6
ဒီးပမ့ၢ်ပှၤမၤဃုာ်တၢ်စ့ၢ်ကီး,ဒီးပဃ့ကညးသု, ဒ်သိး သုသုတဒိးန့ၢ်ယွၤအဘျုးအဖှိၣ်ကလီကလီတဂ့ၤလီၤ.-
အဂ့ၢ်ဒ်အံၤ,စံးဝဲဒၣ်,လၢအကတီၢ်အဂ့ၤအဘၣ်န့ၣ်,ယဒိကနၣ်နကလုၢ်, ဒီးလၢတၢ်အုၣ်က့ၤခီၣ်က့ၤ အမုၢ်နံၤ, ယမၤစၢၤနၤ လီၤ.Ref 6.2 ၡါ. ၄၉း၈.ကွၢ်ကွၢ်,ခဲကနံၣ်အံၤမ့ၢ်တၢ်အကတီၢ်အဂ့ၤအဘၣ်, ကွၢ် ကွၢ်, ခဲကနံၣ်အံၤမ့ၢ်တၢ်အုၣ်က့ၤခီၣ်က့ၤ အမုၢ်နံၤန့ၣ် လီၤ. ဒ်သိးတၢ်အခ့အပှၤအတၢ်မၤသုတဘၣ်တၢ်ပာ် တၢ်ကမၣ်လၢအလိၤတဂ့ၤဒီး, ပတဟ့ၣ်ဘၣ်တၢ်လီၤက မၣ်အလီၢ်လၢတၢ်နီတမံၤဘၣ်. မ့မ့ၢ်ပပာ်ဖျါထီၣ်ပသး လၢပမ့ၢ်ယွၤအခ့အပှၤလၢတၢ်ခဲလၢာ်အပူၤ, လၢတၢ်ဝံ သးစူၤလၢအအါ, လၢတၢ်နးတၢ်ဖှီၣ်အပူၤ,လၢတၢ်ဖီၣ် တၢ်ယာ်အပူၤ,လၢတၢ်ကီတၢ်ခဲအပူၤ, လၢတၢ်တီၢ်တၢ် ဝ့ၤအပူၤ,လၢပဘၣ်ဃိာ်အပူၤ, လၢတၢ်တၢထီၣ်တၢလီၤ အပူၤ,လၢတၢ်ဖံးတၢ်မၤအပူၤ,လၢတၢ်ဆိးသီအပူၤ, လၢ တၢ်ဒုၣ်တၢ်အီၣ်တၢ်အီအပူၤ, လၢတၢ်စီဆှံအပူၤ,လၢ တၢ်သ့ၣ်ညါအပူၤ, လၢတၢ်ဝံသးစူၤဃဲးဃဲးအပူၤ,လၢ တၢ်မၤဂ့ၤတၢ်အပူၤ, လၢသးစီဆှံအပူၤ,လၢတၢ်အဲၣ်တၢ် ကွံနီၢ်နီၢ်အပူၤ, လၢတၢ်မ့ၢ်တၢ်တီအကလုၢ်အကထါ အပူၤ,လၢယွၤအစိအကမီၤအပူၤ, လၢတၢ်တီတၢ်လိၤအ စုကဝဲၤ,အိၣ်ဝဲလၢစုစ့ၣ်ဒီးစုထွဲ, လၢပဘၣ်တၢ်လၤက ပီၤ,ဒီးလၢပဘၣ်တၢ်တရီတပါ, လၢပဘၣ်တၢ်ဟူထီသါ လီၤလၢအအၢ, ဒီးလၢပဘၣ်တၢ်ဟူထီသါလီၤလၢအဂ့ၤ ဒ်ပှၤလီတၢ်အသိး, ဘၣ်ဆၣ်ဒီးမ့ၢ်ပှၤအတီ, ဒ်ပှၤလၢပှၤ ဂၤတသ့ၣ်ညါဘၣ်အီၤအသိး, ဘၣ်ဆၣ်ဒီး, မ့ၢ်ပှၤလၢ တၢ်သ့ၣ်ညါထံအီၤ, ဒ်ပှၤဘၣ်သံအသိး, ဒီးကွၢ်ကွၢ်ပမူ လီၤ,ဒ်ပှၤလၢအဘၣ်တၢ်သိၣ်ဃီၣ်အီၤအသိး, ဘၣ်ဆၣ် ဒီးတၢ်တမၤသံဘၣ်အီၤဘၣ်, 10 ဒ်ပှၤလၢအသးအုးအ သိး, ဘၣ်ဆၣ်ဒီးသးခုဝဲတထံၣ်ဃီ,ဒ်ပှၤဖှီၣ်ဖိယာ်ဖိအ သိး, ဘၣ်ဆၣ်ဒီးဒုးထူးဒုးတီၤပှၤအါဂၤ,ဒ်ပှၤလၢအတၢ် တအိၣ်ဘၣ်နီတမံၤဘၣ်အသိး,ဘၣ်ဆၣ်ဒီးအိၣ်ဒီးတၢ်ခဲ လၢာ်လီၤ.
11 ပှၤကရံၣ်သူးဖိသ့ၣ်ဧၢ, ပထးခိၣ်အိၣ်အိးထီၣ်အသး လၢသုဂီၢ်, ပသးအိးလဲၢ်ထီၣ်အသးလီၤ. 12 တမ့ၢ်ဘၣ်သု ဘၣ်တၢ်မၤအံၣ်မၤဆံးသုလၢပပူၤဘၣ်, မ့ၢ်သုဘၣ်တၢ် မၤအံၣ်မၤဆံးသုလၢသုဟၢဖၢဒၣ်သုဝဲအပူၤလီၤ. 13 ယ ကတိၤတၢ်ဒ်လၢယဖိအသိး လၢတၢ်ဟ့ၣ်ဆၢတၢ်တမံၤ ဃီအံၤအဂီၢ်,မၤလဲၢ်ထီၣ်သုသးစ့ၢ်ကီးတက့ၢ်.
14 သုတယိးနီၣ်ယိးဘိ ဖုၣ်ထံၣ်ဖုၣ်ထီဒီးပှၤလၢအတစူၢ် တနာ်ဘၣ်တဖၣ်န့ၣ်တဂ့ၤ. အဂ့ၢ်ဒ်အံၤ,တၢ်တီတၢ်လိၤ န့ၣ်,ဘၣ်ဃးဒီးတၢ်တတီတလိၤဘၣ်ဒ်လဲၣ်, ဒီးတၢ်က ပီၤရ့လိာ်အသးဒီးတၢ်ခံးဒ်လဲၣ်. 15 ဒီးခရံာ်ဘၣ်လိာ်ဒီးဘ လးယဧၤလးဒ်လဲၣ်, ဒီးပှၤလၢအစူၢ်က့ၤနာ်က့ၤတၢ်,န့ၢ် ဘၣ်ဃုာ်အဂီၢ်ဒီးပှၤလၢအတစူၢ်တနာ်ဘၣ်ဒ်လဲၣ်, ဒီး ယွၤအတၢ်လုၢ်အဟံၣ်ဘၣ်လိာ်အသးဒီးတၢ်ဂီၤလၢမနုၤ တမံၤလဲၣ်. 16 အဂ့ၢ်ဒ်အံၤ, သုမ့ၢ်ယွၤလၢအမူဝဲတဂၤအ တၢ်လုၢ်အဟံၣ်လီၤ. ဒ်ယွၤစံးဝဲအသိး,ယကအိၣ်လၢအ ပူၤဒီးယကလဲၤတၢ်ဒီးအီၤ, ဒီးယကကဲထီၣ်အကစၢ်,ဒီး အဝဲသ့ၣ်ကကဲလၢယပှၤဂီၢ်မုၢ်လီၤ.Ref 6.16 ၃မိၤ. ၂၆း၁၁.
17 မၤသးဒ်န့ၣ်ဒီးယွၤစံးဝဲဒၣ်, ဟးထီၣ်လၢအကျါ, ဒီး အိၣ်လီၤဆီတက့ၢ်. ဒီးထိးဘၣ်တၢ်တကဆှီဘၣ်န့ၣ်တ ဂ့ၤ.ဒီးယကတူၢ်လိာ်သု, 18 ဒီးယကကဲလၢသုပၢ်,ဒီးသု ကကဲလၢယဖိမုၣ်, ဒီးယဖိခွါတဖၣ်လီၤ, ယွၤလၢအသ့ တၢ်လၢာ်စံးဝဲဒၣ်. [ၡါ.၅၂း၁၁,၁၂.၂မူၤ.၇း၁၄].