24
Phudyei bang xiklyis Muhzoh
Heika Aron vnyau vshih yah sen dah bang nghuot. Aron loloeu jens gas Nadab, Abihu, Eleaza yahge Ithama nghuot. Nadab yahge Abihu ka nyamoq dah uwus ma shei shih lyis shei goeus las vnyau vshih ma bos khoq. Housoeh las Eleaza yahge Ithama gas phudyei muh wons.Ref 24.2: Lew 10.1-2 Hwankti Dawi gas Eleaza vnyau vshih mas Zadok yahge Ithama vnyau vshih mas Ahimelek pangh zis yah Aron dah vnyau vshih jens lyis nyamoq zwi vvng dah muh yah dvyhangteh gvm toh. Eleaza vnyau vshih mas dah uhjyung jens gas Ithama vnyau vshih mas dah uhjyung jens thoq lyis zes nyo. Housoeh Eleaza vnyau vshih mas dvci khyuk phung, Ithama vnyau vshih mas xet phung nghuot. Housoeh Eleaza vnyau vshih jens, Ithama vnyau vshih jens gas yhenmuh zau jens yahge gungs dyos xiklyis uhshe bang ge dah muh wons das xiklyis doeugoh las muh gvm yoeus. Eleaza vnyau vshih yahge Ithama vnyau vshih gas dvnyau dvlhain tsain doeugoh boms. Hauh thang lhyi nyamoq dah nyings, nyamoq cha kuot das zis lyis Lewi vnyau Nathaniel lo maussauh lhaih soeu Shemaia gas hwankti, nyah zau jens, phudyei Zadok, Abiatha lo Ahimelek yahge phudyei yhenbang yahge Lewi yhenbang dah uhjyung jens xikkhonh mas lhaih yoeus.
7-18 Haih vzoh gas muh toeuq toh zis xauh dah aiqci nyei yhenbang nghuot:
19 Haih yhenbang khanghmuh gas nyamoq dah yvwons nghuot, nyamoq phauh thyeih Aron, Yhensain, Israel Mangso dah tyingtoh dang domsyos gyo las kuot xi toh khoq dah Yhenmuh mas vvng muh lyis wons wuq.
Lewi jens Nyings
20 Haih bang gas Lewi vnyau vshih mas gohtoeu vhuh uhshe bang tsain nghuot:
Amram vnyau vshih mas Shubael gas uhshe soeu;
21 Rehabia vnyau vshih mas Ishia gas uhshe soeu;
22 Izha vnyau vshih mas Shelomit gas uhshe soeu; Shelomot vnyau vshih mas Yahat gas uhshe soeu;
23 Hebron vnyau vshih mas Yeria gas uhshe soeu, aiq vyuk Amaria, somh vyuk Yahaziel, nyei vyuk Yekameam tsain nghuot.
24 Uziel vnyau vshih mas Mikha ka uhshe soeu; Mikha vnyau vshih mas Shami uhshe soeu nghuot.
25 Mikha vnoeuh Ishia, Ishia vnyau vshih mas Zekharia gas uhshe soeu nghuot.
26 Merari lotang Mali yahge Mushi gas uhshe vzomh nghuot; Yazia vnyau vshih mas Beno gas uhshe soeu nghuot; 27 Yazia mas loloeu somh yuk bos: Shoham, Zakhu yahge Ibri nghuot. 28-29 Mali mas loloeu aiq yuk bos; Eleaza yahge Kish nghuot. Eleaza mas loloeu jens ma bos, nghuot laus eq Kish mas Yerame ge dah loloeu dvyuk bos. 30 Mushi mas loloeu somh yuk bos: Mali, Eda, yahge Yerimot nghuot.
Heika Lewi vnyau vshih dah uhshe bang nghuot.
31 Nyamoq eq nyamoq dah boekyis Aron vnyau vshih yah dvyhangteh nyamoq mas vvng dah muh lyis vsoenk nghuot ya nyenhkyi lhyi ma yoeuh, gyingshang doeugoh cho chi lha toeuq toh. Hauh cho lhyi Hwankti Dawi yahge Zadok, Ahimelek yahge Lewi jens yahge phudyei bang dah uhjyung jens dah xikkhonh mas kuot.