2
1 ဒီးလၢနဘူၤကးန့စၢ်ကဲစီၤပၤခံနံၣ်တနံၣ်န့ၣ် နဘူၤကး န့စၢ်မံမီၢ်တၢ်မံမီၢ်တဖၣ်, ဒီးအသးကိၢ်ထီၣ်, ဒီးမံဝဲတ န့ၢ်ဘၣ်လီၤ.
2 ဒီးစီၤပၤမၤလိာ် ပှၤကိးပှၤကွဲးလံာ်, ဒီးပှၤသ့တၢ်အူ တၢ်သမူ, ဒီးပှၤမၤကဒါပမဲာ်, ဒီးပှၤက့ၤစ့းဖိဒ်သိးအက ဒုးနဲၣ်စီၤပၤလၢအတၢ်မံမီၢ်တဖၣ်လီၤ. ဒီးအဝဲသ့ၣ်ဟဲဝဲ ဒီးဆၢထၢၣ်လၢစီၤပၤအမဲာ်ညါလီၤ.
3 ဒီးစီၤပၤစံးဘၣ်အီၤ, ယမံမီၢ်တၢ်မံမီၢ်, ဒီးယသးကိၢ် ဝဲဒ်သိးယကသ့ၣ်ညါတၢ်မံမီၢ်လီၤ.
4 ဒီးပှၤက့ၤစ့းဖိ စံးဘၣ်စီၤပၤလၢ ပှၤအၤရၣ်ဖိအကျိာ်, မ်စီၤပၤမူဝဲလီၤထူလီၤယိာ်တက့ၢ်. စံးဘၣ်နခ့နပှၤလၢ တၢ်မံမီၢ်န့ၣ်တက့ၢ်, ဒီးပကဖးအဒိၣ်အယိာ်လီၤ.
5 စီၤပၤစံးဆၢတၢ်ဒီး စံးဘၣ်ပှၤက့ၤစ့းဖိ, တၢ်ကတိၤ ထီၣ်ဖျဲးလံလၢယထးခိၣ်လံ, သုမ့ၢ်တဘိးဘၣ်သ့ၣ်ညါ ယၤလၢတၢ်မံမီၢ်ဒီး အဒိၣ်အယိာ်ဘၣ်ဒီး, တၢ်ကဒီၣ် တဲာ်ကွံာ်သု တကူာ်တကူာ်, ဒီးသုဟံၣ်ကကဲလၢတၢ် အ့ၣ်အလီၢ်လီၤ.
6 မ့မ့ၢ်သုမ့ၢ် ဘိးဘၣ်သ့ၣ်ညါယၤလၢတၢ်မံမီၢ်, ဒီးအ ဒိၣ်အယိာ်ဒီး, သုကဒိးန့ၢ်ခိၣ်ဖးတဖၣ်, ဒီးတၢ်ဟ့ၣ်တ ဖၣ်, ဒီးတၢ်လၤကပီၤဖးဒိၣ်လၢယၤလီၤ. မၤသးဒ်န့ၣ်ဒီး, ဒုးနဲၣ်ယၤလၢတၢ်မံမီၢ်န့ၣ်, ဒီးအဒိၣ်အယိာ်တက့ၢ်.
7 အဝဲသ့ၣ်စံးဆၢကဒီး, ဒီးစံးဝဲ, မ်စီၤပၤစံးဘၣ်အခ့အ ပှၤလၢတၢ်မံမီၢ်န့ၣ်တက့ၢ်, ဒီးပကဖးလၢအဒိၣ်အယိာ် လီၤ.
8 စီၤပၤစံးဆၢတၢ်ဒီးစံးဝဲဒၣ်, ယသ့ၣ်ညါသပှၢ်တၢၢ်လၢ သုသါကသုးနံၤသုးသီလီၤ. အဂ့ၢ်ဒ်အံၤ, သုနၢ်ဟူလံ လၢတၢ်ကတိၤထီၣ်ဖျဲးလၢယထးခိၣ်လံ.
9 ဒီးသုမ့ၢ်တဘိးဘၣ်သ့ၣ်ညါယၤ လၢတၢ်မံမီၢ်န့ၣ်ဒီး, မ့ၢ်သုတိာ်တၢ်တမံၤ, သုအၢၣ်လီၤလိာ်သုသးလၢသုက ကတိၤတၢ်ကဘျံးကဘျၣ်ဒီး လီတၢ်လၢယမဲာ်ညါ တုၤ အဆၢအကတီၢ်ပူၤကွံာ်လီၤ. မၤသးဒ်န့ၣ်ဒီး, စံးဘၣ် ယၤလၢတၢ်မံမီၢ်န့ၣ်တက့ၢ်, ဒီးယကသ့ၣ်ညါလၢသုဖး လၢအဒိၣ်အယိာ်သ့လီၤ.
10 ပှၤက့ၤစ့းဖိစံးဆၢတၢ်လၢ စီၤပၤအမဲာ်ညါဒီးစံးဝဲဒၣ်, ပှၤစံးဘၣ်စီၤပၤအတၢ်တမံၤန့ၣ် တအိၣ်ဘၣ်လၢဟီၣ်ခိၣ် ချၢနီတဂၤဘၣ်. မၤသးဒ်န့ၣ်ဒီးစီၤပၤအဒိၣ်အထီ, ဒီးအ စိဒိၣ်အကမီၤထီနာ်သက့ဒီး, တဃ့ဘၣ်တၢ်တမံၤဒ်န့ၣ် အသိးလၢပှၤကွဲးလံာ်, ပှၤသ့တၢ်အူတၢ်သမူ, ပှၤက့ၤစ့း ဖိ, နီတဂၤဘၣ်.
11 ဒီးတၢ်လၢစီၤပၤဃ့ဝဲတမံၤန့ၣ်မ့ၢ်တၢ် ကီတမံၤလီၤ. မ့တမ့ၢ်ဘၣ်ကစၢ်တဖၣ်လၢအတအိၣ်တ ဆိးဘၣ်လၢတၢ်ဖံးတၢ်ညၣ်အပူၤဘၣ်ဒီး, တၢ်ဒုးနဲၣ်သ့ လၢစီၤပၤအမဲာ်ညါတအိၣ်ဘၣ်နီတဂၤဘၣ်.
12 မၤသးဒ်န့ၣ်ဒီး စီၤပၤသးထီၣ်ဒီးသးကဲၤထီၣ်, ဒီးမၤ လိာ်ဝဲလၢပှၤကမၤသံ ကယဲၢ်ပှၤကူၣ်တၢ်သ့လၢဘၤဘူၤ လိၣ်ခဲလၢာ်လီၤ.
13 ဒီးတၢ်ကလုၢ်လီၤလၢ ပှၤကမၤသံပှၤကူၣ်တၢ်သ့လီၤ. ဒီးပှၤဃုစီၤဒၤနံးယ့လး, ဒီးအဂိၤမီၣ်တဖၣ် ဒ်သိးအက မၤသံအီၤလီၤ.
14 တုၤနုၤတစု စီၤဒၤနံးယ့လးစံးဆၢ စီၤပၤအပှၤမၤသံ တၢ်ဖိအခိၣ်စီၤအၤရယိး, လၢအလဲၤထီၣ်မၤသံဘၤဘူၤ လိၣ်အပှၤကူၣ်တၢ်သ့တဖၣ်, အိၣ်ဒီးတၢ်ကူၣ်တၢ်ဆး, ဒီးတၢ်ကူၣ်သ့လီၤ.
15 စံးဆၢတၢ်ဒီးစံးလၢစီၤပၤအပဒိၣ်စီၤ အၤရယိး, တၢ်မၤလိာ်ဧ့ၢ်ချ့လၢစီၤပၤန့ၣ် မ့ၢ်အဘၣ်မနုၤ လဲၣ်. ဒီးစီၤအၤရယိးဘိးဘၣ်သ့ၣ်ညါစီၤဒၤနံးယ့လးလၢ တၢ်န့ၣ်တမံၤလီၤ.
16 ဒီးစီၤဒၤနံးယ့လးလဲၤနုာ်ဆူ စီၤပၤအအိၣ်, ဒီးဃ့က ညးစီၤပၤလၢအကဟ့ၣ်လီၤအီၤလၢအဆၢကတီၢ်, ဒီးသါ ကဖးလၢအဒိၣ်အယိာ်လၢစီၤပၤအမဲာ်ညါလီၤ.
17 တုၤနုၤတစုစီၤဒၤနံးယ့လးလဲၤဆူအဟံၣ်, ဒီးဘိးဘၣ် သ့ၣ်ညါအဂိၤမီၣ်, စီၤဃနၤနယၤ, စီၤမံၡအ့လး, ဒီးဧ စၤရယၤ,
18 ဒ်သိးအကဃ့လၢမူခိၣ်အကစၢ် အတၢ်သး ကညီၤလၢတၢ်အိၣ်ခူသူၣ်တမံၤအံၤအဂ့ၢ်, လၢပှၤသုတ မၤဟးဂီၤစီၤဒၤနံးယ့လးဒီးအဂိၤမီၣ် အိၣ်ဒီးဘၤဘူၤလိၣ် အပှၤကူၣ်တၢ်သ့အဂၤတဖၣ်တဂ့ၤလီၤ.
19 တုၤနုၤတဘျီ တၢ်လီၣ်ဖျါထီၣ် တၢ်အိၣ်ခူသူၣ်တမံၤ န့ၣ်လၢတၢ်ထံၣ်တၢ်လၢမုၢ်နၤ, ဒီးစီၤဒၤနံးယ့လးစံးထီၣ် ပတြၢၤမူခိၣ်ကစၢ်လီၤ.
20 စီၤဒၤနံးယ့လးကတိၤတၢ်ဒီးစံးဝဲဒၣ်, မ်ယွၤဘၣ်တၢ် ဆိၣ်ဂ့ၤအီၤ အစိၤစိၤအဃၣ်ဃၣ်တက့ၢ်. အဂ့ၢ်ဒ်အံၤ, တၢ်ကူၣ်သ့ဒီးတၢ်အစိအကမီၤအိၣ်ဝဲဒီးအီၤလီၤ.
21 ဒီးအ ဝဲဒၣ်မ့ၢ်ပှၤလၢအလဲလိာ်တၢ်အဆၢအကတီၢ်, ဒီးအမုၢ် အလါလီၤ. ပာ်ကွံာ်စီၤပၤတဖၣ်, ဒီးပာ်ထီၣ်စီၤပၤတ ဖၣ်, ဟ့ၣ်လီၤတၢ်ကူၣ်သ့လၢပှၤကူၣ်တၢ်သ့, ဒီးတၢ်သ့ၣ် ညါန့ၣ်လၢပှၤအသ့ၣ်ညါတၢ်လီၤ.
22 လီၣ်ဖျါတၢ်အယိာ်ဒီးတၢ်အိၣ်ခူသူၣ်လီၤ. သ့ၣ်ညါတၢ် အိၣ်ဝဲလၢတၢ်ခံးကျါ,ဒီးတၢ်ကပီၤအိၣ်ဝဲဆိးဝဲဒီးအီၤလီၤ.
23 ဒီးယစံးထီၣ်ပတြၢၤ နဘျုးနဖှိၣ်, ယပၢ်တဖၣ်အက စၢ်ဧၢ, ယစံးထီၣ်ပတြၢၤနၤလီၤ. အဂ့ၢ်ဒ်အံၤ, နဟ့ၣ်လီၤ ယၤလၢတၢ်ကူၣ်သ့, ဒီးတၢ်မၤသ့, ဒီးခဲကနံၣ်အံၤနဘိး ဘၣ်သ့ၣ်ညါယၤလၢ တၢ်လၢပဃ့လၢနၤလီၤ. အဂ့ၢ်ဒ် အံၤ, နဘိးဘၣ်သ့ၣ်ညါပှၤလၢစီၤပၤအတၢ်တမံၤန့ၣ်လီၤ.
24 မၤသးဒ်န့ၣ်ဒီး စီၤဒၤနံးယ့လးလဲၤနုာ်ဆူ စီၤအၤရယိး အအိၣ်လၢစီၤပၤပာ်လီၤဝဲလၢ အကမၤဟးဂီၤ ဘၤဘူၤ လိၣ်အပှၤကူၣ်တၢ်သ့လီၤ. လဲၤနုာ်ဝဲဒီးစံးဘၣ်အီၤဒ်အံၤ, မၤဟးဂီၤဘၤဘူၤလိၣ်အပှၤကူၣ်တၢ်သ့တဂ့ၤ, ဆှၢထီၣ် ယၤဆူစီၤပၤအမဲာ်ညါ, ဒီးယကဖးအဒိၣ်အယိာ်လၢစီၤ ပၤအမဲာ်ညါလီၤ.
25 တုၤနုၤတစု စီၤအၤရယိးဆှၢထီၣ် စီၤဒၤနံးယ့လးဆူ စီၤပၤအမဲာ်ညါချ့ချ့, ဒီးစံးဘၣ်အီၤဒ်အံၤ, ယထံၣ်န့ၢ်ပှၤ လၢ ပှၤယူဒၤကဲကုၢ်ဖိအကျါတဂၤ လၢအကဘိးဘၣ် သ့ၣ်ညါစီၤပၤလၢတၢ်အဒိၣ်အယိာ်န့ၣ်လီၤ.
26 စီၤပၤကတိၤတၢ်ဒီးစံးဘၣ် စီၤဒၤနံးယ့လးလၢအမံၤ မ့ၢ်ဘ့ၤလးတၡါစၢ်, နဘိးဘၣ်သ့ၣ်ညါယၤလၢတၢ်မံမီၢ် လၢယထံၣ်ဘၣ်န့ၣ်, ဒီးဖးအဒိၣ်အယိာ်န့ၣ်ဘၣ်ကသ့ ဧါ.
27 စီၤဒၤနံးယ့လးစံးဆၢတၢ်လၢစီၤပၤအမဲာ်ညါ, ဒီးစံးဝဲ ဒၣ်, တၢ်ခူသူၣ်တမံၤလၢစီၤပၤဃ့ဝဲန့ၣ်ပှၤကူၣ်တၢ်သ့, ပှၤ သ့တၢ်အူတၢ်သမူ, ပှၤကွဲးလံာ်, ပှၤကွၢ်ဆၣ်ဧိၤဖီဧိၤသ့ န့ၣ်ဒုးနဲၣ်စီၤပၤတသ့ဘၣ်နီတဂၤဘၣ်.
28 မ့မ့ၢ်ကစၢ်အိၣ် ဝဲလၢမူခိၣ်တဂၤလၢအလီၣ်ဖျါတၢ်ခူသူၣ်တဖၣ်, ဒီးအ ဝဲဒၣ်ဘိးဘၣ်သ့ၣ်ညါ စီၤပၤနဘူၤကးန့စၢ်လၢတၢ်လၢ အကမၤအသးလၢ မုၢ်နံၤတဖၣ်လၢအလီၢ်ခံန့ၣ်လီၤ. န တၢ်မံမီၢ်, ဒီးနမဲာ်အထံၣ်တၢ်လၢညါခီလၢနလီၢ်မံအပူၤ န့ၣ်မ့ၢ်အအံၤ,-
29 နဲဒၣ်စီၤပၤဧၢ, နတၢ်ဆိကမိၣ်ထီၣ်လၢ နလီၢ်မံအပူၤ လၢတၢ်လၢအကမၤအသးလၢခံဆူညါအဂ့ၢ်လီၤ. ဒီးပှၤ လၢအလီၣ်ဖျါ တၢ်အိၣ်ခူသူၣ်န့ၣ် ဘိးဘၣ်သ့ၣ်ညါနၤ လၢတၢ်လၢအကမၤအသးလီၤ.
30 ဒီးတၢ်လၢယၤအံၤ, တၢ်ခူသူၣ်တမံၤအံၤအိၣ်ဖျါထီၣ် လၢယမဲာ်ညါ, တမ့ၢ်ဘၣ်လၢတၢ်ကူၣ်သ့အိၣ်ဝဲဒီးယၤ ဒိၣ်န့ၢ်ကယဲၢ်တၢ်သးတက့ၢ်န့ၣ်ဘၣ်. မ့ၢ်ဒ်သိးတၢ်ကဘိး ဘၣ်သ့ၣ်ညါစီၤပၤလၢတၢ်အဒိၣ်အယိာ်န့ၣ်, ဒီးဒ်သိးန ကသ့ၣ်ညါနသးအဆိကမိၣ်တၢ်လီၤ.
31 နဲဒၣ်စီၤပၤဧၢ, နကွၢ်တၢ်, ဒီးကွၢ်ကွၢ်, တၢ်ဂီၤတၢ်ဖီၣ် ဖးဒိၣ်လီၤ. မ့ၢ်အဒိၣ်အထီ, ဒီးကယဲၢ်ကယူာ်ဒိၣ်မးလီၤ. ဒီးဆၢထၢၣ်လၢနမဲာ်ညါဒီးအက့ၢ်အဂီၤ အိၣ်ဝဲဒီးအက ဟုတုာ်အကညီၢ်ဒိၣ်လီၤ.
32 တၢ်အဂီၤန့ၣ်မ့ၢ်အအံၤ, အခိၣ်န့ၣ်မ့ၢ်ထူစီ, အသးနါ ပှၢ်ဒီးအစုမ့ၢ်စ့, အဟၢဖၢဒီးအကံၣ်ဒုၣ်မ့ၢ်တိၢ်,
33 အခီၣ် ဒုၣ်မ့ၢ်ထး, အခီၣ်လာ်မ့ၢ်ထးတနီၤဒီးကပံာ်တနီၤလီၤ.
34 နကွၢ်ဒံးတၢ် တုၤအစုတအိၣ်ဘၣ်ဒီး, တၢ်ကူးတဲာ် ကွံာ်လၢၢ်တဖျၢၣ်လၢအဘၣ်တိဘၣ်ထံးဒီး တၢ်ဂီၤအခီၣ် လၢအမ့ၢ်ထးဒီးကပံာ်, ဒီးမၤလီၤကလဲအီၤလီၤ.
35 တုၤနုၤတစုထး, ကပံာ်, တိၢ်, စ့, ဒီးထူတဖၣ်န့ၣ် လီၤကလဲဃီၤ, ဒီးကဲထီၣ်တၢ်ဒ်ဖ့လၢတၢ်ကိၢ်အကတီၢ် ယီၢ်ဘုအလီၢ်အဖီခိၣ်အသိးန့ၣ်, ဒီးကလံၤအူဒံကွံာ်အီၤ, ဒီးအလီၢ်တအိၣ်ဘၣ်လၢအဂီၢ်ဘၣ်. ဒီးလၢၢ်လၢအဘၣ် တိဘၣ်ထံးဒီးတၢ်ဂီၤန့ၣ်ကဲထီၣ်ကစၢၢ်ဖးဒိၣ်တဖျၢၣ်, ဒီး မၤပှဲၤဟီၣ်ခိၣ်ဒီဘ့ၣ်ညါလီၤ.
36 အန့ၣ်မ့ၢ်တၢ်မံမီၢ်, ဒီးပကဖးလၢအဒိၣ်အယိာ်လၢစီၤ ပၤအမဲာ်ညါလီၤ.
37 နဲဒၣ်စီၤပၤဧၢ, နမ့ၢ်စီၤပၤတဖၣ်အစီၤပၤ, ပှၤလၢမူခိၣ် အကစၢ်ဟ့ၣ်လီၤ တၢ်အဘီအမုၢ်, ဒီးတၢ်အစိအကမီၤ, ဒီးတၢ်အဂံၢ်အဘါ, ဒီးတၢ်လၤကပီၤလီၤ.
38 ဒီးဖဲဒၣ်ပှၤကညီဖိအိၣ်ဝဲဆိးဝဲတပူၤလၢ်လၢ်န့ၣ် ဟ့ၣ် လီၤဆၣ်ဖိကီၢ်ဖိလၢပှၢ်လၢ်ကျါ, ဒီးထိၣ်ဖိလံၣ်ဖိလၢမူက ပိာ်လိၤတဖၣ်လၢနစုပူၤ, ဒီးပာ်နၤလၢတၢ်ခဲလၢာ်န့ၣ်အ ခိၣ်လီၤ. နဲဒၣ်အံၤနမ့ၢ်တၢ်အခိၣ်ထူအံၤလီၤ.
39 လၢနလီၢ်ခံန့ၣ်ဘီမုၢ်အဂၤဆံးန့ၢ်နၤ တဘီမုၢ်ကအိၣ် ထီၣ်, ဒီးဘီမုၢ်တိၢ်အဂၤသၢဘီမုၢ်တဘီမုၢ်လၢအကစံၣ် ညီၣ်ဟီၣ်ခိၣ်ဒီဘ့ၣ်ညါကအိၣ်ထီၣ်လီၤ.
40 ဘီမုၢ်လွံၢ်ဘီမုၢ်တဘီမုၢ်န့ၣ် ကဆူၣ်ဝဲ ဒ်ထးအသိး လီၤ. ဒ်ထးမၤကၢ်ကွံာ်ဒီးမၤလီၤကလဲကွံာ်ကယဲၢ်တၢ်တ မံၤလၢ်လၢ်အသိး, ဒီးဒ်ထးမၤလီၤကလဲတၢ်တဖၣ်အသိး န့ၣ်ကမၤလီၤကလဲဒီးမၤသဘှံးတၢ်ခဲလၢာ်န့ၣ်လီၤ.
41 ဒီးမ့ၢ်နထံၣ်အခီၣ်လၣ်, ဒီးအခီၣ်မုၢ်ဒိၣ်လၢအမ့ၢ် က ပံာ်တနီၤဒီးထးတနီၤဒီး, ဘီမုၢ်န့ၣ်ကလီၤဖးဘၣ်ဆၣ်ဒီး, ထးအဂံၢ်အဘါကအိၣ်ဝဲလၢအပူၤလီၤ. အဂ့ၢ်ဒ်အံၤ, န ထံၣ်ထးဃါဃုာ်ဒီးကပံာ်လီၤ.
42 ဒီးမ့ၢ်ခီၣ်မုၢ်ဒိၣ်မ့ၢ်ထးတနီၤ, ဒီးကပံာ်တနီၤဒီး, ဘီမုၢ် ကဆူၣ်တနီၤ, ဒီးကကၢ်ညီတနီၤလီၤ.
43 မ့ၢ်နထံၣ်ထးဃါဃုာ် ဒီးကပံာ်သတးဒီး, ကမၤဃါ ဃုာ်အသးဒီးပှၤကညီအချံအသၣ်ဘၣ်ဆၣ်ဒီး, တစဲဘူး လိာ်အသးဘၣ်, ကွၢ်ကွၢ်, ဒ်ထးတယီဃုာ်ဘၣ်ဒီးက ပံာ်အသိးန့ၣ်လီၤ.
44 ဒီးတၢ်လၢစီၤပၤတဖၣ်န့ၣ်အမုၢ်နံၤအတီၢ်ပူၤ, မူခိၣ်အ ကစၢ်ကပာ်လီၤဘီမုၢ်တဘီမုၢ် လၢအတဟးဂီၤဘၣ်လီၤ ထူလီၤယိာ်ဘၣ်. ဒီးဘီမုၢ်န့ၣ်တအိၣ်လီၤတဲာ်ဘၣ်လၢပှၤ အဂၤတကလုာ်အဂီၢ်ဘၣ်. ကမၤလီၤကလဲ, ဒီးကမၤ လၢာ်ကွံာ်ဘီမုၢ်ခဲလၢာ်လီၤ. မ့မ့ၢ်အဝဲန့ၣ်ကအိၣ်လီၤထူ လီၤယိာ်လီၤ.
45 မ့ၢ်နထံၣ်တၢ်လၢ အစုတအိၣ်ဘၣ်ဒီး, တၢ်ကူးတဲာ် ကွံာ်လၢၢ်တဖျၢၣ်လၢကစၢၢ်လိၤ, ဒီးအဝဲန့ၣ်မၤလီၤကလဲ ထး, တိၢ်, ကပံာ်, စ့, ဒီးထူန့ၣ်သတးဒီး, ကစၢ်ဖးဒိၣ် ဘိးဘၣ်သ့ၣ်ညါစီၤပၤလၢ တၢ်လၢအကမၤအသးဆူခံ ဆူညါန့ၣ်လီၤ. ဒီးတၢ်မံမီၢ်န့ၣ်မ့ၢ်အကျၢၤ, ဒီးတၢ်ဖး လၢအဒိၣ်အယိာ်န့ၣ်မ့ၢ်အမ့ၢ်အတီလီၤ.
46 တုၤနုၤတစု စီၤပၤနဘူၤကးန့စၢ် ထိၣ်တွံၤလီၤအီထီ လာ်အသးဒီးမၤလိာ်ဝဲလၢ ပှၤကမၤဘူၣ်စီၤဒၤနံးယ့လး, လၢတၢ်မၤဘူၣ်ဒီးတၢ်နၢမူလီၤ.
47 စီၤပၤစံးဆၢစီၤဒၤနံးယ့လးဒီးစံးဝဲဒၣ်, မ့ၢ်မးသုကစၢ် န့ၣ်မ့ၢ်ကစၢ်တဖၣ်အကစၢ်, ဒီးစီၤပၤတဖၣ်အကစၢ်, ဒီး မ့ၢ်နလီၣ်ဖျါတၢ်အိၣ်ခူသူၣ်တမံၤအံၤသ့ဒီး, မ့ၢ်ဝဲလၢတၢ် လီၣ်ဖျါတၢ်အိၣ်ခူသူၣ်တဖၣ်န့ၣ်လီၤ.
48 တုၤနုၤတစု စီၤပၤပာ်စီၤဒၤနံးယ့လး လၢပှၤအခိၣ်ဒီး ဟ့ၣ်လီၤအီၤလၢ ခိၣ်ဖးအဒိၣ်အအါ, ဒီးပာ်အီၤလၢကီၢ် ဘၤဘူၤလိၣ်ဒီဘ့ၣ်ညါအဖီခိၣ်, ဒီးဘၤဘူၤလိၣ် အပှၤ ကူၣ်တၢ်သ့အခိၣ်တဖၣ်အဒိၣ်ကတၢၢ်လီၤ.
49 ဒီးစီၤဒၤနံးယ့လးဃ့တၢ်လၢစီၤပၤ, ဒီးအဝဲဒၣ်ပာ်လီၤ စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤလၢတၢ်လၢကီၢ် ဘၤဘူၤလိၣ်အပူၤတဖၣ်အဖီခိၣ်လီၤ. မ့မ့ၢ် စီၤဒၤနံးယ့ လးဆ့ၣ်နီၤဝဲလၢစီၤပၤအပဲတရီပူၤလီၤ.