ဝံယဃ့းစက့လး.
1
ဒီးလၢအနံၣ်ပှဲၤထီၣ်သၢဆံနံၣ်တနံၣ်, လါပှဲၤထီၣ် လွံၢ်လါတလါ, လါထီၣ်ယဲၢ်နံၤတနံၤ, လၢယအိၣ် လၢပှၤကဲကုၢ်အကျါလၢထံမိၢ်ပှၢ်ကဘၢ်အနံၤန့ၣ် တၢ် မၤအသးလၢမူခိၣ်အိးထီၣ်အသး, ဒီးယထံၣ်တၢ်လၢ ညါခီဘၣ်ဃးဒီးယွၤလီၤ.
လါထီၣ်ယဲၢ်နံၤတနံၤလၢ စီၤပၤယဟိၤယါခံၣ်ကဲကုၢ် ပှဲၤထီၣ်ယဲၢ်နံၣ်တနံၣ်အပူၤ, ယွၤအကလုၢ်အိၣ်ထီၣ် ဝဲ, အိၣ်ဝဲဒီးစီၤဘူၤစံအဖိခွါပှၤလုၢ်တၢ်အဒိၣ်စီၤယဃ့း စက့လး, လၢပှၤက့ၤစ့းဖိအကီၢ်ပူၤလၢ ထံမိၢ်ပှၢ်က ဘၢ်အနံၤ, ဒီးယွၤအစုအိၣ်ဝဲလၢအလိၤဖဲန့ၣ်လီၤ.
ဒီးယကွၢ်တၢ်, ဒီးကွၢ်ကွၢ်,ကလံၤသဝံးဟဲထီၣ်လၢ ကလံၤစိးတခီ, တၢ်အၢၣ်ဖးဒိၣ်,ဒီးမ့ၣ်အူတလိၣ်သဝံး လီၤအသး, ဒီးတၢ်ကပြူၢ်ကပြီၤဝးတရံးဝဲ, ဒီးလၢအ သးကံၢ်ပူၤ, တၢ်မၤသးဒ်လၢၢ်ဆှံဘီအသိးန့ၣ်အိၣ်ဝဲ လၢမ့ၣ်အူအသးကံၢ်ပူၤန့ၣ်လီၤ.
ဒီးလၢအသးကံၢ်ပူၤန့ၣ် တၢ်သးလွံၢ်ဂၤအက့ၢ်အဂီၤ အိၣ်ဝဲလီၤ. ဒီးဖျါဝဲဒ်အံၤ,အိၣ်ဝဲဒီးပှၤကညီအက့ၢ်အ ဂီၤလီၤ. ဒီးတဂၤအိၣ်ဝဲဒီအမဲာ်လွံၢ်ခီ, ဒီးအဒံးဆ့လွံၢ် ဘ့ၣ်, တဂၤအိၣ်ဝဲဒီးအမဲာ်လွံၢ်ခီ, ဒီးအဒံးဆ့လွံၢ်ဘ့ၣ် စုာ်စုာ်လီၤ. ဒီးအခီၣ်န့ၣ်မ့ၢ်အဘျၢ,အခီၣ်ညါသးမၤ သးဒ်ဂီၤဖံးဖိအခီၣ်ညါသးသိးန့ၣ်လီၤ. ဒီးကယဲၢ်က ယူာ်ဒ်တိၢ်ဘီတြူာ်ကဆှၣ်အသးအသိးန့ၣ်လီၤ. ဒီး ပှၤကညီအစုအိၣ်ဝဲလၢအဒံးဆ့အဖီလာ်လၢ အကပၤ လွံၢ်ခီအလိၤ, ဒီးလွံၢ်ဂၤန့ၣ်အိၣ်ဝဲဒီးအမဲာ်ဒီးအဒံးဆ့ လွံၢ်ခီလီၤ. အဒံးဆ့တဖၣ်စဲဘူးလိာ်အသးလီၤ.တုၤ အလဲၤတၢ်ဒီး, တဃၣ်ဘၣ်အသးဘၣ်. လဲၤတၢ်စၢၢ် ဆၢပံၢ်ကလာ်လၢအမဲာ်ညါလီၤ.
10 တၢ်လၢအမဲာ်အက့ၢ်အဂီၤန့ၣ် လွံၢ်ဂၤအိၣ်ဝဲဒီးပှၤက ကညီအမဲာ်, ဒီးခ့ယုၢ်အမဲာ်လၢစုထွဲတခီ,ပှၤလွံၢ်ဂၤန့ၣ် အိၣ်ဝဲဒီးဂီၤဖံးဖါအမဲာ်လၢ စုစ့ၣ်တခီဒီးပှၤလွံၢ်ဂၤန့ၣ် အိၣ်စ့ၢ်ကီးဝဲဒီးလံာ်ကြီကြာ်အမဲာ်လီၤ. 11 ဒီးအမဲာ်အိၣ် ဒ်န့ၣ်, ဒီးအဒံးဆ့ယူာ်ထီၣ်အသးဆူထးခီ, တဂၤအိၣ် ဒီးခံဘ့ၣ်စဲဘူးလိာ်အသး, ဒီးခံဘ့ၣ်ကျၢၢ်ဘၢအကစၢ် စုာ်စုာ်လီၤ. 12 ဒီးလဲၤဝဲစၢၢ်ဆၢပံၢ်ကလာ်လၢအမဲာ်ညါ ကိးဂၤဒဲး, ဖဲဒၣ်အသးအိၣ်လၢအကလဲၤဝဲဒီး, လဲၤဝဲ လီၤ. တုၤအလဲၤတၢ်ဒီး,တဃၣ်ဘၣ်အသးဘၣ်, 13 တၢ် သးတဖၣ်အက့ၢ်အဂီၤန့ၣ် ဖျါဝဲမၤသးဒ်မ့ၣ်အူကဖး အသိး,မၤသးဒ်မ့ၣ်အူဒၢအသိးန့ၣ်လီၤ. မ့ၣ်အူန့ၣ်လဲၤ ထီၣ်ဟဲလီၤလၢတၢ်သးတဖၣ်အကျါ, ဒီးမ့ၣ်အူကဲၤက ပီၤထီၣ်, ဒီးလီဝၢ်အဒံးဟးထီၣ်လၢ မ့ၣ်အူကျါလီၤ.-
14 ဒီးတၢ်သးတဖၣ်န့ၢ်ဃ့ၢ်, ဒီးဟဲက့ၤဒ်လီဝၢ်အဒံးတဘျီ အသိးန့ၣ်လီၤ.
15 ဒီးယကွၢ်တၢ်အသးတဖၣ်အဖၢမုၢ်ဒီး, ကွၢ်ကွၢ်,လ့ၣ် ကဟၣ်အပၣ်အိၣ်ဝဲလၢဟီၣ်ခိၣ်ချၢ လၢတၢ်သးအိၣ် ဒီးအမဲာ်လွံၢ်ခီအဃၢၤ, တဘ့ၣ်လၢတၢ်တဂၤအဃၢၤ တဘ့ၣ်လၢတၢ်တဂၤအဃၢၤစုာ်စုာ်လီၤ.
16 လ့ၣ်ကဟၣ်အပၣ်အတၢ်အိၣ်ဖျါ, ဒီးတၢ်တ့အသး လၢအပူၤန့ၣ် မၤသဒ်တၢ်မျၢ်ဘီဟ့အလွဲၢ်အသိးန့ၣ်,ဒီး လွံၢ်ဘ့ၣ်အိၣ်ဝဲဒီးအက့ၢ်အဂီၤတမံၤဃီ, ဒီးအတၢ်အိၣ် ဖျါ, ဒီးတၢ်တ့အသးလၢအပူၤန့ၣ်မၤသးဒ်လ့ၣ်ကဟၣ် အပၣ်တသ့အိၣ်ဝဲလၢလ့ၣ်ကဟၣ်အပၣ်တဘ့ၣ်ဒၣ်အ ပူၤသိးန့ၣ်လီၤ. 17 တုၤအလဲၤတၢ်ဒီးလဲၤဝဲလၢအကပၤ လွံၢ်ခီလီၤ. တုၤအလဲၤတၢ်ဒီးတဃၣ်ဘၣ်အသးဘၣ်.-
18 ဒီးအခီၣ်ကွီၤန့ၣ်ထီဝဲ, တုၤအမၤပျံၤတၢ်, ဒီးအခီၣ်ကွီၤ န့ၣ်ပှဲၤဝဲဒီးအမဲာ်ဝးတရံးအီၤလွံၢ်ကွီၤစုာ်စုာ်လီၤ.
19 ဒီးတုၤတၢ်သးတဖၣ်လဲၤတၢ်ဒီး, လ့ၣ်ကဟၣ်အပၣ် တဖၣ်လဲၤဝဲလၢအဃၢၤလီၤ. ဒီးတုၤတၢ်သးတဖၣ်စိာ် ကစီၤထီၣ်အသးလၢဟီၣ်ခိၣ်ဒီး, လ့ၣ်ကဟၣ်အပၣ်စိာ် ထီၣ်အသးစ့ၢ်ကီးလီၤ.
20 ဖဲဒၣ်အသးအိၣ်ဝဲလၢအကလဲၤတၢ်ဒီး, လဲၤဖဲဒၣ်သး ကလဲၤဝဲ, ဒီးလ့ၣ်ကဟၣ်အပၣ်စိာ်ကစီၤထီၣ်အသး လၢအဃၢၤလီၤ. အဂ့ၢ်ဒ်အံၤ,တၢ်သးအသးအိၣ်ဝဲလၢ လ့ၣ်ကဟၣ်အပၣ်အပူၤလီၤ.
21 တုၤအဝဲသ့ၣ်တဖၣ်န့ၣ်လဲၤဝဲဒီး, လ့ၣ်အပၣ်လဲၤဝဲ လီၤ. ဒီးတုၤအဝဲသ့ၣ်တဖၣ်န့ၣ်အိၣ်ကတီၢ်ဒီး, အိၣ် ကတီၢ်ဝဲလီၤ. ဒီးတုၤအဝဲသ့ၣ်တဖၣ်န့ၣ်စိာ်ကစီၤထီၣ် အသးလၢဟီၣ်ခိၣ်ဒီး, လ့ၣ်အပၣ်စိာ်ကစီၤထီၣ်အသး အဃၢၤလီၤ. အဂ့ၢ်ဒ်အံၤ, တၢ် အသးန့ၣ် အိၣ်ဝဲလၢလ့ၣ်ကဟၣ်အပၣ်အပူၤလီၤ.
22 ဒီးလၢတၢ်သးအခိၣ်အဖီခိၣ်န့ၣ် တၢ်ဖျါဝဲမၤသးဒ်မူ ကပိာ်လိၤ, ဒ်လၢၢ်ဖျါကလၤအသိး, လၢအမၤပျံၤတၢ် န့ၣ်သလၣ်ထီၣ်အသးလၢအခိၣ်အဖီခိၣ်လီၤ. 23 ဒီးလၢ မူကပိာ်လိၤအဖီလာ်န့ၣ်, အဒံးဆ့တဖၣ်ယၤထီၣ်အ သးဘျၢယုၢ်ကလာ်လီၤ. တဂၤအိၣ်ဝဲဒီးအဒံးဆ့ခံဘ့ၣ် လၢအကျၢၢ်ဘၢအကစၢ်စုာ်စုာ်လီၤ. 24 ဒီးတုၤအလဲၤ တၢ်ဒီး, ယနၢ်ဟူအဒံးဆ့အသီၣ်,ဒ်ထံဖးဒိၣ်အသီၣ် သိး, ဒ်တၢ်သ့တၢ်လၢာ်တဂၤအသီၣ်သိး, အကလုၢ် အသီၣ်န့ၣ်မၤသးဒ်တၢ်သုးမုၢ်ဂီၢ်မုၢ်အသီၣ်သိးလီၤ. ဒီး တုၤအအိၣ်ကတီၢ်ဒီး, ဘိၣ်လီၤအဒံးဆ့လီၤ.
25 ဒီးတၢ်အကလုၢ်သီၣ်လီၤလၢမူကပိာ်လိၤလၢ အခိၣ် အဖီခိၣ်လီၤ. တုၤအဝဲသ့ၣ်အိၣ်ကတီၢ်ဒီး, ဘိၣ်လီၤ အဒံးဆ့န့ၣ်လီၤ.
26 ဒီးလၢမူကပိာ်လိၤအဖီခိၣ်လၢ အအိၣ်ဝဲလၢအခိၣ်အ ဖီခိၣ်န့ၣ် တၢ်ဖျါမၤသးဒ်တၢ်မျၢ်နံၤလါအသိး, ဒ်တၢ် လီၢ်ပစိာ်အသိးန့ၣ် ဒီးလၢတၢ်ဖျါမၤအသးဒ်တၢ်လီၢ် ပစိာ်အသိးအဖီခိၣ်န့ၣ် တၢ်အက့ၢ်အဂီၤဒ်ပှၤကညီအ သိးန့ၣ်အိၣ်ဝဲလီၤ. 27 ဒီးယထံၣ်တၢ်လီၤဂာ်လၢတိၢ်ဘီ စီ, မၤသးဒ်မ့ၣ်အူဝးတရံးဝဲလၢအပူၤအသိး, လၢအ ယီၢ်ဒ့အဖီခိၣ်လီၤ. ဒီးလၢအယီၢ်ဒ့အဖီလာ်ယထံၣ်တၢ် မၤအသးဒ်မ့ၣ်အူအသိးန့ၣ်, ဒီးအတၢ်ကပြုၢ်ကပြီၤအိၣ် ဝးတရံးအီၤလီၤ.
28 ဒ်တၢၢ်ကွဲၤလၢတၢ်အၢၣ်လိၤလၢ တၢ်ဟဲစူၤအမုၢ်တ နံၤအသိး, တၢ်ကပြုကပြီၤဝးတရံးဝဲ မၤသးဒ်န့ၣ်သိး လီၤ. အဝဲန့ၣ်မ့ၢ်ယွၤအလၤကပီၤအက့ၢ်အဂီၤလီၤ.ဒီး တုၤယထံၣ်ဘၣ်ဒီး, ယလီၤဃံၤအီထီလာ်,ဒီးယနၢ်ဟူ ပှၤလၢအကတိၤတၢ်တဂၤအကလုၢ်လီၤ.