3
1 မၤသးဒ်န့ၣ်ဒီးသုမ့ၢ်ဂဲၤဆၢထၢၣ်ဃုာ်ဒီးခရံာ်ဒီး, ဃု န့ၢ်တၢ်အိၣ်လၢထးန့ၣ် ဖဲခရံာ်ဆ့ၣ်နီၤလၢ ယွၤအစုထွဲ န့ၣ်တက့ၢ်.
2 သးအိၣ်တၢ်လၢထးန့ၣ်တက့ၢ်. သးအိၣ် တၢ်လၢဟီၣ်ခိၣ်ချၢတဂ့ၤ.
3 အဂ့ၢ်ဒ်အံၤ,သုသံတ့ၢ်,ဒီးသု သးသမူအိၣ်ခူသူၣ်ဒီးခရံာ်လၢယွၤအပူၤလီၤ.
4 တုၤခရံာ် လၢအမ့ၢ်ပသးသမူကအိၣ်ဖျါဝဲဒီး, သုကအိၣ်ဖျါဃုာ်စ့ၢ် ကီးဒီးအီၤလၢတၢ်လၤကပီၤအပူၤလီၤ.
5 မၤသးဒ်န့ၣ်ဒီး, မၤသံသုဂီၤတဖၣ်လၢဟီၣ်ခိၣ်ချၢ,ဒ်ပ စံးတၢ်အသိး, တၢ်မၤကမၣ်မုၣ်ကမၣ်ခွါ,တၢ်အဲၣ်တလ့ၤ အဲၣ်တဘီ, တၢ်သးကတၢ,တၢ်သးကွံတၢ်လၢအအၢ,ဒီး တၢ်သးကွံစုလီၢ်ခီၣ်ခိၣ်လၢအမ့ၢ် တၢ်ဘါတၢ်ဂီၤန့ၣ်တ က့ၢ်.
6 လၢတၢ်န့ၣ်တဖၣ်အဃိ, ယွၤအတၢ်သးဒိၣ်ဟဲ ဘၣ်ပှၤတစူၢ်ဘၣ်တၢ်ဘၣ်အလိၤလီၤ.
7 လၢအဝဲန့ၣ်အ ပူၤသုလဲၤတ့ၢ်ဖဲသုမူဒံးလၢအပူၤလီၤ.
8 မ့မ့ၢ်ခဲကနံၣ်အံၤ ညိကွံာ်တၢ်အံၤတဖၣ်ခဲလၢာ်, တၢ်သူၣ်ဒိၣ်သးဒိၣ်,တၢ် သူၣ်ထီၣ်သးထီၣ်, တၢ်ဆၢအၢ,တၢ်ဒုၣ်ဒွဲၣ်,တၢ်ကတိၤ မဲာ်ဆှးလၢအဟဲထီၣ်လၢသုထးခိၣ်န့ၣ်တက့ၢ်.
9 က တိၤလိာ်သုသးလၢ တၢ်ကတိၤကဘျံးကဘျၣ်တဂ့ၤ.အ ဂ့ၢ်ဒ်အံၤ, ပှၤလီၢ်လံၤဒီးအတၢ်မၤတဖၣ်န့ၣ်,သုဘ့ၣ်လီၤ ကွံာ်လံ,
10 ဒီးသုကူထီၣ်သိးထီၣ်က့ၤလံပှၤသီလၢတၢ်မၤ က့ၤအီၤအသီဆူတၢ်သ့ၣ်ညါ, ဒ်ပှၤတ့အီၤတဂၤအက့ၢ် အဂီၤအသိးန့ၣ်လံ.
11 ဖဲန့ၣ်ပှၤဟ့းလ့ၣ်ဖိဒီးပှၤယူဒၤဖိတ အိၣ်, ပှၤဒိးတၢ်ကူးတရံးဒီးပှၤတဒိးဘၣ်တၢ်ကူးတရံး တအိၣ်, ပှၤပှၢ်လၢ်ကျါဖိ,ပှၤစကူသ့ၤဖိ,ပှၤကုၢ်ဖိ,ပှၤသ ဘျ့ဖိတအိၣ်ဘၣ်, မ့မ့ၢ်ခရံာ်မ့ၢ်တၢ်ခဲလၢာ်,ဒီးအိၣ်ဝဲလၢ တၢ်ခဲလၢာ်အပူၤလီၤ.
12 မၤသးဒ်န့ၣ်ဒီး, ဒ်ပှၤလၢယွၤဃုထၢအီၤ,ပှၤစီဆှံ,ဒီးပှၤ လၢတၢ်အဲၣ်အီၤသ့ၣ်တဖၣ်အသိးန့ၣ်, ကူထီၣ်သိးထီၣ် တၢ်သးကညီၤ, တၢ်မၤဂ့ၤတၢ်,တၢ်ဆီၣ်လီၤသး,တၢ်သး စူၤ,တၢ်ဝံသးစူၤသ့ၣ်တဖၣ်တက့ၢ်.
13 ဝံသးစူၤလိာ်သု သး,ဒီးပှၤအတၢ်ကမၣ်မ့ၢ်အိၣ်ဒီး, ပျၢ်လိာ်သုသးတက့ၢ်. ဒ်ခရံာ်ပျၢ်သုတၢ်အသိးန့ၣ်, မၤသုဝဲဒ်န့ၣ်အသိးစ့ၢ်ကီး တက့ၢ်.
14 တၢ်န့ၣ်တဖၣ်ခဲလၢာ်အဖီခိၣ်, ကူထီၣ်သိးထီၣ် တၢ်အဲၣ်တၢ်ကွံလၢအမ့ၢ် တၢ်လၢတၢ်ပှဲၤအပျံၤစၢဃာ် တၢ်န့ၣ်တက့ၢ်.
15 မ်ခရံာ်အတၢ်ဃူတၢ်ဖိးပၢတၢ်လၢသု သးကံၢ်ပူၤတက့ၢ်. ဆူအဝဲန့ၣ်အပူၤတၢ်ကိးက့ၤသုလၢ နီၢ်တဂၤဃီအပူၤလီၤ. ဒီးကဲထီၣ်ပှၤစံးထီၣ်ပတြၢၤတၢ် အဘျုးအဖှိၣ်တက့ၢ်.
16 မ်ခရံာ်အကလုၢ်အကထါ အိၣ်ဝဲဆိးဝဲလၢသုပူၤထူး ထူးတီၤတီၤ, လၢတၢ်ကူၣ်သ့ကူၣ်ဘၣ်ခဲလၢာ်အပူၤ,ဒီး သိၣ်လိလိာ်သုသး ဒီးသဆၣ်ထီၣ်လိာ်သုခံလၢထါစံး ထီၣ်ပတြၢၤ, ဒီးတၢ်သးဝံၣ်, ဒီးအုၣ်တၢ်ဘၣ်ဃးဒီးသး န့ၣ်, ဒီးသးဝံၣ်ထီၣ်ယွၤ, အိၣ်ဒီးတၢ်ဘျုးတၢ်ဖှိၣ်လၢသု သးကံၢ်ပူၤတက့ၢ်.
17 ကယဲၢ်သုမၤတၢ်န့ၣ်, လၢတၢ်ကတိၤမ့ၢ်ဂ့ၤ, လၢတၢ်မၤမ့ၢ်ဂ့ၤ, မၤတၢ်ခဲလၢာ်လၢကစၢ် ယ့ၣ်ရှူးအမံၤ, ဒီးစံးထီၣ်ပတြၢၤပၢ်ယွၤလၢအဝဲဒၣ်အဃိ တက့ၢ်.
18 ပိာ်မုၣ်သ့ၣ်ဧၢ, ပာ်သုသးလၢသုဝၤအဖီလာ်,ဒ်အဂ့ၤ အဘၣ်လၢကစၢ်အပူၤတက့ၢ်.
19 ပိာ်ခွါသ့ၣ်ဧၢ,အဲၣ်သုမါတက့ၢ်. ဒီးသုတပာ်ဒူသုသး လၢအလိၤတဂ့ၤ.
20 ဖိသၣ်သ့ၣ်ဧၢ, စူၢ်သုမိၢ်သုပၢ်လၢတၢ်ကိးမံၤဒဲးအပူၤ တက့ၢ်.အဂ့ၢ်ဒ်အံၤ,တၢ်န့ၣ်ဘၣ်ကစၢ်အသးလီၤ.
21 ပၢ်သ့ၣ်ဧၢ, ဒ်သိးသုဖိသုလံၤအသးသုတဟးဂီၤတဂ့ၤ ဒီး,သုတမၤဒိၣ်ထီၣ်အသးတဂ့ၤ.
22 ကုၢ်သ့ၣ်ဧၢ, စူၢ်သုကစၢ်ဘၣ်ဃးဒီးပဖံးပညၣ်လၢတၢ် ကိးမံၤဒဲးအပူၤတက့ၢ်. ထဲပှၤကညီအမဲာ်ညါလၢတၢ်မၤ ဘၣ်ပှၤကညီအသးတမ့ၢ်ဘၣ်, မ့မ့ၢ်ပျံၤယွၤ, ဒီးစူၢ်လၢ သူၣ်ကံၢ်သးလဲတက့ၢ်.
23 ဒီးကယဲၢ်သုမၤတၢ်တမံၤလၢ် လၢ်, မၤလၢသူၣ်ကံၢ်သးလဲ,ဒ်လၢကစၢ်အသိး,ဒီးတမ့ၢ် ဘၣ်ဒ်လၢပှၤကညီအသိးဘၣ်တက့ၢ်.
24 အဂ့ၢ်ဒ်အံၤ,သု သ့ၣ်ညါလၢသုကဒိးန့ၢ်ဘၣ်လၢကစၢ်အစုပူၤ, တၢ်ဟ့ၣ် ဘၣ်ဃးဒီးတၢ်န့ၢ်သါလီၤ. အဂ့ၢ်ဒ်အံၤ,သုမၤကစၢ်ခရံာ် အတၢ်လီၤ.-အဂ့ၢ်ဒ်အံၤ, ပှၤလၢအမၤတၢ်တတီတလိၤ ဘၣ်န့ၣ်,ကဘၣ်တၢ်လၢအမၤတတီတလိၤဘၣ်အဃိ, ဒီးတၢ်ကွၢ်မဲာ်တအိၣ်ဘၣ်ဝဲဘၣ်.