10
ဒီးယကွၢ်တၢ်, ဒီးကွၢ်ကွၢ်,လၢမူကပိာ်လိၤလၢအအိၣ် ဝဲလၢခ့ရူာ်တဖၣ်အခိၣ်အဖီခိၣ်န့ၣ် တၢ်ဖျါဒ်တၢ်မျၢ်နံၤ လါအသိး, မၤသးဒ်တၢ်လီၢ်ပစိာ်အသိးန့ၣ်လီၤ. ဒီး ကတိၤတၢ်ဒီးပှၤကူသိးဖှီဝါကဆှၣ်, ဒီးစံးဝဲဒၣ်,လဲၤနုာ် လၢလ့ၣ်ကဟၣ်အပၣ်အဘၢၣ်စၢၤ လၢခ့ရူာ်အဖီလာ်,ဒီးမၤပှဲၤနစုညါသးဒီးမ့ၣ်ကဖးလၢအအိၣ်လၢ ခ့ရူာ်အ ဘၢၣ်စၢၤ, ဒီးဖှံအီၤလၢဝ့ၢ်အဖီခိၣ်န့ၣ်တက့ၢ်.ဒီးလဲၤနုာ် ဝဲလၢယမဲာ်ညါလီၤ.
တုၤပှၤကညီတဂၤန့ၣ်လဲၤနုာ်ဒီး, ခ့ရူာ်တဖၣ်ဆၢ ထၢၣ်လၢဟံၣ်လၢစုထွဲတခီ, ဒီးတၢ်အၢၣ်ပှဲၤတၢ်ဂၢၤ လၢညါတပူၤလီၤ. ဒီးယွၤအလၤကပီၤထီၣ်ဝဲလၢခ့ ရူာ်အလိၤဆူဟံၣ်အကျဲစၢၤ, ဒီးဟံၣ်ပှဲၤဝဲဒီးတၢ်အၢၣ်, ဒီးတၢ်အဂၢၤပှဲၤဝဲဒီးယွၤအလၤကပီၤ အကယဲၢ်ကယူာ် လီၤ.
ဒီးခ့ရူာ်တဖၣ်အဒံးဆ့အသီၣ်ဟူထီၣ်ဝဲ ပၢၢ်လၢတၢ် အဂၢၤလၢခိတပူၤ ဒ်ယွၤအကလုၢ်လၢအကတိၤတၢ် အဖၢမုၢ်အသိးန့ၣ်လီၤ. ဒီးတုၤအမၤလိာ်ပှၤကူသိးဖှီ ဝါကဆှၣ်, ဒီးစံးဝဲ,ဟံးန့ၢ်မ့ၣ်အူလၢလ့ၣ်ကဟၣ်အပၣ် အဘၢၣ်စၢၤဒီး, လၢခ့ရူာ်အဘၢၣ်စၢၤဒီး, တၢ်မၤအ သးလၢအလဲၤနုာ်, ဒီးဆၢထၢၣ်လၢလ့ၣ်ကဟၣ်အပၣ် အဘၢၣ်စၢၤလီၤ.
ဒီးခ့ရူာ်တဂၤယူာ်ထီၣ်အစုလၢ ခ့ရူာ်တဖၣ်အဘၢၣ် စၢၤဆူမ့ၣ်အူလၢအအိၣ်ဝဲလၢခ့ရူာ်တဖၣ်အဘၢၣ်စၢၤ, ဒီးဟံးန့ၢ်ဝဲ, ဒီးပာ်လီၤဝဲလၢပှၤကူသိးဖှီဝါကဆှၣ်တ ဂၤအစုပူၤ, ဒီးအဝဲဒၣ်ဟံးန့ၢ်,ဒီးဟးထီၣ်ဝဲလီၤ. ဒီးပှၤ ကညီအစုအက့ၢ်အဂီၤအိၣ်ဖျါထီၣ်လၢ ခ့ရူာ်အဒံးဆ့ အဖီလာ်လီၤ.
ဒီးယကွၢ်တၢ်,ဒီးကွၢ်ကွၢ်, လ့ၣ်ကဟၣ်အပၣ်လွံၢ်ဘ့ၣ် အိၣ်ဝဲလၢခ့ရူာ်တဖၣ်အဃၢၤ, လ့ၣ်ကဟၣ်အပၣ်တ ဘ့ၣ်အိၣ်ဝဲလၢခ့ရူာ်တဂၤအဃၢၤ, ဒီးလ့ၣ်ကဟၣ်အ ပၣ်တဘ့ၣ်ဒၣ်အိၣ်ဝဲလၢခ့ရူာ်တဂၤဒၣ်အဃၢၤ, ဒီးလ့ၣ် ကဟၣ်အပၣ်ဖျါဝဲမၤသးဒ်တၢ်မျၢ်ဘီဟ့အသိးန့ၣ်လီၤ.
10 ဒီးတၢ်လွံၢ်မံၤန့ၣ် ဖျါဝဲလၢအက့ၢ်အဂီၤတမံၤဃီ,မၤ သးဒ်လ့ၣ်ကဟၣ်အပၣ်တဘ့ၣ်လၢ လ့ၣ်ကဟၣ်အပၣ် တဘ့ၣ်ဒၣ်အသးကံၢ်ပူၤအသိးန့ၣ်လီၤ. 11 တုၤအလဲၤ တၢ်ဒီး, လဲၤဝဲလၢအကပၤလွံၢ်ခီလီၤ. တုၤအလဲၤတၢ် ဒီး, တဃၣ်ဘၣ်အသးဘၣ်,ဒီးလဲၤဝဲဆူတၢ်အလီၢ်ဖဲ အခိၣ်ကွၢ်ဝဲ, ပိာ်ဝဲအခံ,ဒီးတုၤအလဲၤတၢ်ဒီး,တဃၣ် ဘၣ်အသးဘၣ်. 12 ဒီးအဖံးအညၣ်ဒီဂၤညါ,ဒီးအချၢဃံ, ဒီးအစုဒီးအဒံးဆ့, ဒီးအလ့ၣ်ကဟၣ်အပၣ်န့ၣ်ပှဲၤဝဲဒီး အမဲာ်ဝးတရံးဝဲ, လ့ၣ်ကဟၣ်အပၣ်လၢအအိၣ်ဝဲဒီးတၢ် တၢ်လွံၢ်ဂၤန့ၣ်လီၤ.
13 ဒီးတၢ်လၢလ့ၣ်ကဟၣ်အပၣ်တဖၣ်န့ၣ် တၢ်ကိးအီၤ လၢယနၢ်ပူၤလၢလ့ၣ်ပၣ်တရံးအသးလီၤ.
14 ဒီးတဂၤအိၣ်ဝဲဒီးအမဲာ်လွံၢ်ခီစုာ်စုာ်လီၤ. တၢ်အမဲာ် လၢအခီၣ်ထံးတခီန့ၣ်မ့ၢ်ခ့ရူာ်အမဲာ်လီၤ. ဒီးတၢ်အမဲာ် ခံခီတခီန့ၣ်မ့ၢ်ပှၤကညီအမဲာ်, ဒီးတၢ်အမဲာ်သၢခီတခီ န့ၣ်မ့ၢ်ခ့ယုၢ်အမဲာ်, ဒီးတၢ်အမဲာ်လွံၢ်ခီတခီန့ၣ်မ့ၢ်လံာ် ကြီကြာ်အမဲာ်လီၤ.
15 ဒီးခ့ရူာ်တဖၣ်စိာ်ထီၣ်အသးလီၤ. တၢ်န့ၣ်မ့ၢ်တၢ်သး တဖၣ်လၢယထံၣ်ဘၣ်လၢထံမိၢ်ပှၢ်ကဘၢ်အနံၤလီၤ.
16 ဒီးတုၤခ့ရူာ်တဖၣ်လဲၤတၢ်ဒီး, လ့ၣ်ကဟၣ်အပၣ်န့ၣ် လဲၤတၢ်လၢအဃၢၤ, ဒီးတုၤခ့ရူာ်ယူာ်ထီၣ်အဒံးဆ့ဒ် သိးအကယူၤထီၣ်လၢဟီၣ်ခိၣ်အဖီခိၣ်ဒီး, လ့ၣ်ကဟၣ် အပၣ်တဃၣ်ဘၣ်အသးလၢအဃၢၤဘၣ်. 17 တုၤအ အိၣ်ကတီၢ်ဝဲဒီး, အဝဲသ့ၣ်အိၣ်ကတီၢ်ဝဲလီၤ.ဒီးတုၤအ စိာ်ထီၣ်အသးဒီး, အဝဲသ့ၣ်န့ၣ်စိာ်ထီၣ်အသးလီၤ.အ ဂ့ၢ်ဒ်အံၤ,တၢ်သးတဖၣ်အသးအိၣ်ဝဲလၢအပူၤလီၤ.
18 ဒီးယွၤအလၤကပီၤဟးထီၣ်ဝဲလၢ ဟံၣ်အကျဲစၢၤဒီး ဆၢထၢၣ်ဝဲလၢခ့ရူာ်အဖီခိၣ်လီၤ. 19 ဒီးခ့ရူာ်တဖၣ်ယူာ် ထီၣ်အဒံးဆ့, ဒီးယူၤထီၣ်ဝဲလၢဟီၣ်ခိၣ်အဖီခိၣ်လၢယ မဲာ်ညါလီၤ. တုၤအဟးထီၣ်ဒီး,လ့ၣ်ကဟၣ်အပၣ်အိၣ် ဝဲလၢအဃၢၤ, ဒီးအိၣ်ကတီၢ်ဝဲလၢယွၤအဟံၣ်အပဲတ ရီလၢမုၢ်ထီၣ်တခီ, ဒီးအံၣ်စရ့လးအကစၢ်အလၤကပီၤ အိၣ်ဝဲလၢအဖီခိၣ်လီၤ.
20 အဝဲအံၤမ့ၢ်တၢ်သးလၢယထံၣ်လၢ အံၣ်စရ့လးအက စၢ်အဖီလာ်လၢထံမိၢ်ပှၢ်ကဘၢ်အနံၤ, ဒီးယသ့ၣ်ညါ လၢအမ့ၢ်ခ့ရူာ်တဖၣ်န့ၣ်လီၤ.
21 အိၣ်ဝဲဒီးအမဲာ်လွံၢ်ခီစုာ်စုာ်, ဒီးအိၣ်ဝဲဒီးအဒံးဆ့လွံၢ် ဘ့ၣ်စုာ်စုာ်, ဒီးပှၤကညီအစုအက့ၢ်အဂီၤအိၣ်ဝဲလၢအ ဒံးဆ့အဖီလာ်လီၤ.
22 ဒီးအမဲာ်အက့ၢ်အဂီၤန့ၣ် မ့ၢ်တၢ်အမဲာ်လၢယထံၣ် လၢထံမိၢ်ပှၢ်ကဘၢ်အနံၤအက့ၢ်အဂီၤ, ဒီးအကစၢ်ဒၣ် ဝဲန့ၣ်လီၤ. ဒီးလဲၤဝဲစၢၢ်ဆၢပံၢ်ကလာ်လၢအမဲာ်ညါ လီၤ.