8
စီၤပၤဘ့ၤလၡါစၢ်အနံၣ်သၢနံၣ်တနံၣ်န့ၣ် တၢ်အိၣ်ဖျါ ထီၣ်လၢညါခီလၢ ယၤစီၤဒၤနံးယ့လးအမဲာ်ညါလၢတၢ် အိၣ်ဖျါထီၣ်ဝဲလၢအခီၣ်ထံးအလီၢ်ခံန့ၣ်လီၤ.
ဒီးယထံၣ်ဘၣ်တၢ်လၢညါခီ, ဒီးတၢ်မၤအသးလၢယ ထံၣ်တၢ်န့ၣ်အဖၢမုၢ်ဒီး, ယအိၣ်လၢနူၢ်ရှူၡၣ်အပူၤလၢအ အိၣ်ဝဲလၢကီၢ်ဧ့ၤလၣ်အပူၤ, ဒီးယထံၣ်တၢ်လၢညါခီ, ဒီး ယအိၣ်လၢထံမိၢ်ပှၢ်အူလဲၤအနံၤလီၤ.
ဒီးယကျ့ထီၣ်ယမဲာ်ဒီးယကွၢ်တၢ်, ဒီးကွၢ်ကွၢ်, သိဖါ တဒုဆၢထၢၣ်လၢထံနံၤ, ဒီးအိၣ်ဝဲဒီးအနၢၤခံဘိဒီးအနၢၤ ခံဘိန့ၣ်ထီဝဲ, မ့မ့ၢ်အတဘိန့ၣ် ထီန့ၢ်အဝဲတဘိတက့ၢ် လီၤ. ဒီးအထီတက့ၢ်တဘိန့ၣ် ထီၣ်ဝဲလၢအခံကတၢၢ် လီၤ.
ဒီးယထံၣ်သိဖါတဒုန့ၣ် ဘျၢၣ်တၢ်ဆူမုၢ်နုာ်တခီ, ဒီး ဆူကလံၤစိးတခီ, ဒီးဆူကလံၤထံးတခီ, ဒီးဆၣ်ဖိကီၢ် ဖိတဆၢထၢၣ်ဘၣ်လၢအမဲာ်ညါနီတဒုဘၣ်. ဒီးတၢ်မၤ ပူၤမၤဖျဲးလၢအစုပူၤတအိၣ်ဘၣ်. ဒီးမၤဒၣ်တၢ်ဖဲအသး, ဒီးပာ်ဒိၣ်အသးလီၤ.
ဒီးယဆိကမိၣ်တၢ်အဖၢမုၢ်ဒီး, ကွၢ်ကွၢ်, မဲာ်တဲးလဲး ဖါတဒုဟဲလၢ မုၢ်နုာ်တခီလၢဟီၣ်ခိၣ်ချၢဒီဘ့ၣ်ညါ, ဒီး တထိးဘၣ်ဟီၣ်ခိၣ်ဘၣ်. ဒီးမဲာ်တဲးလဲးတဒုန့ၣ်အိၣ်ဝဲဒီး အနၢၤလီၤဆီလီၤလးတဘိလၢအမဲာ်အဘၢၣ်စၢၤလီၤ.
ဒီးဟဲဝဲဆူသိဖါတဒုလၢအအိၣ်ဒီးအနၢၤခံဘိ, လၢယ ထံၣ်တ့ၢ်အဆၢထၢၣ်လၢထံနံၤ, ဒီးဃ့ၢ်ဆူအအိၣ်လၢအ သးကဲၤထီၣ်အစိအကမီၤလီၤ.
ဒီးယထံၣ်လၢအဟဲဘူးဒီးသိဖါတဒုအဖၢမုၢ်ဒီး, သး ထီၣ်ဘၣ်အီၤ, ဒီးကျီကွံာ်သိဖါ, ဒီးမၤကၢ်ကွံာ်အနၢၤခံ ဘိ, ဒီးသိဖါအဂံၢ်အဘါလၢ အကဆၢထၢၣ်လၢအမဲာ် ညါတအိၣ်ဘၣ်. ဒီးမၤလီၤဃံၤအီၤလၢဟီၣ်ခိၣ်အဖီခိၣ်, ဒီးယီၢ်တံၢ်အီၤ, ဒီးတၢ်မၤပူၤမၤဖျဲးသိဖါလၢအစုပူၤ တ အိၣ်ဘၣ်.
ဒီးမဲာ်တဲးလဲးတဒုန့ၣ်ဒိၣ်ထီၣ်ဒိၣ်ဒိၣ်ကလဲာ်, ဒီးတုၤ အဆူၣ်ထီၣ်ဒီး, အနၢၤဖးဒိၣ်တဘိကၢ်ဝဲ, ဒီးနၢၤလီၤဆီ လီၤလးလွံၢ်ဘိထီၣ်ဝဲလၢအလီၢ်လၢ အဒိးဝဲဆူမူခိၣ်အ ကလံၤလွံၢ်ခီန့ၣ်လီၤ.
ဒီးနၢၤဖိတဘိထီၣ်ဝဲလၢ နၢၤတဘိလၢအကျါန့ၣ်လၢ အဒိၣ်ထီၣ်ဒိၣ်ကဲၣ်ဆိးဆူကလံၤထံးတခီ, ဒီးဆူမုၢ်ထီၣ် တခီ, ဒီးဆူတၢ်အဃံအလၤအကီၢ်န့ၣ်လီၤ.
10 ဒီးပာ်ဒိၣ်ထီၣ်အသးပၢၢ်လၢ မူခိၣ်အသုးမုၢ်ဂီၢ်မုၢ်, ဒီး တ့ၢ်လီၤကွံာ်တၢ်သုးမုၢ်တနီၤ, ဒီးဆၣ်ဧိၤဖီဧိၤတနီၤလၢ ဟီၣ်ခိၣ်အဖီခိၣ်, ဒီးယီၢ်တံၢ်အီၤလီၤ.
11 ဒီးပာ်ဒိၣ်အသးလၢ တၢ်သုးမုၢ်ဂီၢ်မုၢ်အခိၣ်အဖီခိၣ်, ဒီးတၢ်ထုးထီၣ်ကွံာ်တၢ်လုၢ်တနံၤဘၣ်တနံၤလၢအီၤ, ဒီး အလီၢ်စီဆှံအအိၣ်အဆိးအလီၢ်န့ၣ် လီၤပှီၢ်ဝဲလီၤ. 12 ဒီး တၢ်ဟ့ၣ်တၢ်သုးမုၢ်လၢအီၤအိၣ်ဒီး လုၢ်တၢ်ပာ်တၢ်တနံၤ ဘၣ်တနံၤ, လၢတၢ်ကမၣ်အဃိ, ဒီးမၤလီၤဃံၤတၢ်မ့ၢ် တၢ်တီလၢဟီၣ်ခိၣ်အဖီခိၣ်, ဒီးမၤဝဲဖဲဒၣ်အသး, ဒီးဘီၣ် ထီၣ်ညီထီၣ်ဝဲလီၤ.
13 ဒီးယနၢ်ဟူတၢ်စီဆှံတဂၤကတိၤတၢ်, ဒီးတၢ်စီဆှံတ ဂၤစံးဘၣ်မတၤတဂၤလၢအကတိၤတၢ်န့ၣ်, တၢ်ထံၣ်တၢ် လၢညါခီ, တၢ်လုၢ်တၢ်ပာ်တနံၤဘၣ်တနံၤ, ဒီးတၢ်က မၣ်လၢအမၤအိၣ်သယုၢ်တၢ်ဒ်သိးကဟ့ၣ်လီၤတၢ်အလီၢ် စီဆှံဒီးတၢ်သုးမုၢ်ဂီၢ်မုၢ်လၢ တၢ်ကယီၢ်တံၢ်အီၤအဂီၢ်န့ၣ် မ့ၢ်အဆံးယံာ်လဲၣ်.
14 ဒီးအဝဲဒၣ်စံးဘၣ်ယၤ, တုၤလီၤလၢမုၢ်ဟါမုၢ်ဂီၤခံက ထိသၢကယၤလီၤ. တုၤနုၤတစုတၢ်ကပာ်တီတၢ်အလီၢ် စီဆှံန့ၣ်လီၤ.
15 ဒီးဖဲယၤစီၤဒၤနံးယ့လး ထံၣ်တၢ်လၢညါခီ အဖၢမုၢ် ဒီး, ယဃုအဒိၣ်အယိာ်, ဒီးကွၢ်ကွၢ်, တၢ်မၤအသးလၢ တၢ်ဆၢထၢၣ်လၢယမဲာ်ညါတဂၤဖျါဝဲ ဒ်ပှၤကညီအသိး န့ၣ်လီၤ.
16 ဒီးယနၢ်ဟူ ပှၤကညီအကလုၢ်လၢ အူလဲၤအနံၤအ ဘၢၣ်စၢၤ, ဒီးကိးထီၣ်တၢ်ဒီးစံးဝဲဒၣ်, ကၤဘြံၤအ့လးဧၢ, ဒုးနၢ်ပၢၢ်ပှၤတဂၤအံၤလၢ တၢ်ထံၣ်တၢ်လၢညါခီန့ၣ်တ က့ၢ်.
17 ဒီးဟဲဘူးဝဲဖဲယဆၢထၢၣ်, ဒီးတုၤအဟဲဒီး, ယပျံၤတၢ်, ဒီးယထိၣ်လီၤဃံၤ အီထီလာ်ယသးလီၤ. ဒီးအဝဲဒၣ်စံး ဘၣ်ယၤ, နၢ်ပၢၢ်လၢ်တက့ၢ်, ပှၤကညီဖိခွါဧၢ. တၢ်ထံၣ် တၢ်လၢညါခီအံၤ အိၣ်ဝဲလၢတၢ်အကတၢၢ်အဆၢအက တီၢ်အဂီၢ်န့ၣ်တိၢ်န့ၢ်တက့ၢ်.
18 ဒီးလၢအကတိၤတၢ်ဒီးယၤအဖၢမုၢ်ဒီး, ယမံသပ့ၤအီ ထီလာ်လၢဟီၣ်ခိၣ်အဖီခိၣ်, ဒီးထိးဘၣ်ယၤ, ဒီးဒုးဆၢ ထၢၣ်ယၤထူၣ်ကလာ်လီၤ.
19 ဒီးစံးဝဲဒၣ်, ကွၢ်ကွၢ်, ယကဘိးဘၣ်သ့ၣ်ညါနၤလၢ တၢ်လၢအကမၤအသးလၢ တၢ်သးဒိၣ်ထီၣ်အကတၢၢ် လီၤ. အဂ့ၢ်ဒ်အံၤ, အကတၢၢ်န့ၣ်သ့ၣ်ဆၢဖးကတီၢ်လီၤ.
20 သိဖါအိၣ်ဒီးအနၢၤခံဘိလၢနထံၣ်တဒုန့ၣ် မ့ၢ်မၤဒဲဒီး ပၤရၣ်အစီၤပၤတဖၣ်လီၤ.
21 ဒီးမဲာ်တဲးလဲးဖါတဒုန့ၣ်မ့ၢ်ယၤဝၣ်အစီၤပၤ, ဒီးနၢၤဖး ဒိၣ်တဘိလၢအအိၣ်ဝဲလၢအမဲာ်အဘၢၣ်စၢၤန့ၣ် မ့ၢ်စီၤပၤ အခီၣ်ထံးတဂၤလီၤ.
22 ဒီးနၢၤတဘိလၢအကၢ်ဝဲ, ဒီးအနၢၤလွံၢ်ဘိထီၣ်ဝဲလၢ အလီၢ်န့ၣ်မ့ၢ်ဘီမုၢ်လွံၢ်ဘီမုၢ် လၢအကအိၣ်ထီၣ်ဝဲလၢပှၤ တကလုာ်အကျါန့ၣ်လီၤ. ဘၣ်ဆၣ်ဒီးတအိၣ်ဘၣ်ဒီးအ စိအကမီၤဘၣ်.
23 ဒီးအဘီအမုၢ်အကတၢၢ်အဆၢအကတီၢ်န့ၣ် တုၤပှၤ မၤကမၣ်တၢ်ဖိမၤပှဲၤတၢ်ဒီး, စီၤပၤအိၣ်ဒီးအမဲာ်ဒူ, ဒီး ကူၣ်လီတၢ်သ့တဂၤ, ကအိၣ်ထီၣ်ဝဲလီၤ.
24 ဒီးအစိအကမီၤကဆူၣ်ထီၣ်ဝဲ ဘၣ်ဆၣ်ဒီး, တမ့ၢ် ဘၣ်လၢအစိအကမီၤဒၣ်ဝဲဘၣ်, ဒီးကမၤဟးဂီၤလီၤဆီ ဒၣ်တၢ်, ဒီးဘီၣ်ထီၣ်ညီထီၣ်, ဒီးမၤဖဲဒၣ်အသး, ဒီးမၤ ဟးဂီၤပှၤအစိဒိၣ်အကမီၤဒိၣ်တဖၣ်, ဒီးပှၤစီဆှံအပှၤဂီၢ် မုၢ်လီၤ.
25 ဒီးမ့ၢ်အမၤဝဲဒီးတၢ်ကူၣ်သ့သတးဒီး, လီတၢ်ကဘီၣ် ထီၣ်ညီထီၣ်လၢအစုပူၤ, ဒီးကပာ်ဒိၣ်အသးလၢ အသး ကံၢ်ပူၤ, ဒီးကမၤဟးဂီၤပှၤအါဂၤလၢအတၢ်ဃူတၢ်ဖိးအ ပူၤလီၤ. ဒီးကဆၢထၢၣ်ထီဒါပဒိၣ်ဖးဒိၣ်တဖၣ်အပဒိၣ်ဖး ဒိၣ်တဂၤ, ဒီးပှၤအစုတအိၣ်ဘၣ်ဒီး, ကတုၤလၢတၢ်ဟး ဂီၤလီၤ.
26 ဒီးတၢ်ထံၣ်တၢ်လၢညါခီ လၢမုၢ်ဟါဒီး လၢမုၢ်ဂီၤလၢ တၢ်စံၣ်တဲၤတဲလီၤဝဲန့ၣ် မ့ၢ်အမ့ၢ်အတီလီၤ. စဲဃာ်ပနီၣ် တၢ်ထံၣ်လၢညါခီန့ၣ်တက့ၢ်. အဂ့ၢ်ဒ်အံၤ, အိၣ်ဝဲလၢ အါနံၤအါသီအဂီၢ်လီၤ.
27 ဒီးယဲဒၣ်, စီၤဒၤနံးယ့လးတဂၤအံၤ ယသးလီၤဘှါ, ဒီးယဆါထီၣ်လၢ မုၢ်နံၤတဖၣ်လီၤ. လၢခံက့ၤဒီးယဂဲၤ ဆၢထၢၣ်, ဒီးမၤစီၤပၤအတၢ်, ဒီးယသးကတုၤလၢတၢ် ထံၣ်တၢ်လၢညါခီအဃိ, ဒီးပှၤအနၢ်တပၢၢ်ဘၣ်ဝဲနီတဂၤ ဘၣ်.