11
ဒီးပှၤတၢ်မၢဖိ, ဒီးပှၤဒီပုၢ်ဝဲၢ်အိၣ်လၢကီၢ်ယူဒၤဒီကီၢ် ညါနၢ်ဟူဝဲလၢ ပှၤကလုာ်တဖၣ်ဒိးန့ၢ် ယွၤအကလုၢ်အ ကထါလီၤ. ဒီးတုၤစီၤပ့းတရူးလဲၤထီၣ်ဆူယရူၤၡလ့ၣ် ဒီး, ပှၤဒိးတၢ်ကူးတရံးတဖၣ်, ဂ့ၢ်လိာ်ဘှီလိာ်ဒီးအီၤ,- ဒီးစံးဝဲဒၣ်, နဲဒၣ်အံၤနလဲၤနုာ်ဆူပှၤလၢအတဒိးဘၣ်တၢ်ကူးတရံးဘၣ်တဖၣ်အအိၣ်, ဒီးနအီၣ်ဃုာ်မးအီၤလဲၣ်,-
ဒီးစီၤပ့းတရူး စံးဘၣ်တဲဘၣ်အီၤ တမံၤစဲတမံၤဒီးစံးဝဲ ဒၣ်, ယဲဒၣ်အံၤယအိၣ်လၢဝ့ၢ်ယၤဖိၤအပူၤ, ဒီးယဘါ ထုကဖၣ်တၢ်, ဒီးလၢတၢ်ထံၣ်တၢ် လၢညါခီအပူၤန့ၣ်, ယထံၣ်သပၢၤလီၤဂာ် ယၣ်ဖးဒိၣ်တဘ့ၣ်စဲၤလီၤအသး လၢမူခိၣ်လၢအနၢၣ်လွံၢ်နၢၣ်, ဒီးဟဲလီၤဆူယအိၣ်လီၤ.-
ဒီးယကွၢ်ဆိကမိၣ်အီၤလီၤတံၢ်လီၤဆဲး, ယထံၣ်တၢ်အိၣ် ဒီးအခီၣ်လွံၢ်ခီလၢဟီၣ်ခိၣ်ချၢ, ဒီးတၢ်မံၤလာ်, ဒီးတၢ်ဖိ ဃၢ်, ဒီးထိၣ်ဧိၤလံာ်ဧိၤလၢမူကပိာ်လိၤန့ၣ်လီၤ. ဒီးယ နၢ်ဟူ တၢ်အကလုၢ်သီၣ်ဒီးစံးဘၣ်ယၤ, စီၤပ့းတရူးဧၢ, ဂဲၤဆၢထၢၣ်မၤသံတၢ်, ဒီးအီၣ်တၢ်တက့ၢ်. ဒီးယစံး, ကစၢ်ဧၢ, မ်အသုတမၤအသးဒ်န့ၣ်တဂ့ၤ. အဂ့ၢ်ဒ်အံၤ, တၢ်တစီတဆှံဘၣ်, ဒီးတၢ်တကဆှီဘၣ်န့ၣ်, တဟဲနုာ် ဘၣ်လၢယကိာ်ပူၤနီတစုဘၣ်လီၤ. ဒီးတၢ်အကလုၢ်က တိၤဆၢယၤလၢမူခိၣ်ပှဲၤထီၣ်ခံစုတစု, တၢ်လၢယွၤမၤက ဆှီန့ၣ်, သုတပာ်လၢတၢ်တစီတဆှံဘၣ်တဂ့ၤ. 10 ဒီးတၢ် မၤအသးဒ်န့ၣ်သၢစုဒီး, တၢ်ခဲလၢာ်ဘၣ်တၢ်ထုးထီၣ်က့ၤ အသးဆူမူခိၣ်လီၤ.
11 ဒီးကွၢ်ကွၢ်, ပှၤသၢဂၤလၢတၢ်မၢလီၤအီၤလၢကဲၤစါရံၤ ဆူယအိၣ်, ဆၢထၢၣ်တကီၢ်ခါလၢဟံၣ်ဖဲယအိၣ်လၢအ ပူၤန့ၣ်အဃၢၤလီၤ. 12 ဒီးသးန့ၣ်စံးဘၣ်ယၤ, နသးတဒ့ဒီ ဘၣ်ဒီးလဲၤဒီးအီၤတက့ၢ်. ဒီးဒီပုၢ်ဝဲၢ်ဃုဂၤအံၤ လဲၤနုာ် ဒီးယၤဆူပှၤန့ၣ်အဟံၣ်ပူၤလီၤ. 13 ဒီးအဝဲဒၣ်န့ၣ်ဒုးနဲၣ်ပှၤ လၢအထံၣ်ကလူးတဂၤ အိၣ်ဆၢထၢၣ်လၢအဟံၣ်ပူၤဒ် လဲၣ်ဒ်လဲၣ်, ဒီးစံးဘၣ်အီၤ, မၢပှၤလဲၤကိးန့ၢ်စီၤၡံမိၣ်ကိး က့ၤအမံၤသီလၢစီၤပ့းတရူး, လၢယၤဖိၤအပူၤတက့ၢ်.-
14 အဝဲဒၣ်န့ၣ် ကစံးဘၣ်တဲဘၣ်နၤလၢ တၢ်ကတိၤလၢအ ကအုၣ်က့ၤခီၣ်က့ၤနၤ, ဒီးနပှၤဟံၣ်ဖိခဲလၢာ်လီၤ.
15 ဒီးယစံၣ်တဲၤတဲလီၤသီတၢ်အဖၢမုၢ်ဒီး, သးစီဆှံလီၤ ဘၣ်လၢအလိၤ, ဒ်လၢပလိၤလၢသီအသိးန့ၣ် စ့ၢ်ကီး လီၤ. 16 ဒီးယသ့ၣ်နီၣ်ထီၣ်ကစၢ်အတၢ်ကတိၤလၢအစံးဝဲ ဒၣ်, စီၤယိၤဟၣ်ဘျၢ*တၢ်လၢထံကျါလီၤ. မ့မ့ၢ်သုဝဲဒၣ် အံၤ, သုကဒိးဘျၢ*သုသးလၢသးစီဆှံလီၤ. 17 မၤသးဒ် န့ၣ်ဒီး, ယွၤမ့ၢ်ဟ့ၣ်လီၤစ့ၢ်ကီးအတၢ်ဟ့ၣ်လၢအီၤ ဒ်အ ဟ့ၣ်လၢပဝဲဒၣ်လၢအစူၢ်က့ၤနာ်က့ၤ ကစၢ်ယ့ၣ်ရှူးခရံာ် ဒီး, ယမ့ၢ်မတၤယဲလၢယကတြီယွၤသ့တဂၤလဲၣ်.
18 ဒီးတုၤအဝဲသ့ၣ်နၢ်ဟူတၢ်န့ၣ်ဒီး, အိၣ်ဘှီၣ်ကလာ်, ဒီး စံးထီၣ်ပတြၢၤယွၤ, ဒီးစံးဝဲဒၣ်, မ့ၢ်မးယွၤဟ့ၣ်တၢ်ပီၢ်ယၢ် လီၤက့ၤအသးလၢပှၤကလုာ်တဖၣ်, လၢတၢ်မူအဂီၢ်စ့ၢ် ကီးလီၤ.
19 မၤသးဒ်န့ၣ်ဒီး, ပှၤလီၤပြံလီၤပြါလၢတၢ်မၤအၢမၤသီ လၢအအိၣ်ထီၣ်လၢစီၤစတ့းဖၣ်အဃိန့ၣ်, ဟးဝဲပၢၢ်လၢ ဖံၤနံက့ၤ, ဒီးကူပြူး, ဒီးအၣ်တံၤအီာ်, ဒီးစံးဘၣ်တဲဘၣ် တၢ်အကလုၢ်အကထါထဲပှၤယူဒၤဖိဧိၤလီၤ. 20 မ့မ့ၢ်ပှၤတ နီၤနီၤလၢအကျါ, မ့ၢ်ပှၤကူပြူးဖိ, ဒီးပှၤကူၤရ့ၤန့ဖိလၢအ လဲၤပၢၢ်လၢအၣ်တံၤအီာ်, ဒီးစံၣ်တဲၤတဲလီၤကစၢ်ယ့ၣ်ရှူး အတၢ်သးခုအကစီၣ်ဒီး, စံးဘၣ်တဲဘၣ် ပှၤဟ့းလ့ၣ်ဖိ လီၤ. 21 ဒီးယွၤအစုအိၣ်ဒီးအီၤ, ဒီးပှၤစူၢ်က့ၤနာ်က့ၤ, ဒီး ဃၣ်ဃီၤအသးဆူယွၤအအိၣ်အါဂၤလီၤ.
22 ဒီးတၢ်န့ၣ်တဖၣ်အကစီၣ် ဟူဘၣ်လၢတၢ်အိၣ်ဖှိၣ်လၢ ယရူၤၡလ့ၣ်အနၢ်ပူၤ, ဒီးအဝဲသ့ၣ်မၢစီၤဘၢ်နါဘၤလဲၤဆူ အၣ်တံၤအီာ်လီၤ. 23 အဝဲဒၣ်န့ၣ်လဲၤတုၤဝဲဒီး ထံၣ်ဘၣ် ယွၤအဘျုးအဖှိၣ်, ဒီးအသူၣ်ခုအသးခု, ဒီးသဆၣ်ထီၣ် ပှၤခဲလၢာ်အခံ ဒ်သိးအကသနံာ်သန့ၤအသးလၢယွၤလၢ အသူၣ်ကံၢ်အသးလဲလီၤ. 24 အဂ့ၢ်ဒ်အံၤ, အဝဲဒၣ်န့ၣ်မ့ၢ် ပှၤအဂ့ၤ, ဒီးလၢပှဲၤဝဲဒီးသးစီဆှံဒီး တၢ်စူၢ်တၢ်နာ်လီၤ. ဒီးတၢ်ပာ်ဖှိၣ်ပှၤဂီၢ်မုၢ်ဖးဒိၣ်လၢကစၢ်အပူၤလီၤ.
25 ဒီးစီၤဘၢ်နါဘၤလဲၤဆူတၢ်စူး, ဒ်သိးအကဃုန့ၢ်စီၤစီ လူးလီၤ. ဒီးတုၤအထံၣ်န့ၢ်အီၤဒီး, ဟဲက့ၤဆှၢအီၤဆူအၣ် တံၤအီာ်လီၤ. 26 ဒီးတၢ်မၤအသးလၢပှၤတဖၣ်န့ၣ်အိၣ်ဖှိၣ် ရိဖှိၣ်လၢ တၢ်အိၣ်ဖှိၣ်အသိးတနံၣ်ညါ, ဒီးသိၣ်က့ၤသီ က့ၤပှၤဂီၢ်မုၢ်အါဂၤလီၤ. ဒီးအပျဲၢ်အဘီၣ် ဘၣ်တၢ်ကိး ဆိအီၤလၢပှၤခရံာ်ဖိ, လၢအၣ်တံၤအီာ်အပူၤလီၤ.
27 ဒီးလၢမုၢ်နံၤတဖၣ်န့ၣ် ဝံတဖၣ်ဟဲလၢယရူၤၡလ့ၣ်ဆူ အၣ်တံၤအီာ်အပူၤလီၤ. 28 ဒီးပှၤလၢအကျါန့ၣ်အမံၤစီၤအ ကၤဘူးတဂၤ, ဂဲၤဆၢထၢၣ်, ဒီးဒုးနဲၣ်ဝဲလၢသးန့ၣ်, လၢ တၢ်သၣ်ဝံၤလီၤဒိဖးဒိၣ် ကအိၣ်ထီၣ်လၢကီၢ်ဒီဘ့ၣ်ညါ လီၤ. ဒီးအဝဲန့ၣ်အိၣ်ထီၣ်ဝဲလၢစီၤကျီၤဒံကဲစၢ်အစိၤလီၤ.-
29 ဒီးအပျဲၢ်အဘီၣ်တဂၤဒီးတဂၤ, တသ့ဖဲအသ့န့ၣ်, ပာ်အ သးလၢအကဟ့ၣ်ယုၢ်တၢ်ဆူ ဒီပုၢ်ဝဲၢ်လၢအအိၣ်ဝဲဆိးဝဲ လၢကီၢ်ယူဒၤတဖၣ်လီၤ. 30 မၤဝဲဒ်န့ၣ်ဒီး, ဟ့ၣ်ယုၢ်ဝဲဆူ ပှၤသူၣ်က့သးပှၢ်အအိၣ်န့ၣ်, လၢစီၤဘၢ်နါဘၤဒီးစီၤစီလူး အစုပူၤလီၤ.