2
1 ဒီးယဲဒၣ်အံၤ,ဒီပုၢ်ဝဲၢ်သ့ၣ်ဧၢ, ယဟဲဆူသုအိၣ်,တမ့ၢ် ဘၣ်ယဟဲစံးဘၣ်တဲဘၣ်သုလၢ ယွၤအတၢ်အုၣ်အသး န့ၣ်, ဒ်တၢ်ကတိၤဂ့ၤဒီးတၢ်ကူၣ်သ့အသိးန့ၣ်ဘၣ်,-
2 အဂ့ၢ်ဒ်အံၤ, ယပာ်ယသးလၢယတသ့ၣ်ညါဘၣ်လၢ သုကျါလၢတၢ်နီတမံၤဘၣ်, ယကသ့ၣ်ညါထဲယ့ၣ်ရှူး ခရံာ်, ဒီးအဝဲဒၣ်ဒိးသံအသးလၢထူၣ်စုညါအလိၤန့ၣ် ဧိၤလီၤ.
3 ဒီးယအိၣ်ယဲဒီးယဂံၢ်စၢ်ဘါစၢ်, ဒီးတၢ်ပျံၤ တၢ်ဖုး, ဒီးတၢ်ကနိးလၢအအါ,လၢသုကျါလီၤ.
4 ဒီး ယတၢ်ကတိၤ, ဒီးယတၢ်စံၣ်တဲၤတဲလီၤ,တအိၣ်ဘၣ် ဒီးတၢ်ကတိၤလွဲဘၣ်ဃးဒီး ပှၤကညီအတၢ်ကူၣ်သ့န့ၣ် ဘၣ်, မ့ၢ်အအိၣ်ဒီးသးန့ၣ်အတၢ်လီၣ်ဖျါဒီးအစိအက မီၤ,
5 ဒ်သိးသုတၢ်နာ်ကအိၣ်လၢယွၤအစိကမီၤအပူၤ, ဒီးတမ့ၢ်ဘၣ်ပှၤကညီအတၢ်ကူၣ်သ့အပူၤဘၣ်လီၤ.
6 ဘၣ်ဆၣ်ဒီးပကတိၤတၢ်ကူၣ်သ့လၢ ပှၤလၢအလၢ ထီၣ်ပှဲၤထီၣ်တဖၣ်အကျါနာ်သက့ဒီး, တမ့ၢ်ဘၣ်တၢ် ကူၣ်သ့ဘၣ်ဃးဒီးဟီၣ်ခိၣ်, ဒီးဟီၣ်ခိၣ်အပဒိၣ်ပပှၢ်လၢ အကဲထီၣ် တၢ်ကလီကလီန့ၣ်ဘၣ်.
7 မ့မ့ၢ်ပကတိၤ ယွၤအတၢ်ကူၣ်သ့, လၢတၢ်အိၣ်ခူသူၣ်အပူၤ, လၢအ အိၣ်ခူသူၣ်, လၢယွၤစံၣ်ညီၣ်ပာ်ဝဲလၢ ပလၤကပီၤအ ဂီၢ်လၢအတချုးတ့ဒံးဘၣ်ဟီၣ်ခိၣ်လီၤ.
8 တၢ်န့ၣ်ဟီၣ် ခိၣ်အပဒိၣ်ပပှၢ်တသ့ၣ်ညါဘၣ်နီတဂၤဘၣ်. အဂ့ၢ်ဒ် အံၤ,မ့ၢ်သ့ၣ်ညါဝဲဒီး, တမၤသံဘၣ်တၢ်လၤကပီၤအက စၢ်လၢထူၣ်စုညါအလိၤဘၣ်.
9 မ့မ့ၢ်ဒ်တၢ်ကွဲးအသး အသိးန့ၣ်, တၢ်တဖၣ်လၢယွၤကတဲာ်ကတီၤဝဲလၢပှၤ အဲၣ်အီၤအဂီၢ်န့ၣ်, မဲာ်တထံၣ်ဘၣ်,ဒီးနၢ်တနၢ်ဟူဘၣ်, ဒီးတဟဲနုာ်လၢပှၤကညီအသးဘၣ်.
10 Ref 2.10 ၡါ. ၅၂း၁၅ဘၣ်ဆၣ်ဒီးယွၤလီၣ်ဖျါအီၤလၢအ သးဒၣ်ဝဲ,လၢပှၤလီၤ. အဂ့ၢ်ဒ်အံၤ, သးန့ၣ်ဃုန့ၢ်တၢ်ခဲ လၢာ်, တၢ်ယိာ်ဘၣ်ဃးဒီးယွၤဒၣ်လဲာ်န့ၣ်လီၤ.
11 အ ဂ့ၢ်ဒ်အံၤ, မ့တမ့ၢ်ဘၣ်ပှၤကညီအသးအိၣ်လၢအပူၤဒီး, မ့ၢ်မတၤသ့ၣ်ညါတၢ်ဘၣ်ဃးဒီး ပှၤကညီန့ၣ်တဂၤ လဲၣ်. ဒ်န့ၣ်အသိး,တၢ်ဘၣ်ဃးဒီးယွၤတဖၣ်န့ၣ်,ပှၤတ သ့ၣ်ညါဘၣ်နီတဂၤဘၣ်. သ့ၣ်ညါဝဲထဲယွၤအသးတ ဂၤဧိၤလီၤ.
12 ဒီးပဒိးန့ၢ်ဟီၣ်ခိၣ်အသးတမ့ၢ်ဘၣ်.မ့ၢ်သး ဘၣ်ဃးဒီးယွၤ, ဒ်သိးပကသ့ၣ်ညါတၢ်တဖၣ်လၢယွၤ ဟ့ၣ်လီၤကလီပှၤလီၤ.
13 ဒီးတၢ်န့ၣ်တဖၣ်ပစံၣ်တဲၤတဲ လီၤလၢတၢ်ကတိၤလၢ ပှၤကညီအတၢ်ကူၣ်သ့သိၣ်လိ ဝဲန့ၣ်တမ့ၢ်ဘၣ်. မ့ၢ်လၢသးစီဆှံသိၣ်လိဝဲတဖၣ်လီၤ. ပပာ်သတြီၤတၢ်ဘၣ်ဃးဒီးသးလၢ တၢ်ဘၣ်ဃးဒီးသး န့ၣ်လီၤ.
14 ဘၣ်ဆၣ်ဒီးပှၤနီၢ်ခိဖိတတူၢ်လိာ်ဘၣ် တၢ်ဘၣ်ဃးဒီး ယွၤအသးဘၣ်. အဂ့ၢ်ဒ်အံၤ,မ့ၢ်တၢ်ကလီကလီလၢအ မဲာ်ညါ,ဒီးသ့ၣ်ညါဝဲတသ့ဘၣ်. အဂ့ၢ်ဒ်အံၤ,ပသ့ၣ်ညါ အီၤလၢသးန့ၣ်အဃိလီၤ.
15 မ့မ့ၢ်ပှၤဘၣ်ဃးဒီးသးန့ၣ်, သ့ၣ်ညါထံတၢ်ခဲလၢာ်ဘၣ်ဆၣ်ဒီး, အကစၢ်ဒၣ်ဝဲန့ၣ်, ပှၤတသ့ၣ်ညါထံဘၣ်အီၤနီတဂၤဘၣ်.
16 အဂ့ၢ်ဒ်အံၤ, မ့ၢ်မတၤသ့ၣ်ညါကစၢ်အသး, ဒ်သိးအကသိၣ်လိအီၤ တဂၤလဲၣ်. [ ၡါ.၄၀း၁၃.] မ့မ့ၢ်ပဝဲဒၣ်အံၤ, ပအိၣ် ဒီးခရံာ်အသးလီၤ.