6
1 လၢမုၢ်နံၤတဖၣ်န့ၣ် အပျဲၢ်အဘီၣ်အါထီၣ်, ဒီးပှၤက တိၤဟ့းလ့ၣ်အကျိာ်အပှၤမုၣ်ကမဲတဖၣ်, ဘၣ်တၢ်ကွၢ် ကပာ်အီၤလၢ ကိးမုၢ်နံၤဒဲးအတၢ်လုၢ်အီၣ်လုၢ်အီသတး ဒီး, ကဒူးကဒ့ၣ်တၢ်လၢပှၤဧ့ၤဘြံၤဖိအလိၤလီၤ.
2 ဒီးပှၤ တဆံခံဂၤန့ၣ်ကိးဖှိၣ်အပျဲၢ်အဘီၣ်ဂီၢ်မုၢ် ဒီးစံးဝဲဒၣ်, ပ လဲၤသဒၣ်ပဝဲယွၤအကလုၢ်အကထါ, ဒီးမၤတၢ်အီၣ်တၢ် အီအတၢ်န့ၣ်တဂ့ၤတဘၣ်ဘၣ်.
3 မၤသးဒ်န့ၣ်ဒီး, ဒီပုၢ်ဝဲၢ် သ့ၣ်ဧၢ, ပှၤနွံဂၤလၢအဘၣ်တၢ်အုၣ်အသးလၢအဂ့ၢ်, ဒီး ပှဲၤဝဲဒီးသးစီဆှံ, ဒီးတၢ်ကူၣ်သ့ကူၣ်ဘၣ်လၢသုကျါန့ၣ်, ဃုထၢ ဒ်သိးပကပာ်ထီၣ်အီၤ လၢတၢ်မၤအံၤအခိၣ်တ က့ၢ်.
4 မ့မ့ၢ်ပဝဲဒၣ်အံၤ, ပကဘါထုကဖၣ်တၢ်, ဒီးမၤ တၢ်အကလုၢ်အကထါအတၢ်မၤတထံၣ်ဃီလီၤ.
5 ဒီးတၢ်ကတိၤန့ၣ် ဘၣ်ပှၤဂီၢ်မုၢ်အသး, ဒီးဃုထၢပှၤ ပှဲၤဝဲဒီးတၢ်နာ်ဒီးသးစီဆှံ, စီၤစတ့းဖၣ်, ဒီးစီၤဖံလံးပူး, ဒီးစီၤပြဃီၢ်, ဒီးစီၤနံၤကါနီၢ်, ဒီးစီၤတံမိၣ်, ဒီးစီၤပၢ်မ့းနး, ဒီးပှၤလၢအနုာ်ဝဲလၢပှၤယူဒၤဖိအလုၢ်အလၢ်, ပှၤအၣ်တံၤ အီာ်ဖိတဂၤ, စီၤနံၤကလါသ့ၣ်တဖၣ်,
6 ဒီးပာ်လီၤအီၤ လၢပှၤတၢ်မၢဖိတဖၣ်အမဲာ်ညါ, ဒီးအဝဲသ့ၣ်ဘါထုက ဖၣ်, ဒီးပာ်အစုလၢအလိၤလီၤ.
7 ဒီးယွၤအကလုၢ်အကထါဟူထီသါလီၤ, ဒီးအပျဲၢ်အ ဘီၣ်အါထီၣ်အါအါကလဲာ်လၢယရူၤၡလ့ၣ်အပူၤ, ဒီးပှၤ လုၢ်တၢ်အဒိၣ်ဂီၢ်မုၢ်ဖးဒိၣ်, စူၢ်က့ၤနာ်က့ၤဝဲလီၤ.
8 ဒီးစီၤ စတ့းဖၣ်လၢပှဲၤဒီးတၢ်စူၢ်တၢ်နာ်, ဒီးတၢ်စိတၢ်ကမီၤဒီး, မၤတၢ်လီၤလိၢ်လီၤလး, ဒီးတၢ်ပနီၣ်လီၤလးဖးဒိၣ်လၢပှၤ ဂီၢ်မုၢ်အကျါလီၤ.
9 ဒီးပှၤဘၣ်ဃးဒီးဘူၣ်ဘျီၣ်, ကိးဝဲလၢပှၤလံၤဘ့ၣ်တံၣ် ဖိ, ဒီးပှၤကူၤရ့ၤန့ဖိ, ဒီးပှၤအလ့းစၣ်ဒြ့းဖိ, ဒီးပှၤကံၤလံၤ ကံဖိ, ဒီးပှၤအၤစံဖိသ့ၣ်တဖၣ်မုန့ၣ်, ဂဲၤဆၢထၢၣ်ဒီးတဲး လိာ်ဃိလိာ်အသးဒီးစီၤစတ့းဖၣ်လီၤ.
10 ဒီးအဝဲသ့ၣ်တြီ ဆၢတၢ်ကူၣ်သ့, ဒီးသးလၢအကတိၤဝဲလၢအီၤန့ၣ်, တသ့ ဘၣ်.
11 တုၤနုၤတစုအဝဲသ့ၣ် မၢခူသူၣ်ပှၤအုၣ်အသးလၢ အစံးဝဲဒၣ်, ပနၢ်ဟူအကတိၤဒုၣ်ဒွဲၣ်စီၤမိၤရှ့ဒီးယွၤလီၤ.
12 ဒီးသဆၣ်ထီၣ်ပှၤဂီၢ်မုၢ်, ဒီးပှၤသူၣ်က့သးပှၢ်, ဒီးပှၤ ကွဲးလံာ်သ့ၣ်တဖၣ်အခံ, ဒီးဟဲဃီၤဆူအအိၣ်, ဒီးဟံး ဃာ်အီၤ, ဒီးဆှၢအီၤဆူပှၤသးပှၢ်အတၢ်အိၣ်ဖှိၣ်,
13 ဒီးပာ် လီၤပှၤအုၣ်အသးကဘျံးကဘျၣ်တဖၣ် လၢအစံးဝဲဒၣ်, ပှၤတဂၤအံၤတဆိတ့ၢ်ဘၣ်ဒီး, ကတိၤဒုၣ်ဒွဲၣ်တၢ်အလီၢ် စီဆှံအံၤ, ဒီးတၢ်သိၣ်တၢ်သီလီၤ.
14 အဂ့ၢ်ဒ်အံၤ, ပနၢ်ဟူ အစံးလၢပှၤနစၤရ့းဖိယ့ၣ်ရှူးတဂၤအံၤ, ကမၤဟးဂီၤတၢ် အလီၢ်အံၤ, ဒီးကလဲလိာ်အလုၢ်အလၢ်လၢစီၤမိၤရှ့ဟ့ၣ် လီၤပှၤလီၤ.
15 ဒီးကယဲၢ်ပှၤဆ့ၣ်နီၤလၢ ပှၤသးပှၢ်အတၢ် အိၣ်ဖှိၣ်အပူၤတဖၣ်န့ၣ်ကွၢ်ထံအီၤ, ဒီးထံၣ်အမဲာ်လီၤဂာ် လၢမူခိၣ်ကလူးတဂၤအမဲာ်လီၤ.