18
1 တၢ်န့ၣ်တဖၣ်အလီၢ်ခံဒီး, စီၤပီလူးဟးထီၣ်လၢ အၤ သ့ၣ်, ဒီးလဲၤဝဲဆူကရံၣ်သူးလီၤ.
2 ဒီးထံၣ်န့ၢ်ပှၤယူဒၤဖိ အိၣ်ဖျဲၣ်လၢပီၣ်တူး, အမံၤမ့ၢ်စီၤအကူလၤတဂၤ, ဟဲတုၤ သီဒီးအမါနီၢ်ပြံစကံးလၤလၢအံၤတလံ, အဂ့ၢ်ဒ်အံၤ, စီၤ ပၤကျီၤဒံမၤလိာ်လၢ ပှၤယူဒၤဖိဘၣ်ဟးထီၣ်လၢရိမ့ၤအ ပူၤလီၤ. ဒီးလဲၤနုာ်ဝဲဆူအအိၣ်လီၤ.
3 ဒီးမ့ၢ်အမၤတၢ်သ့ တမံၤဃီသတးဒီး, အိၣ်ဝဲဆိးဝဲဒီးအီၤဒီးမၤတၢ်လီၤ. အ ဂ့ၢ်ဒ်အံၤ, မ့ၢ်ပှၤမၤတၢ်ဖိလၢအဆးဒဲလီၤ.
4 ဒီးတဲးလိာ် ဃိလိာ်တၢ်လၢဘူၣ်ဘျီၣ်ပူၤကိးမုၢ်အိၣ်ဘှံးအနံၤဒဲး, ဒီး သဆၣ်ထီၣ်ပှၤယူဒၤဖိဒီးပှၤဟ့းလ့ၣ်ဖိအခံလီၤ.
5 ဒီးတုၤစီၤစံလၤ, ဒီးစီၤတံၤမသ့းဟဲတုၤလၢမၤက့းဒနံ ဒီး, စီၤပီလူးအသးပှဲၤထီၣ်ဒီးတၢ်အကလုၢ်အကထါ, ဒီး အုၣ်အသးလၢယ့ၣ်ရှူးမ့ၢ်ခရံာ်, လၢပှၤယူဒၤဖိအမဲာ်ညါ လီၤ.
6 ဒီးတုၤအဝဲသ့ၣ်တြီဃာ်တၢ်, ဒီးဒုၣ်ဒွဲၣ်တၢ်ဒီး, စီၤပီလူးတြုၤအကူအသိးဒီးစံးဘၣ်အီၤ, မ်သုသွံၣ်ဘၣ် လၢသုခိၣ်ဒၣ်သုဝဲတက့ၢ်. ယကဆှီယဲဒၣ်လီၤ. တုၤအံၤ ဆူညါဒီး, ယကလဲၤဆူပှၤကလုာ်တဖၣ်အအိၣ်လီၤ.
7 ဒီးဟးဝဲဖဲန့ၣ်, ဒီးလဲၤဆူပှၤလၢအယူးယီၣ်ယွၤ, အမံၤ မ့ၢ်စီၤယူစတူးအဟံၣ်ပူၤလီၤ. အဟံၣ်န့ၣ်အိၣ်ဘူးဝဲဒီး, ဘူၣ်ဘျီၣ်န့ၣ်လီၤ.
8 ဒီးပှၤဘူၣ်ဘျီၣ်အခိၣ်, စီၤကြံစပူး ဒီးအဟံၣ်ဖိခဲလၢာ်စူၢ်က့ၤနာ်က့ၤကစၢ်လီၤ. ဒီးပှၤကရံၣ် သူးဖိအါဂၤနၢ်ဟူတၢ်, ဒီးစူၢ်က့ၤနာ်က့ၤဝဲ, ဒီးဒိးဘျၢ* အသးလီၤ.
9 ဒီးကစၢ်စံးဘၣ်စီၤပီလူးလၢမုၢ်နၤလၢတၢ်ထံၣ်တၢ်လၢ ညါခီအပူၤ, ပျံၤတၢ်တဂ့ၤ, မ့မ့ၢ်ကတိၤတၢ်တက့ၢ်. ဒီး အိၣ်ဘှီၣ်ကလာ်တဂ့ၤ.
10 အဂ့ၢ်ဒ်အံၤ, ယဲဒၣ်အံၤယအိၣ် ဒီးနၤ, ဒီးပှၤတမၤဘၣ်နၤ ဒ်သိးအကမၤအၢနၤနီတဂၤ ဘၣ်. အဂ့ၢ်ဒ်အံၤ, ယပှၤအါဂၤအိၣ်လၢဝ့ၢ်တဖျၢၣ်အံၤ အပူၤလီၤ.
11 ဒီးသိၣ်က့ၤသီက့ၤတၢ်လၢအကျါလၢယွၤ အကလုၢ်အကထါ, ဒီးအိၣ်ဝဲဖဲန့ၣ်တနံၣ်ဒီးဃုလါလီၤ.
12 ဒီးဖဲစီၤကးလံၤအိၣ်ကဲပဒိၣ်ဖးဒိၣ်လၢ အဃါယၤဒီး, ပှၤယူဒၤဖိပာ်အသးတဖျၢၣ်ဃီဒီး ဟံးဃာ်စီၤပီလူး, ဒီး ဆှၢအီၤဆူစံၣ်ညီၣ်ကွီၢ်အလီၢ်ပစိာ်အမဲာ်ညါ,
13 ဒီးစံးဝဲ ဒၣ်, အအံၤတဂၤမၢပှၤကညီဘူၣ်ထီၣ်ဘါထီၣ်ကစၢ်, ထီ ဒါတၢ်သိၣ်တၢ်သီန့ၣ်လီၤ.
14 ဒီးဖဲစီၤပီလူး အသါကအဲးထီၣ်အထးခိၣ်ဒီး, စီၤကး လံၤအိၣ်စံးဘၣ်ပှၤယူဒၤဖိ, ပှၤယူဒၤဖိသ့ၣ်ဧၢ, တၢ်တ တီတလိၤ, တၢ်အၢတၢ်သီမ့ၢ်အိၣ်ဒီး, ကြၢးလၢယဝံသး စူၤသုလီၤ.
15 ဘၣ်ဆၣ်ဒီးမ့မ့ၢ်တၢ်သံကွၢ်လၢတၢ်ကတိၤ အဂ့ၢ်, ဒီးတၢ်အမံၤအသၣ်အဂ့ၢ်, ဒီးသုတၢ်သိၣ်တၢ်သီ အဂ့ၢ်ဒီး, ကွၢ်ဒၣ်သုဝဲတက့ၢ်. အဂ့ၢ်ဒ်အံၤ, တၢ်ဒ်န့ၣ် သိးတဖၣ်, ယတစံၣ်ညီၣ်ဘၣ်ယဲဘၣ်.
16 ဒီးဟီထီၣ်ကွံာ် အီၤလၢစံၣ်ညီၣ်ကွီၢ်လီၢ်ပစိာ်အမဲာ်ညါလီၤ.
17 ဒီးပှၤခဲလၢာ်ဟံးဃာ်ပှၤဘူၣ်ဘျီၣ်အခိၣ် စီၤစိၤစသ့ၣ်, ဒီးတီၢ်အီၤလၢစံၣ်ညီၣ်ကွီၢ်အလီၢ်ပစိာ်အမဲာ်ညါလီၤ. ဒီး စီၤကးလံၤအိၣ်တပးကဲဘၣ်တၢ်န့ၣ်လၢတၢ်နီတမံၤဘၣ်.
18 ဒီးစီၤပီလူးအိၣ်ဒံးအါနံၤအါသီဝံၤဒီး, ဟးဖးဒီးပှၤဒီပုၢ် ဝဲၢ်, ဒီးလဲၤဒိးကဘီဆူစူၤရံ, ဒီးနီၢ်ပြံစကံးလၤ, ဒီးစီၤ အကူလၤအိၣ်ဒီးအီၤ, ဒီးလူၤအခိၣ်လၢက့ၣ်ဃရ့း, လၢ အအိၣ်ဒီးတၢ်ဆိၣ်အဃိန့ၣ်လီၤ.
19 ဒီးလဲၤတုၤဝဲလၢအ့း ဖ့းစူး, ဒီးပာ်လီၤတဲာ်အဝဲသ့ၣ်ဖဲန့ၣ်လီၤ. မ့မ့ၢ်အကစၢ်ဒၣ် ဝဲန့ၣ်လဲၤနုာ်ဆူဘူၣ်ဘျီၣ်ပူၤ, ဒီးတဲးလိာ်ဃိလိာ်တၢ်ဒီးပှၤ ယူဒၤဖိလီၤ.
20 ဒီးအဝဲသ့ၣ်တဖၣ်န့ၣ်ဃ့ကညးအီၤလၢအ ကအိၣ်ဝဲဆိးဝဲဒီးအီၤ ယံာ်န့ၢ်အန့ၣ်တက့ၢ်ဒီး, တအၢၣ် လီၤဘၣ်ဝဲဘၣ်.
21 မ့မ့ၢ်ကတိၤဒိၣ်အီၤဝံၤဒီးစံးဝဲဒၣ်, ဘူၣ် လၢအကဘၣ်တ့ၢ်န့ၣ်, ယဘၣ်လဲၤမၤလၢယရူၤၡလ့ၣ်အ ပူၤသပှၢ်တၢၢ်လီၤ. ဘၣ်ဆၣ်ဒီးမ့ၢ်ဘၣ်ယွၤအသးဒီး, ယ ကဟဲအိၣ်သကိးကဒီးသုတစုလီၤ. ဒီးဒိးထီၣ်ကဘီ, ဒီး ဟးထီၣ်ကွံာ်လၢအ့းဖ့းစူးအပူၤလီၤ.
22 ဒီးထိးထီၣ်လၢ ကဲၤစါရံၤ, ဒီးလဲၤထီၣ်ကတိၤဒိၣ်တၢ်အိၣ်ဖှိၣ်ဝံၤဒီး, လဲၤ လီၤဆူအၣ်တံၤအီာ်လီၤ.
23 ဒီးမၤတၢ်ဖဲန့ၣ်တစိၢ်တလီၢ် ဒီး, ဟးဝဲ, ဒီးလဲၤခီဂာ်ကီၢ်ကလၤတံ, ဒီးဖြူၤကံကွ့ၢ်ကွ့ၢ်, ဒီးမၤဆူၣ်ထီၣ်အပျဲၢ်အဘီၣ်ခဲလၢာ်အဂံၢ်အဘါလီၤ.
24 ဒီးမတၤတဂၤ လၢအသ့ကတိၤတၢ်, လၢအသ့တၢ် ကွဲးအသးတဖၣ်, ပှၤယူဒၤဖိလၢအအိၣ်ဖျဲၣ်လၢဝ့ၢ်အလ့း စၣ်ဒြူးအပူၤ, အမံၤမ့ၢ်စီၤအပီးလိၤတဂၤ, ဟဲတုၤလၢအ့း ဖ့းစူးလီၤ.
25 အဝဲဒၣ်န့ၣ်မၤလိတ့ၢ်ကစၢ်အကျဲ, ဒီးအသး ဂုၤမၤတၢ်သတးဒီး, စံၣ်တဲၤတဲလီၤ, ဒီးသိၣ်က့ၤသီက့ၤ တၢ်လၢကစၢ်အဂ့ၢ် လီၤတံၢ်လီၤဆဲးလီၤ. ဘၣ်ဆၣ်ဒီး သ့ၣ်ညါထဲစီၤယိၤဟၣ်အတၢ်ဘျၢ*န့ၣ်ဧိၤလီၤ.
26 အဝဲဒၣ် န့ၣ်ကတိၤတၢ်ခူတလ့ၢ်လၢဘူၣ်ဘျီၣ်ပူၤ, ဒီးတုၤစီၤအကူ လၤဒီးနီၢ်ပြံစကံးလၤနၢ်ဟူဝဲဒီး, ဟံးန့ၢ်အီၤ, ဒီးဒုးနဲၣ် အီၤလၢယွၤအကျဲလီၤတံၢ်န့ၢ်အလီၢ်တက့ၢ်လီၤ.
27 ဒီးတုၤ အသးအိၣ်လၢအကလဲၤဆူအဃါယၤဒီး, ပှၤဒီပုၢ်ဝဲၢ်ကွဲး တၢ်, ဒီးသဆၣ်ထီၣ်အပျဲၢ်အဘီၣ်အခံ, ဒ်သိးအကတူၢ် လိာ်အီၤလီၤ. ဒီးအဝဲဒၣ်န့ၣ်လဲၤတုၤဝဲဒီးမၤစၢၤပှၤလၢအ စူၢ်က့ၤနာ်က့ၤတၢ်လၢ တၢ်ဘျုးတၢ်ဖှိၣ်အဃိတဖၣ်န့ၣ် ဒိၣ်မးလီၤ.
28 အဂ့ၢ်ဒ်အံၤ, မၤဃၣ်ပှၤယူဒၤဖိအတၢ်က တိၤလၢအစိအကမီၤအိၣ်ဖျါဝဲ, ဒီးဒုးနဲၣ်ဝဲလၢတၢ်ကွဲးအ သးတဖၣ်အပူၤ, လၢယ့ၣ်ရှူးမ့ၢ်ခရံာ်လီၤ.