လံာ်ပှၤစံၣ်တဲၤတဲလီၤတၢ်.
1
1 စီၤဒၤဝံးအဖိခွါ, စီၤပၤလၢယရူၤၡလ့ၣ်အပူၤ, ပှၤစံၣ် တဲၤတဲလီၤတၢ်အတၢ်ကတိၤလီၤ.
2 တၢ်ကလီကလီ အတၢ်ကလီကလီန့ၣ်, ပှၤစံၣ်တဲၤ တဲလီၤတၢ်စံးဝဲဒၣ်,တၢ်ကလီကလီအတၢ်ကလီလီန့ၣ်, တၢ်ခဲလၢာ်မ့ၢ်တၢ်ကလီကလီလီၤ.
3 ပှၤဘၣ်ဘျုးဘၣ်ဖှိၣ်လၢ အမၤတၢ်ခဲလၢာ်လၢအမၤဝဲ လၢမုၢ်အဖီလာ်န့ၣ်, မ့ၢ်မနုၤတမံၤလဲၣ်.
4 ပှၤတစိၤလဲၤဝဲ ဒီးပှၤတစိၤဟဲဝဲလီၤ. မ့မ့ၢ်ဟီၣ်ခိၣ်အိၣ်ဝဲဆိးဝဲလီၤထူ လီၤယိာ်လီၤ.
5 မုၢ်ဟဲထီၣ်, ဒီးမုၢ်လီၤနုာ်, ဒီးလဲၤဝဲချ့ချ့ ဆူအလီၢ်ဖဲအဟဲထီၣ်ဝဲလီၤ.
6 ကလံၤလဲၤဆူကလံၤထံး, ဒီးဃၣ်ကဒါက့ၤအသးဆူကလံၤစိး, တရံးထီဘိလၢအ လဲၤတၢ်, ဒီးကလံၤဟဲက့ၤကဒါက့ၤဒ်အကဝီၤတဖၣ်အ သိးန့ၣ်လီၤ.
7 ထံကျိယွၤလီၤဆူပီၣ်လဲၣ်ပူၤခဲလၢာ်ဘၣ် ဆၣ်ဒီး, ပီၣ်လဲၣ်တပှဲၤဘၣ်. ဖဲအလီၢ်လၢထံကျိဟဲန့ၣ် လဲၤကဒီးဆူန့ၣ်လီၤ.
8 ကယဲၢ်တၢ်ခဲလၢာ်ပှဲၤဒီးတၢ်ဘှံး သူၣ်ဘှံးသးလီၤ.ပှၤကညီစံၣ်တဲၤတဲလီၤအီၤတသ့ဘၣ်. ပှၤမဲာ်ကွၢ်တၢ်ဘၣ်ဆၣ်ဒီး, တဘျဲးကွၢ်ဘၣ်, ဒီးပှၤအနၢ် တဘျဲးနၢ်ဟူဘၣ်တၢ်ဘၣ်.
9 တၢ်လၢအအိၣ်တ့ၢ်န့ၣ် မ့ၢ်တၢ်လၢအကကဲထီၣ်, ဒီး တၢ်လၢအမၤတ့ၢ်အသးန့ၣ် မ့ၢ်တၢ်လၢအကမၤအသး လီၤ. ဒီးတၢ်အသီတအိၣ်လၢမုၢ်အဖီလာ်ဘၣ်.
10 ကွၢ် ကွၢ်, အဝဲအံၤမ့ၢ်တၢ်အသီန့ၣ်, တၢ်လၢပစံးလၢအဂ့ၢ်ဒ် န့ၣ်သ့အိၣ်ဝဲတမံၤမံၤဧါ. အဝဲဒၣ်န့ၣ် အိၣ်တ့ၢ်ဝဲလၢ ပျၢၤ, လၢပတချုးအိၣ်ဒံးဘၣ်လီၤ.
11 တၢ်သ့ၣ်နီၣ်ထီၣ် က့ၤတၢ်လၢပျၢၤတအိၣ်ဘၣ်, ဒီးတၢ်လၢအကဟဲန့ၣ်ပှၤ လၢအကဟဲလၢအလီၢ်ခံန့ၣ် တသ့ၣ်နီၣ်ထီၣ်က့ၤဘၣ် အီၤဘၣ်.
12 တၢ်လၢယၤအံၤ ပှၤစံၣ်တဲၤတဲလီၤတၢ်, ယမ့ၢ်စီၤပၤ လၢယရူၤၡလ့ၣ်လီၤ.
13 ဒီးယပာ်ယသးလၢယကဃုန့ၢ် ဒီးချုန့ၢ်ကယဲၢ်တၢ်ခဲလၢာ်လၢအမၤအသးလၢ မူခိၣ်အ ဖီလာ်အဂ့ၢ်လၢတၢ်ကူၣ်သ့လီၤ. မ့ၢ်တၢ်မၤအအၢလၢ ယွၤဟ့ၣ်လီၤပှၤကညီဖိဒ်သိးအကမၤအီၤလီၤ.
14 ယထံၣ် ဘၣ်ကယဲၢ်တၢ်လၢအမၤအသးလၢမုၢ်အဖီလာ်, ဒီးကွၢ် ကွၢ်, ကယဲၢ်တၢ်ခဲလၢာ်မ့ၢ်တၢ်ကလီကလီ, ဒီးတၢ်မၤ လၢအတဂိာ်တသီၣ်ဘၣ်တၢ်ဘၣ်လီၤ.
15 တၢ်လၢအက့ၣ်န့ၣ် ပမၤဘျၢထီၣ်တသ့ဘၣ်, ဒီးတၢ် လၢအတအိၣ်ဘၣ်န့ၣ် ပဂံၢ်ထီၣ်တသ့ဘၣ်.
16 ယက တိၤတၢ်ဒီးယသးဒၣ်ယဲ, ဒီးယစံး, ကွၢ်ကွၢ်, ယန့ၢ်ဘၣ် တၢ်ကူၣ်သ့ဒီးမၤအါထီၣ်အီၤ အါန့ၢ်ကယဲၢ်ပှၤလၢအ အိၣ်တ့ၢ်ဝဲလၢယမဲာ်ညါ လၢယရူၤၡလ့ၣ်အပူၤန့ၣ်တ က့ၢ်လီၤ. ဒီးယသးကွၢ်ထံဘၣ်တ့ၢ်တၢ်ကူၣ်သ့, ဒီးတၢ် သ့ၣ်ညါအါမးလီၤ.
17 ဒီးယဟ့ၣ်သ့ၣ်ညါယသးလၢတၢ် ကူၣ်သ့, ဒီးတၢ်ဒုးပျုၢ်တၢ်, ဒီးပှၤဟးဂီၤဖိအတၢ်လီၤ. ယ သ့ၣ်ညါလၢအဝဲန့ၣ်မ့ၢ်စ့ၢ်ကီးတၢ်မၤ တဂိာ်တသီၣ်ဘၣ် တၢ်ဘၣ်လီၤ.
18 အဂ့ၢ်ဒ်အံၤ, တၢ်မၤကိၢ်မၤဂီၤအိၣ်အါမး လၢတၢ်ကူၣ်သ့အါအပူၤန့ၣ်, ဒီးပှၤလၢအမၤအါထီၣ်အ တၢ်သ့ၣ်ညါန့ၣ်မၤအါထီၣ်အတၢ်သူၣ်အုးသးအုးလီၤ.