28
1 ဒီးတုၤပပူၤဖျဲးဝံၤဒီး, ပသ့ၣ်ညါလၢပှၤကိးကီးတဖျၢၣ် န့ၣ်လၢမ့းလံတ့ၤလီၤ.
2 ဒီးပှၤအမံၤတဖၣ်မၤဂ့ၤပှၤတဆံး တစှၤဘၣ်. အဂ့ၢ်ဒ်အံၤ, ဆိၣ်ကဲၤမ့ၣ်အူ, ဒီးတူၢ်လိာ်ပှၤခဲ လၢာ်လၢတၢ်ဟဲစူၤဘၣ်ပှၤအဃိ, ဒီးတၢ်ဂိၢ်အဃိလီၤ.
3 ဒီးစီၤပီလူးထၢဖှိၣ်သ့ၣ်မုၣ်ဒ့တကဒိၣ်, ဒီးပာ်ထီၣ်ဝဲ လၢမ့ၣ်အူအဖီခိၣ်ဒီး, ဂုၢ်ပွ့တဘိဟဲထီၣ်လၢတၢ်ကိၢ်ကျါ ဒီးဘံအစုလီၤ.
4 ဒီးတုၤပှၤအမံၤတဖၣ်ထံၣ်တၢ်အဒူတ ဘိအိၣ်လီၤစဲၤလၢအစုလိၤဒီး, စံးလိာ်အသး, ပှၤတဂၤ အံၤမ့ၢ်မးပှၤမၤသံပှၤကညီလီၤ. ပူၤဖျဲးဒီးပီၣ်လဲၣ်နာ်သ က့ဒီး, တၢ်တီန့ၣ်တဒုးမူဘၣ်အီၤဘၣ်.
5 ဘၣ်ဆၣ်ဒီး, တဆ့လီၤကွံာ်တၢ်ဒူဆူမ့ၣ်အူအပူၤ, ဒီးတဘၣ်ဘၣ်တၢ် နီတမံၤဘၣ်.
6 ဒီးအဝဲသ့ၣ်ဆိကမိၣ်လၢအကညိးထီၣ် မ့ၢ်ဂ့ၤ, ကလီၤဃံၤသံမ့ၢ်ဂ့ၤ, တကီၢ်ခါလီၤ. ဘၣ်ဆၣ်ဒီး ခိးကွၢ်ဝဲဃဲးဃဲး, ဒီးထံၣ်ဝဲလၢအတဘၣ်တၢ်နီတမံၤဘၣ် ဒီး, အသးလိၣ်ထီၣ်တမံၤဒၣ်ဒီးစံးဝဲဒၣ်, ပှၤအံၤမ့ၢ်ကစၢ် တဂၤလီၤ.
7 ဒီးအိၣ်ဘူးဒီးအလီၢ်ဖဲန့ၣ် မ့ၢ်ကီးအပဒိၣ်စီၤပီးပျံၤအ ဟီၣ်ခိၣ်, ဒီးအဝဲဒၣ်တူၢ်လိာ်ပှၤ, ဒီးလုၢ်အီၣ်လုၢ်အီပှၤ လၢသၢသီညါကစီဒီလီၤ.
8 ဒီးစီၤပီးပျံၤအပၢ်အိၣ်မံနီၤ ဘၣ်တၢ်ညၣ်ဂိၢ်, ဒီးတၢ်ဟၢဖၢဝံာ်လီၤ. ဒီးစီၤပီလူးလဲၤ နုာ်ဆူအအိၣ်, ဒီးဘါထုကဖၣ်တၢ်, ဒီးပာ်အစုလၢအ လိၤဒီးမၤဘျါက့ၤအီၤလီၤ.
9 တၢ်န့ၣ်တမံၤမၤအသးဒီး, ပှၤဂၤလၢအဘၣ်ဆူးဘၣ်ဆါအိၣ်လၢကီးခိၣ်တဖၣ်ဟဲဝဲ, ဒီးဒိးတၢ်မၤဘျါက့ၤအီၤလီၤ.
10 ဒီးအဝဲသ့ၣ်တဖၣ်န့ၣ်, မၤလၤမၤကပီၤပှၤလၢ တၢ်လၤတၢ်ကပီၤအါမံၤ, ဒီးတုၤ ပဟးထီၣ်ဒီး, ဟ့ၣ်လီၤပှၤလၢတၢ်လၢပမၤအီၤအလီၢ်အိၣ် တဖၣ်န့ၣ်လီၤ.
11 ဒီးသၢလါပူၤကွံာ်ဒီး, ပဟးထီၣ်လၢပှၤအလ့းစၣ်ဒြ့းဖိ အကဘီ, လၢအအိၣ်လၢတၢ်ဂိၢ်အကတီၢ်လၢကီၢ်န့ၣ်အ ပူၤ, ဒီးအပနီၣ်မ့ၢ်မုၢ်ဃါသဃံာ်အဂီၤလီၤ.
12 ဒီးပထိးထီၣ် လၢစူၤရၤကူ, ဒီးပအိၣ်ဖဲန့ၣ်သၢသီလီၤ. ဒီးပဟးထီၣ်ဖဲ န့ၣ်ဒီးပလဲၤတရံးပၢၢ်လၢရ့ကံၤလီၤ.
13 ဒီးတသီပူၤကွံာ်ဒီး, ကလံၤဟဲလၢကလံၤထံးဒီး, မုၢ်ဆ့ၣ်ထီၣ်တနံၤန့ၣ်ပလဲၤ ပၢၢ်လၢပီးတံၤလူးလီၤ.
14 ဖဲန့ၣ်ပထံၣ်န့ၢ်ဒီပုၢ်ဝဲၢ်လၢအဃ့ ကညးပှၤဒ်သိးပကအိၣ်ဒီးအီၤနွံသီလီၤ. ဒီးဒ်န့ၣ်အသိး ပလဲၤတၢ်ဆူရိမ့ၤလီၤ.
15 ဒီးဖဲန့ၣ်, ဒီပုၢ်ဝဲၢ်နၢ်ဟူတၢ်လၢပ ဂ့ၢ်ပကျိၤ, ဒီးဟဲသဂၢၢ်ပှၤဆူအးပံပရူး, ဒီးပှၤတမှံၤအဘျီၣ် သၢဖျၢၣ်လီၤ. အဝဲသ့ၣ်န့ၣ်, စီၤပီလူးထံၣ်ဝဲဒီး, စံးထီၣ်ပ တြၢၤယွၤအဘျုးအဖှိၣ်, ဒီးပာ်အသးခူတလ့ၢ်လီၤ.
16 ဒီးတုၤပဟဲဆူရိမ့ၤအပူၤဒီး, ပှၤသုးဖိတကယၤအခိၣ် ဟ့ၣ်လီၤပှၤဘၣ်စၢဃာ်တဖၣ် ဆူပှၤသုးဖိအလီၢ်န့ၣ်အ ခိၣ်တဂၤအစုပူၤလီၤ. မ့မ့ၢ်တၢ်ဒုးအိၣ် စီၤပီလူးလၢအ လီၢ်တပူၤဒၣ်အိၣ်ဒီးသုးဖိတဂၤလၢအပၢၤအီၤလီၤ.
17 ဒီးတၢ်မၤအသးလၢ သၢနံၤပူၤကွံာ်ဒီး, စီၤပီလူးကိး ဖှိၣ်ပှၤယူဒၤဖိအခိၣ်တဖၣ်လီၤ. ဒီးတုၤအအိၣ်ဖှိၣ်ရိဖှိၣ် ဒီး, အဝဲဒၣ်စံးဘၣ်အီၤ, ပှၤပုၢ်သ့ၣ်ဝဲၢ်သ့ၣ်ဧၢ, ပှၤဂီၢ်မုၢ် မ့ၢ်ဂ့ၤ, ပပၢ်သ့ၣ်အလုၢ်အလၢ်မ့ၢ်ဂ့ၤ, ယတမၤကမၣ် ဘၣ်အီၤနာ်သက့ဒီး, ပှၤယရူၤၡလ့ၣ်ဖိတဖၣ်ဟ့ၣ်လီၤ ယၤဘၣ်စၢဃာ်ဆူပှၤရိမ့ၤဖိအစုပူၤလီၤ.
18 ဒီးအဝဲသ့ၣ်သံ ကွၢ်သံဒိးယၤဒီးတထံၣ်န့ၢ်ဘၣ် တၢ်ကမၣ်လၢအဂ့ၤဘၣ် သံလၢယလိၤဘၣ်ဒီး, အသးအိၣ်လၢအကပျၢ်ယၤလီၤ.-
19 ဘၣ်ဆၣ်ဒီးပှၤယူဒၤဖိတြီတၢ်, ဒီးယဘၣ်ကိးထီၣ်ကဲစၢ် လီၤ. ဘၣ်ဆၣ်ဒီးတမ့ၢ်ဘၣ်လၢယကပာ်တၢ်ကမၣ်လၢ ယပှၤတကလုာ်ဒၣ်ယဲအလိၤဘၣ်.
20 မၤသးဒ်န့ၣ်ဒီး, ဒ် သိးယကထံၣ်ဒီးကတိၤတၢ်ဒီးသုဒီး, ယကိးန့ၢ်သုလီၤ. အဂ့ၢ်ဒ်အံၤ, လၢပှၤအံၣ်စရ့လးဖိအတၢ်မုၢ်လၢ်အဃိဒီး, ယဘၣ်စၢဃာ်ဒီးထးသွဲအံၤလီၤ.
21 ဒီးအဝဲသ့ၣ်စံးဘၣ်အီၤ, လံာ်ဟဲလၢကီၢ်ယူဒၤ လၢန ဂ့ၢ်နကျိၤ, ပတဒိးန့ၢ်ဘၣ်, ဒီးဒီပုၢ်ဝဲၢ်တဖၣ်တဟဲကတိၤ အၢတၢ်လၢနဂ့ၢ်နကျိၤနီတဂၤဘၣ်.
22 မ့ၢ်နာ်သက့ဒ်န့ၣ် ဒီး, နဆိကမိၣ်ဒ်လဲၣ်ဒ်လဲၣ်န့ၣ်, ဂ့ၤလၢပနၢ်ဟူဘၣ်လၢ နၤလီၤ. အဂ့ၢ်ဒ်အံၤ, တၢ်လၢအလုၢ်အလၢ်အံၤ, ပသ့ၣ် ညါလၢပှၤဒုၣ်ဒွဲၣ်အီၤတပူၤလၢ်လၢ်လီၤ.
23 ဒီးအဝဲသ့ၣ်ပာ်အနံၤအသီဒီးအီၤ, ဒီးဟဲဆူအအိၣ်ဝဲ အလီၢ်, အါအါကလဲာ်, ဒီးအဝဲဒၣ်ပာ်ဖျါထီၣ်တၢ်, ဒီးအုၣ်အသးလၢယွၤအဘီအမုၢ်အဂ့ၢ်, ဒီးသနံာ်သန့ၤအ သးလၢစီၤမိၤရှ့အတၢ်သိၣ်တၢ်သီ, ဒီးဝံအကလုၢ်အက ထါဒီး, သဆၣ်ထီၣ်အခံလၢယ့ၣ်ရှူးအဂ့ၢ်အကျိၤ, လၢမုၢ် ဂီၤပၢၢ်လၢမုၢ်ဟါလီၤ.
24 ဒီးတၢ်လၢအစံၣ်တဲၤတဲလီၤတ ဖၣ်န့ၣ်ပှၤတနီၤနီၤစူၢ်က့ၤနာ်က့ၤဝဲ, ဒီးတနီၤနီၤတစူၢ်တ နာ်ဘၣ်ဝဲဘၣ်.
25 ဒီးတဘၣ်လိာ်ဘၣ်အသးဘၣ်, ဒီးဟး ထီၣ်ဝဲတကူၢ်သ့ၣ်လီၤ. ဒီးစီၤပီလူးကတိၤထီၣ်တၢ်က တိၤတထံၣ်, သးစီဆှံန့ၣ်စံးဘၣ်ပပၢ်သ့ၣ်လၢ စီၤယၡါ ယၤဘၣ်ကစီဒီလီၤ.
26 စံးဝဲ,လဲၤဆူပှၤတကလုာ်အံၤအအိၣ်ဒီးစံး,နၢ်ဟူတၢ်ဒီးသုကနၢ်ဟူဒီးသုနၢ်တပၢၢ်ဘၣ်,ကွၢ်တၢ်ဒီးသုကကွၢ်, ဒီးသုတထံၣ်ဘၣ်တၢ်ဘၣ်.
27 အဂ့ၢ်ဒ်အံၤ, ပှၤတကလုာ်အံၤ, ဒ်သိးအသုတထံၣ် တၢ်လၢအမဲာ်,ဒ်သိးအသုတနၢ်ဟူတၢ်လၢအနၢ်,ဒ်သိးအသုတသ့ၣ်ညါတၢ်လၢအသး,ဒ်သိးအသုတဃၣ်လိၤအသး, ဒီးယသုတမၤဘျါ က့ၤအီၤတဂ့ၤဒီး,အသူၣ်အသးဘီၣ်ဝဲ,ဒီးအနူၤဃၢအနၢ်ဃၢ, ဒီးဘံၣ်ဒၣ်အမဲာ်လီၤ.Ref 28.27 ၡါ. ၆း၉
28 မၤသးဒ်န့ၣ်ဒီး သ့ၣ်ညါသုဝဲတက့ၢ်. တၢ်မၢလီၤယွၤ အတၢ်အုၣ်က့ၤခီၣ်က့ၤန့ၣ်ဆူ ပှၤကလုာ်တဖၣ်အအိၣ်, ဒီးအဝဲသ့ၣ်တဖၣ်ကဒိကနၣ်တၢ်လီၤ.
29 ဒီးတုၤအစံးဝဲဒ်န့ၣ်ဒီး, ပှၤယူဒၤဖိဟးထီၣ်ဝဲဒီး တဲး လိာ်ဃိလိာ်အသးဒိၣ်မးလိၤ.
30 ဒီး (စီၤပီလူး) အိၣ်လၢ အဟံၣ်လၢအငါဒၣ်ဝဲအပူၤခံနံၣ်ညါ, ဒီးတူၢ်လိာ်ကယဲၢ် ပှၤလၢအဟဲဆူအအိၣ်ခဲလၢာ်လီၤ.
31 ဒီးစံၣ်တဲၤတဲလီၤ ယွၤအဘီအမုၢ်, ဒီးသိၣ်က့ၤသီက့ၤတၢ်ဘၣ်ဃးဒီးကစၢ် ယ့ၣ်ရှူးခရံာ်အဂ့ၢ်အကျိၤ, လၢအသးခူတလ့ၢ်ဒီဖျၢၣ်ညါ, ဒီးတၢ်တြီအကျဲတအိၣ်ဘၣ်နီတမံၤဘၣ်.