27
1 ဒီးတုၤတၢ်စံၣ်ညီၣ်လၢပဘၣ်ဒိးကဘီဆူ အံၤတလံ ဒီး, တၢ်ဟ့ၣ်လီၤစီၤပီလူး, ဒီးပှၤဘၣ်စၢဃာ်အဂၤတနီၤ နီၤ, ဆူပှၤသုးဖိတကယၤအခိၣ်, အမံၤစီၤယူၤလံ, လၢအ ဘၣ်ဃးဒီးအီကူးစတူးအသုးဖိတဖု, အစုပူၤလီၤ.
2 ဒီး ပှၤသ့းစၤလနံဖိ, လၢအဘၣ်ဃးဒီးမၤက့းဒနံ, စီၤအရံစ တၢ်ဃူးအိၣ်ဒီးပှၤ, ဒီးပဒိးထီၣ်ပှၤအဒြၤမူးတ့ၣ်ဖိအကဘီ, လၢအကလဲၤလၢ အၤစံအသရ့ၤအလီၢ်တဖၣ်န့ၣ်, ဒီးပ ဟးထီၣ်လီၤ.
3 ဒီးမုၢ်ဆ့ၣ်ထီၣ်တနံၤပထိးထီၣ်လၢစံဒိၣ်, ဒီးစီၤယူၤလံမၤစီၤပီလူးလၢတၢ်အဘျုး, ဒီးဒုးလဲၤအီၤဆူ တံၤသကိးတဖၣ်အအိၣ်, ဒ်သိးအကဒိးန့ၢ်အဝဲသ့ၣ်အ တၢ်အံးတၢ်ကွၢ်န့ၣ်လီၤ.
4 ဒီးပဟးထီၣ်ဖဲန့ၣ်, ဒီးကလံၤ တလိၤဘၣ်ဒီး, ပလဲၤလၢကူပြူးအတၢ်တဒၢလီၤ.
5 ဒီးပ လဲၤခီဂာ်ပီၣ်လဲၣ် လၢအဘၣ်ဃးဒီးကံၤလံၤကံ, ဒီးပၣ် ဖူၤလံ, ဒီးပလဲၤပၢၢ်လၢမူရၤလၢအဘၣ်ဃးဒီးလူၤကံန့ၣ် လီၤ.
6 ဒီးဖဲန့ၣ်ပှၤသုးဖိတကယၤအခိၣ်ထံၣ်န့ၢ်ပှၤအလ့း စၣ်ဒြူးဖိအကဘီ, လၢအကလဲၤဆူအံၤတလံတဘ့ၣ်, ဒီး ဒၢနုာ်ပှၤလၢအပူၤလီၤ.
7 ဒီးပလဲၤကဘဲးကဘဲးအါနံၤအါ သီ, ဒီးတုၤကီကီခဲခဲလၢတၢ်အိၣ်သဃီၤဒီးကနံဒူး, ဒီး ကလံၤတြီပှၤဒီး, ပလဲၤလၢကြ့တ့ၤအတၢ်တဒၢ, အိၣ်သ ဃီၤဒီးစၤလမိၣ်လီၤ.
8 ဒီးပလဲၤပူၤကွံာ်ဖဲန့ၣ်ကီကီဒီး, ပ လဲၤပၢၢ်လၢအလီၢ်ကိးဝဲအမံၤလၢတၢ်သန့ဂ့ၤ, အိၣ်ဘူးဝဲ ဒီးဝ့ၢ်လၤစဲလီၤ.
9 ဒီးအိၣ်ယံာ်ယံာ်ဒီး, ဒုၣ်တၢ်အီၣ်တၢ်အီအကတီၢ်ပူၤ ကွံာ်, ဒီးလဲၤတၢ်လၢပီၣ်လဲၣ်ကီကီခဲခဲသတးဒီး, စီၤပီ လူးသိၣ်က့ၤသီက့ၤတၢ်,
10 ဒီးစံးဘၣ်အီၤ, ပှၤကညီသ့ၣ် ဧၢ, ယသ့ၣ်ညါလၢပလဲၤတၢ်လၢပီၣ်လဲၣ်အံၤ, ကအိၣ် ဒီးတၢ်ဟးဂူာ်ဟးဂီၤ, ဒီးတၢ်ဟါမူၤဟါမၢ်အါအါကလဲာ်, ထဲကဘီ, ဒီးတၢ်ဖိတၢ်လံၤဧိၤတမ့ၢ်ဘၣ်, မ့ၢ်လၢပသးတ ဖၣ်စ့ၢ်ကီးလီၤ.
11 ဘၣ်ဆၣ်ဒီးပှၤသုးဖိတကယၤအခိၣ်,နာ် ကဘီခိၣ် ဒီးကဘီကစၢ်အါန့ၢ်တၢ်လၢစီၤပီလူးကတိၤဝဲ တက့ၢ်လီၤ.
12 ဒီးကဘီသန့တမုာ်ဘၣ်လၢအကအိၣ်လၢ တၢ်ဂိၢ်အကတီၢ်န့ၣ်ဘၣ်ဒီး, ပှၤကူၣ်ထီၣ်ဖးလီၤဝဲအါတ က့ၢ်, လၢအကဟးထီၣ်ကွံာ်ဖဲန့ၣ်စ့ၢ်ကီး, ဒီးမ့ၢ်သ့ဒီးက လဲၤတုၤလၢဖံၤနံက့ၤ, ဒ်သိးအကအိၣ်ဖဲန့ၣ်လၢတၢ်ဂိၢ်အ ကတီၢ်လီၤ. မ့ၢ်ကဘီသန့ဘၣ်ဃးဒီးကြ့တ့ၤ, ဒီးကွၢ်ဃီၤ လၢမုၢ်နုာ်ကလံၤစိး, ဒီးမုၢ်နုာ်ကလံၤထံးတခီလီၤ.
13 ဒီးတုၤကလံၤဟဲထီၣ်လၢကလံၤထံးသြီသြီဒီး, ဆိကမိၣ်ဝဲလၢအလဲၤတၢ်ဒ်အကူၣ်ပာ်ဝဲအသိးကသ့သတးဒီး,ထုးထီၣ်နီၣ်သက့ၤ, ဒီးလဲၤဘူးဝဲဒီးကြ့တ့ၤအသရ့ၤလီၤ.-
14 ဘၣ်ဆၣ်ဒီးတယံာ်တမီၢ်ဘၣ်ဒီး, ကလံၤမုၢ်သဝံး, ကိးဝဲ လၢအူၤရကျူဒိၣ်, ဟဲထီၣ်ဘၣ်အီၤလီၤ.
15 ဒီးတုၤကဘီ ဘၣ်ဝဲဒီး, စါကလံၤတသ့ဘၣ်ဒီးပပျဲတၢ်, ဒီးလဲၤထွဲအခံ လီၤ.
16 ဒီးပလဲၤလၢကီးဖိတဖျၢၣ်, ကိးဝဲလၢကျီဒ့ၤ, အက လံၤတဒၢတခီအဖၢမုၢ်ဒီး, ပဟံးန့ၢ်ချံဖိကီမး, ဒီးတုၤပ ထုးထီၣ်န့ၢ်အီၤဝံၤဒီး,
17 မၤဝဲလၢတၢ်မၤစၢၤတဖၣ်သတး ဒီး, ဘံတရံးဃာ်ကဘီလၢလာ်ခီလီၤ. ဒီးဘၣ်ယိၣ်ဝဲလၢ အကတုာ်ထီၣ်ဘၣ်ဖုး လၢမဲးခိၣ်ဒီး, ထုးလီၤကွံာ်ယၢ် လၣ်, ဒီးဒ်န့ၣ်အသိးဘၣ်တၢ်စိာ်အီၤလၢကလံၤလီၤ.
18 ဒီးကဘီကျံာ်ကျုာ် နးနးကလဲာ်ဒီး, မုၢ်ဆ့ၣ်ထီၣ်တ နံၤ, ပှၤတ့ၢ်လီၤကွံာ်တၢ်ဖိတၢ်လံၤလီၤ.
19 ဒီးပှဲၤထီၣ်သၢနံၤ တနံၤန့ၣ်, ပကွံာ်တ့ၢ်ကွံာ်ကဘီအပိးအလီလၢပစုဒၣ်ပ ဝဲလီၤ.
20 ဒီးအါနံၤအါသီအတီၢ်ပူၤန့ၣ်, မုၢ်မ့ၢ်ဂ့ၤ, ဆၣ်ဧိၤ ဖီဧိၤမ့ၢ်ဂ့ၤ, တအိၣ်ဖျါထီၣ်ဘၣ်, ဒီးကလံၤမုၢ်တဆံးတ စှၤဘၣ်န့ၣ်ဘၣ်ပှၤဒီး, ပကတုၤလၢတၢ်အုၣ်က့ၤခီၣ်က့ၤ န့ၣ်, တၢ်မုၢ်လၢ်တအိၣ်လၢၤဘၣ်လ့ၤတက့ၤဘၣ်လီၤ.-
21 ဒီးပှၤတအီၣ်တအီဘၣ်တၢ်ယံာ်ယံာ်ဒီး, စီၤပီလူးဂဲၤဆၢ ထၢၣ်လၢပှၤတဖၣ်န့ၣ်အကျါဒီးစံးဝဲဒၣ်, ပှၤကညီသ့ၣ် ဧၢ, သုဂ့ၤဒိကနၣ်တ့ၢ်ယကလုၢ်, ဒီးတဟးထီၣ်ဘၣ်လၢ ကြ့တ့ၤဘၣ်, ဒီးသုတဘၣ်ဘၣ်တၢ်ဟးဂီၤဒီးတၢ်ဟါမၢ် အံၤဘၣ်လီၤ.
22 ဒီးခဲကနံၣ်အံၤယသဆၣ်ထီၣ်သုခံဒ်သိး သုကပာ်သုသးမုာ်မုာ်လီၤ. အဂ့ၢ်ဒ်အံၤ, သုသးတဟါ မၢ်ဘၣ်နီတဂၤဘၣ်, ကဟးဂီၤထဲကဘီဧိၤလီၤ.
23 အဂ့ၢ်ဒ် အံၤ, ယွၤလၢယမ့ၢ်အတၢ်, ဒီးယမၤအတၢ်, အကလူးတ ဂၤဆၢထၢၣ်လၢယဃၢၤလၢမုၢ်နၤအံၤ,
24 ဒီးစံးဝဲဒၣ်, စီၤ ပီလူးဧၢ, ပျံၤတၢ်တဂ့ၤ, နဘၣ်ဆၢထၢၣ်လၢစီၤပၤကဲစၢ် အမဲာ်ညါလီၤ. ဒီးယွၤဟ့ၣ်လီၤနၤလၢပှၤလၢအဒိးဃုာ် ကဘီဒီးနၤခဲလၢာ်လီၤ.
25 မ်ဒ်န့ၣ်ဒီးပှၤကညီသ့ၣ်ဧၢ, ပာ် သုသးမုာ်မုာ်တက့ၢ်. အဂ့ၢ်ဒ်အံၤ, ယနာ်ယွၤလၢတၢ် ကမၤအသးဒ်အစံးပာ်လၢယၤအသိးန့ၣ်လီၤ.
26 မ့ၢ်နာ်သ က့ဒ်န့ၣ်ဒီးပကတုာ်ထီၣ်လၢကီးတဖျၢၣ်အခိၣ်လီၤ.
27 ဒီးတုၤအနၤပှဲၤထီၣ်တဆံလွံၢ်နၤတနၤဒီး, တၢ်မၤဝ့ၤ ဝီၤပှၤလၢအ့ဒြံအပူၤအဖၢမုၢ်ဒီး, လၢဖးဖီမုၢ်ဃၣ်ဃၣ်န့ၣ်, ပှၤကဘီဖိဆိကမိၣ်လၢအအိၣ်ဘူးထီၣ်ဒီး ကီၢ်တဘ့ၣ် ဘ့ၣ်လီၤ.
28 ဒီးစဲၤလီၤကွၢ်ထံ, ဒီးထံအိၣ်အချံခံဆံ, ဒီး ပူၤကွံာ်ဖဲန့ၣ်တစဲးဖိ, ဒီးစဲၤလီၤကွၢ်ကဒီးထံ, ဒီးထံအိၣ် တဆံယဲၢ်ချံလီၤ.
29 ဒီးဘၣ်ယိာ်လၢအကတုာ်ထီၣ်ဘၣ် ဖုးလၢလၢၢ်ကျါဒီး, တ့ၢ်လီၤနီၣ်သက့ၤလၢကဘီအခံလွံၢ် ဆိ, ဒီးဆၢလၢမုၢ်ကဆ့ၣ်ထီၣ်န့ၣ်လီၤ.
30 ဒီးပှၤကဘီဖိဃုလၢအကဟးသဒၣ်ကွံာ်ကဘီ, ဒီးစဲၤ လီၤချံဖိလၢပီၣ်လဲၣ်ပူၤ, လီၤဂာ်လၢအကစိာ်လီၤနီၣ်သ က့ၤလၢကဘီအခိၣ်တခီ,
31 ဒီးစီၤပီလူးစံးဘၣ်ပှၤသုးဖိ တကယၤအခိၣ်ဒီးပှၤသုးဖိတဖၣ်, ပှၤတဖၣ်အံၤမ့ၢ်တ အိၣ်တဆိးဘၣ်လၢကဘီပူၤဒီး, သုတုၤလၢတၢ်အုၣ်က့ၤ ခီၣ်က့ၤတသ့ဘၣ်.
32 တုၤနုၤတစုပှၤသုးဖိတဖၣ်ကျီတဲာ် ချံဖိအပျံၤ, ဒီးဒုးလီၤတဲာ်ကွံာ်အီၤလီၤ.
33 ဒီးဖဲမုၢ်ကဆ့ၣ်ထီၣ်တ့ၢ်ဒီး, စီၤပီလူးဃ့ကညး ပှၤခဲ လၢာ်ဒ်သိးအကအီၣ်တၢ်, ဒီးစံးဝဲဒၣ်, သုခိးတၢ်ဒီးတ အီၣ်တၢ်နီတမံၤဘၣ်န့ၣ်, အအံၤမ့ၢ်တဆံလွံၢ်နံၤတနံၤ လီၤ.
34 မ်ဒ်န့ၣ်ဒီးယဃ့ကညးသုဒ်သိးသုကအီၣ်တၢ်လီၤ. အဂ့ၢ်ဒ်အံၤ, တၢ်အံၤမ့ၢ်လၢ သုတၢ်အုၣ်က့ၤခီၣ်က့ၤအ ဂီၢ်လီၤ. အဂ့ၢ်ဒ်အံၤ, သုခိၣ်သူတဘိတဟးဂီၤဘၣ်လၢ သုခိၣ်နီတဂၤဘၣ်.
35 ဒီးကတိၤတၢ်ဒ်န့ၣ်ဒီး, ဟံးန့ၢ်ကိၣ်, ဒီးစံးထီၣ်ပတြၢၤ ယွၤအဘျုးအဖှိၣ်လၢပှၤခဲလၢာ်အမဲာ်ညါ, ဒီးစိၢ်ဘျဲးဝဲ, ဒီးအီၣ်တၢ်လီၤ.
36 ဒီးပှၤခဲလၢာ်ပာ်အသးခုၣ်ခုၣ်မုာ်မုာ်, ဒီးအီၣ်တၢ်စ့ၢ်ကီးလီၤ.
37 ဒီးပအိၣ်လၢကဘီပူၤခဲလၢာ်န့ၣ် ပှဲၤထီၣ်ခံကယၤနွံဆံဃုဂၤလီၤ.
38 ဒီးတုၤအအီၣ်ဘျဲးအီၣ် ဒီး, မၤဖှံထီၣ်ကဘီ, ဒီးတ့ၢ်လီၤကွံာ်ဘုဧိၤဟုဧိၤလၢပီၣ် လဲၣ်ပူၤလီၤ.
39 ဒီးတုၤမုၢ်ဆ့ၣ်ထီၣ်ဒီး, ခိန့ၣ်ပှၤတသ့ၣ်ညါဘၣ်ဝဲဘၣ်. ဒီးထံၣ်လၢထံသနၢၣ်ပူၤတပူၤအိၣ်ဒီးအသရ့ၤ, ဒီးမၤမ့ၢ် သ့ဒီးသါကဂုာ်ဒုးနုာ်ကဘီဖဲန့ၣ်လီၤ.
40 ဒီးမၤလီၤကွံာ်နီၣ် သက့ၤဒီးဒုးဟါမၢ်အီၤဆူပီၣ်လဲၣ်ပူၤ, ဒီးတဘျီဃီဃ့ၣ် လီၤနီၣ်ဝံာ်ခံအပျံၤတဖၣ်, ဒီးသလၣ်ထီၣ်ယၢ်လၣ်လၢက လံၤဒီး, လဲၤဝဲဆူခိလီၤ.
41 ဒီးလဲၤဘၣ်ဝဲဖဲသိၣ်ခိၣ်ဖဲထံခံခီ ဘၣ်သဂၢၢ်လိာ်အသးဒီးကဘီတုာ်ထီၣ်ဝဲလီၤ. ဒီးအခိၣ် န့ၣ်အိၣ်ဂၢၢ်ဝဲဒီးတဝးဘၣ်, ဒီးအိၣ်ဝဲလီၤ. မ့မ့ၢ်အခံန့ၣ် လီၤပှီၢ်ကွံာ်ဝဲလၢလပီတဖၣ်ဒိတၢ်ဆူၣ်အဃိလီၤ.
42 ဒီးပှၤ သုးဖိတဖၣ်ဘၣ်ယိၣ်လၢ ပှၤဘၣ်စၢဃာ်တနီၤနီၤကပီၢ် ထံဒီးကပူၤကဖျဲး ဘၣ်ဖုးသတးဒီး, သါကမၤသံအီၤ လီၤ.
43 မ့မ့ၢ်ပှၤသုးဖိတကယၤအခိၣ်န့ၣ်, တၢ်မိၣ်အုၣ်က့ၤ ခီၣ်က့ၤအသးလၢစီၤပီလူးဒီး, တြီဝဲ, ဒီးမၤလိာ်ဝဲလၢပှၤ ပီၢ်ထံသ့တဖၣ်ကစံၣ်လီၤဆိ, ဒီးတုၤလၢခိ,
44 ဒီးပှၤအိၣ် လီၤတဲာ်တနီၤနီၤလၢသ့ၣ်ဘ့ၣ်ဘၣ်အဖီခိၣ်, ဒီးတနီၤနီၤ လၢတၢ်ဘၣ်ဃးဒီးကဘီဟးဂီၤန့ၣ်အဖီခိၣ်လီၤ. မၤဝဲဒ် န့ၣ်ဒီးပှၤတုၤလၢတၢ်အုၣ်က့ၤခီၣ်က့ၤဆူခိခဲလၢာ်လီၤ.