20
ဒီးလၢနံၣ်နွံနံၣ်တနံၣ်, လါယဲၢ်လါတလါ,ထီၣ်ဆံ ဆဲၣ်နံၤတနံၤန့ၣ် တၢ်မၤအသးလၢအံၣ်စရ့လးအပှၤ သူၣ်က့သးပှၢ်တနီၤဟဲသံကွၢ်ယွၤ, ဒီးဆ့ၣ်နီၤဝဲလၢယ မဲာ်ညါလီၤ.ဒီးယွၤအကလုၢ်ဘၣ်ယၤ,ဒီးစံးဝဲဒၣ်, 2-3 ပှၤကညီဖိခွါ ဧၢ, ကတိၤတၢ်ဒီးအံၣ်စရ့လးအပှၤသူၣ်က့သးပှၢ်ဒီးစံး ဘၣ်အီၤ, ကစၢ်ယွၤစံးဒ်အံၤ, သုဟဲသံကွၢ်ယၤစ့ၢ်ကီး ဧါ.ယမူယဲ, ကစၢ်ယွၤစံးဝဲဒၣ်,ယတဒိးတၢ်သံကွၢ်လၢ သုဘၣ်.
နကစံၣ်ညီၣ်အီၤစ့ၢ်ကီးဧါ. ပှၤကညီဖိခွါဧၢ, နကစံၣ် ညီၣ်အီၤစ့ၢ်ကီးဧါ. ဘိးဘၣ်သ့ၣ်ညါအီၤလၢအပၢ်တ ဖၣ်အတၢ်သးဘၣ်အၢ, ဒီးစံးဘၣ်အီၤ,ကစၢ်ယွၤစံးဒ် အံၤ, မုၢ်တနံၤလၢယဃုထၢအံၣ်စရ့လး, ဒီးယူာ်ထီၣ် ယစုဆူယၤကိာ် အပှၤဟံၣ်ဖိအချံအသၣ်, ဒီးလီၣ်ဖျါ ထီၣ်ယသးလၢအမဲာ်ညါလၢ ကီၢ်အဲၤကူပတူးအပူၤဖဲယ ယူာ်ထီၣ်ယစုဆူအအိၣ်ဒီးစံး, ယမ့ၢ်ယွၤသုကစၢ်ဒီး,-
မုၢ်တနံၤန့ၣ်ယယူၣ်ထီၣ်ယစုဆူအအိၣ်ဒီး ယဆိၣ်လၢ ယကဒုးဟးထီၣ်အီၤလၢ ကီၢ်အဲၤကူပတူးအပူၤ,ဆူကီၢ် တဘ့ၣ်လၢယဃုတ့ၢ်လၢအဂီၢ်, လၢအယွၤဝဲဒီးတၢ်နုၢ် ထံဒီးကနဲစီလၢအမ့ၢ်ကီၢ်ခဲလၢာ်အဃံအလၤ, ဒီးယ စံးဘၣ်အီၤ, ညိကွံာ်တဂၤသုတၢ်သးဘၣ်အၢလၢသုမဲာ် ညါစုာ်စုာ်တက့ၢ်. ဒီးမၤဘၣ်အၢသုသးဒီး အဲၤကူပ တူးအတၢ်ဂီၤတၢ်ဖီၣ်တဂ့ၤ. ယဲဒၣ်အံၤယမ့ၢ်ယွၤသုက စၢ်လီၤ.
ဘၣ်ဆၣ်ဒီးအဝဲသ့ၣ်ပူထီၣ်ယၤ, ဒီးတကနၣ်ဘၣ်ယ ကလုၢ်ဘၣ်, တညိကွံာ်ဘၣ်အတၢ်သးဘၣ်အၢလၢအ မဲာ်ညါစုာ်စုာ်ဘၣ်. ဒီးတလဲၤသဒၣ်ဘၣ်အဲၤကူပတူး အတၢ်ဂီၤတၢ်ဖီၣ်ဘၣ်. တုၤနုၤတစုယစံး,ယကလူလီၤ ယသးကဲၤထီၣ်လၢအလိၤ, ဒီးမၤလၢထီၣ်ပှဲၤထီၣ်ယ သးထီၣ်လၢအဖီခိၣ်လၢကီၢ်အဲၤကူပတူးအပူၤလီၤ.
ဘၣ်ဆၣ်ဒီးယမၤတၢ်လၢယမံၤအဃိ, ဒ်သိးအသုတ ဘၣ်အၢလၢပှၤကလုာ်တဖၣ်အမဲာ်ညါလၢ အဝဲသ့ၣ် အိၣ်ဝဲလၢအကျါ, ဒီးလၢယဒုးဟးထီၣ်အီၤလၢကီၢ်အဲၤ ကူပတူးသတးဒီး, ယလီၣ်ဖျါထီၣ်ယသးလၢအဝဲသ့ၣ် အမဲာ်ညါလီၤ.
10 ဒီးယဒုးဟးထီၣ်အီၤလၢ ကီၢ်အဲၤကူပတူးအပူၤ,ဒီး ဆှၢအီၤဆူပှၢ်မုၢ်ကနၢလီၤ. 11 ဒီးယဟ့ၣ်လီၤအီၤလၢယ တၢ်သိၣ်တၢ်သီ, ဒီးယဘိးဘၣ်သ့ၣ်ညါအီၤလၢယတၢ် စံၣ်ညီၣ်လၢပှၤမ့ၢ်တိၢ်န့ၢ်ဒီး,ကမူဝဲလၢအပူၤလီၤ. 12 ဒီး ယဟ့ၣ်စ့ၢ်ကီးအီၤလၢ ယအိၣ်ဘှံးနံၤတဖၣ်လၢအကဲ ထီၣ်တၢ်အပနီၣ်လၢယၤဒီးအီၤအဘၢၣ်စၢၤ, ဒ်သိးအ ကသ့ၣ်ညါလၢယၤယွၤအံၤ, ယပာ်စီဆှံအီၤလီၤ.
13 ဘၣ်ဆၣ်ဒီးအံၣ်စရ့လးအပှၤဟံၣ်ဖိ ပူထီၣ်ယၤလၢ ပှၢ်မုၢ်ကနၢလီၤ. တလဲၤဘၣ်လၢယတၢ်သိၣ်တၢ်သီအ ပူၤဘၣ်, ဒီးတပးကဲဘၣ်ယတၢ်စံၣ်ညီၣ်လၢ ပှၤမ့ၢ်တိၢ် န့ၢ်အီၤဒီး, ကမူဝဲလၢအပူၤ,ဒီးမၤဘၣ်အၢယအိၣ်ဘှံး အနံၤတဖၣ်နးမးလီၤ. တုၤနုၤတစုယစံး,ယကလူလီၤ ယသးကဲၤထီၣ်လၢအလိၤလၢပှၢ်မုၢ်ကနၢ, ဒ်သိးယက မၤလၢာ်ကွံာ်အီၤလီၤ.
14 ဘၣ်ဆၣ်ဒီးယမၤတၢ်လၢ ယမံၤအဃိဒ်သိးအသုတ ဘၣ်အၢလၢပှၤကလုာ်တဖၣ်အကျါလၢ ယဒုးဟးထီၣ် ကွံာ်အဝဲသ့ၣ်လၢအမဲာ်ညါလီၤ. 15 ဒီးယယူာ်ထီၣ်ယ စုဆူအအိၣ်လၢ ပှၢ်မုၢ်ကနၢ,ဒီးယဆိၣ်လၢယတဒုးဟဲ နုာ်အီၤလၢကီၢ်ပူၤလၢ ယဟ့ၣ်တ့ၢ်အီၤလၢအယွၤဝဲဒီး တၢ်နုၢ်ထံ, ဒီးကနဲစီလၢအမ့ၢ်ကီၢ်ခဲလၢာ်အဃံအလၤ ဘၣ်လီၤ. 16 အဂ့ၢ်ဒ်အံၤ,တပးကဲဘၣ်ယတၢ်စံၣ်ညီၣ်တ ဖၣ်, ဒီးတလဲၤဘၣ်လၢယတၢ်သိၣ်တၢ်သီအပူၤဘၣ်, ဒီးမၤဘၣ်အၢယအိၣ်ဘှံးနံၤတဖၣ်လီၤ. အဂ့ၢ်ဒ်အံၤ,အ သးလဲၤပိာ်အတၢ်ဂီၤတၢ်ဖီၣ်တဖၣ်အခံလီၤ. 17 မ့ၢ်နာ် သက့ဒ်န့ၣ်ဒီးယမဲာ်သးလီအီၤ, ဒီးယတမၤဟးဂီၤဘၣ် အီၤ, ဒီးယတမၤလၢာ်ကွံာ်ဘၣ်အီၤလၢပှၢ်မုၢ်ကနၢ ဘၣ်.
18 ဒီးယစံးဘၣ်အဖိအလံၤလၢ ပှၢ်မုၢ်ကနၢန့ၣ်လဲၤတၢ် လၢသုပၢ်အလုၢ်အလၢ်တဂ့ၤ, ဒီးတိၢ်န့ၢ်အတၢ်စံၣ်ညီၣ် တဂ့ၤ, ဒီးသုသုတမၤဘၣ်အၢသုသးလၢ အတၢ်ဂီၤ တၢ်ဖီၣ်တဂ့ၤ.
19 ယဲဒၣ်အံၤယမ့ၢ်ယွၤသုကစၢ်လီၤ. လဲၤလၢယတၢ် သိၣ်တၢ်သီအပူၤ, ဒီးတိၢ်န့ၣ်ယတၢ်စံၣ်ညီၣ်,ဒီးမၤအီၤ တက့ၢ်. 20 ဒီးပာ်စီဆှံယအိၣ်ဘှံးနံၤတဖၣ်တက့ၢ်.ဒီး ကကဲထီၣ်တၢ်အပနီၣ်လၢယၤဒီးသုအဘၢၣ်စၢၤ, ဒ်သိး သုကသ့ၣ်ညါလၢယမ့ၢ်ယွၤသုကစၢ်လီၤ.
21 ဘၣ်ဆၣ်ဒီးအဖိအလံၤပူထီၣ်ယၤ, ဒီးတလဲၤဘၣ်လၢ ယတၢ်သိၣ်တၢ်သီအပူၤ, ဒီးတတိၢ်န့ၢ်ဘၣ်ယတၢ်စံၣ် ညီၣ်ဒ်သိးအကမၤအီၤအဂ့ၢ်, လၢပှၤမ့ၢ်မၤအီၤဒီး,ကမူ ဝဲလၢအပူၤန့ၣ်ဘၣ်. ဒီးမၤဘၣ်အၢယအိၣ်ဘှံးအနံၤတ ဖၣ်လီၤ. တုၤနုၤတစုယစံး,ယကလူလီၤယသးကဲၤထီၣ် လၢအလိၤ, ဒီးမၤလၢထီၣ်ပှဲၤထီၣ်ယသးထီၣ်လၢအ လိၤလၢပှၢ်မုၢ်ကနၢလီၤ.
22 ဘၣ်ဆၣ်ဒီးယထုးက့ၤယစု, ဒီးမၤတၢ်လၢယမံၤအ ဃိ, ဒ်သိးအသုတဘၣ်အၢလၢပှၤကလုာ်တဖၣ်အမဲာ် ညါလၢယဒုးဟးထီၣ်အဝဲသ့ၣ်တဖၣ်လၢ အမဲာ်ညါ လီၤ. 23 ယယူာ်ထီၣ်စ့ၢ်ကီးယစုဆူအအိၣ်လၢပှၢ်မုၢ်က ကနၢ, ဒီးယဆိၣ်လၢယကမၤပြံမၤပြါအီၤလၢပှၤက လုာ်တဖၣ်အကျါ, ဒီးမၤလီၤမုၢ်လီၤဖးအီၤလၢကီၢ်တ ဖၣ်အပူၤလီၤ. 24 အဂ့ၢ်ဒ်အံၤ,တမၤဘၣ်ယတၢ်စံၣ်ညီၣ်, ဒီးတပးကဲဘၣ်ယတၢ်သိၣ်တၢ်သီ, ဒီးမၤဘၣ်အၢယ အိၣ်ဘှံးနံၤတဖၣ်, ဒီးအမဲာ်ကွၢ်ထွဲအပၢ်တဖၣ်အတၢ် ဂီၤတၢ်ဖီၣ်အခံလီၤ.
25 ဒီးယဟ့ၣ်စ့ၢ်ကီးအီၤလၢ တၢ်အလုၢ်အလၢ်လၢအတ ဂ့ၤဘၣ်, ဒီးတၢ်စံၣ်ညီၣ်လၢအတမူဘၣ်ဝဲလၢအပူၤ ဘၣ်. 26 ဒီးယမၤဘၣ်အၢအီၤလၢ အမၤဘူၣ်တၢ်အ ပူၤလၢအဒုးခီဂာ်ကယဲၢ်ပှၤအဖိဝဲၢ်ကိလၢ မ့ၣ်အူပူၤအ ဃိ, ဒ်သိးယကမၤဟးဂီၤအီၤ, လၢအကသ့ၣ်ညါလၢ ယမ့ၢ်ယွၤအဂ့ၢ်လီၤ.
27 မၤသးဒ်န့ၣ်ဒီးပှၤကညီဖိခွါဧၢ, ကတိၤတၢ်ဒီးအံၣ်စ ရ့လးအပှၤဟံၣ်ဖိဒီးစံးဘၣ်အီၤ, ကစၢ်ယွၤစံးဒ်အံၤ,လၢ တၢ်အံၤတမံၤစ့ၢ်ကီးသုပၢ်တဖၣ်ဒုၣ်ဒွဲၣ်ယၤ, ဒီးမၤက မၣ်ဘၣ်ယၤလီၤ.
28 အဂ့ၢ်ဒ်အံၤ, တုၤယဒုးဟဲနုာ်အီၤလၢ ကီၢ်ပူၤလၢယ ယူာ်ထီၣ်ယစုဒီးဆိၣ်လၢယကဟ့ၣ်လီၤလၢအီၤဒီး, အ ဝဲသ့ၣ်ထံၣ်ဘၣ်ဝဲလၢတၢ်စိခိၣ်ထီခဲလၢာ်, ဒီးသ့ၣ်က ဟုခဲလၢာ်,ဒီးလုၢ်အတၢ်လုၢ်ဖဲန့ၣ်, ဒီးမၤဘူၣ်တၢ်လၢ အထိၣ်ဂဲၤတၢ်သးထီၣ်, ဒီးမၤဘူၣ်အတၢ်နၢမူဖဲန့ၣ်,ဒီး လူလီၤအတၢ်လုၢ်အီဖဲန့ၣ်လီၤ.
29 တုၤနုၤတစုယစံးဘၣ်အီၤ, တၢ်အလီၢ်ထီၣ်ထီဖဲသု လဲၤတၢ်န့ၣ်မ့ၢ်ဒ်လဲၣ်. ဘၣ်ဆၣ်ဒီးအမံၤမ့ၢ်တၢ်အလီၢ် ထီၣ်ထီတုၤမုၢ်မဆါတနံၤအံၤလီၤ.
30 မၤသးဒ်န့ၣ်ဒီးစံးဘၣ် အံၣ်စရ့လးအပှၤဟံၣ်ဖိ, က စၢ်ယွၤစံးဒ်အံၤ, သုဘၣ်အၢဒ်သုပၢ်အသိး, ဒီးသုမၤ ကမၣ်မုၣ်ကမၣ်ခွါ ထွဲအတၢ်သးဘၣ်အၢအခံစ့ၢ်ကီး ဧါ. 31 ဒီးတုၤသုမၤဘူၣ်သုတၢ်, ဒီးတုၤသုဒုးခီဂာ်သု ဖိခွါလၢမ့ၣ်အူပူၤဒီး, သုမၤဘၣ်အၢသုသးလၢသုတၢ် ဂီၤတၢ်ဖီၣ်တုၤလၢမုၢ်မဆါတနံၤအံၤ, ဒီးယကဒိးတၢ် သံကွၢ်လၢသုစ့ၢ်ကီးဧါ. ယမူယဲ, ကစၢ်ယွၤစံးဝဲဒၣ်, ယတဒိးဘၣ်တၢ်သံကွၢ်လၢသုဘၣ်.
32 တၢ်လၢအလိၣ်ထီၣ်လၢသုသး, ဖဲသုစံးပကမၤပသး ဒ်ပှၤကလုာ်တဖၣ်အသိး, ဒ်ထံဧိၤကီၢ်ဧိၤအဒူၣ်တဖၣ် လၢအမၤသ့ၣ်ဧိၤဝၣ်ဧိၤ, ဒီးလၢၢ်ဧိၤလ့ဧိၤအတၢ်မၤအ သိးန့ၣ်, အဝဲန့ၣ်တကဲထီၣ်ဘၣ်တၢ်ဘၣ်.
33 ယမူယဲ, ကစၢ်ယွၤစံးဝဲဒၣ်, မ့ၢ်မးယကပၢသုလၢ ယစုဆူၣ်, ဒီးအစုဒုၣ်ယူာ်ထီၣ်အသး, ဒီးလၢယသး ကဲၤထီၣ်လူလီၤအသးလီၤ. 34 ဒီးယကဒုးဟးထီၣ်သု လၢပှၤကလုာ်တဖၣ်အကျါ, ဒီးယကထၢဖှိၣ်သုလၢ ကီၢ်တဖၣ်အပူၤ ဖဲသုအိၣ်ပြံအိၣ်ပြါလၢအပူၤလၢယစု ဆူၣ်, ဒီးယစုဒုၣ်ယူာ်ထီၣ်အသး,ဒီးယသးကဲၤထီၣ်လူ လီၤအသးလီၤ.
35 ဒီးယကဒုးဟဲသုဆူပှၤကလုာ်တဖၣ် အပှၢ်မုၢ်ကနၢ, ဒီးယကစံၣ်ညီၣ်သုကွၢ်ဆၢညါယမဲာ်ဖဲန့ၣ်လီၤ. 36 ဒ်ယ စံၣ်ညီၣ်သုပၢ်လၢကီၢ်အဲၤကူပတူး အပှၢ်မုၢ်ကနၢအသိး န့ၣ်, ယကစံၣ်ညီၣ်သုဒ်န့ၣ်သိးလီၤ,ကစၢ်ယွၤစံးဝဲဒၣ်.
37 ဒီးယကဒုးခီဂာ်သုလၢနီၣ်တီၢ်အဖီလာ်, ဒီးယကဒုး
38 ဟဲနုာ်သုလၢတၢ်အၢၣ်လီၤအနီၣ်စၢဃာ်အပူၤလီၤ. ဒီး ယကဒုးဟးထီၣ်ကွံာ်ပှၤပူထီၣ်ဖိ, ဒီးပှၤလၢအမၤကမၣ် ဘၣ်ယၤလၢသုကျါ, ဒီးယကဒုးဟးထီၣ်ကွံာ်အီၤလၢ ကီၢ်ပူၤဖဲအအိၣ်အဆိးလၢအပူၤ, ဒီးတလဲၤနုာ်ဘၣ်လၢ ကီၢ်အံၣ်စရ့လးအပူၤဘၣ်, ဒီးသုကသ့ၣ်ညါလၢယ မ့ၢ်ယွၤလီၤ.
39 တၢ်လၢသုအံၤ, အံၣ်စရ့လးအပှၤဟံၣ်ဖိသ့ၣ်ဧၢ,က စၢ်ယွၤစံးဒ်အံၤ, သုမ့ၢ်တဒိကနၣ်ဘၣ်ယကလုၢ်ဘၣ် ဒီး, လဲၤတၢ်,မၤသုတၢ်ဂီၤတၢ်ဖီၣ်အတၢ်စုာ်စုာ်ဆူညါ တက့ၢ်. ဘၣ်ဆၣ်ဒိးမၤဘၣ်အၢလၢၤယမံၤစီဆှံလၢသု တၢ်မၤဘူၣ်ဒီးသုတၢ်ဂီၤန့ၣ်တဂ့ၤ.
40 အဂ့ၢ်ဒ်အံၤ, လၢယကစၢၢ်စီဆှံအလိၤ, လၢအံၣ်စ ရ့လးအကစၢၢ်ထီအလိၤန့ၣ် အံၣ်စရ့လးအပှၤဟံၣ်ဖိ ခဲလၢာ်, ကယဲၢ်ပှၤလၢအအိၣ်လၢကီၢ်ပူၤခဲလၢာ်န့ၣ်က မၤယတၢ်ဖဲန့ၣ်လီၤ. ယကတူၢ်လိာ်အီၤဖဲန့ၣ်,ဒီးဖဲန့ၣ် ယကဃ့သုမၤဘူၣ်တၢ်, ဒီးသုမၤဘူၣ်တၢ်အတၤသၣ် ဆိ,ဒီးတၢ်လၢသုပာ်စီဆှံခဲလၢာ်လီၤ.
41 တုၤယဒုးဟးထီၣ်သုလၢပှၤကလုာ်တဖၣ်အကျါ, ဒီး ထၢဖှိၣ်သုလၢကယဲၢ်ကီၢ်လၢ သုအိၣ်ပြံပြါလၢအပူၤ ဒီး, ယကတူၢ်လိာ်သုဒ်တၢ်နၢမူအသိးလီၤ. ဒီးတၢ်က ပာ်စီဆှံယၤလၢ သုဃိလၢပှၤကလုာ်တဖၣ် အမဲာ် ညါလီၤ.
42 ဒီးတုၤယဒုးဟဲသုဆူ ကီၢ်အံၣ်စရ့လးအပူၤဆူကီၢ်ပူၤ လၢယယူာ်ထီၣ်ယစုဒီးဆိၣ်လၢ ယကဟ့ၣ်လီၤအီၤ လၢသုပၢ်တဖၣ်ဒီး, သုကသ့ၣ်ညါလၢယမ့ၢ်ယွၤလီၤ.
43 ဒီးဖဲန့ၣ်သုကသ့ၣ်နီၣ်ထီၣ်က့ၤသုကျဲဧိၤကပူၤဧိၤ, ဒီး သုမၤတၢ်ခဲလၢာ်လၢသုဘၣ်အၢလၢအပူၤ, ဒီးသုက သးဟ့လီၤသုသးလၢ ကယဲၢ်သုမၤတၢ်အၢလၢသုမၤ အီၤအဃိလီၤ.
44 ဒီးတုၤယမၤသုလၢယမံၤအဃိဒီး, တမ့ၢ်ဘၣ်ဒ်သုကျဲ အၢအသိး, ဒီးတမ့ၢ်ဘၣ်ဒ်သုမၤတၢ်သးဘၣ်အၢအသိး ဘၣ်ဒီး, သုကသ့ၣ်ညါလၢယမ့ၢ်ယွၤလီၤ, အံၣ်စရ့လး အပှၤဟံၣ်ဖိသ့ၣ်ဧၢ,ကစၢ်ယွၤစံးဝဲဒၣ်.ဒီးယွၤအကလုၢ်ဘၣ်ယၤ,ဒီးစံးဝဲဒၣ်, 45-46 ပှၤကညီ ဖိခွါဧၢ, ဒိးနမဲာ်ဆူကလံၤထံးတက့ၢ်. ဒီးဒုးလီၤစီၤန တၢ်ကတိၤဆူကလံၤထံး, ဒီးကတိၤတၢ်လၢဝံကျိာ်ထီ ဒါသ့ၣ်တဖုလၢပှၢ်လၢ်ကျါလၢကလံၤထံးန့ၣ်တက့ၢ်.-
47 ဒီးစံးဘၣ်သ့ၣ်တဖုလၢ ကလံၤထံးတခီ,ကနၣ်ယွၤအ ကလုၢ်တက့ၢ်. ကစၢ်ယွၤစံးဒ်အံၤ, ကွၢ်ကွၢ်, ယက ဆိၣ်ကဲၤထီၣ်မ့ၣ်အူလၢနကျါလၢ အကအီၣ်ကွံာ်က ယဲၢ်သ့ၣ်သံကစဲာ်ဒီး ကယဲၢ်သ့ၣ်ဃ့တထံးလၢ်လၢ်လၢ နကျါလီၤ. မ့ၣ်အူလၣ်တလီၤပံာ်ဘၣ်, ဒီးကအီၣ်ကွံာ် ပှၤအမဲာ်ခဲလၢာ်လၢကလံၤထံး ပၢၢ်လၢကလံၤစိးန့ၣ် လီၤ.
48 ဒီးကယဲၢ်တၢ်ဖံးတၢ်ညၣ်ကထံၣ်ဝဲလၢ ယၤယွၤအံၤ, ယဆိၣ်ကဲၤထီၣ်အီၤ, ဒီးတလီၤပံာ်ဘၣ်ဝဲဘၣ်.
49 ဒီးယစံး, အၣ်,ကစၢ်ယွၤဧၢ, ပှၤစံးလၢယဂ့ၢ်န့ၣ်,က တိၤတၢ်ကတိၤဒိ, တမ့ၢ်ဘၣ်ဧါ.