26
Yhenmuh Zungh Bang
Haih zis gas yhenmuh zungh bang Lewi jens yah sen lha gvm toh dyei dah muh nghuot. Kora vhuh mas Asap yhenbang Kore loloeu Meshelemia nghuot. Meshelemia lo jens - lomons Zekharia, aiq vyuk Yediel, somh vyuk Zebadia, nyei vyuk Yatniel, oeng vyuk Elam, khyuk vyuk Yehobanan, nyhet vyuk Eliehonai nghuot.
Obed Edom ge soeu lyis eq Mangso ka loloeu xet yuk dyei zis yah shvmanh toh. Nyah loloeu jens gas lomons Shemaia, aiq vyuk Yehozabad, somh vyuk Yoa, nyei vyuk Sakha, oeng vyuk Nethanel,Ref 26.4-5: 2Sa 6.11; 1Ss 13.14 khyuk vyuk Amiel, nyhet vyuk Isakha, xet vyuk Peulethai nghuot.
6-7 Obed Edom dah lomons Shemaia mas loloeu khyuk yuk bos: Otni, Rephael, Obed, Elzabad, Elihu yahge Semakhia moq nghuot. Nyamoq gas nyamoq dah vhuh svsoh yhaugyen dah vbusbih jens nghuot, khasoeh ge lyis nyamoq mas yoh kuot dah yomzains bos. Elihu yahge Semakhia gas senhtyau kank bos.
Obed Edom yhenbang mas haih muh mas gvgis lyes bang khyukci aiq yuk nghuot.
Meshelemia dah loloeu dvci xet yuk yahge nyah boekyis jens eq kank bos bang nghuot.
10 Merare vhuh Hosa ge soeu mha loloeu jens nyei yuk bos: Shimri (nyang gas lomons ma nghuot laus eq, nyah uwus nyang lyis uhshe soeu toh), 11 Hikia, Tebalia, Zekharia nghuot. Hosa yhenbang dvnganh lyis dvci somh yuk, nyamoq gas yhenmuh zungh bang nghuot.
12 Yhenmuh zungh bang gas gohtoeu Lewi jens yah dvyhangteh Yhenmuh mas nyamoq zwi vvng dah muh toeuq dyei zis xauh las nyamoq dah yhenbang khyvlyis vphung phung khyoq toh zis xauh. 13 Nyenhkyi nghuot ya puot xauh cho lhyi ma yoeuh, khah yhenbang khah khomh zungh vvng zis lyis doeugoh zis yah khyen. 14 Buisthuq khomh mas Shelemia vvng. Hauh thang lhyi joeui dyei soeu nyah lo Zekharia lyis doeugoh. Housoeh nyang gas mautsung khomh mas vvng. 15 Obed Edom gas mautyi khomh mas vvng. Nyah lo jens gas jyi lyis zungh vvng. 16 Buiswvng khomh mas gas Shupim yahge Hosa vvng. Nyamoq gas Shalek khomh masyah doq los cho mha thyishot haq shot zungh das xiklyis nghuot. Zungh vvng bang gas shishenh yah shishenh, dvyuk thang lhyi dvyuk tsain zungh. 17 Dvnyeih lyis buisthuq pheh Lewi khyuk yuk, mautsung pheh nyei yuk, mautyi pheh nyei yuk, jyi aiq lom xiklyis zungh bang nyei yuk, dvjyi mha aiq yuk yuk zungh. 18 Buiswvng pheh zvng nvm mas zungh bang nyei yuk gas cho chank yah zungh las tsain aiq yuk gas hauh pwe zvng mas zungh. 19 Heika Kora vnyau vshih jens yahge Merari vnyau vshih jens zungh vvng dah muh nghuot.
Gohtoeu Yhenmuh Yvwons
20 Ahiya uhshe dah Lewi jens gas Yhenmuh mas ngwis, xing toh jyi yahge gohtoeu jyi jens lyis joeu. 21 Gershon vhuh Ladan yhenbang mas uhjyung, Ladan loloeu Yehieli nghuot. 22 Yehieli dah loloeu gohtoeu aiq yuk, Zetham yahge nyah vnoeuh Yoel gas Yhenmuh mas dah ngwis xing jyi yahge zisyos jyi lhyi joeu.
23 Haih bang gas Amram vnyau vshih, Izha vnyau vshih, Hebron vnyau vshih yahge Uziel vnyau vshih jens mas uhshe bang nghuot.
24 Amram vhuh mas Shebuel gas Moshe dah loloeu Gashom vnyau vshih nghuot. Nyang gas yhenmuh ngwis xing jyi joeu dah zau zainsmuh nghuot. 25 Shelomit gas Gashom dah vnoeuh Eliza vhuh mas soeu nghuot las Shebuel dah boek nghuot. Eliza gas Rehabia dah uwus, Rehabia gas Yeshia dah uwus, Yeshia gas Yoram dah uwus, Yoram gas Zikri dah uwus, Zikri gas Shelomit dah uwus nghuot. 26 Shelomit yahge nyah yhen dius jens gas Hwankti Dawi, yhenlom uhshe bang, vhuh uhshe bang yahge thoenkgus jesdvp mas jeszau jens Mangso lhyi kyauh dah jyungshuk dvnganh lyis joeu. 27 Nyamoq gas jeszan ung los dah lvnyhvp dvkhamh lyis Yhensain dah yhen soq das xiklyis toeuq kyauh toh. 28 Shelomit yahge nyah yhenbang gas lvpe Samuel, Kish lo Hwankti Saulo, Ner lo Abna, ungwes Zeruia lo Yoab moq Yhenmuh xiklyis kyauh dah zis eq cheq dvnganh lyis joeu.
Gohtoeu Lewi jens Yvwons
29 Izha vnyau vshih Khenania yahge nyah lo jens gas zau jens, soetuon bang nghuot las Yerusalem nghe pheh Israel mau mas yvwons yoeus nyeis.
30 Hebron vhuh mas Hashabia yahge nyah boek jens womh bang dvkhyoengh nyhetxo ka, Yodan lvng dah buiswvng pheh nyeis dah Israel jens lyis joeu. Nyamoq gas Yhensain lhyi phuqsoe muh yahge hwankti muh dvnganh wons wuq nyeis. 31 Yeriya gas Hebron vnyau vshih dah uhshe soeu nghuot. Gilead mau Yazer wus mas Hebron yhenbang mas nyings hoeuh jeslo jens nyeis zis lyis Dawi hwankti kuot dah nyeici zvn gyo lyis hauh vnyau vshih cho lhyi vlhomuh nyei choq yoeuh uhlyis yoh seq yoeus. 32 Hwankti Dawi gas Yeriya dah boek jens mas nyings hoeuh yhenbang dah uhshe bang aiq khyoengh nyhet xo yuk lyis khyen lha Israel mau Yodan lvng buisthuq pheh - Ruben, Gad, Buisthuq Manase mau - mas Mangso muh yahge hwankti dah muh dvnganh wons wuq das xiklyis toeuq toh.