19
ဒီးနဲဒၣ်အံၤ, မၤထါဟီၣ်တၢ်လၢအံၣ်စရ့လးအပဒိၣ် ဖးဒိၣ်အဃိ, ဒီးစံး,နမိၢ်မ့ၢ်မနုၤလဲၣ်,မ့ၢ်ခ့ယုၢ်မိၢ်တဒု လီၤ. ကိာ်လီၤလၢခ့ယုၢ်အကျါ,ဘုၣ်အီၣ်အဖိလၢခ့ယုၢ် အကျါလီၤ.
ဘုၣ်အီၣ်အဖိတဒုလီၤ. ကဲထီၣ်ဝဲလၢခ့ယုၢ်တလိၤတ ဒု, ဒီးမၤလိဂုာ်ဆူၣ်ပျီဆူၣ်တၢ်,အီၣ်ကွံာ်ပှၤကညီလီၤ.
ဒီးပှၤကလုာ်တဖၣ်နၢ်ဟူတၢ်လၢအဂ့ၢ်လီၤ. အဝဲသ့ၣ် ဖီၣ်န့ၢ်အီၤလၢအတၢ်ပူၤ, ဒီးမိၤထီၣ်အီၤလၢနီၣ်ကွးဆူ ကီၢ်အဲၤကူပတူးအပူၤလီၤ.
ဒီးတုၤအမိၢ်ထံၣ်ဘၣ်ဝဲလၢ အအိၣ်ခိးကလီကလီ, ဒီးအတၢ်မုၢ်လၢ်အလီၢ်ဟးဂီၤဝဲဒီး, ဟံးန့ၢ်အဖိအဂၤ တဒု,ဒီးပာ်အီၤလၢခ့ယုၢ်တလိၤတဒုလီၤ. ဒီးအတၢ် ဟးဝ့ၤဝီၤတၢ်လၢခ့ယုၢ်အကျါ, ဒီးကဲထီၣ်ခ့ယုၢ်တလိၤ တဒု, ဒီးမၤလိဂုာ်ဆူၣ်ပျီဆူၣ်, အီၣ်ကွံာ်ပှၤကညီလီၤ.
ဒီးသ့ၣ်ညါဝဲအပှၤအမုၣ်ကမဲ, ဒီးမၤလူၤအဝ့ၢ်တဖၣ်, ဒီးထံဧိၤကီၢ်ဧိၤဒီးတၢ်မၤပှဲၤအီၤန့ၣ် အိၣ်သယုၢ်ဝဲလၢ အကိးပသူထီၣ်အသီၣ်အဃိလီၤ.
တုၤနုၤတဘျီပှၤကလုာ်တဖၣ် ပာ်အသးထီဒါအီၤ အိၣ်ဝးတရံးလၢကီၢ်တဖၣ်အပူၤ, ဒီးဟုးအပှာ်လၢအ ဖီခိၣ်, ဒီးဖီၣ်န့ၢ်အီၤလၢအတၢ်ပူၤလီၤ.
ဒီးဒၢနုာ်အီၤအိၣ်ဒီးနီၣ်ကွးလၢတၢ်အပူၤ, ဒီးစိၤဝဲဆူ ဘၤဘူၤလိၣ်အစီၤပၤအအိၣ်, ဒီးဒၢနုာ်အီၤလၢဃိာ်ပူၤ, ဒ်သိးအသီၣ်အသုတဟူထီၣ်လၢၤဘၣ်လၢ အံၣ်စရ့လး အကစၢၢ်ကလိအလိၤတဂ့ၤ.
10 နမိၢ်ဒ်နကစၢ်ဒၣ်နဲအသိး မၤသးဒ်စပံးမုၢ်သူၣ်အသး လၢထံနံၤအသိးန့ၣ်လီၤ. မ့ၢ်ထံအါအိၣ်သတးဒီး,သၣ် ထီၣ်ဝဲ,ဒီးပှဲၤဝဲဒီးအဒ့အဖီလီၤ.
11 ဒီးအိၣ်ဝဲဒီးအနီၣ်ထိးဘိဆူၣ်လၢ ပှၤလၢအပၢတၢ် အနီၣ်ထိးစီၤပၤအဂီၢ်, ဒီးအမုၢ်ထီဝဲလၢဒ့တဖၣ်အကျါ, ဒီးအိၣ်ဖျါထီထီကလဲာ်လၢအဒ့အါဒ့အကျါလီၤ.
12 ဘၣ်ဆၣ်ဒီးတၢ်ထဲးကွံာ်အီၤလၢ အသးကဲၤထီၣ်,တၢ် မၤလီၤဒါအီၤလၢ ဟီၣ်ခိၣ်အဖီခိၣ်,ဒီးကလံၤမုၢ်ထီၣ်မၤ ဃ့ထီၣ်ကွံာ်အတၤသၣ်, အနီၣ်ထိးဘိတဖၣ်ကၢ်ဝဲ,ဒီး လီၤဘဲလီၤ. မ့ၣ်အူအီၣ်ကွံာ်အီၤလီၤ.
13 ဒီးခဲကနံၣ်အံၤ သူၣ်အသးလၢလၢပှၢ်မုၢ်ကနၢ,လၢ ဟီၣ်ခိၣ်ဃ့, ဒီးတၢ်သူစဃ့အပူၤလီၤ. 14 ဒီးမ့ၣ်အူဟဲ ထီၣ်လံလၢအနီၣ်ထိးတဘိအပူၤလၢအဒ့ကျါ, ဒီးအီၣ် ကွံာ်လံအတၤသၣ်လံ. ဒီးတအိၣ်ဘၣ်ဒီးနိၣ်ထိးဆူၣ်, နီၣ်ထိးစီၤပၤလၢအကပၢတၢ်အဂီၢ်ဘၣ်. အဝဲန့ၣ်မ့ၢ် ထါဟီၣ်တၢ်, ဒီးကကဲထီၣ်တၢ်လၢထါဟီၣ်တၢ်အဂီၢ် လီၤ.