9
Sheba Hwankti Nyih los
(1Hw 10:1-13)
Sheba hwankti nyih gas Solomon dah nyings hoeuh cho xauhgyo lyis, Solomon lyis yau dah nyeidang yah shiyoeuh das ge jweh los. Nyang gas xangh ja, xing nyoshoq, phauhdap luk tsain thuq dah gola-u jens, chank bang nyoshoq yah dvgeh Yerusalem mas jweh los. Nyang Solomon yah xauhgoh lyis, nyang yoh nghamh dah nyeidang dvnganh lyis nyei.Ref 8.13: Dyu 23.14-17, 34.22-23; Gyu 28.9, 29.39; Lyi 16.16 Solomon gas nyang nyeidang dvnganh lyis phuk dyei. Hwankti ka nyang lyis ma yoh phui kyoh dang cha eq ma bos. Sheba hwankti nyih gas, Solomon dah joeui bos cho dvnganh xauhgyo las nyang tsuk toh dah yhen lhyi nyvng. Nyang gas Solomon dah kihgus mas wom, nyah zau jens nyeis joqyos, jyeidwis jens kuot dyei cho eq nyamoq dah wuot dyi wuot mis eq, nyah kom zwi bang eq, Solomon Yhensain Yhenmuh mas ngheq phudyei cho lhyi eq nyvng lyis dyos dvchvp eq ma dap lo shoq mauh.
Nyang hwankti Solomon lyis taiq zis gas, Ngos ngah mau masyah nah cho yahge nah joeui xauhgyo cho ka jus. Nghuot laus eq ngos ngvnyang nyoq yah ma nyvng shih lyis ngos hauh dang lyis ma jingh. Jyoengh ngos gas haih zis dvgohyih yangh ma xauhgyo shih, nah joeui yahge nah dis cho ka ngos xauhgyo dah loeus thoq lyis zes. Haih dius jens gas khasoeh gauslaus chank bos! Nah xikkhonh mas nyeih yau nyeih yap las nah joeui dang lyis xauhgyo nyeis, nah zau jens dah toeuh cha nghuot! Yhensain, nah Mangso ka chungh mon soeu nghuot. Nyang nvng lyis nhaiqdoeus las Israel hwankti tank mas tsung nhang. Yhensain ka Israel vnyau lyis vcaiq vto jyetdap cho yah jyet yvmvyah, nyang gas nvng lyis hwankti toh goeus housoeh las nvng jyoeng cho yahge dan cho yah yoh guon.
Nyang gas hwankti lhyi xing dvmons paung, xangh ja nyoshoq, yahge phauhdap luk tsain dyei. Hwankti nyih Sheba gas hwankti Solomon lyis dyei dah xangh ja iq gis dah xangh thang pheh khanhamp eq ma jweh los ku lo.
10 (Hwankti Hiram yahge Hwankti Solomon dah dius jens gas Ophira masyah xing thuq los bang gas algum saiq yahge phauhdap luk eq tsain thuq los. 11 Hwankti ka algum saiq yah Yhensain dah Yhenmuh yahge hwankti yhen dah zvmlhangh kuot, chunghthwe kat bang xiklyis toenk, khvlhank eq tsain kuot. Housoeh teh yungh dah toenk khvlhank lyis xikpheh Yuda mau mas khanhamp eq ma nyvng ku.)
12 Hwankti Solomon gas Sheba hwankti nyih lyis nyang sang nyhoq dvnganh dyei. Haih zis gas nyang chi los dah jyungshuk tauh thang lyis, doms puk dyei zis nghuot. Hauh thang lhyi nyang yahge nyah thang chank bang gas Sheba mau pheh tauh loh.
Solomon dah Dis Cho
(1Hw 10:14-25)
13 Solomon jyank mas dvzvn lyis wvng dah xing ka aiqci oeng tannote 9.13 25 tan: Hebre 666 talent (23 metrik tan) thoq pheh nghuot. 14 Hauh thoq lyis soenghi kuot yenh bang, hu ungh bang masyah los dah xing bos shih. Arab hwankti jens dvnganh, mungh zau jens jyank masyah los dah xing eq ngwis eq bos shih. 15 Hwankti Solomon gas, dvkoeuq mas xing 15 paungnote 9.15 15 paung Hebre 600 shekel (13.6 paung) bos dah xing gos kuh 200 kuot. 16 Dvkoeuq mas xing 7 paung dvkhyamh ko note 9.16 7 paung dvkhyamh Hebre 3 mina (6.8 paung) bos dah xing gos ngis 300 kuot. Hwankti ka hauh yvlyis Yerusalem mas Lebanon Saiqkhyam yvpmuh mas toh.
17 Hwankti ka cang zwis yah hwankti tank kuh eq kuot las xing gyingh yah shauq toh. 18 Hau hwankti tank gas zvmlhangh khyuk keq bos las xing khyei kih gus eq tsuk tap toh. Houmha loq kih gus dvshot dvkoeuq bos las hauh vyvm mas khangkhyi silho aiq doeu yap joq. 19 Vkeq khyuk koeuq mas thyi shot haq shot khangkhyi lho dvnganh lyis dvci aiq doeu nghuot. Housoeh teh hwankti tank khah munghdan mas eq ma joq ku.
20 Hwankti Solomon dah khuq dvnganh xing yah kuot toh. Lebanon Saiqkhyam Yvpmuh mas dah auh khuq dvnganh xing gyingh nghuot. Solomon dah zaih lyis ngwis phauh ma dap. 21 Hwankti ka soenghi sangpho tsain yoh las thomh mas Hiram dah sangpho yah dvgeh loh. Somh zvn dvlhain ngwis, xing, cang zwis, lvnyuk yahge khanghkyih thuq los.
22 Hwankti Solomon gas nyeisjvng thoq mas nyeis ya nyeis dah hwankti jens thoq lyis joeui yahge dis cho zes yoh, 23 las nyamoq gas nyang lyis Mangso dyei dah joeui lhyi los tsain nyei gyo yoeus. 24 Zvn yau zvn nyah jyank los soeu khanghmuh xing kom, ngwis kom, dyixing, jeszis, xangh ja, nyang, luzoe lyis nyah jyank jyungshuk chi los.
25 Solomon gas jeslhyingh yahge nyang xiklyis nyang zungs nyei khyoengh yoh las Yerusalem nyah jyank mas toh jes nyang yahge jeslhyingh toh wus jens mas toh nyang dvnganh dvmons aiq khyoengh yoh.Ref 9.25: 1Hw 4.26 26 Nyang gas Uphrat lvng masyah Philisti yahge Egutu maukyo jweh shoq dah mau jens mas dah hwankti jens thoq lyis zes thank dah guon soeu nghuot.Ref 9.26: Vpm 15.18; 1Hw 4.21 27 Nyang guon yoq lyis Yerusalem mas ngwis lyis lukgoq teh, arit zains lyis Yuda jing khyei mha yuk dah lvhomp zains teh nyo nhang. 28 Solomon dah nyang jens gas EgutunoteMuzu, Cilicia nvm mas dah wuxom gis bweh mau yahge gohtoeu mau nyoshoq masyah wis los dah nyang nghuot.Ref 9.28: Lyi 17.16
Solomon dah Guon Cho Xom
(1Hw 11:41-43)
29 Solomon kuot cho xi mas zis thang thank jweh shoq dah mvnyei nyet shih goeu lyis Lvpe Nathan dah Mvnyei buk, Shilo mas dah Ahiya dah Lvpe dang buk yahge Israel hwankti Nebat lo Yeroboam dah guon cho eq bos dah Lvpe Ido dah Nyoqnyvng buk mas tsain lhaih comh toh. 30 Solomon gas Yerusalem mas nyeis las Israel lyis guon zis nyeici zvn nghuot. 31 Solomon shei lhyi nyah uwus Dawi dah wus mas nyhop las nyah joqyos mas nyah lo Rehoboam guon.