2
Ngos gas Sharon pa mha mhanhdyvp ban, \q2 langhkhau mha dah anghchau ban dvnghuot.
Vbusbih
Vmesbih jens mas ngah hwank nyhiq gas \q2 zoeugyomh mas dah anghchau ban teh nghuot.
Vmesbih
Ngah hwank phoq gas gohyuk yah byi lyis \q2 saiqkhyam mha dah lvhomp zains teh nghuot.
Ngos nyah buisshen mha tsung toh mes,
nyah vshih gas ngah xiklyis nghamh whitau nghuot.
Nyang ngos lyis nyah pwe yvpmuh mas shwih loh las
nyah dah jyet ge dah khyiq ngah thoq mas mau toh dyei.
Ngos gas jyet ehnyet yah yomnhuk nyeis.
Nyang ngos lyis zvbiq shih kyuk yah huiq los nhang,
lvhomp shih yah byan los nhang!
Nyah loqwi loq yah ngos lyis uhkhoeuq khoeuq dyei las
loqyos loq yah ngos lyis po toh.
Yerusalem vmesbih jens eh, ngos lyis dangthoengh toh geh.
Namoq ngamoq dah jyet cho mha ma nhauh das oen,
yvng dah cvt jens lvlyo jens lyis lui las maukhi geh.
Lvkhyank aiq vyang
Vmesbih
Ngos ngah hwank phoq thwe xauhgyo.
Nyang boms lyis jing lyis
wuih lhyweq las ngah jyank mas los.
Ngah hwank gas lvlyo, cvt kyoh teh nghuot.
Nyang ciank yvm mas yap joq.
Nyang khomhbaiq chank yoeuh kat.
Khomhbaiq tyet chank tyoeuq kat.
10 Ngah hwank phoq ngos lyis taiq.
Vbusbih
Ngah hwank nyhiq eh, los aq,
dyei yungh eh, ngos yah loh goh.
11 Cungh lai goeus, mau eq thank goeus.
12 Boms mau mas ban tsain buh joq.
Haih zis gas lvkhyank kat yoq nghuot,
hauh mau mas khotjyauh lvkhyank xauhgyo.
13 Maiphang shih nyhink los goeus;
lyeis gas zvbiq buh shom xangh nhoenk toh.
Ngah hwank nyhiq eh, los aq.
Dyei yungh eh, ngos yah loh goh.
14 Nvng gas luk-uk lukjyvp mas tamh joq dah
khotjyauh teh nghuot.
Nah nyoqnho yungh lyis yoeuh nhang aq,
nah gyomes thwe lhyi gyo nhang aq.
 
15 Vbuh buh joq, ngamoq zvbiq khyamh lhyi ma lhoeu thyoq shih lyis
hau womkhuih, womkhuih lo jens lyis jyop geh.
Vmesbih
16 Ngah hwank phoq gas ngah zis, ngos eq nyah zis nghuot.
Nyang nyah yvng phung lhyi anghchau ban yos mas kat tsoh.
17 Nvpsangh lyeis jyamh muot las
chuot zis dyuk loh shoq nghuot.
Ngos jyet soeu eh, lvlyo teh,
vtsank tsank joq dah boms thoq mas dah cvt teh tauh los aq.