23
1 ဒီးစီၤပီလူး ကွၢ်ပှၤသးပှၢ်အတၢ်အိၣ်ဖှိၣ်လီၤတံၢ်လီၤ ဆဲးဒီးစံးဝဲဒၣ်, ပှၤဒီပုၢ်ဝဲၢ်သ့ၣ်ဧၢ,ယမၤတၢ်အိၣ်ဒီးယသး လၢအသ့ၣ်ညါဒၣ်တၢ်လၢအဂ့ၤဒီဖျၢၣ်ညါလၢယွၤအမဲာ် ညါ,တုၤမုၢ်မဆါတနံၤအံၤလီၤ.
2 ဒီးပှၤလုၢ်တၢ်အခိၣ်, စီၤအနၤနံ, မၤလိာ်ပှၤဆၢထၢၣ် လၢအဃၢၤ,ဒ်သိးအကတီၢ်စီၤပီလူးအထးခိၣ်လီၤ.
3 တုၤနုၤတစုစီၤပီလူး စံးဘၣ်အီၤ,တၢ်ဒူၣ်လၢအဖှူဝါအ သးဧၢ, ယွၤကတီၢ်နၤလီၤ.နဆ့ၣ်နီၤစံၣ်ညီၣ်ယၤဒ် တၢ် သိၣ်တၢ်သီအသိး, ဒီးဖဲအထီဒါတၢ်သိၣ်တၢ်သီအသိး ဒီး,နမၤလိာ်ပှၤကတီၢ်ယၤဧါ.
4 ဒီးပှၤဆၢထၢၣ်လၢအဃၢၤစံးဝဲဒၣ်, နဒုၣ်ဒွဲၣ်ယွၤအ ပှၤလုၢ်တၢ်အခိၣ်ဧါ.
5 ဒီးစီၤပီလူးစံးဝဲဒၣ်, ဒီပုၢ်ဝဲၢ်သ့ၣ်ဧၢ, အဝဲန့ၣ်မ့ၢ်ပှၤလုၢ် တၢ်အခိၣ်ယတသ့ၣ်ညါဘၣ်.အဂ့ၢ်ဒ်အံၤ,တၢ်ကွဲးအသး, သုပဒိၣ်ပပှၢ်န့ၣ်,သုတစံးအၢအီၤတဂ့ၤ.Ref 23.5 ၂မိၤ. ၂၂း၂၈.
6 ဒီးစီၤပီလူးသ့ၣ်ညါလၢပှၤတနီၤနီၤမ့ၢ်ပှၤစးဒူၤကဲ, ဒီး တနီၤမ့ၢ်ပှၤဖၤရံၤၡဲ, ဒီးကိးပသူထီၣ်လၢပှၤသးပှၢ်အတၢ် အိၣ်ဖှိၣ်အပူၤ,ပှၤဒီပုၢ်ဝဲၢ်ဧၢ,ယဲဒၣ်အံၤ, ယမ့ၢ်ပှၤဖၤရံၤၡဲ ဒီးပှၤဖၤရံၤၡဲအဖိခွါလီၤ. လၢတၢ်မုၢ်လၢ်ဒီးပှၤသံဂဲၤဆၢ ထၢၣ်က့ၤအဂ့ၢ်န့ၣ်,ယဘၣ်တၢ်စံၣ်ညီၣ်အံၤလီၤ.
7 ဒီးတုၤအစံးတၢ်န့ၣ်ဒီး, ပှၤဖၤရံၤၡဲဒီး ပှၤစးဒူၤကဲဂ့ၢ်လိာ်ဘှီလိာ်အသး, ဒီးပှၤဂီၢ်မုၢ်လီၤဖးလိာ်အသးလီၤ.-
8 အဂ့ၢ်ဒ်အံၤ,ပှၤစးဒူၤကဲစံးဝဲလၢပှၤသံတဂဲၤဆၢထၢၣ်က့ၤ ဘၣ်. ဒီးပှၤမူခိၣ်ဖိမ့ၢ်ဂ့ၤ, သးမ့ၢ်ဂ့ၤ,တအိၣ်ဘၣ်ဝဲဘၣ်. မ့မ့ၢ်ပှၤဖၤရံၤၡဲန့ၣ်စံးဝဲလၢအအိၣ်ခံမံၤလၢာ်လီၤ.
9 ဒီးပှၤကလာ်ထီၣ်ဖးဒိၣ်, ဒီးပှၤကွဲးလံာ်လၢပှၤဖၤရံၤၡဲ အကျါတဖၣ်, ဂဲၤဆၢထၢၣ်ဒီးတဲးလိာ်ဃိလိာ်အသးဒီး စံးဝဲဒၣ်,ပှၤတဂၤအံၤပတထံၣ်ဘၣ်တၢ်ကမၣ်လၢအလိၤ နီတမံၤဘၣ်. မ့မ့ၢ်သးမ့ၢ်ဂ့ၤ,ကလူးမ့ၢ်ဂ့ၤ,မ့ၢ်ကတိၤတ့ၢ် တၢ်ဒီးအီၤန့ၣ်,Ref မ်ပသုတထီဒါယွၤတဂ့ၤ.
10 ဒီးဂ့ၢ်လိာ်ဘှီလိာ်အသးနးနးကလဲာ်ဒီး,ပှၤသုးဖိတက ထိအခိၣ်န့ၣ် ဘၣ်ယိၣ်လၢအကထုးဆ့ဆိဘၣ်ဖုးစီၤပီ လူး, ဒီးမၤလိာ်ပှၤသုးဖိတဖၣ်ဒ်သိးအကလဲၤလီၤဟံးန့ၢ် ဆူၣ်အီၤလၢတၢ်အသးကံၢ်ပူၤ, ဒီးဟဲဆှၢအီၤဆူပှၤသုးဖိ အဟံၣ်ပူၤလီၤ.
11 ဒီးလၢခံတနၤန့ၣ်, ကစၢ်ဆၢထၢၣ်ဒီးအီၤဒီးစံးဝဲဒၣ်, စီၤပီလူးဧၢ,ပာ်နသးခူတလ့ၢ်တက့ၢ်.အဂ့ၢ်ဒ်အံၤ,ဒ်နအုၣ် နသးလၢယဂီၢ်လၢယရူၤၡလ့ၣ်အပူၤအသိးန့ၣ်, နဘၣ် အုၣ်နသးလၢရိမ့ၤအပူၤဒ်န့ၣ်အသိးလီၤ.
12 ဒီးမုၢ်ဆ့ၣ်ထီၣ်န့ၣ်,ပှၤယူဒၤဖိတနီၤနီၤအၢၣ်လီၤအီလီၤလိာ်အသး,ဒီးဆိၣ်လီၤဒၣ်အသးဒီးစံးဝဲဒၣ်,သါတချုးမၤသံဒံးဘၣ်စီၤပီလူးဒီး,သါတအီၣ်တအီဘၣ်တၢ်ဘၣ်.- ဒီးပှၤအၢၣ်လီၤအီလီၤတၢ်အံၤ, အိၣ်လွံၢ်ဆံအဘျဲၣ်လီၤ.
13 13
14 ဒီးအဝဲသ့ၣ်တဖၣ်လဲၤဝဲဆူပှၤလုၢ်တၢ်အခိၣ်ဒီးပှၤသူၣ်က့ သးပှၢ်အအိၣ်, ဒီးစံးဝဲဒၣ်,ပဆိၣ်လီၤပသးလၢတၢ်ဆိၣ် အၢလၢပတချုးမၤသံဒံးဘၣ်စီၤပီလူးဒီး, ပတအီၣ်ဘၣ် တၢ်ဘၣ်.
15 မၤသးဒ်န့ၣ်ဒီး,ခဲကနံၣ်အံၤ, ပာ်သုသးဒ်သုကသ့ၣ်ညါ အဂ့ၢ်အပီၢ်လီၤတံၢ်လီၤဆဲးတက့ၢ်ဒီး, သုဝဲဒၣ်ဒီးပှၤသူၣ် က့သးပှၢ်တဖၣ်, ဃ့ကညးပှၤသုးဖိတကထိအခိၣ်,ဒ်သိး အကဆှၢလီၤအီၤဆူသုအိၣ်တက့ၢ်. ဒီးတချုးအဟဲဘူးဒံး ဘၣ်ဒီး, ပအိၣ်ကတဲာ်ကတီၤပသး ဒ်သိးပကမၤသံအီၤ လီၤ.
16 ဒီးစီၤပီလူးအဒီပုၢ်ဝဲၢ်မုၣ်အဖိခွါ, နၢ်ဟူလၢတၢ်ခိးခူ သူၣ်, ဒီးလဲၤနုာ်ဝဲဆူပှၤသုးဖိအဟံၣ်, ဒီးစံးဘၣ်တဲဘၣ် စီၤပီလူးလီၤ.
17 ဒီးစီၤပီလူးကိးန့ၢ်ပှၤသုးဖိတကယၤအခိၣ် တဂၤဆူအအိၣ်ဒီးစံးဝဲဒၣ်,ဆှၢပှၤဖိၣ်သၣ်ခွါတဂၤအံၤဆူ ပှၤသုးဖိတကထိအခိၣ်အအိၣ်တက့ၢ်. အဂ့ၢ်ဒ်အံၤ, က တိၤတၢ်ဒီးအီၤအလီၢ်အိၣ်တမံၤလီၤ.
18 မၤသးဒ်န့ၣ်ဒီး,ဟံး န့ၢ်အီၤ, ဒီးဆှၢအီၤဆူပှၤသုးဖိတကထိအခိၣ်အအိၣ်ဒီးစံး ဝဲဒၣ်, ပှၤဘၣ်စၢဃာ်စီၤပီလူးကိးယၤဆူအအိၣ်,ဒီးဃ့က ညးယၤ ဒ်သိးယကဆှၢပှၤဖိၣ်သၣ်ခွါတဂၤအံၤဆူနအိၣ်, လၢအကတိၤတၢ်ဒီးနၤအလီၢ်အိၣ်တမံၤလီၤ.
19 ဒီးပှၤသုးဖိတကထိအခိၣ်န့ၣ်ဟံးန့ၢ်အစု, ဒီးဆှၢအီၤ ဆူတၢ်တဒၢ, ဒီးသံကွၢ်အီၤ,တၢ်လၢနကစံးဘၣ်တဲဘၣ် ယၤန့ၣ်,မ့ၢ်တၢ်မနုၤတမံၤလဲၣ်.
20 ဒီးစံးဝဲဒၣ်,ပှၤယူဒၤဖိတ ဖၣ်အၢၣ်လီၤအီလီၤလၢအကဃ့နၤ, ဒ်သိးနကဆှၢလီၤ စီၤပီလူးဆူပှၤသးပှၢ်အတၢ်အိၣ်ဖှိၣ်အပူၤ, ခဲဂီၤကိာ်, ဒီး ပာ်အသး ဒ်သိးအသါကသံကွၢ်သံဒိးအီၤလီၤတံၢ်လီၤ ဆဲးတက့ၢ်လီၤ.
21 မၤသးဒ်န့ၣ်ဒီးသုတအၢၣ်လီၤအီလီၤ အီၤတဂ့ၤ. အဂ့ၢ်ဒ်အံၤ,ပှၤခိးအကျဲဒီးဆိၣ်လီၤအသးလၢ အတချုးမၤသံဒံးဘၣ်အီၤဒီး, သါတအီၣ်တအီဘၣ်တၢ် ဘၣ်,အိၣ်ဝဲလွံၢ်ဆံဂၤအဘျဲၣ်လီၤ. ဒီးခဲကနံၣ်အံၤအိၣ် ကတဲာ်ကတီၤအသးတကူၢ်သ့ၣ်, ဒီးကွၢ်လၢ်နကအၢၣ် လီၤအီလီၤတၢ်အကျဲလီၤ.
22 မၤသးဒ်န့ၣ်ဒီးပှၤသုးဖိတက ထိအခိၣ်ပျၢ်ပှၤဖိၣ်သၣ်ခွါ,ဒီးမၤလိာ်ဝဲ,နသုတစံးဘၣ်တဲ ဘၣ်ပှၤလၢနစံးဘၣ်ယၤတဖၣ်အံၤ,နီတဂၤတဂ့ၤ.
23 ဒီးပှၤ သုးဖိတကထိအခိၣ်ကိးန့ၢ်ပှၤသုးဖိတကယၤအခိၣ်ခံဂၤ ဆူအအိၣ်ဒီးစံးဝဲဒၣ်, ခဲမုၢ်နၤလၢသၢနၣ်ရံၣ်, ဒ်သိးနက လဲၤဆူကဲၤစါရံၤဒီး, ကတဲာ်ကတီၤပှၤသုးဖိခံကယၤ,ဒီး ပှၤကသ့ၣ်သုးနွံဆံ,ဒီးပှၤဘီသုးခံကယၤ,
24 ဒီးမ်အဟံးန့ၢ် ဆၣ်ဖိကီၢ်ဖိတဒု,လၢအကဒုးဒိးစီၤပီလူး, ဒီးဆှၢအီၤကစီ ဒီဆူပဒိၣ်ဖးဒိၣ်,စီၤဖ့လံးအအိၣ်တက့ၢ်.
25 ဒီးကွဲးလံာ်ဟ့ၣ်ယုၢ်ဒ်အံၤ, ယၤစီၤကျီၤဒံလူၤ စံစံးဘၣ် နၤ, တၢ်ဒိၣ်ကစၢ်,ပဒိၣ်ဖးဒိၣ်စီၤဖ့လံးဧၢ,မ်နအိၣ်ခုၣ်အိၣ် မုာ်တက့ၢ်.
26 ပှၤတဂၤအံၤ,ပှၤယူဒၤဖိဟံးဃာ်အီၤ, ဒီးက မၤသံတ့ၢ်အီၤ,
27 ဒီးယနၢ်ဟူလၢအမ့ၢ်ပှၤရိမ့ၤဖိဒီး,ယလဲၤ ဒီးသုးဖိတဖၣ်,ဒီးယထုးထီၣ်ကွံာ်အီၤလီၤ.
28 ဒီးမ့ၢ်အပာ် တၢ်ကမၣ်လၢအလိၤဒ်လဲၣ်ဒ်လဲၣ်အဂ့ၢ်န့ၣ်, တၢ်မိၣ်သ့ၣ် ညါယသးဒီး, ယလဲၤစိာ်အီၤဆူအပှၤသးပှၢ်အတၢ်အိၣ် ဖှိၣ်အပူၤလီၤ.
29 ဒီးယထံၣ်န့ၢ်တၢ်ပာ်တၢ်ကမၣ်လၢအ လိၤန့ၣ်, ဘၣ်ဃးဒီးတၢ်သံကွၢ်လၢအဝဲသ့ၣ်အတၢ်သိၣ် တၢ်သီအဂ့ၢ်, ဒီးတမ့ၢ်ဘၣ်တၢ်ဂ့ၤဘၣ်သံမ့ၢ်ဂ့ၤ, ဘၣ်စၢ ဃာ်မ့ၢ်ဂ့ၤ,နီတမံၤဘၣ်.
30 ဒီးယနၢ်ဟူလၢတၢ်ကူၣ်အၢပှၤ တဂၤန့ၣ်ဘူးဒီးအကကဲထီၣ်ဝဲဒီး, ယမၢအလဲၤဆူနအိၣ် တကီၢ်ခါ, ဒီးယမၤလိာ်ပှၤပာ်တၢ်ကမၣ်လၢအလိၤတဖၣ် ဒ်သိးအကစံးဘၣ်နၤလၢ တၢ်ဘၣ်ဃးဒီးအီၤလီၤ.မ်နအိၣ် ဆူၣ်အိၣ်ချ့တက့ၢ်.
31 မၤသးဒ်န့ၣ်ဒီးပှၤသုးဖိတဖၣ်, ဒ်တၢ်မၤလိာ်အီၤအသိး န့ၣ်,ဟံးန့ၢ်စီၤပီလူးလၢမုၢ်နၤဒီးဆှၢအီၤဆူအၣ်တံၤပၤတြံ လီၤ.
32 ဒီးလၢမုၢ်ဆ့ၣ်ထီၣ်တနံၤန့ၣ်က့ၤက့ၤဝဲဆူပှၤသုးဖိ အဟံၣ်ပူၤ, ဒီးပာ်လီၤတဲာ်ကသ့ၣ်သုးဒ်သိးအဝဲသ့ၣ်က လဲၤဒီးအီၤလီၤ.
33 အဝဲတဖၣ်န့ၣ်လဲၤပၢၢ်လၢကဲၤစါရံၤ,ဒီး ဟ့ၣ်လီၤလံာ်လၢပဒိၣ်ဖးဒိၣ်အစုပူၤ, ဒီးပာ်လီၤစီၤပီလူး လၢအမဲာ်ညါလီၤ.
34 ဒီးRef ပဒိၣ်ဖးဒိၣ်ဖးလံာ်,ဒီးသံကွၢ်ဝဲ, မ့ၢ်အဘၣ်ဃးဒီးကီၢ်မနုၤတဘ့ၣ်လဲၣ်. ဒီးတုၤအသ့ၣ်ညါ လၢအဘၣ်ဃးဒီးကီၢ်ကံၤလံၤကံဒီး,
35 စံးဝဲဒၣ်,တုၤပှၤပာ် တၢ်ကမၣ်လၢနလိၤဟဲတုၤဒီး, ယကနၢ်ဟူနကလုၢ်လီၤ. ဒီးမၤလိာ်ဝဲလၢပှၤကပၢၤအီၤလၢ စီၤဟ့ၤရိာ်အဟံၣ်ပူၤ လီၤ.