3
Solomon dah uwus Hwankti Dawi gas Yhenmuh tsuk das joqyos dye sont toh goeus. Hau Yhenmuh yos gas Yerusalem mas joq dah Moria Boms, Yebusi dius Arauna dah thanjang, Dawi lyis Yhensain nyvng xoeuq joqyos nghuot.Ref 3.1 Vpm 22.2 Hwankti Solomon Yhenmuh tsuk xi loh dah buisnyeis gas nyang hwankti kuot zis nyei vzvn lhamhmuh aiq vkhyvp lyis nghuot. Hwankti Solomon tsuk dah Yhenmuh gas gauci pe xing lha somhci pe lvm. Cangxeih yap gas Yhenmuh lvm iq somhci pe lvm las somhci pe nyhang. Cangxeih yap khau pheh mau, yvm, toh yvmas xing gyingh yah kyop toh. Vgungs yap gas arit saiq yah yvm las gis thank xing tap toh. Houmha dyoms zains yahge jvngchoh vlho thwang tap toh. Hwankti ka Yhenmuh lyis yungh las phauhdap luk yahge Parwaim mau masyah yoeus los dah xing yah saiq toh. Nyang gas yhenmuh tyoyvm, khyang, khomh, khomhtank lyis xing yah kyop toh. Tyoyvm thoq mas loqmuh dap bang gas Kherubim vlho thwang tap toh. Gyingshang Thank Joqyos ge dah vtheh yap gas 30 pe xing lha Yhenmuh lvm iq 30 pe lvm. Gyingshang Thank Joqyos dah tyoyvm lyis 23 metrik tan ko dah xing yah kyop toh.Ref 3.8: Dyu 26.33-34 Dvkhvt lyis 20 aungsaq ko bos xing tyinghzoe yhung. Thoq yvp jens dah tyoyvm lyis xing yah kyop toh.
10 Hwankti ka nyah muhwons bang lyis thyeq yah Kherubim aiq doeu kuot nhang lha, xing yah kyop nhang. Hauh yvlyis Gyingshang Thank Joqyos mas toh.Ref 3.10-13: Dyu 25.18-20 11-13 Hauh Kherubim gas dvyih yap joq las khomhdwang pheh nyoqnho xoeu toh. Doeu khanghmuh dungs aiq koeuq dap las dungs khanghmuh gas 7 pe dvkhyamh xing. Hauh dungs jens gas lhywa toh las dvdungs yah dvdungs yvpgungs mas tanhgoh toh las tyoyvm thyih shot haq shot jweh shoq lhywa toh zis somhci pe lvm. 14 Gyingshang Thank Joqyos dah gosseh gas vlanh, khvlhamh, vnes cauh toh khying yah Kherubim lho jens thauh tap toh dah misyhwiq seh nghuot.Ref 3.14: Dyu 26.31
Thunk zains Aiq koeuq
(1Hw 7:15-22)
15 Hwankti ka 27 pe nyhang dah zains aiq koeuq tyoq las Yhenmuh ganthoq mas cuk toh. Zains lom khanghmuh dah vthyoh mas 7 pe dvkhyamh nyhang dah zainstsungh bos. 16 Zains thyoh khanghmuh mas yoq toh dah jvngchoh yahge thunk talechvp dvxo yah saiq toh. 17 Hauh zains aiq lom lyis Yhenmuh wvng loh cho mha cuk toh: mautyi pheh vlom lyis Yakinnote 3.17 Yakin ge dah vjyuk gas nyang tsuk mautsung pheh vlom lyis Boaznote 3.17 Boaz ge dah vjyuk gas nyang mas yombos ge nyhink toh.