4
1 ကစၢ်သ့ၣ်ဧၢ, ဟ့ၣ်တၢ်လၢသုကုၢ်န့ၣ်တီတီလိၤလိၤ, ဒီးဂ့ၤဂ့ၤဘၣ်ဘၣ်တက့ၢ်. အဂ့ၢ်ဒ်အံၤ,သုသ့ၣ်ညါလၢသု ကစၢ်အိၣ်စ့ၢ်ကီးလၢမူခိၣ်လီၤ.
2 မၤတၢ်ဘါထုကဖၣ်သပှၢ်ပှၢ်, ဒီးဆိးသီလၢအပူၤအိၣ် ဒီးတၢ်စံးထီၣ်ပတြၢၤတၢ်အဘျုးအဖှိၣ်တက့ၢ်.
3 ဘါထုကဖၣ်စ့ၢ်ကီးတဘျီဃီလၢပဂီၢ်, ဒ်သိးယွၤကအိးထီၣ်အ ကလုၢ်အကထါအတြဲၤလၢပဂီၢ် ဒ်သိးပကစံၣ်တဲၤတဲ လီၤခရံာ်အတၢ်ခူသူၣ်လၢပဘၣ်တၢ်စၢဃာ်လၢအဃိ,-
4 ဒ်သိးယကမၤဖျါထီၣ်အဝဲန့ၣ် ဒ်ယဂ့ၤကတိၤတၢ်အသိး န့ၣ်တက့ၢ်.
5 လဲၤတၢ်လၢတၢ်ကူၣ်သ့လၢ ပှၤအိၣ်လၢခိအမဲာ်ညါ, ဒီးပှ့ၤက့ၤတၢ်အဆၢအကတီၢ်တက့ၢ်.
6 သုဂ့ၤစံးဆၢပှၤ တဂၤလၢ်လၢ်ဒ်လဲၣ်ဒ်လဲၣ်, ဒ်သိးသုကသ့ၣ်ညါဒီး,မ်သု ကလုၢ်ကထါအိၣ်ဒီး တၢ်ဘျုးတၢ်ဖှိၣ်ဒီး ဟီဒီးအံသၣ်, တဘိယူၢ်ဃီတက့ၢ်.
7 ပဒီပုၢ်ဝဲၢ်လၢအဘၣ်တၢ်အဲၣ်အီၤ, ဒီးမ့ၢ်တၢ်အခ့အပှၤ လၢအကလုၢ်တီ, ဒီးကုၢ်သကိးကုၢ်ဒီးပှၤလၢကစၢ်အ ပူၤ, စီၤတူဃံၤကူးန့ၣ်, ကဘိးဘၣ်သ့ၣ်ညါသုလၢတၢ် ဘၣ်ဃးဒီးယၤခဲလၢာ်လီၤ.
8 အဝဲတဂၤန့ၣ်,ဒီးပှၤဘၣ် ဃးဒီးသု, ပဒီပုၢ်ဝဲၢ်လၢအကလုၢ်တီလၢတၢ်အဲၣ်အီၤ,-
9 စီၤအီးန့ၤစံမူးန့ၣ်, ယမၢအလဲၤဆူသုအိၣ်, လၢတၢ်အံၤ တမံၤအဂီၢ်ဒ်သိးသုကသ့ၣ်ညါတၢ်ဘၣ်ဃးဒီးပှၤ, ဒီးအ ဝဲဒၣ်မၤမုာ်ထီၣ်သုသးလီၤ. ဒီးအဝဲသ့ၣ်ကဘိးဘၣ်သ့ၣ် ညါသုလၢတၢ်ဖဲအံၤခဲလၢာ်လီၤ.
10 ပှၤလၢအဘၣ်စၢဃာ်ဒီးယၤ, စီၤအရံးစတၢ်ဃူးက တိၤဒိၣ်သု, ဒီးစီၤဘၢ်နါဘၤအတခွါစီၤမၢ်ကူးလၢသုဒိး တၢ်မၤလိာ်လၢအဂ့ၢ်, မ့ၢ်လဲၤတုၤလၢသုအိၣ်ဒီး, တူၢ် လိာ်အီၤတက့ၢ်.
11 ဒီးစီၤယ့ၣ်ရှူးကိးက့ၤဝဲလၢစီၤယူစတူး အဝဲသ့ၣ်တဖၣ်န့ၣ်မ့ၢ်ပှၤဒိးတၢ်ကူးတရံးဖိလီၤ. ဒီးထဲအ ဝဲသ့ၣ်ဧိၤမ့ၢ်ပှၤလၢအမၤဃုာ်တၢ်ဒီးယၤလၢယွၤအဘီအ မုၢ်အဂီၢ်,ဒီးမ့ၢ်ပှၤလၢအမၤမုာ်ယသးလီၤ.
12 ပှၤဘၣ်ဃးဒီးသုယ့ၣ်ရှူးခရံာ်အကုၢ်အပှၤ, စီၤအ့းပၤ ဖြါကတိၤဒိၣ်သု, ဒီးဂုာ်ဘါထုကဖၣ်သပှၢ်ပှၢ်လၢသုဂီၢ် တဘိယူၢ်ဃီ, ဒ်သိးသုကဆၢထၢၣ်အိၣ်လၢထီၣ်ပှဲၤထီၣ် ဒီး အိၣ်ဒီးသုစူၢ်ဂၢၢ်နာ်ကျၢၤလၢယွၤအတၢ်ဘၣ်အသးခဲ လၢာ်အပူၤလီၤ.
13 အဂ့ၢ်ဒ်အံၤ, ယအုၣ်ယသးလၢအဂီၢ် လၢအသးဂဲၤလိာ်ဝဲဒိၣ်မးလၢသုဂီၢ်, ဒီးလၢပှၤအိၣ်လၢ လီၤဒံၤကံအဂီၢ်, ဒီးလၢပှၤအိၣ်လၢ ဟံၣ်ရိးပလံအဂီၢ် လီၤ.
14 ကသံၣ်သရၣ်လၢတၢ်အဲၣ်အီၤစီၤလူၤကၣ်, ဒီးစီၤဒ့မၤ ကတိၤဒိၣ်သုလီၤ.
15 ကတိၤဒိၣ်ပဒီပုၢ်ဝဲၢ်အိၣ်လၢလီၤဒံၤကံ, ဒီးစီၤနူၣ်ဖၤ,ဒီး တၢ်အိၣ်ဖှိၣ်လၢအဟံၣ်န့ၣ်တက့ၢ်.
16 ဒီးတုၤသုဖးလံာ် အံၤဝံၤဒီး, မၤဒ်သိးပှၤလီၤဒံၤကံအတၢ်အိၣ်ဖှိၣ်ကဖးဝဲစ့ၢ် ကီးတက့ၢ်. ဒီးလံာ်ဟဲလၢလီၤဒံၤကံန့ၣ်,ဖးစ့ၢ်ကီးသုဝဲ တက့ၢ်.
17 ဒီးစံးဘၣ်စီၤအၢ်ဃံးပူး,တၢ်မၤလၢနဒိးန့ၢ်လၢ ကစၢ်အပူၤန့ၣ် ပလီၢ်နသးလၢ နကမၤတုၤအလၢာ်တ က့ၢ်.
18 ယၤ, စီၤပီလူးအတၢ်ကတိၤဒိၣ်လၢယစုဒၣ်ယဲလီၤ. သ့ၣ်နီၣ်ထီၣ်က့ၤယတၢ်စၢဃာ်တက့ၢ်. တၢ်အဘျုးအ ဖှိၣ်မ်အအိၣ်ဒီးသုတက့ၢ်.