5
ဒီးမတၤတဂၤ, အမံၤစီၤအနၤနံ, ဒီးအမါနီၢ်စးဖံးရး, ဆါကွံာ်အစုလီၢ်အခီၣ်ခိၣ်, ဒီးအပှ့ၤန့ၣ်ဟံးန့ၢ်လၢအ ဂီၢ်ဒၣ်ဝဲတနီၤဒီးဟဲစိာ်တနီၤ, ဒီးပာ်ဝဲလၢပှၤတၢ်မၢဖိတ ဖၣ်အခီၣ်ထံးလီၤ. ဒီးအမါသ့ၣ်ညါဝဲစ့ၢ်ကီးလီၤ. ဒီး စီၤပ့းတရူးစံးဝဲဒၣ်, စီၤအနၤနံဧၢ, ဒ်သိးနကကတိၤက ဘျံးကဘျၣ်တၢ်လၢသးစီဆှံ, ဒီးဟံးန့ၢ်ဟီၣ်ခိၣ်အကဝီၤ အပှ့ၤလၢနဂီၢ်ဒၣ်နဲတနီၤန့ၣ်, မ့ၢ်မုၣ်ကီၤလံၢ်မၤပှဲၤထီၣ်န သး, ဘၣ်မနုၤလဲၣ်. ဖဲအအိၣ်ဒီးနၤန့ၣ်, မ့ၢ်နတၢ်ဒၣ်နဲ တမ့ၢ်ဘၣ်ဧါ. ဒီးလၢနဆါကွံာ်အီၤန့ၣ်မ့ၢ်အအိၣ်လၢနစိ နကမီၤဒၣ်နဲအပူၤ, တမ့ၢ်ဘၣ်ဧါ. နကူၣ်ထီၣ်ဖးလီၤတၢ် အံၤလၢနသးကံၢ်ပူၤဘၣ်မနုၤလဲၣ်. တမ့ၢ်ဘၣ်နကတိၤ ကဘျံးကဘျၣ်တၢ်လၢပှၤကညီဘၣ်. မ့ၢ်လၢယွၤလီၤ.-
ဒီးစီၤအနၤနံနၢ်ဟူတၢ်ကတိၤန့ၣ်ဒီး, လီၤဃံၤဝဲ, ဒီးအ သးဟးထီၣ်ကွံာ်ဝဲလီၤ. ဒီးပှၤလၢအနၢ်ဟူတၢ်တဖၣ်အံၤ, ဘၣ်ပျံၤဘၣ်ဖုးဒိၣ်မးလီၤ. ဒီးပှၤဖိၣ်သၣ်ခွါတဖၣ်ဂဲၤဆၢ ထၢၣ်ဒီးဘိၣ်ထီၣ်အီၤ, ဒီးလဲၤစိာ်ခူၣ်လီၤကွံာ်အီၤလီၤ. ဒီးတၢ်မၤအသး လၢသၢနၣ်ရံၣ်ဃၣ်ဃၣ် ပူၤကွံာ်ဒီး,အမါတသ့ၣ်ညါဘၣ်တၢ်မၤအသးန့ၣ်, ဒီးဟဲနုာ်ဝဲလီၤ.-
ဒီးစီၤပ့းတရူးကတိၤဆၢအီၤ, သုဆါကွံာ်ဟီၣ်ခိၣ်အက ဝီၤန့ၢ်ထဲအံၤဧါ. စံးဘၣ်ယၤတက့ၢ်. ဒီးစံးဝဲဒၣ်, မ့ၢ်လံ, ထဲန့ၣ်လီၤ. ဒီးစီၤပ့းတရူးစံးဘၣ်အီၤ, သုပာ်သုသးတ ဖျၢၣ်ဃီဒ်သိးသုကလ့ပစီယွၤအသးဘၣ်မနုၤလဲၣ်. ကွၢ် ကွၢ်, ပှၤလၢအလဲၤခူၣ်လီၤကွံာ်နဝၤန့ၣ်, အခီၣ်အိၣ်လၢ တြဲၤအခီၣ်ထံး, ဒီးကလဲၤစိာ်ကွံာ်နၤလီၤ. 10 ဒီးလီၤဃံၤဝဲတကီၢ်ခါ လၢအခီၣ်ထံး, ဒီးအသးဟးထီၣ်ကွံာ်ဝဲလီၤ. ဒီးပှၤဖိၣ်သၣ်ခွါန့ၣ်ဟဲနုာ်ဒီးထံၣ်ဝဲလၢအသံ, ဒီးလဲၤစိာ်ခူၣ်လီၤကွံာ်အီၤလၢအဝၤအဃၢၤလီၤ.-
11 ဒီးတၢ်အိၣ်ဖှိၣ်ခဲလၢာ်, ဒီးကယဲၢ်ပှၤလၢအနၢ်ဟူတၢ်မၤ အသးတဖၣ်န့ၣ်, ဘၣ်ပျံၤဘၣ်ဖုးဒိၣ်မးလီၤ.
12 ဒီးတၢ်ပနီၣ်လီၤလးဒီး တၢ်လီၤလိၢ်လီၤလးအါမး, မၤ အသးလၢပှၤတၢ်မၢဖိတဖၣ်အစုပူၤ, လၢပှၤဂီၢ်မုၢ်အကျါ လီၤ. ဒီးအဝဲသ့ၣ်အိၣ်ဒီးအသးတဖျၢၣ်ဃီ လၢစီၤၡလိၤ မိၤအတၢ်ဒုးခိၣ်အပူၤ ခဲလၢာ်လီၤ. 13 ဒီးပှၤဂၤတဖၣ်န့ၣ် ဘျုးအသးဒီးအီၤတဘူၣ်ဘၣ်နီတဂၤဘၣ်. မ့မ့ၢ်ပှၤဂီၢ်မုၢ် ပာ်ဒိၣ်ပာ်ထီအီၤလီၤ. 14 ဒီးပှၤစူၢ်က့ၤနာ်က့ၤ ဂီၢ်မုၢ်ဒီးမုၣ် ဒီးခွါန့ၣ်, ဘၣ်ပာ်ဖှိၣ်အသးဒီးအီၤလၢပကစၢ်အပူၤ, အါ န့ၢ်အန့ၣ်တက့ၢ်လီၤ. 15 မၤသးဒ်န့ၣ်ဒီး ပှၤဟဲစိာ်ပှၤဘၣ် ဆူးဘၣ်ဆါတဖၣ်ဆူကျဲပူၤ, ဒီးပာ်လီၤအီၤလၢအလီၢ်မံ ခး, ဒီးအလီၢ်မံဖိအဖီခိၣ်, ဒ်သိးစီၤပ့းတရူးလဲၤတၢ်ဒီး, အကဒုကဘၣ်အီၤသ့ၣ်သ့ၣ်လီၤ. 16 ဒီးပှၤဂီၢ်မုၢ်ဟဲစိာ်ပှၤ ဘၣ်ဆူးဘၣ်ဆါ, ဒီးပှၤလၢတၢ်နါအိၣ်လၢအလိၤတဖၣ်, လၢဝ့ၢ်အိၣ်ဝးတရံးယရူၤၡလ့ၣ်လီၤ. ဒီးဘၣ်တၢ်မၤဘျါ က့ၤအီၤခဲလၢာ်လီၤ.
17 ဒီးပှၤလုၢ်တၢ်အခိၣ်, ဒီးပှၤအိၣ်လၢအသိးခဲလၢာ်, လၢ အမ့ၢ်ပှၤစးဒူၤကဲစုတလီၤဃုာ်ဖိန့ၣ် ဂဲၤဆၢထၢၣ်လၢပှဲၤ ဒီးအသးထီၣ်ဆူၣ်, 18 ဒီးပာ်အစုလၢပှၤတၢ်မၢဖိအလိၤ, ဒီးဒၢနုာ်အီၤလၢပှၤဂီၢ်မုၢ်အဃိာ်ပူၤလီၤ.
19 ဘၣ်ဆၣ်ဒီးယွၤအကလူးတဂၤ အိးထီၣ်ဃိာ်အတြဲၤ လၢမုၢ်နၤ, ဒီးဆှၢထီၣ်ကွံာ်အီၤဒီးစံးဝဲဒၣ်, 20 လဲၤဆၢ ထၢၣ်လၢတၢ်လုၢ်အဟံၣ်ပူၤ, ဒီးစံၣ်တဲၤတဲလီၤပှၤဂီၢ်မုၢ် လၢတၢ်မူအကလုၢ်အကထါအံၤခဲလၢာ်တက့ၢ်. 21 ဒီးအ ဝဲသ့ၣ်နၢ်ဟူတၢ်ဒီး လဲၤနုာ်ဆူတၢ်လုၢ်အဟံၣ်ပူၤ လၢဂီၤ ဂီၤ, ဒီးသိၣ်က့ၤသီက့ၤတၢ်လီၤ. မ့မ့ၢ်ပှၤလုၢ်တၢ်အခိၣ်, ဒီးပှၤအိၣ်ဒီးအီၤတဖၣ် ဟဲဝဲဝံၤဒီး, ကိးဖှိၣ်ပှၤကူၣ်လိာ် တၢ်, ဒီးပှၤအံၣ်စရ့လးဖိအသူၣ်က့သးပှၢ်ခဲလၢာ်, ဒီးမၢ ပှၤလဲၤဆူဃိာ်ပူၤ, ဒ်သိးအကဟဲစိာ်အီၤဆူအအိၣ်လီၤ.-
22 ဒီးတၢ်အခိၣ်တဖၣ်လဲၤဝဲ, ဒီးတထံၣ်န့ၢ်ဘၣ်အီၤလၢဃိာ် ပူၤဘၣ်. ဒီးဟဲက့ၤတဲဖျါထီၣ်ဝဲ, 23 ဒီးစံးဝဲဒၣ်, မ့ၢ်မးပ ထံၣ်ဃိာ်ပူၤကးတံာ်ဃာ်အသးခၢၣ်တနၢၢ်, ဒီးပှၤပၢၤတၢ် တဖၣ်အိၣ်ဆၢထၢၣ်လၢတြဲၤအခီၣ်ထံးလီၤ. ဘၣ်ဆၣ်ဒီး တုၤပအိးထီၣ်ဒီး, ပတထံၣ်န့ၢ်ဘၣ်ပှၤလၢအပူၤနီတဂၤ ဘၣ်. 24 ဒီးပှၤလုၢ်တၢ်အခိၣ်န့ၣ်, ဒီးတၢ်လုၢ်အဟံၣ်အသုး ဖိအခိၣ်, ဒီးပှၤလုၢ်တၢ်အဒိၣ်တဖၣ်, တုၤအနၢ်ဟူတၢ် ကတိၤန့ၣ်ဒီး, အသးဒ့ဒီလၢအဝဲသ့ၣ်အဂ့ၢ်လၢတၢ်အံၤ ကကဲထီၣ်ဝဲလၢမနုၤမနုၤအဂ့ၢ်လီၤ.
25 ဒီးမတၤတဂၤဟဲစံးဘၣ်အီၤ, ကွၢ်ကွၢ်, ပှၤလၢသုပာ် အီၤလၢဃိာ်ပူၤတဖၣ်န့ၣ်, အိၣ်ဆၢထၢၣ်လၢတၢ်လုၢ်အ ဟံၣ်ပူၤ, ဒီးသိၣ်က့ၤသီက့ၤပှၤဂီၢ်မုၢ်လီၤ. 26 တုၤနုၤတစု သုးဖိအခိၣ်, ဒီးတၢ်အခိၣ်တဖၣ်န့ၣ် မ့ၢ်အပျံၤပှၤဂီၢ်မုၢ်အ ဃိဒီး, ဒ်သိးအသုတကွံာ်အီၤလၢလၢၢ်တဂ့ၤဒီး, တမၤ ဆူၣ်ဘၣ်ဒီး, လဲၤဝဲဒီးဟဲက့ၤဆှၢအီၤလီၤ.
27 ဒီးဟဲက့ၤဆှၢအီၤ, ဒီးပာ်လီၤအီၤလၢပှၤသးပှၢ်အအိၣ် ဖှိၣ်အပူၤလီၤ. ဒီးပှၤလုၢ်တၢ်အခိၣ်သံကွၢ်အီၤ, 28 ဒီးစံးဝဲ ဒၣ်, ဒ်သိးသုသုတသိၣ်က့ၤသီက့ၤတၢ်လၢတၢ်အမံၤအံၤ တဂ့ၤဒီး, ပမၤလိာ်သုသပှၢ်ပှၢ်, တမ့ၢ်ဘၣ်ဧါ. ဒီးကွၢ် ကွၢ်, သုမၤပှဲၤထီၣ်ယရူၤၡလ့ၣ်လၢ သုသိၣ်တၢ်သီတၢ်, ဒီးသုပာ်သုသးလၢ သုကဒုးဘၣ်ပှၤကညီတဂၤအံၤအ သွံၣ်လၢပလိၤလီၤ.
29 ဒီးစီၤပ့းတရူးဒီးပှၤတၢ်မၢဖိတဖၣ်န့ၣ်, ကတိၤဆၢတၢ် ဒီးစံးဝဲဒၣ်, ပဘၣ်စူၢ်ယွၤ အါန့ၢ်ပစူၢ်ပှၤကညီ တက့ၢ် လီၤ. 30 ပပၢ်သ့ၣ်အကစၢ်ဒုးဂဲၤဆၢထၢၣ်က့ၤယ့ၣ်ရှူးလၢ သုပျၤထီမၤသံအီၤလၢ ထူၣ်အလိၤလီၤ. 31 အဝဲဒၣ်န့ၣ်, ယွၤပာ်ထီၣ်ထီလၢအစုထွဲဒၣ်ဝဲ, ဒ်သိးအကကဲထီၣ်ပှၤ အခိၣ်, ဒီးပှၤအုၣ်က့ၤခီၣ်က့ၤတၢ်, ဒ်သိးအကဟ့ၣ်တၢ် ပီၢ်ယၢ်လီၤက့ၤအသး, ဒီးတၢ်ပျၢ်တၢ်ဒဲးဘး, လၢအံၣ်စရ့ လးလီၤ. 32 ဒီးပဝဲဒၣ်အံၤ, ပမ့ၢ်အပှၤအုၣ်အသးလၢတၢ် န့ၣ်တဖၣ်အဂ့ၢ်လီၤ. ဒီးသးစီဆှံလၢယွၤဟ့ၣ်လီၤပှၤလၢ အစူၢ်အီၤတဖၣ်န့ၣ်, မ့ၢ်တၢ်အုၣ်အသးစ့ၢ်ကီးလီၤ.
33 ဒီးအဝဲသ့ၣ်နၢ်ဟူတၢ်ဒီးအသးဘၣ်ဘုးတဲာ်, ဒီးကူၣ် ဝဲလၢအကမၤသံအီၤလီၤ.
34 ဒီးပှၤသိၣ်လိတၢ်သိၣ်တၢ်သီ, ပှၤဖၤရံၤၡဲလၢပှၤဂီၢ်မုၢ် ခဲလၢာ်ယူးယီၣ်အီၤ, ကိးဝဲအမံၤလၢစီၤကမၤလ့လးတ ဂၤ, ဂဲၤဆၢထၢၣ်လၢပှၤသးပှၢ်အတၢ်အိၣ်ဖှိၣ်အပူၤ, ဒီး မၤလိာ်ဝဲ ဒ်သိးပှၤကဆှၢထီၣ် ပှၤတၢ်မၢဖိဆူခိတစိၢ် လီၤ. 35 ဒီးစံးဘၣ်အီၤ, ပှၤအံၣ်စရ့လးဖိသ့ၣ်ဧၢ, သုမၤပှၤ အံၤဒ်လဲၣ်ဒ်လဲၣ်န့ၣ်, ပလီၢ်သုသးတက့ၢ်. 36 အဂ့ၢ်ဒ်အံၤ, လၢအနံၤအသီအံၤတချုးဘၣ်ဒံးဘၣ်ဒီး, စီၤသူဒါတဂၤ ဂဲၤဆၢထၢၣ်, ဒီးစံးဝဲဒၣ်လၢသါမ့ၢ်တၢ်, ဒီးပှၤလွံၢ်ကယၤ ဃၣ်ဃၣ်ဘျုးအသးဒီးအီၤလီၤ. ဒီးသံဝဲ, ဒီးဖဲဒၣ်ပှၤလၢ အစူၢ်က့ၤနာ်က့ၤအီၤခဲလၢာ်န့ၣ်, လီၤမုၢ်လီၤဖး, ဒီးတကဲ ထီၣ်ဘၣ်လၢတၢ်နီတမံၤဘၣ်. 37 တၢ်န့ၣ်အလီၢ်ခံဒီး, လၢ ပဆဲးလီၤပမံၤအမုၢ်နံၤတဖၣ်, ပှၤကၤလံၤလါဖိ, စီၤယူဒၤ တဂၤ, ဂဲၤဆၢထၢၣ်ဝဲ, ဒီးလွဲန့ၢ်ပှၤဂီၢ်မုၢ်ဖးဒိၣ်ပိာ်ထီၣ် အခံလီၤ. ဒီးအဝဲန့ၣ်ဟးဂီၤစ့ၢ်ကီး, ဒီးဖဲဒၣ်ပှၤလၢအစူၢ် က့ၤနာ်က့ၤအီၤန့ၣ်, လီၤပြံလီၤပြါဝဲခဲလၢာ်လီၤ.
38 ဒီးခဲကနံၣ်အံၤယစံးဘၣ်သု, ပှၤတဖၣ်အံၤ ဟးဆှဲး အီၤ, ဒီးကအိၣ်ဒၣ်ဝဲတက့ၢ်. အဂ့ၢ်ဒ်အံၤ, တၢ်ကူၣ်တၢ် ဖးဒီးတၢ်မၤအံၤ, မ့ၢ်ကဲထီၣ်လၢပှၤကညီဒီး, ကတုၤဒၣ် တၢ်လၢတၢ်ဟးဂီၤလီၤ. 39 ဘၣ်ဆၣ်ဒီးမ့ၢ်ဘၣ်ဃးဒီးယွၤ ဒီး, သုမၤဟးဂီၤအီၤတသ့ဘၣ်. ဒ်သိးသုသုတကဲထီၣ် ပှၤဒုးတၢ်ဒီးယွၤတဂ့ၤဒီး, ပလီၢ်သုသးတက့ၢ်.
40 ဒီးဒိကနၣ်အကလုၢ်သတးဒီး, ကိးက့ၤပှၤတၢ်မၢဖိဒီး ဖျ့အီၤ, ဒီးမၤလိာ်အီၤ, ဒ်သိးအသုတစံၣ်တဲၤတဲလီၤတၢ် လၢယ့ၣ်ရှူးအမံၤတဂ့ၤ, ဒီးပျၢ်ကွံာ်အီၤလီၤ. 41 မၤသးဒ်န့ၣ်ဒီး မ့ၢ်တၢ်ပာ်အီၤလၢ ပှၤကြၢးဒိးတၢ်မဲာ်ဆှးလၢအမံၤအဃိဒီး, အဝဲသ့ၣ်သူၣ်ခုသးခု, ဒီးဟးထီၣ်ကွံာ်ဝဲလၢသူၣ်က့သးပှၢ် အတၢ်အိၣ်ဖှိၣ်အမဲာ်ညါလီၤ.-
42 ဒီးတဆိတ့ၢ်ဘၣ်ဒီး, သိၣ်က့ၤသီက့ၤတၢ်, ဒီးစံၣ်တဲၤတဲ လီၤယ့ၣ်ရှူးခရံာ်အဂ့ၢ်လၢတၢ်လုၢ်အဟံၣ်ပူၤ, ဒီးတဟံၣ် ဘၣ်တဟံၣ်တဟံၣ်ဘၣ်တဟံၣ်, ကိးမုၢ်နံၤဒဲးလီၤ.