14
ဒီးပှၤကညီလၢအံၣ်စရ့လး အပှၤသူၣ်က့သးပှၢ်အ ကျါတနီၤဟဲဝဲဆူယအိၣ်,ဒီးဆ့ၣ်နီၤလၢယမဲာ်ညါ, ဒီး ယွၤအကလုၢ်ဘၣ်ယၤ,ဒီးစံးဝဲဒၣ်, ပှၤကညီဖိခွါဧၢ, ပှၤကညီတဖၣ်အံၤ ပာ်လံတၢ်ဂီၤတၢ်ဖီၣ်လၢအသးကံၢ် ပူၤ, ဒီးပာ်လံအတၢ်ဒဲးဘးအခီၣ်ဘၣ်တိၢ်အလီၢ်လၢအမဲာ်ညါလံ. ဒီးယကတူၢ်တၢ်သံကွၢ်ယၤလၢအီၤစ့ၢ်ကီး ဧါ.
မၤသးဒ်န့ၣ်ဒီးကတိၤတၢ်ဒီးအီၤ, ဒီးစံးဘၣ်အီၤ,က စၢ်ယွၤစံးဒ်အံၤ, ပှၤတဂၤဂၤလၢအံၣ်စရ့လးအပှၤဟံၣ်ဖိ အကျါလၢအပာ်အတၢ်ဂီၤလၢအသးကံၢ်ပူၤ, ဒီးပာ်အ တၢ်ဒဲးဘးအခီၣ်ဘၣ်တိၢ်အလီၢ်လၢအမဲာ်ညါ, ဒီးဟဲ ဝဲဆူဝံအအိၣ်န့ၣ်, ယၤယွၤအံၤယကစံးဆၢအီၤဒ်အတၢ် ဂီၤအါဒုအသိး, ဒ်သိးယကမၤန့ၢ်အံၣ်စရ့လးအပှၤ ဟံၣ်ဖိလၢအသးလီၤ. အဂ့ၢ်ဒ်အံၤ,ကဲထီၣ်ဝဲလၢပှၤတ ခီဘီမုၢ်အဖိဒီးယၤလၢအတၢ်ဂီၤအဃိလီၤ.
မၤသးဒ်န့ၣ်ဒီးစံးဘၣ်အံၣ်စရ့လးအပှၤဟံၣ်ဖိ, ကစၢ် ယွၤစံးဒ်အံၤ, ဃၣ်ကွံာ်သုသး,ဃၣ်ကွံာ်သုသးလၢသု တၢ်ဂီၤ, ဒီးဃၣ်ကွံာ်သုမဲာ်လၢသုသးဘၣ်အၢတဖၣ် အအိၣ်တက့ၢ်. အဂ့ၢ်ဒ်အံၤ,ပှၤတဂၤဂၤလၢအံၣ်စရ့ လးအပှၤဟံၣ်ဖိအကျါ, ဒီးလၢပှၤတခီဘီမုၢ်ဖိလၢအ အိၣ်အဆိးလၢပှၤအံၣ်စရ့လးဖိအကျါလၢ အမၤလီၤ မုၢ်လီၤဖးလီၤအသးဒီးယၤ, ဒီးပာ်တၢ်ဂီၤလၢအသးကံၢ် ပူၤ, ဒီးပာ်အတၢ်ဒဲးဘးအခီၣ်ဘၣ်တိၢ်အလီၢ်လၢအမဲာ် ညါ, ဒီးဟဲဆူဝံအအိၣ်ဒ်သိးအကသံကွၢ်တၢ်လၢယၤ န့ၣ်ယၤယွၤအံၤ ယကစံးဆၢအီၤလၢယကစၢ်ဒၣ်ယဲ,-
ဒီးယကကွၢ်ပှၤတဂၤန့ၣ်လၢယမဲာ်, ဒီးယကပာ်ပှၤတ ဂၤန့ၣ်လၢတၢ်အပနီၣ်, ဒီးတၢ်ကတိၤဒိအလီၢ်, ဒီးယ ကဒီၣ်တဲာ်ကွံာ်အီၤလၢ ယပှၤဂီၢ်မုၢ်အကျါ, ဒီးသုက သ့ၣ်ညါလၢယမ့ၢ်ယွၤလီၤ.
ဒီးဝံတဂၤတုၤအကတိၤတၢ်, ဒီးဘၣ်တၢ်လီန့ၢ်အီၤ ဒီး,ယၤယွၤအံၤယလီန့ၢ်ဝံတဂၤန့ၣ်, ဒီးယကယူာ်ထီၣ် ယစုလၢအလိၤ, ဒီးမၤဟးဂီၤအီၤလၢယပှၤဂီၢ်မုၢ်အံၣ်
10 စရ့လးအကျါလီၤ. ဒီးကဘၣ်အတၢ်ဒဲးဘး,ဝံကဘၣ် တၢ်ဒဲးဘးဒ်ပှၤလၢအသံကွၢ်တၢ်လၢအီၤဘၣ် အတၢ်ဒဲး ဘးအသိးန့ၣ်, 11 ဒ်သိးအံၣ်စရ့လးအပှၤဟံၣ်ဖိအသုတ ဟးဖျိးလၢၤလၢယအိၣ်တဂ့ၤ, ဒီးဒ်သိးအသုတဘၣ် အၢလၢၤဘၣ်ဒီးအတၢ်ကမၣ်တဂ့ၤ, မ့ၢ်ဒ်သိးအကကဲ ထီၣ်ယပှၤဂီၢ်မုၢ်, ဒီးယကကဲထီၣ်အကစၢ်လီၤ, ကစၢ် ယွၤစံးဝဲဒၣ်.ဒီးယွၤအကလုၢ်ဘၣ်ယၤဒီးစံးဝဲဒၣ်, 12 - 13 ပှၤကညီ ဖိခွါဧၢ, တုၤကီၢ်တဘ့ၣ်မၤတၢ်ဒဲးဘး, ဒီးမၤကမၣ် ဘၣ်ယၤနးမး, ဒီးယယူာ်ထီၣ်ယစုလၢအဖီခိၣ်, ဒီးမၤ ကၢ်အကိၣ်အနီၣ်ထိးဘိ, ဒီးမၢလီၤတၢ်သၣ်ဝံၤလီၤဒိဆူ အအိၣ်, ဒီးဒီၣ်တဲာ်ကွံာ်ပှၤကညီဒီးဆၣ်ဖိကီၢ်ဖိလၢအ ပူၤဒီး, 14 စီၤနိအၤ,စီၤဒၤနံးယ့လး,ဒီးစီၤယိၤဘးသၢဂၤ န့ၣ်မ့ၢ်အိၣ်လၢအပူၤဘၣ်ဆၣ်ဒီး, ကမၤပူၤမၤဖျဲးထဲအ သးဒၣ်ဝဲလၢ အတၢ်တီတၢ်လိၤလီၤ.ကစၢ်ယွၤစံးဝဲဒၣ်.
15 တုၤယမၢဆၣ်ဖိကီၢ်ဖိအဒူခီဂာ်ထံဧိၤကီၢ်ဧိၤန့ၣ်, ဒီး အတၢ်မၤဟးဂီၤအီၤ, ဒီးအိၣ်သယုၢ်ဝဲတုၤပှၤကညီတ ခီဂာ်ဘၣ်ဝဲလၢဆၣ်ဖိကီၢ်ဖိအဃိဒီး, 16 ပှၤသၢဂၤန့ၣ် မ့ၢ်အိၣ်ဝဲလၢအပူၤဘၣ်ဆၣ်ဒီး, ယမူယဲ,ကစၢ်ယွၤစံး ဝဲဒၣ်, အဖိမုၣ်မ့ၢ်ဂ့ၤ,အဖိခွါမ့ၢ်ဂ့ၤ, တမၤပူၤဖျဲးဘၣ်ဝဲ ဘၣ်, ကပူၤဖျဲးထဲအကစၢ်ဒၣ်ဝဲဧိၤလီၤ, ဒီးကီၢ်န့ၣ်က အိၣ်သယုၢ်လီၤ.
17 ဒီးတုၤယဒုးဟဲဘၣ်ကီၢ်န့ၣ်လၢနးတဘ့ၣ်,ဒီးစံး, နး ဧၢ, လဲၤခီဂာ်ကီၢ်န့ၣ်တက့ၢ်, ဒီးယကဒီၣ်တဲာ်ကွံာ် ပှၤကညီဒီးဆၣ်ဖိကီၢ်ဖိလၢအပူၤဒီး, 18 ပှၤသၢဂၤန့ၣ်မ့ၢ် အိၣ်လၢအပူၤဘၣ်ဆၣ်ဒီး, ယမူယဲ,ကစၢ်ယွၤစံးဝဲဒၣ်, အဖိမုၣ်မ့ၢ်ဂ့ၤ,အဖိခွါမ့ၢ်ဂ့ၤ, တမၤပူၤမၤဖျဲးဘၣ်ဝဲဘၣ်, ဒီးကပူၤကဖျဲးထဲအကစၢ်ဒၣ်ဝဲန့ၣ်ဧိၤလီၤ. 19 ဒီးတုၤယမၢလီၤ တၢ်သံသတြိာ်ဆူကီၢ်ပူၤန့ၣ်,ဒီးလူလီၤယသးကဲၤထီၣ်လၢတၢ်သွံၣ်လၢအဖီခိၣ်, ဒ်သိးယကဒီၣ်တဲာ်ကွံာ်ပှၤကညီဒီး ဆၣ်ဖိကီၢ်ဖိလၢအပူၤဒီး,-
20 စီၤနိအၤ,ဒီးစီၤဒၤနံးယ့လး, ဒီးစီၤယိၤဘးမ့ၢ်အိၣ်လၢ အပူၤဘၣ်ဆၣ်ဒီး, ယမူယဲ,ကစၢ်ယွၤစံးဝဲဒၣ်,အဖိမုၣ် မ့ၢ်ဂ့ၤ,အဖိခွါမ့ၢ်ဂ့ၤ, တမၤပူၤမၤဖျဲးဘၣ်,ကမၤပူၤမၤဖျဲး လၢအတၢ်တီတၢ်လိၤထဲအကစၢ်ဒၣ်ဝဲန့ၣ်ဧိၤလီၤ. 21 မၤသးဒ်န့ၣ်ဒီးကစၢ်ယွၤစံးဝဲဒ်အံၤ, တုၤယမၢလီၤယတၢ်စံၣ်ညီၣ်အၢလွံၢ်မံၤလၢယရူၤၡလ့ၣ်အဖီခိၣ်, နးဧိၤဘီဧိၤ,ဒီးတၢ်သၣ်ဝံၤလီၤဒိ, ဒီးဆၣ်ဖိကီၢ်ဖိအဒူ,ဒီးတၢ်သံသတြိာ်ဒ်သိးအကဒီၣ်တဲာ်ကွံာ်ပှၤကညီဒီး ဆၣ်ဖိကီၢ်ဖိလၢအပူၤဒီး, နးန့ၢ်အန့ၣ်တက့ၢ်ဆံးဒိၣ်လဲၣ်.-
22 ဘၣ်ဆၣ်ဒီးကွၢ်ကွၢ်, တၢ်ကပာ်လီၤတဲာ်ပှၤလၢအက ပူၤဖျဲးတနီၤလၢအပူၤ, ဒီးတၢ်ကဒုးဟးထီၣ်အီၤ, ဖိမုၣ် ဒီးဖိခွါလီၤ. ကွၢ်ကွၢ်,ကဟဲထီၣ်ဆူသုအိၣ်, ဒီးသုက ထံၣ်ဘၣ်အကျဲ, ဒီးအမၤတၢ်,ဒီးတၢ်ကမၤမုာ်ထီၣ်က့ၤ သုလၢတၢ်အၢလၢ ယဒုးဟဲဘၣ်ယရူၤၡလ့ၣ်,လၢက ယဲၢ်တၢ်လၢယဒုးဟဲဘၣ်အီၤအဂ့ၢ်လီၤ.
23 ဒီးတုၤသုထံၣ်ဘၣ်အကျဲ, ဒီးအမၤတၢ်ဒီး,ကမၤမုာ် ထီၣ်က့ၤသုသး, ဒီးသုကသ့ၣ်ညါလၢတမ့ၢ်ဘၣ်အဂ့ၢ် တအိၣ်ဘၣ်ဒီး, ယမၤအီၤလၢတၢ်ခဲလၢာ်လၢယမၤတ့ၢ် အီၤဘၣ်, ကစၢ်ယွၤစံးဝဲဒၣ်.