ်လီၤ.
18 ဒီးတၢ်ဒါလၢၢ်လၢပဲတရီအဃၢၤသဃီၤဝဲဒီး ပဲတရီ အထီန့ၣ်မ့ၢ်တၢ်ဒါလၢၢ်လၢလာ်တခီတတီၤလီၤ.
19 ဒီးထိၣ်အဒီၣ်ဃီၤလၢပဲတရီလၢလာ်ခီအမဲာ်ညါ ပၢၢ် လၢတၢ်ဂၢၤလၢညါခီအမဲာ်ညါလၢခိလီၤ. အိၣ်ဝဲအပျၢ် တကယၤလၢမုၢ်ထီၣ်တခီ, ဒီးလၢကလံၤစိးတခီလီၤ.
20 ဒီးတၢ်အဂၢၤလၢခိတခီအပဲတရီ လၢအဖျိထီၣ်ဝဲဆူ ကလံၤစိးန့ၣ်ထိၣ်ဝဲအထီဒီးအဒီၣ်ဃီၤလီၤ.
21 ဒီးဒၢးဖိသၢဒၢးလၢအဝဲတခီ, ဒီးသၢဒၢးလၢအဝဲတ ခီ, ဒီးတၢ်အဒူၣ်အထူၣ်တဖၣ်, ဒီးအသကျီၤတဖၣ်န့ၣ် တုၤသိးသိးဒီးပဲတရီလၢအခီၣ်ထံးတဖျိလီၤ. အထီမ့ၢ် အပျၢ်ယဲၢ်ဆံ,ဒီးအဒီၣ်ဃီၤမ့ၢ်ခံဆံယဲၢ်ပျၢ်လီၤ.
22 ဒီးအထူၣ်ဖိအံၣ်, ဒီးအသကျီၤ,ဒီးအသ့ၣ်စူၣ်ပလိၣ် တဖၣ်န့ၣ်တုၤသိးသိးဒီး တၢ်ဘၣ်ဃးဒီး ပဲတရီလၢ အဖျိထီၣ်ဆူမုၢ်ထီၣ်တခီ, ဒီးပှၤထီၣ်ဘးအီၤလၢသွါနွံ သွါ,ဒီးအသကျီၤန့ၣ်အိၣ်ဝဲလၢအမဲာ်ညါလီၤ.
23 ဒီးတၢ်အဂၢၤလၢညါတခီအပဲတရီ အိၣ်သဃီၤဒီးပဲ တရီဆူကလံၤစိးတခီ, ဒီးဆူမုၢ်ထီၣ်တခီလီၤ.ဒီးထိၣ် တၢ်လၢပဲတရီပၢၢ်လၢပဲတရီန့ၣ်အပျၢ်တကယၤလီၤ.
24 ဒီးစိာ်ယၤဆူကလံၤထံးတခီ, ဒီးကွၢ်ကွၢ်,ပဲတရီအိၣ် ဝဲဆူကလံၤထံးတခီလီၤ. ဒီးထိၣ်တၢ်အဒူၣ်အထူၣ်တ ဖၣ်,ဒီးအသကျီၤတဖၣ်တုၤသိးသိးဒီးအဝဲန့ၣ်လီၤ.
25 ဒီးတၢ်ထူၣ်ဖျိအံၣ် အိၣ်ဝဲလၢအပူၤ, ဒီးလၢအသကျီၤ အပူၤဝးတရံးဝဲဒ်တၢ်ထူၣ်ဖျိန့ၣ်အသိးလီၤ. အထီမ့ၢ် အပျၢ်ယဲၢ်ဆံ, ဒီးအဒီၣ်ဃီၤမ့ၢ်ခံဆံယဲၢ်ပျၢ်လီၤ.
26 ဒီးလၢပှၤထီၣ်ဝဲအဂီၢ်န့ၣ် သွါနွံသွါအိၣ်ဝဲ, ဒီးအသ ကျီၤအိၣ်ဝဲလၢအမဲာ်ညါ, ဒီးအိၣ်ဝဲဒီးသ့ၣ်စူၣ်ပလိၣ်အ ထူၣ်လၢတၢ်ဒူၣ်အထူၣ်အလိၤလၢအဝဲတခီ, ဒီးလၢ အဝဲတခီလီၤ.
27 ဒီးလၢဂၢၤလၢညါခီတပူၤန့ၣ် ပဲတရီတဖျိအိၣ်ဝဲလၢ ကလံၤထံးန့ၣ်, ဒီးထိၣ်တၢ်လၢပဲတရီပၢၢ်လၢပဲတရီ ဆူကလံၤထံးတခီအပျၢ်တကယၤလီၤ.
28 ဒီးဟဲစိာ်နုာ်ယၤဆူတၢ်ဂၢၤလၢညါခီ တပူၤလၢပဲတ ရီလၢကလံၤထံးန့ၣ် ဒီးထိၣ်ပဲတရီလၢကလံၤထံးတုၤ သိးသိးဒီးအဝဲန့ၣ်, 29 ဒီးအဒၢးဖိတဖၣ်ဒီးတၢ်အဒူၣ်အ ထူၣ်တဖၣ်, ဒီးအသကျီၤတဖၣ်တုၤသိးသိးဒီးအဝဲသ့ၣ် န့ၣ်လီၤ. ဒီးတၢ်ထူၣ်ဖျိအံၣ်အိၣ်ဝဲလၢအပူၤ,ဒီးလၢအ သကျီၤအပူၤဝးတရံးဝဲလီၤ. အထီမ့ၢ်အပျၢ်ယဲၢ်ဆံ,ဒီး အဒီၣ်ဃီၤမ့ၢ်ခံဆံယဲၢ်ပျၢ်လီၤ.
30 ဒီးအသကျီၤဝးတရံးဝဲန့ၣ် အထီမ့ၢ်ခံဆံယဲၢ်ပျၢ်,ဒီး အဒီၣ်ဃီၤမ့ၢ်ယဲၢ်ပျၢ်လီၤ.
31 ဒီးအသကျီၤတဖၣ်န့ၣ် ဒိးဝဲဆူတၢ်အဂၢၤလၢခိတပူၤ, ဒီးသ့ၣ်စူၣ်ပလိၣ်အိၣ်ဝဲလၢတၢ်အဒူၣ်အထူၣ်လိၤ, ဒီး အတၢ်လဲၤထီၣ်ဘးန့ၣ်အိၣ်ဝဲဒီးအသွါဃိးသွါလီၤ.
32 ဒီးစိာ်ထီၣ်ယၤဆူတၢ်ဂၢၤလၢညါခီတပူၤလၢ မုၢ်ထီၣ် တခီ, ဒီးထိၣ်ပဲတရီတုၤသိးသိးဒီးအဝဲသ့ၣ်န့ၣ်လီၤ.
33 ဒီးအဒၢးဖိတဖၣ်, ဒီးတၢ်အဒူၣ်အထူၣ်တဖၣ်,ဒီးအ သကျီၤတဖၣ်တုၤအသိးသိးဒီး အဝဲသ့ၣ်န့ၣ်လီၤ. ဒီး တၢ်ထူၣ်ဖျိအံၣ်အိၣ်ဝဲလၢအပူၤ, ဒီးလၢသကျီၤတဖၣ် အပူၤဝးတရံးဝဲလီၤ. အထီမ့ၢ်အပျၢ်ယဲၢ်ဆံ, ဒီးအဒီၣ် ဃီၤမ့ၢ်ခံဆံယဲၢ်ပျၢ်လီၤ.
34 ဒီးအသကျီၤတဖၣ်န့ၣ်ဒိးဝဲဆူ တၢ်ဂၢၤလၢခိတပူၤ, ဒီးသ့ၣ်စူၣ်ပလိၣ်အိၣ်ဝဲလၢ တၢ်အဒူၣ်အထူၣ်လိၤလၢ အဝဲတခီ, ဒီးလၢအဝဲတခီ,ဒီးအတၢ်ထီၣ်ဘးအီၤန့ၣ် အိၣ်ဝဲဒီးအသွါဃိးသွါလီၤ.
35 ဒီးစိာ်ယၤဆူပဲတရီလၢ ကလံၤစိးတခီ,ဒီးထိၣ်ဝဲတုၤ သိးသိးဒီးအဝဲသ့ၣ်တဖၣ်န့ၣ်လီၤ. 36 အဒၢးဖိတဖၣ်, တၢ်တၢ်အဒူၣ်အထူၣ်တဖၣ်, ဒီးအသကျီၤတဖၣ်,ဒီး တၢ်ထူၣ်ဖျိအံၣ်အိၣ်ဝဲဝးတရံးဝဲန့ၣ်လီၤ. အထီမ့ၢ်အပျၢ် ယဲၢ်ဆံ, ဒီးအဒီၣ်ဃီၤမ့ၢ်ခံဆံယဲၢ်ပျၢ်လီၤ.
37 ဒီးအသကျီၤတဖၣ်ဒိးဝဲဆူတၢ်ဂၢၤလၢခိတပူၤ, ဒီး သ့ၣ်စူၣ်ပလိၣ်အိၣ်ဝဲလၢ တၢ်အဒူၣ်အထူၣ်တဖၣ်အ လိၤ, လၢအဝဲတခီ,ဒီးလၢအဝဲတခီ, အတၢ်ထီၣ်အ လီၢ်န့ၣ်အိၣ်ဝဲဒီးသွါဃိးသွါလီၤ.
38 ဒီးဒၢးတဒၢးအိၣ်ဝဲ, ဒီးအကျဲစၢၤန့ၣ်အိၣ်ဝဲလၢပဲတ ရီအထူၣ်အဃၢၤဖဲပှၤသ့ကွံာ်တၢ်လုၢ်မ့ၣ်အူလီၤ.
39 ဒီးလၢပဲတရီအတၢ်ခိၣ်ဒုးထီၣ်အသးန့ၣ် စီၢ်နီၤခိၣ် အိၣ်ဝဲခံဖျၢၣ်လၢအဝဲတခီ, ဒီးစီၢ်နီၤခိၣ်အိၣ်ခံဖျၢၣ်လၢ အဝဲတခီ, ဒ်သိးပှၤကမၤသံတၢ်လုၢ်မ့ၣ်အူ, ဒီးတၢ် လုၢ်တၢ်ဒဲးဘး, ဒီးတၢ်လုၢ်တၢ်ကမၣ်လၢအဖီခိၣ်လီၤ.
40 ဒီးလၢအဃၢၤလၢခိန့ၣ် ဖဲပှၤလဲၤထီၣ်ဆူတၢ်လဲၤနုာ် လၢပဲတရီလၢကလံၤစိးန့ၣ်စီၢ်နီၤခိၣ်အိၣ်ဝဲခံဖျၢၣ်, ဒီး လၢအဝဲတခီလၢ ပဲတရီအဝဲတခီန့ၣ်တၢ်ခိၣ်ဒုးထီၣ် အသးန့ၣ်စီၢ်နီၤခိၣ်အိၣ်ဝဲခံဖျၢၣ်လီၤ.
41 စီၢ်နီၤခိၣ်လွံၢ်ဖျၢၣ်အိၣ်ဝဲလၢ အဝဲတခီ, ဒီးစီၢ်နီၤခိၣ် လွံၢ်ဖျၢၣ်အိၣ်ဝဲလၢအဝဲတခီလီၤ. လၢပဲတရီအဝဲတခီ န့ၣ်စီၢ်နီၤခိၣ် ဖဲအမၤသံတၢ်လုၢ်လၢအဖီခိၣ်အိၣ်ဝဲဃိး ဖျၢၣ်လီၤ.
42 ဒီးစီၢ်နီၤခိၣ်လွံၢ်ဖျၢၣ်န့ၣ် တ့အသးလၢလၢၢ်စိးအသး လၢတၢ်လုၢ်မ့ၣ်အူအဂီၢ်လီၤ. အထီမ့ၢ်တပျၢ်ဒီးတထါ, ဒီးအဒီၣ်ဃီၤမ့ၢ်တပျၢ်ဒီးတထါ, ဒီးအကစီၤထီၣ်န့ၣ် မ့ၢ်တပျၢ်လီၤ. ဒီးပာ်လီၤအစုကဝဲၤ လၢအမၤသံတၢ် လုၢ်မ့ၣ်အူဒီးတၢ်လုၢ်လၢအဖီခိၣ်လီၤ.
43 ဒီးအခိၣ်ဒူတ့အသးလၢ သ့ၣ်ဘ့ၣ်ဘၣ်အဒီၣ်ဃီၤမ့ၢ် တထါန့ၣ်ကတဲာ်ကတီၤအသး လၢညါခီဝးတရံးဝဲ လီၤ. ဒီးတၢ်လုၢ်အတၢ်ညၣ်အိၣ်ဝဲလၢစီၢ်နီၤခိၣ်အဖီခိၣ် လီၤ.
44 ဒီးလၢပဲတရီလၢညါတဖျိလၢ ခိပှၤသးဝံၣ်တၢ်ဖိအ ဒၢးတဖၣ်လၢတၢ်အဂၢၤလၢညါခီတပူၤန့ၣ်အိၣ်ဝဲလီၤ. အိၣ်ဝဲလၢပဲတရီလၢကလံၤစိးအဃၢၤအဝဲတခီန့ၣ် ဒိး ဝဲဆူကလံၤထံးလီၤ. ဒၢးလၢပဲတရီမုၢ်ထီၣ်တခီအဃၢၤ လၢအဒိးဝဲဆူကလံၤစိးတခီအိၣ်ဝဲတဒၢးလီၤ.
45 ဒီးစံးဘၣ်ယၤ, တၢ်အဒၢးတဒၢးအံၤလၢအဒိးဝဲဆူ ကလံၤထံးန့ၣ်မ့ၢ်လၢပှၤလုၢ်တၢ်အဒိၣ်, လၢအပၢၤဟံၣ် န့ၣ်အဂီၢ်လီၤ.
46 ဒီးတၢ်အဒၢးတဒၢးလၢအဒိးဝဲဆူ ကလံၤစိးန့ၣ်မ့ၢ် လၢပှၤလုၢ်တၢ်အဒိၣ်လၢ အကွၢ်တၢ်ပၢၤဘၣ်ဃးဒီး တၢ်လုၢ်လီၢ်အဂီၢ်လီၤ. အဝဲသ့ၣ်န့ၣ်မ့ၢ်စီၤစၤဒိးအဖိခွါ လၢပှၤလ့ၤဝံအဖိခွါအကျါလၢ အသုးဘူးအသးဆူယွၤ အအိၣ်ဒ်သိးအကမၤအတၢ်လီၤ.
47 ဒီးထိၣ်တၢ်အဂၢၤန့ၣ်အထီမ့ၢ်အပျၢ်တကယၤ, ဒီးအ ဒီၣ်ဃီၤမ့ၢ်အပျၢ်တကယၤ, မ့ၢ်တၢ်လွံၢ်နၢၣ်,ဒီးတၢ်လုၢ် လီၢ်အိၣ်ဝဲလၢဟံၣ်အမဲာ်ညါလီၤ.
48 ဒီးစိာ်ယၤဆူဟံၣ်အတၢ်ခိၣ်ဒုးထီၣ်အသး, ဒီးထိၣ် တၢ်ခိၣ်ဒုးထီၣ်အသးအကျဲစၢၤအထူၣ်အဃၢၤ, ယဲၢ်ပျၢ် လၢအဝဲတခီ, ဒီးယဲၢ်ပျၢ်လအဝဲတခီလီၤ. ဒီးပဲတရီ အဒီၣ်ဃီၤန့ၣ်မ့ၢ်သၢပျၢ်လၢအဝဲတခီ, ဒီးသၢပျၢ်လၢ အဝဲတခီလီၤ.
49 တၢ်ခိၣ်ဒုးထီၣ်အသးအထီန့ၣ်မ့ၢ်အပျၢ်ခံဆံ, ဒီးအ ဒီၣ်ဃီၤန့ၣ်မ့ၢ်တဆံတပျၢ်လီၤ. ဒီးပှၤထီၣ်ဝဲလၢသွါတ ဖၣ်လီၤ. ဒီးတၢ်အဒူၣ်အထူၣ်အထူၣ်တဖၣ်အိၣ်ဝဲလၢ ကျဲစၢၤအထူၣ်အဃၢၤ, တထူၣ်လၢအဝဲတခီဒီးတထူၣ် လၢအဝဲတခီလီၤ.