15
1 ဒီးပှၤဟဲလီၤတနီၤနီၤလၢကီၢ်ယူဒၤ, ဒီးသိၣ်က့ၤသီက့ၤ ဒီပုၢ်ဝဲၢ်လၢ သုမ့ၢ်တဒိးဘၣ်တၢ်ကူးတရံး, ဒ်စီၤမိၤရှ့အ လုၢ်အလၢ်အသိးဘၣ်ဒီး, သုတုၤလၢတၢ်အုၣ်က့ၤခီၣ်က့ၤ တသ့ဘၣ်လီၤ.
2 မၤသးဒ်န့ၣ်ဒီး, တၢ်မၤအသးလၢစီၤပီ လူး, ဒီးစီၤဘၢ်နါဘၤဂုာ်တြီတၢ်, ဒီးတဲးလိာ်ဃိလိာ် တၢ်ဒီးအီၤတဆံးတစှၤဘၣ်. ဒီးပှၤစံၣ်ညီၣ်ဝဲလၢစီၤပီလူး, ဒီးစီၤဘၢ်နါဘၤ, ဒီးပှၤအဂၤလၢအကျါတနီၤနီၤ, ဘၣ် လဲၤထီၣ်ဆူပှၤတၢ်မၢဖိတဖၣ်, ဒီးပှၤသူၣ်က့သးပှၢ်တဖၣ် အိၣ်လၢယရူၤၡလ့ၣ်အပူၤ, လၢတၢ်သံကွၢ်အံၤအဂ့ၢ်အ ကျိၤလီၤ.
3 မၤသးဒ်န့ၣ်ဒီး အဝဲသ့ၣ်ဘၣ်တၢ်မၢအီၤလၢ တၢ်အိၣ် ဖှိၣ်ဒီးလဲၤခီဂာ်ဖံၤနံက့ၤ, ဒီးၡၤမရံ, ဒီးစံၣ်တဲၤတဲလီၤဝဲ လၢပှၤကလုာ်တဖၣ်ဃၣ်လိၤက့ၤအသးအဂ့ၢ်ဒီး, ဒုးသူၣ် ခုသးခုဒီပုၢ်ဝဲၢ်ခဲလၢာ်ဒိၣ်မးလီၤ.
4 ဒီးတုၤအတုၤလၢယရူၤၡလ့ၣ်ဒီး, တၢ်အိၣ်ဖှိၣ်, ဒီးပှၤ တၢ်မၢဖိ, ဒီးပှၤသူၣ်က့သးပှၢ်တဖၣ်န့ၣ်တူၢ်လိာ်အီၤ, ဒီး အဝဲသ့ၣ်စံးဘၣ်တဲဘၣ်တၢ် ဖဲဒၣ်တၢ်လၢယွၤမၤတၢ်လၢ အစုပူၤန့ၣ်လီၤ.
5 ဒီးပှၤစုတလီၤဃုာ်ပှၤဖၤရံၤၡဲ, လၢအ စူၢ်က့ၤနာ်က့ၤတၢ်အကျါတနီၤနီၤ, ဂဲၤဆၢထၢၣ်ဒီးစံးဝဲ ဒၣ်, ပဘၣ်ကူးတရံးအီၤဒီး မၤလိာ်အီၤဒ်သိးအကတိၢ် န့ၢ်စီၤမိၤရှ့အတၢ်သိၣ်တၢ်သီလီၤ.
6 ဒီးပှၤတၢ်မၢဖိဒီးပှၤသူၣ်က့သးပှၢ်တဖၣ်န့ၣ်, အိၣ်ဖှိၣ် ရိဖှိၣ်ဒ်သိး အကကွၢ်ဆိကမိၣ်တၢ်န့ၣ်တမံၤအဂ့ၢ်အကျိၤ လီၤ.
7 ဒီးပှၤတဲးလိာ်ဃိလိာ်အသးလၢအအါဝံၤဒီး, စီၤ ပ့းတရူးဂဲၤဆၢထၢၣ်ဒီးစံးဝဲဒၣ်, ပှၤပုၢ်သ့ၣ်ဝဲၢ်သ့ၣ်ဧၢ, သု သ့ၣ်ညါသုဝဲလၢ ယွၤဃုထၢတၢ်လၢပကျါ လၢထံးလၢ သီ, လၢပှၤကလုာ်တဖၣ်ကနၢ်ဟူတၢ်သးခုအကစီၣ်အ ကလုၢ်အကထါ လၢယထးခိၣ်, ဒီးစူၢ်က့ၤနာ်က့ၤတၢ် လီၤ.
8 ဒီးယွၤလၢအသ့ၣ်ညါပှၤသူၣ်ပှၤသး, ဟ့ၣ်လီၤအီၤ လၢသးစီဆှံ ဒ်အဟ့ၣ်လီၤလၢပဝဲဒၣ်အသိး သတးဒီး, အုၣ်အသး လၢအဂီၢ်လီၤ.
9 ဒီးသ့စီကွံာ်အသူၣ်အသး လၢတၢ်နာ်, ဒီးတပာ်လီၤဆီဝဲဒီးပှၤဘၣ်.
10 မၤသးဒ်န့ၣ်ဒီးခဲကနံၣ်အံၤ ဘၣ်မနုၤလၢသုလ့ပစီယွၤ လၢသုပာ်ထီၣ်နီၣ်ယိးဘိလၢ အပျဲၢ်အဘီၣ်အကိာ်ကျးခံ လၢပပၢ်သ့ၣ်မ့ၢ်ဂ့ၤ, ပဝဲဒၣ်အံၤမ့ၢ်ဂ့ၤ, ယိးတသ့ဘၣ် လဲၣ်.
11 ဘၣ်ဆၣ်ဒီး, ပနာ်လၢပကတုၤလၢတၢ်အုၣ်က့ၤ ခီၣ်က့ၤလၢကစၢ်ယ့ၣ်ရှူးအဘျုးအဖှိၣ်အဃိ ဒ်အဝဲသ့ၣ် အသိးစ့ၢ်ကီးလီၤ.
12 ဒီးပှၤဂီၢ်မုၢ်ခဲလၢာ်အိၣ်ဘှီၣ်ကလာ်, ဒီးကနၣ်စီၤဘၢ် နါဘၤဒီးစီၤပီလူးစံၣ်တဲၤတဲလီၤတၢ်ပနီၣ်လီၤလး, ဒီးတၢ် လီၤလိၢ်တၢ်လီၤလး လၢယွၤမၤဝဲလၢအစုပူၤ လၢပှၤက လုာ်တဖၣ်အကျါလီၤ.
13 ဒီးအဝဲသ့ၣ် အိၣ်ဘှီၣ်ဝဲဝံၤဒီး, စီၤယၤကိာ်ကတိၤဆၢတၢ်ဒီးစံးဝဲဒၣ်, ပှၤပုၢ်သ့ၣ်ဝဲၢ်သ့ၣ် ဧၢ, ကနၣ်ယကလုၢ်တက့ၢ်.
14 စီၤၡံမိၣ်စံးဃဲၤတၢ်လၢ ယွၤလၢသီန့ၣ်, အိၣ်သကိးပှၤကလုာ်တဖၣ်ဒ်သိးအက ဟံးန့ၢ်ပှၤတကလုာ်လၢအမံၤအဂီၢ်လီၤ.
15 ဒီးတၢ်န့ၣ်တ ဖၣ်လီၤပလိာ်လၢဝံအတၢ်ကတိၤ, ဒ်အကွဲးဝဲအသိး,-
16 ဒ်သိးပှၤကညီလၢအအိၣ်လီၤတဲာ်,ဒီးကယဲၢ်ပှၤကလုာ်တဖၣ်လၢတၢ်ကိးထီၣ်ယမံၤ လၢအလိၤတဖၣ်မုန့ၣ်, ကဃုန့ၢ်ယွၤဒီး,
17 လၢတၢ်အံၤအလီၢ်ခံန့ၣ်, ယကဟဲက့ၤ, ဒီးယကမၤက့ၤစီၤဒၤဝံးအဒဲလၢအလီၤပှီၢ်, ဒီးအတၢ်လီၤပှီၢ်န့ၣ်ယကမၤက့ၤ, ဒီးယကမၤထီၣ်အီၤထူၣ်ကလာ်လီၤ.-
18 ကစၢ်လၢအမၤတၢ်အံၤတဖၣ်ခဲလၢာ်, စံးဝဲဒၣ်လီၤ.Ref ဧၤ.
15.18 ၉း၁၁,၁၂.
19 လၢတၢ်လီၤထူလီၤယိာ်န့ၣ်, ယွၤသ့ၣ်ညါပာ်အတၢ် မၤခဲလၢာ်လီၤ. မၤသးဒ်န့ၣ်ဒီး ပှၤကလုာ်တဖၣ်လၢအ ဃၣ်ဃီၤအသးဆူယွၤအအိၣ်န့ၣ်, ယစံၣ်ညီၣ်အီၤလၢပ သုတမၤတံာ်တာ်အီၤတဂ့ၤ.
20 ဘၣ်ဆၣ်ဒီးပကကွဲးဟ့ၣ် ယုၢ်အလံာ်, လၢအဘၣ်ဟးဆှဲးတၢ်ဂီၤအတၢ်ဘၣ်အၢ, ဒီးတၢ်မၤထွဲသးကလုာ်ကလိၤအခံ, ဒီးတၢ်လၢတၢ်စံၢ်သံ အီၤ, ဒီးတၢ်အသွံၣ်တဖၣ်လီၤ.
21 အဂ့ၢ်ဒ်အံၤ, လၢအစိၤ အဃၣ်လၢပျၢၤန့ၣ် ပှၤဖးလံာ်စီၤမိၤရှ့လၢဘူၣ်ဘျီၣ်ပူၤကိး မုၢ်အိၣ်ဘှံးအနံၤဒဲး, ဒီးစံၣ်တဲၤတဲလီၤအီၤလၢဝ့ၢ်ကိးဖျၢၣ် ဒဲးလီၤ.
22 တုၤနုၤတစုဘၣ်ပှၤတၢ်မၢဖိ, ဒီးပှၤသူၣ်က့သးပှၢ်, ဒီး တၢ်အိၣ်ဖှိၣ်ခဲလၢာ်အသးဒီး, ဃုထၢထီၣ်ပှၤလၢအကျါ, ပှၤအဒိၣ်အခိၣ်လၢပှၤဒီပုၢ်ဝဲၢ်အကျါ, စီၤယူဒၤကိးက့ၤ အမံၤသီလၢစီၤဘၢ်စဘါ, ဒီးစီၤစံလၤဝံၤဒီး, မၢအလဲၤ တၢ်ဒီးစီၤပီလူးဒီးစီၤဘၢ်နါဘၤ ဆူအၣ်တံၤအီာ်လီၤ. ဒီး ကွဲးဟ့ၣ်ယုၢ်လံာ်လၢအစုပူၤဒ်အံၤ,
23 ပှၤတၢ်မၢဖိတဖၣ်, ဒီးပှၤသူၣ်က့သးပှၢ်, ဒီးပှၤဒီပုၢ်ဝဲၢ် ပဝဲဒၣ်အံၤပကတိၤဒိၣ်ပှၤဒီပုၢ်ဝဲၢ်လၢ ပှၤကလုာ်တဖၣ်အ ကျါလၢအၣ်တံၤအီာ်, ဒီးစူၤရံ, ဒီးကံၤလံၤကံအပူၤန့ၣ် လီၤ.
24 အကူၢ်မ့ၢ်ပနၢ်ဟူလၢပှၤဟးထီၣ်လၢပကျါတနီၤ နီၤ, မၤကိၢ်မၤဂီၤသုသးလၢတၢ်ကတိၤ, ဒီးမၤဟးဂီၤသု သး, ဒီးစံးဝဲဒၣ်, သုဘၣ်ဒိးတၢ်ကူးတရံး, ဒီးတိၢ်န့ၢ် တၢ်သိၣ်တၢ်သီ, ဒီးပတမၤလိာ်ဘၣ်အဝဲန့ၣ်ဘၣ်သတး ဒီး,
25 တုၤပသးအိၣ်တဖျၢၣ်ဃီဒီး, ဘၣ်ပသးလၢပကမၢ ပှၤဘၣ်တၢ်ဃုထၢအီၤဆူသုအိၣ်, အိၣ်ဒီးပှၤလၢ အညိ ကွံာ်အသးလၢပကစၢ်ယ့ၣ်ရှူးခရံာ်အမံၤအဃိ,
26 ပဒီပုၢ် ဝဲၢ်လၢပအဲၣ်အီၤ, စီၤဘၢ်နါဘၤဒီးစီၤပီလူးလီၤ.
27 မၤသးဒ်န့ၣ်ဒီး ပမၢလီၤစီၤယူဒၤဒီးစီၤစံလၤ, ဒီးအဝဲ သ့ၣ်ကစံးဘၣ်တဲဘၣ်သုလၢတၢ်တမံၤဃီအံၤ လၢအထး ခိၣ်လီၤ.
28 အဂ့ၢ်ဒ်အံၤ, လၢသုကဟးဆှဲးတၢ်လုၢ်လၢ တၢ်ဂီၤ, ဒီးတၢ်အသွံၣ်, ဒီးတၢ်လၢတၢ်စံၢ်သံအီၤ, ဒီး တၢ်မၤထွဲသးကလုာ်ကလိၤအခံတဖၣ်မုန့ၣ် ဘၣ်သးစီ ဆှံအသး, ဒီးပသးအံၤလီၤ. လၢတၢ်န့ၣ်တဖၣ်အမဲာ်ညါ, တၢ်ဝံတၢ်စိာ်ဒိၣ်န့ၢ်အန့ၣ်တက့ၢ်, ပတပာ်ဘၣ်လၢသု လိၤဘၣ်.
29 တၢ်န့ၣ်တဖၣ်မ့ၢ်တဟးဆှဲးဘၣ်ဒီးအိၣ်ဝဲတ သ့ဘၣ်. သုမ့ၢ်ဟးဆှဲးဒီး, သုမၤကစီဒီလီၤ. မ်သုအိၣ် ဆူၣ်အိၣ်ချ့တက့ၢ်.
30 မၤသးဒ်န့ၣ်ဒီးတုၤပှၤပျၢ်လီၤအီၤဒီး, အဝဲသ့ၣ်လဲၤဆူ အၣ်တံၤအီာ်, ဒီးဒုးအိၣ်ဖှိၣ်ရိဖှိၣ်ပှၤဂီၢ်မုၢ်, ဒီးဟ့ၣ်လီၤ အလံာ်တဘ့ၣ်န့ၣ်လီၤ.
31 ဒီးဖးဝဲဝံၤဒီး, အသူၣ်ခုအသးခု လၢတၢ်မၤမုာ်ထီၣ်က့ၤန့ၣ်အဃိလီၤ.
32 ဒီးစီၤယူဒၤ, ဒီး စီၤစံလၤအကစၢ်ပှၢ်ဒၣ်ဝဲ မ့ၢ်ဝံစ့ၢ်ကီးဒီး, သဆၣ်ထီၣ် အပျဲၢ်အဘီၣ်အခံလၢတၢ်ကတိၤအါထံၣ်, ဒီးမၤဂၢၢ်မၤ ကျၢၤအီၤလီၤ.
33 ဒီးအိၣ်ဝဲဖဲန့ၣ်ယံာ်ယံာ်တစဲးဒီး, ဒ်သိးအကက့ၤက့ၤ ဆူပှၤလၢအမၢလီၤအီၤတဖၣ် အအိၣ်ဒီး, ပှၤဒီပုၢ်ဝဲၢ်န့ၣ် ပျၢ်အီၤခုၣ်ခုၣ်မုာ်မုာ်လီၤ.
34 (ဘၣ်ဆၣ်ဒီး ဘၣ်စီၤစံလၤ အသးလၢအကအိၣ်ဒံးဖဲန့ၣ်လီၤ.).
35 ဒီးစီၤပီလူးဒီး စီၤ ဘၢ်နါဘၤ ဒီးပှၤအဂၤအါဂၤအိၣ်ဝဲဆိးဝဲလၢ အၣ်တံၤ အီာ်, ဒီးသိၣ်က့ၤသီက့ၤတၢ်, ဒီးစံၣ်တဲၤတဲလီၤတၢ်သး ခုအကစီၣ်ကစၢ်အကလုၢ်အကထါလီၤ.
36 ဒီးအနံၤအသီတနီၤနီၤပူၤကွံာ်ဒီး, စီၤပီလူးစံးဘၣ်စီၤ ဘၢ်နါဘၤ, ပဒီပုၢ်ဝဲၢ်လၢကယဲၢ်ခူကယဲၢ်ဝ့ၢ်လၢပစံၣ်တဲၤ တဲလီၤကစၢ်အကလုၢ်အကထါလၢအပူၤ, အိၣ်ဝဲဒ်လဲၣ် ဒ်လဲၣ်န့ၣ်, မ်ပက့ၤကဒါက့ၤဒီးကွၢ်က့ၤအီၤတက့ၢ်.
37 ဒီး စီၤဘၢ်နါဘၤပာ်အသးလၢအကကိးန့ၢ် စီၤယိၤဟၣ်ကိး ဝဲအမံၤသီလၢစီၤမၢ်ကူးလီၤ.
38 ဘၣ်ဆၣ်ဒီး မ့ၢ်ပှၤတဂၤ န့ၣ်ဟးဖးဒီးအီၤလၢပၣ်ဖူၤလံ, ဒီးတလဲၤမၤဘၣ်တၢ်ဒီး အီၤဘၣ်ဒီး, စီၤပီလူးဆိကမိၣ်ဝဲလၢ အတဂ့ၤလဲၤဘၣ်ဝဲ ဘၣ်.
39 ဒီးတၢ်ဂ့ၢ်လိာ်ဘှီလိာ်ဆူၣ်ဆူၣ်ကလဲာ်အိၣ်ထီၣ် ဝဲ, တုၤဒၣ်လဲာ်အဝဲသ့ၣ်လီၤဖးလိာ်အသး, ဒီးစီၤဘၢ်နါ ဘၤဟံးန့ၢ်စီၤမၢ်ကူး, ဒီးဒိးထီၣ်ကဘီ, ဒီးလဲၤဝဲဆူကူပြူး လီၤ.
40 ဒီးစီၤပီလူးဃုထၢစီၤစံလၤ, ဒီးပှၤဒီပုၢ်ဝဲၢ်သ့ၣ်တ ဖၣ်ဟ့ၣ်လီၤအီၤလၢ ယွၤအဘျုးအဖှိၣ် အပူၤသတးဒီး, ဟးထီၣ်ဝဲလီၤ.
41 ဒီးလဲၤခီဂာ်စူၤရံ, ဒီးကံၤလံၤကံ, ဒီး မၤဂၢၢ်မၤကျၢၤတၢ်အိၣ်ဖှိၣ်တဖၣ်လီၤ.