12
1-2 ဒီးယွၤအကလုၢ်ဘၣ်ယၤ, ဒီးစံးဝဲဒၣ်,- ပှၤကညီဖိ ခွါဧၢ, နအိၣ်နဆိးလၢပှၤဟံၣ်ဖိလၢအပူထီၣ်ဒၣ်တၢ်, ပှၤလၢအမဲာ်အိၣ်ဒ်သိးအကထံၣ်တၢ်, ဒီးတထံၣ်ဘၣ် ဝဲဘၣ်. အိၣ်ဒီးအနၢ်ဒ်သိးအကနၢ်ဟူတၢ်, ဒီးတနၢ် ဟူဘၣ်ဝဲဘၣ်. အဂ့ၢ်ဒ်အံၤ, မ့ၢ်ပှၤဟံၣ်ဖိလၢအပူထီၣ် ဒၣ်တၢ်လီၤ.
3 မၤသးဒ်န့ၣ်ဒီးနဲဒၣ်ပှၤကညီဖိခွါဧၢ, ကတဲာ်ကတီၤ နတၢ်ဖိတၢ်လံၤလၢ နကဟးထီၣ်လၢကီၢ်ပူၤအဂီၢ်,ဒီး ဟးထီၣ်လၢမုၢ်ဆါခီလၢအမဲာ်ညါတက့ၢ်. ဒီးနဘၣ် ဟးလၢနလီၢ်ဆူအလီၢ်တပူၤဒၣ်လၢအမဲာ်ညါလီၤ. မ့ၢ် ပှၤဟံၣ်ဖိလၢအပူထီၣ်ဒၣ်တၢ်နာ်သက့ဒီး, ဘၣ်တဘၣ် ကကွၢ်ဆိကမိၣ်တၢ်လီၤ.
4 ဒီးစိာ်ထီၣ်နတၢ်ဖိတၢ်လံၤလၢ မုၢ်ဆါခီလၢအမဲာ် ညါ, ဒ်တၢ်ဖိတၢ်လံၤလၢပှၤကဟးဝဲအဂီၢ်သိးန့ၣ်.ဒီး ဟးထီၣ်လၢမုၢ်ဟါလၢအမဲာ်ညါ, ဒ်ပှၤလၢအလဲၤကဲ ကုၢ်အသိးန့ၣ်တက့ၢ်.
5 မၤဘၢၣ်ဖျိဟံၣ်အဒူၣ်လၢအ မဲာ်ညါ, ဒီးစိာ်ထီၣ်ကွံာ်တၢ်ဖဲန့ၣ်တက့ၢ်.
6 စိာ်တၢ် လၢနဖံဘၣ်ခိၣ်လၢအမဲာ်ညါ, ဒီးစိာ်တၢ်လၢမုၢ်ဟါ တက့ၢ်. ကျၢၢ်ဘၢနမဲာ်ဒ်သိးနသုတထံၣ်ဘၣ်ဟီၣ်ခိၣ် တဂ့ၤ. အဂ့ၢ်ဒ်အံၤ,ယပာ်လံနၤလၢတၢ်ပနီၣ်တမံၤလၢ အံၣ်စရ့လးအပှၤဟံၣ်ဖိအဂီၢ်လီၤ.
7 ဒီးယမၤတၢ်ဒ်တၢ်မၤလိာ်ယၤအသိးန့ၣ်လီၤ. ယဟဲ စိာ်ယတၢ်ဖိတၢ်လံၤလၢမုၢ်ဆါခီ, ဒ်တၢ်ဖိတၢ်လံၤလၢ ပှၤဟးထီၣ်ကွံာ်လၢကီၢ်ပူၤ စိာ်ထီၣ်ကွံာ်သိးန့ၣ်, ဒီး လၢမုၢ်ဟါန့ၣ်ယဘၢၣ်ဖျိဟံၣ်အဒူၣ်လၢယစု, ဒီးယစိာ် တၢ်လၢမုၢ်ဟါလီၤ. ယစိာ်တၢ်လၢယဖံဘၣ်ခိၣ်လၢအ မဲာ်ညါလီၤ.
8 ဒီးလၢမုၢ်ဆ့ၣ်ထီၣ်န့ၣ် ယွၤအကလုၢ်ဘၣ်ယၤဒီးစံးဝဲ ဒၣ်,
9 ပှၤကညီဖိခွါဧၢ, အံၣ်စရ့လးအပှၤဟံၣ်ဖိ,ပှၤ ဟံၣ်ဖိလၢအပူထီၣ်ဒၣ်တၢ်စံးနၤ, နမၤမနုၤလဲၣ်န့ၣ်တ မ့ၢ်ဘၣ်ဧါ.
10 စံးဘၣ်အီၤ,ကစၢ်ယွၤစံးဒ်အံၤ,တၢ်ဝံတၢ် ယိးအံၤဘၣ်ဃးဒီး ပဒိၣ်ဖးဒိၣ်လၢယရူၤၡလ့ၣ်အပူၤ, ဒီးအံၣ်စရ့လးအပှၤဟံၣ်ဖိခဲလၢာ်လၢ အအိၣ်ဝဲလၢအ ပူၤလီၤ.
11 စံး,ယမ့ၢ်သုတၢ်ပနီၣ်လီၤ. ဒ်ယမၤတၢ်အ သိးန့ၣ်,တၢ်ကမၤသုဒ်န့ၣ်သိးလီၤ. ကဟးဝဲ,ဒီးလဲၤကဲ ကုၢ်လီၤ.
12 ဒီးပဒိၣ်ဖးဒိၣ်အိၣ်လၢအကျါန့ၣ် ကစိာ် တၢ်လၢအဖံဘၣ်ခိၣ်လၢမုၢ်ဟါ, ဒီးကဟးထီၣ်လီၤ.က ဘၢၣ်ဖျိဟံၣ်ဒူၣ်, ဒီးစိာ်ထီၣ်တၢ်ဖဲန့ၣ်လီၤ. အဝဲဒၣ် ကကျၢၢ်ဘၢအမဲာ် ဒ်သိးအသုတထံၣ်ဘၣ်ဟီၣ်ခိၣ်တ ဂ့ၤလီၤ.
13 ဒီးယကဟုးယပှၤလၢအဖီခိၣ်, ဒီးကဘၣ်ယပျံၤသ ကွီၤ,ဒီးယကဟဲစိာ်အီၤဆူဘၤဘူၤလိၣ်, ဆူပှၤက့ၤစ့း ဖိအကီၢ်လီၤ. ကသံဖဲန့ၣ်ဘၣ်ဆၣ်ဒီး,တထံၣ်ဘၣ်အီၤ ဘၣ်.
14 ဒီးယကမၤပြံမၤပြါပှၤမၤစၢၤအီၤအိၣ်ဝးတရံး ဝဲခဲလၢာ်, ဒီးအပှၤအဖုတဖၣ်ခဲလၢာ်န့ၣ်ဆူကလံၤကိး ခီဒဲးအကျါ, ဒီးယကဒုးပိာ်အခံလၢနးတဘ့ၣ်လီၤ.-
15 ဒီးတုၤယမၤပြံမၤပြါအီၤလၢ ပှၤကလုာ်တဖၣ်အကျါ, ဒီးမၤလီၤမုၢ်လီၤဖးအီၤလၢ ကီၢ်တဖၣ်အကျါန့ၣ်ဒီး,က သ့ၣ်ညါဝဲလၢယမ့ၢ်ယွၤလီၤ.
16 ဘၣ်ဆၣ်ဒီးယကပာ်လီၤတဲာ် စှၤဂၤလၢအကပူၤဖျဲး ဒီးနးဧိၤဘီဧိၤ, ဒီးလၢတၢ်သၣ်ဝံၤလီၤဒိဒီးလၢတၢ်သံ သတြိာ်န့ၣ်ဒ်သိးအကစံၣ်တဲၤတဲလီၤ အတၢ်သးဘၣ် အၢခဲလၢာ်လၢပှၤကလုာ်တဖၣ်အကျါ ဖဲအဟဲဝဲ,ဒီး ကသ့ၣ်ညါဝဲလၢယမ့ၢ်ယွၤလီၤ.ဒီးယွၤအကလုၢ်ဘၣ်ယၤဒီးစံးဝဲဒၣ်,
17-18 ပှၤကညီ ဖိခွါဧၢ, အီၣ်နကိၣ်ဒီးဖုးတၢ်, အီနထံဒီးကနိးတၢ်ဒီး တၢ်သူၣ်ကိၢ်သးဂီၤတက့ၢ်.
19 ဒီးစံးဘၣ်ကီၢ်အပှၤဂီၢ်မုၢ် န့ၣ်,ကစၢ်ယွၤစံးဒ်အံၤ, လၢပှၤယရူၤၡလ့ၣ်ဖိလၢကီၢ် အံၣ်စရ့လးအပူၤ, ကအီၣ်အကိၣ်ဒီးအသးကိၢ်,ဒီးက အီအထံလၢအသးကတုၤ. ဒ်သိးအကီၢ်, ဒီးကယဲၢ် တၢ်အိၣ်လၢအပူၤခဲလၢာ်ကအိၣ်သယုၢ်လၢ ပှၤမၤဆူၣ် တၢ်လၢအအိၣ်ဝဲလၢအပူၤတဖၣ်န့ၣ်အဃိလီၤ.
20 ဒီး တၢ်ကမၤလူၤဝ့ၢ်တဖၣ်လၢပှၤအိၣ်ဝဲဆိးဝဲလၢအပူၤ, ဒီး ကီၢ်ကအိၣ်သယုၢ်, ဒီးသုကသ့ၣ်ညါလၢယမ့ၢ်ယွၤလီၤ.
21 ဒီးယွၤအကလုၢ်ဘၣ်ယၤဒီးစံးဝဲဒၣ်.-
22 ပှၤကညီ ဖိခွါဧၢ, တၢ်ကတိၤဒိလၢအအိၣ်ဒီးသုလၢကီၢ်အံၣ်စ ရ့လးအပူၤလၢအစံး, မုၢ်နံၤတဖၣ်န့ၣ်သုးယံၤထီၣ်အ သး,ဒီးကယဲၢ်တၢ်ထံၣ်တၢ်လၢညါခီ ဟးဂီၤဝဲန့ၣ်မ့ၢ် အစံးဝဲဒ်လဲၣ်.
23 မၤသးဒ်န့ၣ်ဒီးစံးဘၣ်အီၤ, ကစၢ်ယွၤစံးဒ်အံၤ, တၢ် ကတိၤဒိတထံၣ်န့ၣ် ယကဒုးဆိတ့ၢ်,ဒီးပှၤတကတိၤဒိ လၢၤဘၣ်အီၤလၢ အံၣ်စရ့လးအပူၤဘၣ်. မ့မ့ၢ်စံးဘၣ် အီၤ, မုၢ်နံၤတဖၣ်ဒီးတၢ်ထံၣ်တၢ်လၢညါခီခဲလၢာ်အိၣ် ဘူးထီၣ်လံ.
24 အဂ့ၢ်ဒ်အံၤတၢ်ထံၣ်လၢညါခီကလီက လီ, ဒီးဖးတၢ်လၢအလီတၢ်န့ၣ်တအိၣ်လၢၤဘၣ်လၢ အံၣ်စရ့လးအဟံၣ်ပူၤဘၣ်.
25 အဂ့ၢ်ဒ်အံၤ, ယမ့ၢ်ယွၤလီၤ.ယကတိၤတၢ်,ဒီးတၢ်က တိၤလၢယကတိၤတၢ်န့ၣ် ကမၤအသးလီၤ.ဒီးတသုး ယံၤထီၣ်အသးလၢၤဘၣ်. အဂ့ၢ်ဒ်အံၤ,ပှၤဟံၣ်ဖိလၢအ ပူထီၣ်ဒၣ်တၢ်သ့ၣ်ဧၢ, လၢသုမုၢ်နံၤတဖၣ်အပူၤန့ၣ်,ယ ကကတိၤတၢ်, ဒီးယကမၤအီၤ,ကစၢ်ယွၤစံးဝဲဒၣ်.ဒီးယွၤအကလုၢ်ဘၣ်ယၤဒီးစံးဝဲဒၣ်,
26-27 ပှၤကညီ ဖိခွါဧၢ, ကွၢ်ကွၢ်,ပှၤအံၣ်စရ့လးအပှၤဟံၣ်ဖိစံးဝဲဒၣ်, တၢ်လၢအထံၣ်ဝဲလၢညါခီတမံၤန့ၣ် အိၣ်ဝဲလၢအါနံၤ အါသီခဲကိာ်အဂီၢ်လီၤ. ဒီးကတိၤတၢ်လၢဝံအကျိာ်လၢ အဆၢအကတီၢ်လၢအယံာ်အဂ့ၢ်အကျိၤလီၤ.
28 မၤသးဒ်န့ၣ်ဒီးစံးဘၣ်အီၤ, ကစၢ်ယွၤစံးဒ်အံၤ,ယတၢ် ကတိၤတသုးယံၤထီၣ်အသးလၢၤဘၣ်. မ့မ့ၢ်တၢ်က တိၤလၢယကတိၤတ့ၢ်န့ၣ်ကမၤအသးလီၤ, ကစၢ်ယွၤ စံးဝဲဒၣ်.