9
Jonsdoeus masyah Tauh Los
1 Israel jens dvnganh gas dius yaus gyung khyvlyis nyamoq dah Israel Hwankti jens maussauh buk mas tsain lhaih toh zis xauh.
Yuda vnyau gas Yhensain lhyi lom ma luk yvmvyah Babilon mau pheh jonsdoeus loh.
2 Nyamoq dah wus jens yahge nyamoq sain dah maunyeis mas cangxeih tauh los, nyeis bang gas Israel dius jens, phudyei bang, Lewi jens yahge yhenmuh mas muh wons dius jens nghuot.Ref 9.2-3: Ezr 2.27; Neh 7.73
3 Yuda, Benyamin, Ephraim yahge Manase vnyau jens gas Yerusalem mas loh tsain nyeis.
4-6 Yerusalem wus mas nyeis dah Yuda yhenbang 690 yhenbang tsain nghuot.
Yuda loloeu Pere dah vnyau vshih jens gas Uthai ge dah uhshe soeu yoh. Uthai ka Omri dah nyeilo, Amihud dah loloeu nghuot. Nyah dah phauh thyeih moq mas Imri yahge Bani eq bos.
Shilo mas Yuda loloeu Shela dah vnyau vshih jens gas Asaia ge dah uhshe soeu yoh. Asaia gas nyah yhenbang dah uhjyung nghuot.
Yuda loloeu Zera dah vnyau vshih jens gas Yeuel ge dah uhshe soeu yoh.
7-8 O mha bos bang gas Yerusalem mas nyeis dah Benyamin vnyau nghuot.
Meshulam dah loloeu Salu, Hodawia dah loloeu gas Meshulam, Hasenua dah loloeu gas Hodawia, Ibneia gas Yeroham dah loloeu, Ela gas Mikri dah nyeilo, Uzi dah loloeu,
Meshulam gas Shephatia dah loloeu, Shephatia gas Reuel dah loloeu, Reuel gas Ibniya dah loloeu nghuot.
9 Haih vnyau houmha nyeis yhenbang 956 yhenbang tsain nghuot. Thoq mas bos vbusbih jens gas yhenbang dah uhjyung jens tsain nghuot.
Yerusalem mas Phudyei bang
10-12 O mha dah Phudyei bang gas Yerusalem mas tsain nyeis:
Yedaia, Yehoiarib, yahge Yakin,
Hilkia dah loloeu Azaria (Yhenmuh mas uhjyung zainsmuh), nyah dah phauh thyeih moq mas Meshulam, Zadok, Meraiot, yahge Ahitub bos.
Yeroham dah loloeu Adaia, nyah phauh thyeih mas Pashur yahge Makhiya bos.
Adiel loloeu Masai, nyah phauh thyeih mas Yazera, Meshulam, Meshilemit, yahge Ima bos.
13 Yhenbang lyis uhshe dah Phudyei bang gas 1760 yuk nghuot. Nyamoq gas Yhenmuh mas kuot dah muh dvnganh lyes bang nghuot.
Yerusalem mas Lewi jens
14-16 O mha dah Lewi jens gas Yerusalem mas nyeis:
Hashub dah loloeu Shemaia, nyah phauh thyeih moq mas Merari vkoq Azrikam yahge Hashabia bos.
Bakbakkar, Heresh, yahge Galal
Mika loloeu Matania, nyah phauh thyeih mas Zikhri yahge Asap bos.
Shemaia loloeu Obadia, nyah phauh thyeih mas Galal yahge Yeduthun bos.
Berekhia, nyang gas Netopha wus yah sen dah mau mas nyeis Ekana nyeilo, Asa loloeu nghuot.
Yhenmuh Zungh bang
17 O mha dah yhenmuh zungh bang gas Yerusalem mas tsain nyeis: Shalum, Akuk, Talmon, yahge Ahiman. Shalum gas nyamoq dah uhjyung nghuot.
18 Hauh yoq jweh shoq nyamoq dah vkoq bang gas buisthuq pheh Hwankti dah Khomh pheh loh yvmas tsain zungh. Haih bang gas Lewi jens dah thoenggus dah khomh zungh.
19 Ebiasap nyeilo, Kore dah loloeu Shalum gas Kora vhuh mas nyah boekyis jens yah dvgeh, nyamoq dah phauh thyeih moq Yhensain dah thoenggus mas yvwons yoeus uhlyis teh, Yhensain nyeis Zvng pheh loh cho mha yvwons yoeus.
20 Lai loh goeus shishenh mas Eliaza lo Phineha ka nyamoq lyis guon las Yhensain ka nyang yah dvgeh nghuot.
21 Meshelemia lo Zekharia eq Yhensain nyeis zvng khomh zungh soeu nghuot.
22 Khyen toh khomh zungh bang dvnganh lyis 212 yuk. Nyamoq gas nyamoq nyang dah wus mas tsain nyeis. Nyamoq dah phauh thyeih moq lyis Hwankti Dawi yahge lvpe Samuel haih yvwons toeuq toh.
23 Nyamoq yahge nyamoq dah vnyau vshih jens gas tsoq las Yhenmuh khomh jens mas zungh nyeis.
24 Khomh zungh bang gas, buisthuq buiswvng, mautsung mautyi, nyei shot mas zungh nyeis. Khomh khanghmuh mas uhjyung bos.
25 Wukhau jens masyah nyamoq dah boekyis jens gas los las nyamoq dah yvwons lyis nyhet nyeih nyeih bos yoeus.
26 Lewi jens mas khomh zungh vdeq nyei yuk gas yvwons yoeus chah zis yah dvyhangteh, Yhenmuh yvp jens yahge houmha bos dah zisyos lyis yoeuh chah.
27 Nyamoq gas Yhenmuh nvm mas nyeis, khasoeh ge lyis nyamoq mas zungh chah yvwons bos zis yahge nvp yau Yhenmuh khyam khomh phank chah.
Gohtoeu Lewi jens
28 Gohtoeu Lewi jens gas paiq uhlyis chi dah khuq, kom jens lyis yvwons yoeus. Hauh khuq, kom jens lyis yhung khanghmuh nyamoq gas chi thuq, chi wvng suon, yoeuh.
29 Dvyhamh gas gyingshang joqyos yah sen dah kihgus yahge kom lhyi buot las, sunghso mons, zvbiq, coeu, xangh yahge zaslhyau lyis cvvq das yvwons yoh.
30 Nghuot laus eq xangh yahge zaslhyau lhoeuq dah yvwons gas phudyei bang yah sen.
31 Kora vhuh mas Shalum loxeih Lewi dius Matithia gas auhlhuq mas huop dah ohlhyoq kuot yvwons yoeus chah.
32 Nyamoq dah vmang vnoeuh moq, Kohat lo jens dvyhamh gas Yhenmuh xiklyis chixoeuq ohlhyoqnote 9.32 CHIXOEUQ OHLHYOQ: No nyeih khanghmuh Yhenmuh kihgus thoq mas Mangso lhyi phudyei dah ohlhyoq 12 koeuq lyis no nyeih khanghmuh xiklyis ba dah yvwons yoh.
33 Lewi yhenbang mas dvyhamh gas yhenmuh chunghthwe kat dah yvwons yoh. Hauh yhenbang dah uhjyung jens gas yhenmuh yvp mas nyeis las nyeih eq nyenh eq chungh chah las gohtoeu muh ma bos kuot.
34 Thoq mas nyings bos vbusbih jens gas nyamoq nyang dah dius caiq khyvlyis Lewi yhenbang dah uhjyung tsain nghuot. Nyamoq gas Yerusalem mas nyeis dah uhshe bang nghuot.
Hwankti Saulo Phauh Thyeih
(8:29-38)
35 Yeiel gas Gibeon wus lyis kuot las houmha nyeiscaink yapte nyeis. Nyah yhensain nyhiq nyings gas Maka nghuot.
36 Nyah loxeih gas Abdon, thang lhyi Zur, Kish, Bala, Ner, Nadab,
37-38 Gedo, Ahio, Zekharia yahge Shimeam dah uwus Miklot moq tsain nghuot. Nyamoq dah vnyau vshih jens gas Yerusalem mas nyamoq dah vhuh, goh yhenbang dah vnvm mas nyeis.
39 Ner gas Kish dah uwus, Kish gas Hwankti Saulo dah uwus nghuot. Saulo mas loloeu nyei yuk bos: Yonathan, Malkhishua, Abinadab yahge Eshba nghuot.
40 Yonathan gas Meriba dah uwus, Meriba gas Mikha dah uwus nghuot.
41 Mikha mas loloeu nyei yuk bos: Pithon, Melek, Tarea yahge Ahaz nghuot.
42 Ahaz gas Yara dah uwus, Yara gas Alemet, Azmawet yahge Zimri moq dah uwus nghuot. Zimri gas Moza dah uwus nghuot.
43 Moza gas Binea dah uwus, Binea lo Rapha, Rapha lo Eleasa, Eleasa lo Azel nghuot.
44 Azel mas loloeu khyuk yuk bos: Azrikam, Bokheru, Ishmael, Shearia, Obadia yahge Hanan nghuot.