10
1 ဒီးယၤစီၤပီလူး, ယကစၢ်ဒၣ်ယဲအံၤ,ယဃ့ကညးသု လၢခရံာ်အတၢ်သူၣ်စူၤသးစူၤ, ဒီးအတၢ်ဝံသးစူၤအဃိ လီၤ. ဖဲယအိၣ်လၢသုကျါန့ၣ်, ယဆီၣ်လီၤယသး,မ့မ့ၢ် ယအိၣ်တပူၤဒၣ်န့ၣ်, ယပာ်ဒူယသးလၢသုလိၤလီၤ.-
2 ဘၣ်ဆၣ်ဒီး, ယဃ့ကညးသုဒ်သိးတုၤယဟဲအိၣ်ဒီးသု ဒီး, ယသုတပာ်ဒူယသးဒ်ယဆိကမိၣ်ယဘၣ်ပာ်ဒူယ သးလၢပှၤတနီၤနီၤအလိၤ လၢအစံးလၢပလဲၤတၢ်ဒ်တၢ် ဖံးတၢ်ညၣ်အသိးန့ၣ်,တဂ့ၤလီၤ.
3 အဂ့ၢ်ဒ်အံၤ,ပလဲၤတၢ် လၢတၢ်ဖံးတၢ်ညၣ်အပူၤဘၣ်ဆၣ်ဒီး, ပတဒုးတၢ်ဒ်တၢ် ဖံးတၢ်ညၣ်အသိးဘၣ်.
4 အဂ့ၢ်ဒ်အံၤ, ပဒုးတၢ်အစုကဝဲၤ တဖၣ်န့ၣ်, တဘၣ်ဃးဘၣ်ဒီးတၢ်ဖံးတၢ်ညၣ်ဘၣ်, မ့ၢ် တၢ်စိတၢ်ကမီၤလၢယွၤအပူၤ,တုၤအမၤလီၤပှီၢ်တိာ်အဒိၣ် အထီတဖၣ်,
5 ဒီးတ့ၢ်လီၤကွံာ်တၢ်ကူၣ်တၢ်ဖးတဖၣ်,ဒီး ကယဲၢ်တၢ်ပာ်ထီၣ်ထီအသးထီဒါတၢ်သ့ၣ်ညါယွၤန့ၣ်, ဒီးမၢကဲကုၢ် ကယဲၢ်တၢ်ဆိကမိၣ်တမံၤလၢ်လၢ်ဆူတၢ် စူၢ်ခရံာ်အပူၤလီၤ.
6 ဒီးပအိၣ်ကတဲာ်ကတီၤပသးလၢပ ကဟ့ၣ်ကၣ်ကယဲၢ်တၢ်တစူၢ်ဘၣ်ခဲလၢာ်, ဖဲအကတီၢ် လၢသုစူၢ်တၢ်န့ၣ်လၢထီၣ်ပှဲၤထီၣ်လီၤ.
7 မ့ၢ်သုကွၢ်တၢ်ဒ်တၢ်အိၣ်ဖျါအသိးန့ၣ်ဧါ. ပှၤတဂၤဂၤ မ့ၢ်ဆိကမိၣ်လီၤအသးလၢအမ့ၢ်ခရံာ်အတၢ်ဒီး, မ်အဆိ ကမိၣ်ကဒီးလၢအသး, လၢဒ်အမ့ၢ်ခရံာ်အတၢ်အသိး န့ၣ်, ပမ့ၢ်စ့ၢ်ကီးပဝဲလီၤ.
8 အဂ့ၢ်ဒ်အံၤ,ယမ့ၢ်ပာ်ယသးက ဖၢလၢအါထီၣ်ဒံးလၢ တၢ်အစိအကမီၤလၢကစၢ်ဟ့ၣ် လီၤပှၤ,လၢတၢ်မၤဟးဂီၤသုအဂီၢ်တမ့ၢ်ဘၣ်,မ့ၢ်လၢတၢ် မၤထီၣ်မၤထီသုအဂီၢ်,နာ်သက့ဒီးယတမဲာ်ဆှးဘၣ်,-
9 ဒ်သိးယသုတလီၤဂာ်လၢယကမၤပျံၤသုလၢယလံာ်တ ဖၣ်န့ၣ်တဂ့ၤလီၤ.
10 အဂ့ၢ်ဒ်အံၤ,ပှၤစံးဝဲ,အလံာ်တဖၣ်မ့ၢ် တၢ်အဃၢ, ဒီးအိၣ်ဒီးအစိအကမီၤလီၤ. မ့မ့ၢ်အနီၢ်ခိအ တၢ်အိၣ်ဝဲန့ၣ်,မ့ၢ်တၢ်ဂံၢ်စၢ်ဘါစၢ်, ဒီးအတၢ်ကတိၤတ ဂိာ်ဘၣ်တၢ်နီတမံၤဘၣ်.
11 မ်ပှၤဒ်န့ၣ်သိးတဖၣ်ဆိက မိၣ်တၢ်အံၤ, ဖဲဒၣ်ပမ့ၢ်တၢ်လၢ တၢ်ကတိၤလၢလံာ်ပူၤ လၢပအိၣ်တပူၤဒၣ်န့ၣ်ဒီး, ပကမ့ၢ်တၢ်စ့ၢ်ကီးလၢတၢ်မၤ အပူၤ,ဖဲပအိၣ်ဒီးသုန့ၣ်တက့ၢ်.
12 အဂ့ၢ်ဒ်အံၤ, ပဂံၢ်ဃုာ်ပသးဒီးပှၤလၢအစံးထီၣ်ပတြၢၤ လီၤအသးမ့ၢ်ဂ့ၤ, ဒီးထိၣ်သတြီၤဃုာ်ပသးဒီးအီၤမ့ၢ်ဂ့ၤ န့ၣ်,တဘူၣ်ဘၣ်. မ့မ့ၢ်အဝဲသ့ၣ်ထိၣ်သတြီၤလိာ်အသး သကိးသကိးဒီးကွၢ်သတြီၤလိာ်အသးသကိးသကိးဒီး, အတၢ်ကူၣ်သ့ကူၣ်ဘၣ်တအိၣ်ဘၣ်.
13 မ့မ့ၢ်ပဝဲဒၣ်အံၤ, ပပာ်ပသးကဖၢလၢလၢ တၢ်ပူၤကွံာ်နီၣ်ထိၣ်န့ၣ်တမ့ၢ် ဘၣ်. မ့မ့ၢ်ဒ်နီၣ်ထိၣ်တၢ်အတၢ်ဘျၢ,ဖဲယွၤထိၣ်န့ၢ်ပဂီၢ် လၢနီၣ်ထိၣ်န့ၣ်,ပၢၢ်စ့ၢ်ကီးဆူသုအိၣ်လီၤ.
14 အဂ့ၢ်ဒ်အံၤ, ပထုးထီထီၣ်ပသး ဒ်ပတတုၤဘၣ်လၢသုအိၣ်အသိးတ မ့ၢ်ဘၣ်. အဂ့ၢ်ဒ်အံၤ, ပစံၣ်တဲၤတဲလီၤခရံာ်အတၢ်သးခု အကစီၣ်ဒီး, ပတုၤစ့ၢ်ကီးလၢသုအိၣ်လီၤ.
15 ပပာ်ပသး ကဖၢလၢလၢတၢ်ပူၤကွံာ်ပနီၣ်ထိၣ်, ဒ်ပစံးတၢ်အသိး, ပှၤဂၤအတၢ်ဖံးတၢ်မၤ,တမ့ၢ်ဘၣ်,မ့ၢ်ပမုၢ်လၢ်လၢသုတၢ် စူၢ်တၢ်နာ်မ့ၢ်အါထီၣ်ဒီး, ပတၢ်ကဒိၣ်ထီၣ်လၢသုပူၤဖဲပ တၢ်ဘျၢအသိးအါအါကလဲာ်လီၤ.
16 ဒ်သိးပကပာ်ပသး ကဖၢလၢ, လၢပှၤဂၤအတၢ်ဘျၢလၢတၢ်အိၣ်ကတဲာ်က တီၤပာ်အသးလၢပဂီၢ်တမ့ၢ်ဘၣ်, မ့ၢ်ဒ်သိးပကစံၣ်တဲၤ တဲလီၤတၢ်သးခုအကစီၣ်လၢ အလဲၤပူၤကွံာ်သုအိၣ်အ လီၢ်န့ၣ်လီၤ.
17 မ့မ့ၢ်ပှၤလၢအပာ်အသးကဖၢလၢန့ၣ်,မ် အပာ်အသးကဖၢလၢလၢကစၢ်အပူၤတက့ၢ်.
18 အဂ့ၢ်ဒ် အံၤ, ပှၤလၢအစံးထီၣ်ပတြၢၤလီၤအသး,ဘၣ်တၢ်အသး တမ့ၢ်ဘၣ်,မ့ၢ်ပှၤလၢကစၢ်စံးထီၣ်ပတြၢၤအီၤလီၤ.