26
1 ဒီးလၢနံၣ်တဆံတနံၣ်, လါထီၣ်တနံၤန့ၣ်တၢ်မၤအ သးလၢယွၤအကလုၢ်ဘၣ်ယၤဒီးစံးဝဲဒၣ်,
2 ပှၤကညီ ဖိခွါဧၢ, မ့ၢ်စိၢ်စံးထီဒါယရူၤၡလ့ၣ်,ကျၢၤသး, ပှၤလၢ အမ့ၢ်ပှၤကလုာ်တဖၣ်အပဲတရီန့ၣ်ကၢ်ကွံာ်လံ, တၢ် ဃၣ်လံအသးဆူယအိၣ်လံ, ယကလၢထီၣ်ပှဲၤထီၣ် ယဲလီၤ. အဂ့ၢ်ဒ်အံၤ,အဝဲဒၣ်အိၣ်သယုၢ်လံ,
3 မၤသး ဒ်န့ၣ်ဒီးကစၢ်ယွၤစံးဒ်အံၤ, ကွၢ်ကွၢ်,ယထီဒါနၤ,စိၢ်ဧၢ, ဒီးယကမၢပှၤအါကလုာ်ဟဲထီဒါနၤ, ဒ်ပီၣ်လဲၣ်ဒုးဟဲ ထီၣ်အလပီတဖၣ်အသိးန့ၣ်လီၤ.
4 ဒီးယကမၤဟးဂီၤစိၢ်အခိၣ်ဒူ, ဒီးယကမၤလီၤပှီၢ်အ တၢးထီတဖၣ်, ဒီးယကဝာ်ကွံာ်အဟီၣ်ခိၣ်အကမူၣ် လၢအဖီခိၣ်, ဒီးပာ်အီၤဒ်လၢၢ်ခိၣ်ပျီတဖျၢၣ်အသိးန့ၣ် လီၤ.
5 ကကဲထီၣ်တၢ်အလီၢ်လၢပီၣ်လဲၣ်ပူၤ ဖဲပှၤလိလီၤအ ပှာ်ဧိၤစၤဧိၤလၢအဖီခိၣ်လီၤ. အဂ့ၢ်ဒ်အံၤ, ယကတိၤ လံတၢ်လံ, ကစၢ်ယွၤစံးဝဲဒၣ်, ဒီးကကဲထီၣ်တၢ်ဂုာ် ဆူၣ်ပျီဆူၣ်လၢပှၤကလုာ်တဖၣ်အဂီၢ်လီၤ.
6 ဒီးအဖိ မုၣ်တဖၣ်အိၣ်ဝဲလၢပျီပူၤ ကဘၣ်တၢ်မၤသံအီၤလၢနး ဧိၤဘီဧိၤ, ဒီးကသ့ၣ်ညါဝဲလၢယမ့ၢ်ယွၤလီၤ.
7 အဂ့ၢ်ဒ်အံၤ, ကစၢ်ယွၤစံးဒ်အံၤ,ကွၢ်ကွၢ်,ယကဒုးဟဲ ဘၣ်စိၢ်လၢဘၤဘူၤလိၣ်အစီၤပၤနဘူၤကးန့စၢ်, စီၤပၤ တဖၣ်အစီၤပၤလၢကလံၤစိး, အိၣ်ဝဲဒီးကသ့ၣ်,ဒီးလ့ၣ် ကဟၣ်, ဒီးပှၤဒိးကသ့ၣ်, ဒီးပှၤအဖုတဖၣ်,ဒီးပှၤဂီၢ်မုၢ် အါအါကလဲာ်လီၤ.
8 ဒီးကမၤသံနဖိမုၣ်တဖၣ် လၢပျီပူၤလၢနးဧိၤဘီဧိၤ,ဒီး ကမၤတၢ်ခိၣ်ဒူထီဒါနၤ, ဒီးမၤတိာ်ဧိၤတာ်ဧိၤထီဒါနၤ, ဒီးကယူာ်ထီၣ်ကတီၤထီဒါနၤလီၤ.
9 ဒီးကပာ်လီၤအနီၣ်ဘၢၣ်ဖျိတၢ်ထီဒါနခိၣ်ဒူ, ကမၤ လီၤပှီၢ်နတိာ်နတာ်လၢအကွါတဖၣ်လီၤ.
10 မ့ၢ်ကသ့ၣ် အိၣ်အါဒုသတးဒီး တၢ်အကမူၣ်ကလုၣ်ဘၢနၤလီၤ. တုၤအဟဲနုာ်လၢနပဲတရီ ဒ်ပှၤကညီဟဲနုာ်ဝ့ၢ်လၢတၢ် ဘၢၣ်ဖျိအခိၣ်ဒူအသိးန့ၣ်ဒီး, နခိၣ်ဒူကဟူးဝးဝဲလၢပှၤ ဒိးကသ့ၣ်, ဒီးလ့ၣ်ကဟၣ်အပၣ်, ဒီးလ့ၣ်ကဟၣ် အသီၣ်အဃိလီၤ.
11 ကယီၢ်လီၤနကျဲခဲလၢာ်လၢ အကသ့ၣ်အခီၣ်မ့ၣ်လီၤ. ကမၤသံနပှၤဂီၢ်မုၢ်လၢနးဧိၤဘီဧိၤ ဒီးနဂံၢ်နဘါအတၢ် ဂီၤတၢ်ဖီၣ်ကလီၤဒါလၢဟီၣ်ခိၣ်အဖီခိၣ်လီၤ.
12 ဒီးကဂုာ်ဆူၣ်န့ၢ်နတၢ်ထူးတၢ်တီၤ, ဒီးကမၤန့ၢ်ဆူၣ် တၢ်လၢနကၤတၢ်န့ၣ်, ဒီးကမၤလီၤပှီၢ်ကွံာ်နခိၣ်ဒူ,ဒီး မၤဟးဂီၤကွံာ်နဟံၣ်အဃံအလၤ, ဒီးကကွံာ်တ့ၢ်ကွံာ်နလၢၢ်, ဒီးနသ့ၣ်, ဒီးနဟီၣ်ခိၣ်အကမူၣ်လၢထံ ကျါလီၤ.
13 ဒီးယကမၤဘှီၣ်နတၢ်သးဝံၣ်အသီၣ်, ဒီးန တနၢ်အသီၣ်တဟူထီၣ်လၢၤဘၣ်.
14 ဒီးယကမၤနၤဒ်လၢၢ်ခိၣ်ပျီတဖျၢၣ်အသိးလီၤ. နက ကဲထီၣ်တၢ်အလီၢ်ဖဲပှၤလိလီၤအပှာ်ဧိၤစၤဧိၤလၢ အဖီ ခိၣ်လီၤ. ဒီးပှၤတမၤထီၣ်လၢၤဘၣ်နၤဘၣ်.အဂ့ၢ်ဒ်အံၤ, တၢ်လၢယၤယွၤအံၤ, ယကတိၤလံတၢ်လံ,ကစၢ်ယွၤ စံးဝဲဒၣ်.
15 ကစၢ်ယွၤစံးလၢစိၢ်ဒ်အံၤ, ကီးတဖၣ်ကဟူးဝးဝဲလၢ နလီၤပှီၢ်အသီၣ်အဃိ, လၢပှၤဘၣ်ဆဲးအကအုကစွါ အဃိ, ဒီးလၢတၢ်မၤသံတၢ်လၢအမၤအသးလၢနပူၤ အဃိလီၤ.
16 ဒီးပီၣ်လဲၣ်အပဒိၣ်ဖးဒိၣ်ခဲလၢာ် ကဟဲလီၤလၢအလီၢ် ပစိာ်, ဒီးပာ်ကွံာ်အဆ့ဖးထီ, ဒီးဘ့ၣ်ကွံာ်အကူအ သိးကံၣ်ဃ့လီၤ. ကကူကသိးအသးဒီးတၢ် ကနိးဒီး ဆ့ၣ်နီၤလၢဟီၣ်ခိၣ်အဖီခိၣ်, ဒီးကကနိးကစုာ်,ဒီးအ သးကကတုၤလၢနဃိလီၤ.
17 ဒီးကမၤထါဟီၣ်တၢ်လၢနဃိ, ဒီးစံးလၢနၤ,တၢ်လၢ အအိၣ်အဆိးလၢပီၣ်လဲၣ်အဖီခိၣ်, ဝ့ၢ်လၢအမံၤဟူထီၣ် သါလီၤ, လၢအအိၣ်ခၢၣ်သနၢၢ်လၢပီၣ်လဲၣ်ပူၤဧၢ,န ဟးဂီၤဒ်လဲၣ်. အဝဲဒၣ်ဒီးအပှၤဝ့ၢ်ဖိလၢအမၤပျံၤကယဲၢ် ပှၤလၢအအိၣ်ဝဲဆိးဝဲလၢအဃၢၤလီၤ.
18 ခဲကနံၣ်အံၤကီးတဖၣ်ကဟူးဝးဝဲလၢ နလီၤဃံၤအမုၢ် တနံၤလီၤ. မ့ၢ်မးကီးတဖၣ်အိၣ်ဝဲလၢပီၣ်လဲၣ်ပူၤကဆှဲး ဆှိးလၢနဟးထီၣ်ကွံာ်အဃိလီၤ.
19 အဂ့ၢ်ဒ်အံၤ, ကစၢ်ယွၤစံးဒ်အံၤ, တုၤယပာ်နၤလၢ ဝ့ၢ်အိၣ်သယုၢ်, ဒ်ဝ့ၢ်တဖၣ်လၢပှၤဝ့ၢ်ဖိတအိၣ်တဆိး ဘၣ်လၢအပူၤအသိးန့ၣ်, တုၤယဒုးဟဲထီၣ်ထံယိာ်ပူၤ လၢနဖီခိၣ်, ဒီးထံဖးဒိၣ်ကလုၣ်ဘၢနၤဒီး,
20 ယက ဆီၣ်လီၤနၤပၢၢ်လၢအလဲၤလီၤဆူတၢ်ပူၤ, ပှၤဂီၢ်မုၢ်လၢ အအိၣ်လၢပျၢၤ, ဒီးယကဒုးအိၣ်နၤလၢဟီၣ်ခိၣ်လာ် လၢအလီၢ်အိၣ်သယုၢ်လၢပျၢၤ, အိၣ်ဒီးပှၤလၢအလဲၤ လီၤဆူတၢ်ပူၤ, ဒ်သိးပှၤအသုတအိၣ်တဆိးလၢၤလၢ နပူၤတဂ့ၤ, ဒီးယကပာ်တၢ်လၤကပီၤလၢတၢ်မူအကီၢ် ပူၤလီၤ.
21 ဒီးယကပာ်နၤလၢတၢ်အိၣ်သယုၢ်အလီၢ်,ဒီး နတအိၣ်လၢၤဘၣ်.ပှၤမ့ၢ်ဃုနၤဘၣ်ဆၣ်ဒီး, တထံၣ် န့ၢ်လၢၤဘၣ်နၤဘၣ်,ကစၢ်ယွၤစံးဝဲဒၣ်.