21
1-2 ဒီးကစၢ်ယွၤအကလုၢ်ဘၣ်ယၤဒီးစံးဝဲဒၣ်,- ပှၤကညီ ဖိခွါဧၢ, ဒိးနမဲာ်ဆူယရူၤၡလ့ၣ်, ဒီးဒုးလီၤစီၤနတၢ်က တိၤဆူတၢ်အလီၢ်စီဆှံတဖၣ်အအိၣ်, ဒီးကတိၤလၢဝံ ကျိာ်ထီဒါကီၢ်အံၣ်စရ့လး, ဒီးစံးလၢကီၢ်အံၣ်စရ့လး, ယွၤစံးဒ်အံၤ, ကွၢ်ကွၢ်,ယထီဒါနၤ, ဒီယကဘီၣ်ထီၣ် ကွံာ်ယနးလၢအတြိးပူၤ, ယကဒီၣ်တဲာ်ကွံာ်ပှၤတီ,ဒီး ပှၤတတီဘၣ်လၢနပူၤလီၤ.
မ့ၢ်ယကဒီၣ်တဲာ်ကွံာ်ပှၤတီ, ဒီးပှၤတတီဘၣ်လၢနပူၤဒီး,ယနးကဟဲထီၣ်လၢအတြိးပူၤ ထီဒါတၢ်ဖံးတၢ်ညၣ် ခဲလၢာ်လၢကလံၤထံးပၢၢ်လၢကလံၤစိးလီၤ. ဒီးတၢ် ဖံးတၢ်ညၣ်ခဲလၢာ် ကသ့ၣ်ညါလၢတၢ်လၢယၤယွၤ အံၤ, ယဘီၣ်ထီၣ်ကွံာ်ယနးလၢတြိးပူၤ, ဒီးတဖျီၣ်နုာ် လၢၤဘၣ်အသးဘၣ်.
ဒီးနဲဒၣ်အံၤပှၤကညီဖိခွါဧၢ, ကအုကစွါတက့ၢ်.က အုကစွါနးနးကလဲာ်ဒီးနယီၢ်ဒ့ကၢ်လၢ အဝဲသ့ၣ်အမဲာ် ညါတက့ၢ်.
ဒီးတုၤပှၤစံးလၢနၤ, နကအုကစွါမ့ၢ်အဘၣ်မနုၤလဲၣ် န့ၣ်ဒီး, တၢ်ကမၤအသးလၢနကစံး, လၢတၢ်အကစီၣ် အဃိ,အဂ့ၢ်ဒ်အံၤ,ဟဲဝဲအဃိလီၤ. ဒီးပှၤအသးကပှံၢ် ကွံာ်ကိးဂၤဒဲး, ဒီးပှၤအစုကစၢ်လီၤခဲလၢာ်,ဒီးပှၤအသး ကလီၤဘှါကိးဂၤဒဲး, ဒီးပှၤအခီၣ်လ့ၢ်ခိၣ်ကစၢ်ဒ်ထံအ သိးခဲလၢာ်လီၤ. ကွၢ်ကွၢ်,ဟဲဝဲ,ဒီးကမၤအသးလီၤ,က စၢ်ယွၤစံးဝဲဒၣ်.ဒီးယွၤအကလုၢ်ဘၣ်ယၤဒီးစံးဝဲဒၣ်, 8-9 ပှၤကညီဖိခွါ ဧၢ, ကတိၤလၢဝံအကျိာ်ဒီးစံး,ယွၤစံးဒ်အံၤ,စံး,နးတ ဘ့ၣ်, နးတဘ့ၣ်,ကျ့လံအသး, ဒီးတြူာ်ကဆှၣ်လံ အသးလံ. 10 ကျ့လံအသးဒ်သိးအကမၤသံတၢ်နးနးက လဲာ်, တြူာ်ကဆှၣ်လံအသးဒ်သိးအကကပြူၢ်ကပြီၤ လီၤ. မ့မ့ၢ်ဒ်န့ၣ်ဒီးပကသးဖှံစ့ၢ်ကီးဧါ.ယဖိခွါအနီၣ်ထိး ဘိမၤတရီတပါသ့ၣ်ကိးထံးဒဲးလီၤ.
11 ဒီးဟ့ၣ်ဝဲဒ်သိးပှၤကတြူာ်ကဆှၣ်လၢ ပှၤကမၤတၢ် လၢအီၤလီၤ. နးတဘ့ၣ်န့ၣ်ကျ့လံအသး,ဒီးတြူာ်က ဆှၣ်လံအသး, ဒ်သိးတၢ်ကဟ့ၣ်အီၤလၢပှၤမၤသံတၢ် အစုပူၤလီၤ.
12 ပှၤကညီဖိခွါဧၢ, ကိးထီၣ်,ဒီးဟီၣ်ပသူထီၣ်တက့ၢ်. အဂ့ၢ်ဒ်အံၤ, ကဘၣ်ယပှၤဂီၢ်မုၢ်,ကဘၣ်အံၣ်စရ့လးအ ပဒိၣ်ဖးဒိၣ်ခဲလၢာ်အလိၤလီၤ. တၢ်ဟ့ၣ်လီၤကွံာ်အီၤ လၢနးဧိၤဘီဧိၤအိၣ်ဒီးယပှၤဂီၢ်မုၢ်လီၤ. မၤသးဒ်န့ၣ်ဒီး သီနကံၣ်ဒုၣ်တက့ၢ်.
13 အဂ့ၢ်ဒ်အံၤ, တၢ်မၤကွၢ်လံတၢ်လံဒီးနီၣ်ထိးလၢအမၤ တရီတပါတဘိန့ၣ် မ့ၢ်တအိၣ်လၢၤဘၣ်ဒီး,မ့ၢ်ဒ်လဲၣ်, ကစၢ်ယွၤစံးဝဲဒၣ်.
14 ဒီးနဲဒၣ်အံၤပှၤကညီဖိခွါဧၢ, ကတိၤတၢ်လၢဝံကျိာ်, ဒီးဒဲနစုတက့ၢ်. အဂ့ၢ်ဒ်အံၤ,နးဧိၤဘီဧိၤဟဲဝဲခံဘျီသၢ ဘျီလီၤ. နးတဘ့ၣ်လၢအမၤသံတၢ်,နးတဘ့ၣ်လၢအ မၤသံတၢ်အါအါကလဲာ်, လၢအအိၣ်ဝးတရံးအီၤကိး ခီဒဲးလီၤ.
15 ယပာ်နးလၢအမၤပျံၤတၢ်ထီဒါအပဲတရီခဲလၢာ်, ဒ် သိးအသးကလီၤဘှါ, ဒီးအတၢ်လီၤပှီၢ်အလီၢ်ကအါ ထီၣ်လီၤ.အၣ်, တၢ်ဒုးကပြုၢ်ကပြီၤအီၤဒ်လဲၣ်, တြူာ် ကဆှၣ်အသးလၢမၤသံတၢ်အဂီၢ်လီၤ.
16 အိၣ်တပူၤဃီ, ကျီတၢ်လၢစုထွဲတခီတက့ၢ်.ကတဲာ် ကတီၤနသး,ကျီတၢ်လၢနစုစ့ၣ်တက့ၢ်, ဖဲနဒိးနမဲာ်န့ၣ် တက့ၢ်.
17 ဒီးယဲဒၣ်အံၤယကဒဲစ့ၢ်ကီးယစု, ဒီးယသးကဲၤထီၣ် ကဆိတ့ၢ်လီၤ.ယၤယွၤအံၤ,ယကတိၤတၢ်လီၤ. 18 ဒီးယွၤအကလုၢ်ဘၣ်ယၤ, ဒီးစံးဝဲဒၣ်, 19 ဒီးပှၤ ကညီဖိခွါဧၢ, ပာ်ကျဲခံဘိလၢဘၤဘူၤလိၣ်အစီၤပၤအ နးတဘ့ၣ်ကဟဲအဂီၢ်တက့ၢ်. ခံဘိဘၣ်ဟဲထီၣ်လၢကီၢ် တဘ့ၣ်ဃီအပူၤလီၤ. ဒီးဃုထၢန့ၣ်တၢ်အလီၢ်တပူၤ, ဃုထၢလၢကျဲလဲၤဆူဝ့ၢ်ပူၤတဘိ အခီၣ်ထံးန့ၣ်တက့ၢ်.
20 ပာ်ကျဲတဘိဒ်သိးနးတဘ့ၣ်န့ၣ်ကဟဲဆူ ပှၤဧၤမိၣ်ဖိ အရးဘးအပူၤ, ဒီးဆူယူဒၤ,ဆူယရူၤၡလ့ၣ်,ဝ့ၢ်တဝ့ၢ် အိၣ်ဝဲဒီးအခိၣ်ဒူန့ၣ်တက့ၢ်.
21 အဂ့ၢ်ဒ်အံၤ, ဘၤဘူၤလိၣ်အစီၤပၤဆၢထၢၣ်ဝဲဖဲကျဲဖး ဒ့လၢကျဲခံဘိအခီၣ်ထံး ဒ်သိးအကဖးတၢ်လီၤ.ကမၤ ဃါဃုာ်အပျၢ်ဧိၤစၤဧိၤ, ကသံကွၢ်တၢ်လၢတၢ်ဂီၤတရၤ ဖး, ကကွၢ်ဝဲလၢတၢ်အသူၣ်လီၤ. 22 ကဟံးတၢ်ဖး,ယ ရူၤၡလ့ၣ်လၢအစုထွဲန့ၣ်, ဒ်သိးပှၤကပာ်လီၤနီၣ်ဘၢၣ် ဖျိတၢ်, ဒ်သိးပှၤကအဲးထီၣ်အထးခိၣ်ဒီးကိးပသူထီၣ်, ဒ်သိးပှၤကထုထီၣ်အကလုၢ်, ဒ်သိးပှၤကပာ်နီၣ်ဘၢၣ် ဖျိတၢ်ထီဒါတြဲၤတဖၣ်, ဒ်သိးပှၤကမၤတိာ်ဧိၤတာ်ဧိၤ လီၤ.
23 ဒီးမ့ၢ်အဝဲသ့ၣ်ဆိၣ်တၢ်ဒီးအီၤအဃိဒီး, အန့ၣ်ကမၤ အသးဒ်တၢ်ဖးလီတၢ်လၢအမဲာ်ညါအသိးလီၤ. ဘၣ် ဆၣ်ဒီးကသ့ၣ်နီၣ်က့ၤအဝဲသ့ၣ်အတၢ်ဒဲးဘး ဒ်သိးအ ကဘၣ်တၢ်မၤန့ၢ်အီၤလီၤ.
24 မၤသးဒ်န့ၣ်ဒီးကစၢ်ယွၤစံးဒ်အံၤ, မ့ၢ်သုတၢ်ကမၣ် အိၣ်ဖျါထီၣ်ဒီး, သုဒုးသ့ၣ်နီၣ်ထီၣ်က့ၤတၢ်လၢသုတၢ် ဒဲးဘး,ဒီးသုတၢ်ဒဲးဘးအိၣ်ဖျါဝဲလၢ သုမၤတၢ်ခဲလၢာ် အပူၤဒီး, မ့ၢ်သုဒုးသ့ၣ်နီၣ်ထီၣ်က့ၤတၢ်လၢသုဒီး,တၢ် ကမၤန့ၢ်သုလၢအစုလီၤ.
25 ဒီးနဲဒၣ်အံၤ, အံၣ်စရ့လးအပဒိၣ်ဖးဒိၣ်အအၢဒီးတ တီတလိၤဘၣ်, လၢအမုၢ်တနံၤဘၣ်ဖဲအတၢ်ဒဲးဘးအ ကတၢၢ်တဂၤဧၢ, 26 ကစၢ်ယွၤစံးဒ်အံၤ,ဘီၣ်လီၤကွံာ်ခိၣ် ဖၢၣ်, ထုးထီၣ်ကွံာ်ခိၣ်သလုးတက့ၢ်. တမ့ၢ်လၢၤဘၣ် နတၢ်ဘၣ်. ပာ်ထီၣ်ထီပှၤလၢအအိၣ်ဆီၣ်လီၤ,ဒီးဆီၣ် လီၤပှၤလၢအအိၣ်ထီၣ်ထီတက့ၢ်.
27 ယကကျၢၢ်အီထီလာ်, ယကကျၢၢ်အီထီလာ်,ယက ကျၢၢ်အီထီလာ်အီၤလီၤ. ဒီးတအိၣ်လၢၤဘၣ်တုၤပှၤတ ဂၤဟဲလၢအမ့ၢ်အတၢ်နီၢ်နီၢ်, ဒီးယကဟ့ၣ်အီၤလီၤ.
28 ဒီးနဲဒၣ်ပှၤကညီဖိခွါဧၢ, ကတိၤလၢဝံကျိာ်,ဒီးစံး,က စၢ်ယွၤစံးလၢပှၤဧၣ်မိၣ်ဖိအဂ့ၢ်, ဒီးလၢအတၢ်ဒုၣ်ဒွဲၣ်အ ဂ့ၢ်ဒ်အံၤဒီးစံးနဲ, နးဧိၤဘီဧိၤ, နးဧိၤဘီဧိၤဘီၣ်ထီၣ်ကွံာ် လံအသးလံ, တြူာ်ကဆှၣ်လံအသး,ကပြူၢ်ကပြီၤလံ လၢတၢ်မၤသံတၢ်အဂီၢ် လၢတၢ်မၤလၢာ်ကွံာ်တၢ်အ ဂီၢ်လီၤ. 29 ဖဲအဝဲသ့ၣ်ထံၣ်တၢ်ကလီကလီလၢနဂီၢ်,ဒီး ဖးတၢ်ကဘျံးကဘျၣ်လၢနဂီၢ် ဒ်သိးအကဒုးလီၤဘၣ် နၤလၢပှၤတတီတလိၤဘၣ်အကိာ်လၢ အဘၣ်တၢ်မၤ သံအီၤ, ပှၤလၢအမုၢ်တနံၤဘၣ်ဖဲအတၢ်ဒဲးဘးကက တၢၢ်လီၤ.
30 ဖျီၣ်နုာ်နးလၢအတြိးပူၤတက့ၢ်. ယကစံၣ်ညီၣ်နၤဖဲ တၢ်အလီၢ်လၢတၢ်တ့လီၤနၤလၢအပူၤ, လၢနအိၣ်ဖျဲၣ် အကီၢ်ပူၤလီၤ. 31 ဒီးယကလူလီၤယသးထီၣ်ဆူၣ်လၢ နလိၤယကအူဘၣ်နၤလၢ ယသးကဲၤထီၣ်အမ့ၣ်အူဒီး ယကဟ့ၣ်လီၤကွံာ်နၤလၢပှၤလီၤဂာ် ဆၣ်ဖိကီၢ်ဖိအစု ပူၤ, လၢအမၤဟးဂီၤတၢ်သ့လီၤ.
32 နကကဲထီၣ်သ့ၣ်မုၣ်လၢမ့ၣ်အူအဂီၢ်, နသွံၣ်ကအိၣ် လၢကီၢ်အသးကံၢ်ပူၤလီၤ. ပှၤကညီတသ့ၣ်နီၣ်ထီၣ် လၢၤဘၣ်နၤဘၣ်. အဂ့ၢ်ဒ်အံၤ, တၢ်လၢယၤယွၤအံၤ, ယကတိၤတၢ်လီၤ.