10
1 ဒီးမတၤတဂၤအမံၤ စီၤကန့လံး, သုးဖိတကယၤအ ခိၣ်ဘၣ်ဃးဒီးသုးဖိတဖုကိးအမံၤလၢအံၤတလံ, အိၣ်ဝဲ လၢကဲၤစါရံၤအပူၤတဂၤလီၤ.
2 အဝဲဒၣ်န့ၣ်, ဒီးအပှၤ ဟံၣ်ဖိခဲလၢာ်, မ့ၢ်ပှၤလၢအယူးယီၣ်ဒီးပျံၤယွၤ, ဒီးမၤတၢ် သးကညီၤလၢပှၤဂီၢ်မုၢ်ဂီၢ်ပၤအါမး, ဒီးဃ့ဘါထုကဖၣ် ယွၤတဘိယူၢ်ဃီလီၤ.
3 ဒီးလၢအထံၣ်တၢ်လၢညါခီဖျါ တြၢၢ်ကလာ်အပူၤ, လၢခွံနၣ်ရံၣ်ဃၣ်ဃၣ်န့ၣ်, ထံၣ်ဘၣ် ယွၤအကလူးတဂၤဟဲနုာ်ဆူအအိၣ်, ဒီးစံးဘၣ်အီၤ, စီၤ ကန့လံးဧၢ,
4 ဒီးတုၤအကွၢ်ထံအီၤဒီး, ဘၣ်ပျံၤဘၣ်ဖုးဒီး စံးဝဲဒၣ်, ကစၢ်ဧၢ, မ့ၢ်မနုၤလဲၣ်. ဒီးစံးဘၣ်အီၤ, နတၢ်ထု ကဖၣ်, ဒီးနတၢ်ဟ့ၣ်သးကညီၤတၢ်တဖၣ်န့ၣ်, ထီၣ်ဘး လၢယွၤအမဲာ်ညါ, လၢတၢ်သ့ၣ်နီၣ်ထီၣ်က့ၤအဂီၢ်လံ.-
5 ဒီးခဲကနံၣ်အံၤမၢပှၤလဲၤဆူယၤဖိၤ, ဒီးကိးန့ၢ်စီၤၡံမိၣ်ကိး ဝဲအမံၤသီလၢစီၤပ့းတရူးတက့ၢ်.
6 အဝဲဒၣ်အိၣ်တမှံၤလၢ ပှၤမၤတၢ်ဖံး, စီၤၡံမိၣ်အဟံၣ်ပူၤလၢအအိၣ်လၢပီၣ်လဲၣ် နံၤလီၤ.
7 ဒီးတုၤကလူးလၢ အကတိၤတၢ်ဒီးအီၤတဂၤန့ၣ် ဟးထီၣ်ဒီး, အဝဲဒၣ်ကိးန့ၢ်အပှၤဟံၣ်ဖိခံဂၤ, ဒီးပှၤလၢအယူးယီၣ်ယွၤ, သုးဖိလၢအမၤအတၢ်ထီဘိအကျါတဂၤ,-
8 ဒီးတဲဘၣ်အီၤလၢတၢ်ခဲလၢာ်ဒီး, မၢအလဲၤဆူယၤဖိၤလီၤ.
9 ဒီးမုၢ်ဆ့ၣ်ထီၣ်တနံၤ, ဖဲအလဲၤတၢ်ဒီး ဘူးထီၣ်ဒီးဝ့ၢ် န့ၣ်, လၢဃုနၣ်ရံၣ်ဃၣ်ဃၣ်ဒီး, စီၤပ့းတရူးဒ်သိးအက ဘါထုကဖၣ်တၢ်ဒီး, လဲၤထီၣ်ဝဲဆူဟံၣ်ခိၣ်လီၤ.
10 ဒီးတၢ် သၣ်ဝံၤအသး, ဒီးတၢ်မိၣ်အီၣ်အသးလၢတၢ်လီၤ. ဒီးပှၤ ကတဲာ်ကတီၤတၢ် အဖၢမုၢ်ဒီး, လီၤဘၣ်ဝဲလၢတၢ်ထံၣ် လၢညါခီအပူၤလီၤ.
11 ဒီးထံၣ်ဘၣ်မူခိၣ်အိးထီၣ်အသး, ဒီးသပၢၤလီၤဂာ်ယၣ်ဖးဒိၣ်တဘ့ၣ် စၢဃာ်အသးလၢအ နၢၣ်လွံၢ်နၢၣ်, စဲၤလီၤအသးဆူဟီၣ်ခိၣ်အဖီခိၣ်လီၤ.
12 ဒီး ကယဲၢ်ဆၣ်ဧိၤကီၢ်ဧိၤ, အိၣ်ဒီးအခီၣ်လွံၢ်ခီ, ဒီးတၢ်ဖိဃၢ် လၢဟီၣ်ခိၣ်ချၢ, ဒီးထိၣ်ဧိၤလံၣ်ဧိၤလၢမူကပိာ်လိၤတဖၣ် န့ၣ်, အိၣ်လၢအပူၤလီၤ.
13 ဒီးတၢ်အကလုၢ်လီၤဘၣ်အီၤ, စီၤပ့းတရူးဧၢ, ဂဲၤဆၢထၢၣ်မၤသံတၢ်, ဒီးအီၣ်တၢ်တ က့ၢ်.
14 ဒီးစီၤပ့းတရူးစံးဝဲဒၣ်, ကစၢ်ဧၢ, မ်အသုတမၤ အသးဒ်န့ၣ်တဂ့ၤ. အဂ့ၢ်ဒ်အံၤ, တၢ်တစီတဆှံဘၣ်, ဒီး တၢ်တကဆှီဘၣ်န့ၣ်, ယတအီၣ်ဘၣ်နီတစုဘၣ်.
15 ဒီး တၢ်အကလုၢ်လီၤဘၣ်ကဒီးအီၤ, ပှဲၤထီၣ်ခံဘျီတဘျီ, တၢ် လၢယွၤမၤကဆှီန့ၣ်, သုတပာ်လၢတၢ်တစီတဆှံဘၣ် တဂ့ၤ.
16 ဒီးတၢ်မၤအသးဒ်န့ၣ်သၢစု, ဒီးသပၢၤန့ၣ်ဘၣ် ထုးထီၣ်က့ၤအသးဆူမူခိၣ်လီၤ.
17 ဒီးတၢ်ထံၣ်တၢ်လၢညါခီ လၢအထံၣ်ဝဲ, မ့ၢ်အမၤအသးဒ်လဲၣ်ဒ်လဲၣ်န့ၣ်, စီၤပ့းတရူးအသးဒ့ဒီအဖၢမုၢ်ဒီး,-
18 ကွၢ်ကွၢ်, ပှၤလၢစီၤကန့လံးမၢလီၤအီၤတဖၣ်န့ၣ်, ဃုစီၤ ၡံမိၣ်အဟံၣ်, ဒီးအိၣ်ဆၢထၢၣ်လၢပဲတရီအခီၣ်ထံးလီၤ. ဒီးကိးပသူထီၣ်ဒီးသံကွၢ်, စီၤၡံမိၣ်ကိးဝဲအမံၤသီလၢစီၤ ပ့းတရူးန့ၣ်, အိၣ်တမှံၤဖဲအံၤဧါ.
19 ဒီးစီၤပ့းတရူးဆိကမိၣ်လၢ တၢ်ထံၣ်တၢ်လၢညါခီအ ဂ့ၢ်အဖၢမုၢ်ဒီး, သးန့ၣ်စံးဘၣ်အီၤ, ကွၢ်ကွၢ်, ပှၤဃုနၤသၢ ဂၤလီၤ.
20 ဒီးဂဲၤဆၢထၢၣ်ယုၢ်လီၤတက့ၢ်. နသးတဒ့ဒီဘၣ် ဒီး, လဲၤဒီးအီၤတက့ၢ်. အဂ့ၢ်ဒ်အံၤ, ယမၢလီၤအီၤလီၤ.
21 ဒီးစီၤပ့းတရူးယုၢ်လီၤဆူ ပှၤတဖၣ်န့ၣ်အအိၣ်ဒီးစံးဝဲ ဒၣ်, ကွၢ်ကွၢ်, ပှၤလၢသုဃုအီၤတဂၤန့ၣ်မ့ၢ်ယၤလီၤ. သု ဟဲလၢမနုၤအဂ့ၢ်လဲၣ်.
22 ဒီးစံးဝဲဒၣ်, ပှၤအတီအလိၤလၢ အပျံၤယွၤ, လၢပှၤယူဒၤဖိအုၣ်အသးလၢအဂီၢ်ဒီကလုာ် ညါ, ပှၤသုးဖိတကယၤအခိၣ်, စီၤကန့လံးတဂၤန့ၣ်, ကလူးစီဆှံတဂၤသိၣ်လိအီၤ ဒ်သိးအကကိးက့ၤနၤဆူ အဟံၣ်, ဒီးကနၢ်ဟူတၢ်ကတိၤတဖၣ်လၢနၤလီၤ.
23 မၤသးဒ်န့ၣ်ဒီး, မၢပှၤတဖၣ်န့ၣ်ဟဲနုာ်, ဒီးတူၢ်လိာ်အီၤ လီၤ. ဒီးမုၢ်ဆ့ၣ်ထီၣ်တနံၤန့ၣ်ဂဲၤဆၢထၢၣ်ဒီးလဲၤဒီးအီၤ, ဒီးဒီပုၢ်ဝဲၢ်လၢယၤဖိၤတနီၤနီၤ လဲၤဃုာ်ဒီးအီၤလီၤ.
24 ဒီး မုၢ်ဆ့ၣ်ထီၣ်တနံၤန့ၣ်, အဝဲသ့ၣ်လဲၤနုာ်လၢကဲၤစါရံၤအ ပူၤလီၤ. ဒီးစီၤကန့လံးဒုးအိၣ်ဖှိၣ်ရိဖှိၣ်အဘူးအတံၢ်ဒီးအ တံၤအသကိး လၢအရ့လိာ်အသးဒီးအီၤတဖၣ်, ဒီးကွၢ် လၢ်ပှၤတဖၣ်န့ၣ်အကျဲလီၤ.
25 ဒီးတၢ်မၤအသးလၢစီၤပ့း တရူးလဲၤနုာ်အဖၢမုၢ်ဒီး, စီၤကန့လံးဟဲသဂၢၢ်အီၤ, ဒီး တီၤလီၤကဒွံကျိာ်လၢအခီၣ်ထံးဒီးဘါတၢ်လီၤ.
26 ဒီးစီၤ ပ့းတရူး ဒုးဂဲၤဆၢထၢၣ်အီၤဒီးစံးဝဲဒၣ်, ဂဲၤဆၢထၢၣ်တ က့ၢ်. ယဲဒၣ်အံၤယမ့ၢ်ပှၤကညီစ့ၢ်ကီးလီၤ.
27 ဒီးကတိၤ လိာ်အသးအဖၢမုၢ်ဒီး, လဲၤနုာ်ဝဲ, ဒီးထံၣ်န့ၢ်ပှၤအိၣ်ဖှိၣ်ရိ ဖှိၣ်အါဂၤလီၤ.
28 ဒီးအဝဲဒၣ်စံးဘၣ်ပှၤတဖၣ်န့ၣ်, သုသ့ၣ် ညါလၢပှၤယူဒၤဖိရ့လိာ်အသးဒီး ပှၤကလုာ်အဂၤမ့ၢ်ဂ့ၤ, လဲၤနုာ်ဝဲဆူအအိၣ်မ့ၢ်ဂ့ၤ, တဂ့ၤတဘၣ်ဘၣ်လီၤ. ဘၣ် ဆၣ်ဒီးယွၤဒုးနဲၣ်ယၤလၢ ယတဂ့ၤကိးဘၣ်ပှၤကညီလၢ တၢ်တစီတဆှံဘၣ်, ဒီးတၢ်တကဆှီဘၣ် နီတဂၤဘၣ် လီၤ.
29 မၤသးဒ်န့ၣ်ဒီး, လၢသုကိးက့ၤယၤန့ၣ်, ယတမၤ ယံာ်မၤနီၢ်ဘၣ်ဒီး, ယဟဲလီၤ. မၤသးဒ်န့ၣ်ဒီး, ယသံ ကွၢ်သု, လၢသုကိးက့ၤယၤ, မ့ၢ်အဂ့ၢ်မနုၤလဲၣ်.
30 ဒီးစီၤကန့လံးစံးဝဲဒၣ်, ပူၤကွံာ်လွံၢ်သီအံၤဒီး, ယဒုၣ် တၢ်အီၣ်တၢ်အီတုၤလီၤလၢနၣ်ရံၣ်အံၤ, ဒီးလၢခွံနၣ်ရံၣ် န့ၣ်, ယဘါထုကဖၣ်တၢ်လၢယဟံၣ်ပူၤ, ဒီးကွၢ်ကွၢ်, ပှၤကညီအိၣ်ဒီးအကူအသိး ကတြ့ၣ်ကတြိၣ်ဆၢထၢၣ် လၢယမဲာ်ညါတဂၤ,
31 ဒီးစံးဝဲဒၣ်, စီၤကန့လံးဧၢ, နဘါ ထုကဖၣ်တၢ်န့ၣ်, တၢ်နၢ်ဟူလံ, ဒီးနဟ့ၣ်တၢ်သးက ညီၤန့ၣ်, တၢ်သ့ၣ်နီၣ်ထီၣ်က့ၤလံလၢယွၤအမဲာ်ညါလံ.-
32 မၤသးဒ်န့ၣ်ဒီးမၢပှၤလဲၤဆူယၤဖိၤ, ဒီးကိးန့ၢ်စီၤၡံမိၣ်ကိး ဝဲအမံၤသီလၢစီၤပ့းတရူးတက့ၢ်. အဝဲဒၣ်န့ၣ်အိၣ်တမှံၤ လၢပှၤမၤတၢ်ဖံး, စီၤၡံမိၣ်အဟံၣ်ပူၤလၢပီၣ်လဲၣ်နံၤလီၤ. တုၤအဟဲတုၤဒီး, ကစံးဘၣ်တဲဘၣ်နၤလၢတၢ်လီၤ.
33 မၤ သးဒ်န့ၣ်ဒီး, ယမၢပှၤလဲၤဆူနအိၣ်ချ့သဒံး, ဒီးမ့ၢ်နဟဲ တုၤဒီး, နမၤတၢ်ဂ့ၤမးလီၤ. မ်ဒ်န့ၣ်ဒီးခဲကနံၣ်အံၤ, ဒ်သိး ပကနၢ်ဟူကယဲၢ်တၢ်လၢယွၤမၤလိာ်နၤဒီး, ပအိၣ်လံလၢ ယွၤအမဲာ်ညါလံ.
34 ဒီးစီၤပ့းတရူးအဲးထီၣ်အထးခိၣ်ဒီးစံးဝဲဒၣ်, ယထံၣ်နီၢ် နီၢ်လၢယွၤတကွၢ်ဒိၣ်ဆံးအါစှၤဘၣ်ပှၤကညီဘၣ်.
35 မ့ၢ် အတူၢ်လိာ်ပှၤလၢအပျံၤအီၤ, ဒီးမၤတၢ်တီတၢ်လိၤလၢပှၤ ကိးကလုာ်ဒဲးအကျါလီၤ.
36 တၢ်အကလုၢ်အကထါအံၤ, မ့ၢ်တၢ်လၢအမၢလီၤဆူ ပှၤအံၣ်စရ့လးဖိအအိၣ်, ဒီးစံၣ် တဲၤတဲလီၤတၢ်ဃူတၢ်ဖိးလၢယ့ၣ်ရှူးခရံာ်အပူၤလီၤ. အဝဲ ဒၣ်မ့ၢ်ပှၤခဲလၢာ်အကစၢ်လီၤ.
37 ဒီးစီၤယိၤဟၣ်စံၣ်တဲၤတဲ လီၤတၢ်ဘျၢ*န့ၣ်အလီၢ်ခံဒီး, တၢ်မၤအသးလၢကၤလံၤ လါပၢၢ်လၢ ကီၢ်ယူဒၤဒီကီၢ်ညါန့ၣ်, သုသ့ၣ်ညါလီၤ.-
38 ယွၤဖှူပှၤနစၤရ့းဖိယ့ၣ်ရှူး လၢသးစီဆှံဒီးတၢ်အစိအကမီၤလီၤ. အဝဲဒၣ်န့ၣ်လဲၤသကုၤဆးဒးဒီးမၤဂ့ၤတၢ်, ဒီးမၤဘျါက့ၤ ကယဲၢ်ပှၤလၢမုၣ်ကီၤလံၢ်မၤအၢမၤနးအီၤလီၤ.-
39 အဂ့ၢ်ဒ်အံၤ, ယွၤအိၣ်ဒီးအီၤလီၤ. ဒီးကယဲၢ်အမၤတၢ်လၢ ယရူၤၡလ့ၣ်အပူၤ, ဒီးလၢပှၤယူဒၤဖိအကီၢ်ပူၤန့ၣ်, ပမ့ၢ် ပှၤအုၣ်အသးပဝဲဒၣ်အံၤလီၤ. ဒီးအဝဲဒၣ်န့ၣ်, ပှၤစဲထီၣ် အီၤလၢထူၣ်စုညါအလိၤ, ဒီးမၤသံအီၤလီၤ.
40 လၢသၢနံၤ တနံၤအပူၤန့ၣ်, ယွၤဒုးဂဲၤဆၢထၢၣ်က့ၤအီၤ, ဒီးဒုးနဲၣ် အီၤအိၣ်ဖျါလီၤ.
41 တမ့ၢ်ဘၣ်လၢပှၤဂီၢ်မုၢ်ခဲလၢာ်အမဲာ် ညါဘၣ်. မ့ၢ်လၢပှၤအုၣ်အသးလၢယွၤဃုထၢပာ်လီၤပ ဝဲဒၣ်အံၤ, ဒီးပအီၣ်ဃုာ်အီဃုာ်တၢ်ဒီးအီၤလၢအဂဲၤဆၢ ထၢၣ်က့ၤလၢတၢ်သံအလီၢ်ခံလီၤ.
42 ဒီးမၤလိာ်ပှၤဒ်သိးပ ကစံၣ်တဲၤတဲလီၤ တၢ်လၢပှၤဂီၢ်မုၢ်ဂီၢ်ပၤ, ဒီးအုၣ်ပသး လၢအဝဲဒၣ်န့ၣ်မ့ၢ်ပှၤလၢယွၤပာ်အီၤလၢအကစံၣ်ညီၣ်ပှၤ မူ, ဒီးပှၤသံအကွီၢ်န့ၣ်လီၤ.
43 ဝံခဲလၢာ်အုၣ်အသးလၢပှၤ တဂၤန့ၣ်အဂ့ၢ်, လၢကယဲၢ်ပှၤလၢ အစူၢ်က့ၤနာ်က့ၤအီၤ တဖၣ်န့ၣ်, အတၢ်ဒဲးဘးကပူၤဖျဲးဝဲလၢအမံၤအဃိလီၤ.
44 ဒီးစီၤပ့းတရူး ကတိၤတၢ်အဖၢမုၢ်ဒီး, သးစီဆှံလီၤ ဘၣ်လၢ ကယဲၢ်ပှၤလၢအနၢ်ဟူတၢ်ကတိၤန့ၣ် အလိၤ လီၤ.
45 ဒီးပှၤဒိးတၢ်ကူးတရံးလၢအစူၢ်က့ၤနာ်က့ၤ, လၢ ဟဲဒီးစီၤပ့းတရူးတဖၣ်န့ၣ်, ပာ်အသးကမၢကမၣ်လၢ သးစီဆှံဂၢ်လီၤအသးလၢ ပှၤကလုာ်တဖၣ်အလိၤန့ၣ်အ ဃိလီၤ.
46 အဂ့ၢ်ဒ်အံၤ, နၢ်ဟူပှၤတဖၣ်န့ၣ်ကတိၤတၢ်အ ကလုာ်ကလုာ်, ဒီးစံးထီၣ်ပတြၢၤယွၤလီၤ.
47 တုၤနုၤတစု စီၤပ့းတရူးကတိၤဆၢတၢ်, ပှၤလၢအဒိး န့ၢ်သးစီဆှံဒ်ပဝဲအသိးတဖၣ်အံၤ, ဒ်သိးအသုတဒိးဘျၢ* အသးတဂ့ၤဒီး, ပှၤတြီထံသ့တဂၤဂၤဧါ.
48 ဒီးမၤလိာ်ဝဲ, ဒ်သိးအဝဲသ့ၣ်တဖၣ်န့ၣ် ကဒိးဘျၢ*အသးလၢကစၢ်အ မံၤလီၤ. တုၤနုၤတစုပှၤဃ့ကညးအီၤ ဒ်သိးအကအိၣ်က ဆိးအနံၤအသီတနီၤနီၤလီၤ.