2
Yuda Vnyau Vshih
Heika Israel dah loloeu jens: Ruben, Simon, Lewi, Yuda, Isakha, Zebulun, Dan, Yosep, Benyamin, Napthali, Gad yahge Asher nghuot.
Yuda loloeu dvnganh oeng yuk nghuot. Nyah yhensain nyhiq Khanan lonyi Bathshua khomh mas nyang loloeu somh yuk yoh: Era, Onan yahge Shela nghuot. Nyah loxeih Era gas Mangso dah nyoqlvtjvng mas lhung lha Mangso nyang lyis sat. Nyah doeusmuh Tama khomh mas Yuda loloeu aiq yuk doms yoh: Pere yahge Zera nghuot.
Pere mas Hezron yahge Hamul ge dah loloeu aiq yuk bos. Nyah vnoeuh Zera mas Zimri, Ethan, Heman, Khako yahge, Dada, ge dah loloeu oeng yuk bos. Zera vnyau vshih, Khami lo Akhan ka jeszan khyomp masyah yoh zisyos, Mangso lhyi kyauh toh goeus zis lyis khauh shung toh zis yah Israel dius nyau thoq mas shohjyen yaukyenh cho she kat.Ref 2.7: Yosh 7.1
Ethan mas Azaria ge dah loloeu dvyuk bos.
Dawi dah Dius yaus gyung
Hezron mas Yeramel, Ram yahge Khalebnote 2.9 Khaleb lyis Hebre mas Kelubai ge. ge loloeu somh yuk bos.
10 Ram masyah Yese jweh shoq dius caiq ka: Ram, Aminadab, Nashon (Yuda vkoq mas uhshe soeu). 11 Salmon, Boaz, 12 Obed, Yese tsain nghuot.
13 Yese mas loloeu nyhet yuk bos: loxeih Eliab, aiq vyuk Abinadab, somh vyuk Shimea, 14 nyei vyuk Nethanel, oeng vyuk Radai, 15 khyuk vyuk Ozem, nyhet vyuk gas Dawi nghuot. 16 Yese mas lonyi aiq yuk bos: Zeruia yahge Abigai nghuot.
Yese lonyi Zeruia dah loloeu jens gas Abishai, Yoab yahge Asahel ge somh yuk nghuot. 17 Nyah lonyi Abigai gas Yetha ge dah Ishmael dius nyau jyank yhen loh las Amasa ge dah yukgis lo lyis khoeu kat.
Hezron Vnyau Vshih
18 Hezron lo Khaleb gas Azuba lyis nyihwank yoeus las Yeriot ge dah lonyi dvyuk yoh. Azuba mas loloeu somh yuk bos: Yesha, Shobab yahge Ardon nghuot. 19 Azuba shei thang lhyi Khaleb gas Ephrat ge soeu lhyi nyihwank las nyah aiq yuk Hu ge dah yukgis lo dvyuk yoh. 20 Hu dah loloeu gas Uri, nyeilo gas Bezale nghuot.
21 Hezron khyukci zvn bos lyis, Makhi dah lonyi, Gilead dah nhamhmuh lyis yoeus yvmas Segub bos. 22 Segub dah yukgis lo gas Yair nghuot. Yair gas Gilead mau mas aiqci somh wus lyis guon. 23 Nghuot laus eq Geshu mau yahge Aram mau gas Yair dah wus jens, Kenat dah wus jens eq, vyvm vwi mas dah wus jens eq bos wus khyukci lyis yoeus tyamp. Hauh mau bang dvnganh gas Gilead dah uwus Makhi dah vnyau vshih nghuot. 24 Hezron shei thang lhyi nyah loloeu Khaleb gas nyah uwus dah chauhmuh Ephrat lyis nyihwank yoeus. Nyah aiq yuk mas Ashhu ge dah yukgis lo bos. Ashhu gas Tekoa wus lyis tsuk soeu nghuot.
Yeramel Vnyau Vshih
25 Hezron dah loxeih Yerame mas loloeu oeng yuk bos: loxeih Ram, Buna, Oren, Ozem yahge Ahiya nghuot. 26-27 Ram mas loloeu somh yuk bos: Maz, Yamin yahge Eka nghuot. Yerame mas Atara ge dah gohtoeu yhensain nyhiq dvyuk bos; Yerame gas Atara khomh mas Onam ge dah loloeu dvyuk yoh. 28 Onam mas loloeu aiq yuk bos: Shamai yahge Yada nghuot. Shamai mas Nadab yahge Abishu ge dah loloeu aiq yuk yoh.
29 Abishu gas Abihai ge dah vmesbih lyis nyihwank yoeus las Ahban yahge Molid ge loloeu aiq yuk yoh. 30 Abishu dah vmang Nadab mas Seled yahge Apaim ge dah loloeu aiq yuk yoh. Saled gas lo ma bos shei loh. 31 Apaim gas Ishi dah uwus, Ishi gas Sheshan dah uwus, Sheshan gas Alai dah uwus nghuot.
32 Shamai vmang Yada gas Yetha yahge Yonathan ge dah loloeu aiq yuk yoh; nghuot laus eq Yetha ka lo ma bos shei loh. 33 Yonathan gas Pelet yahge Zaza ge dah loloeu aiq yuk yoh. Haih bang dvnganh gas Yerame dah vnyau vshih nghuot.
34 Sheshan mas loloeu jens ma bos, lonyi jens kyingh dvnghuot. Sheshan mas Yarha ge, Egutu jyeidwis dvyuk yoh. 35 Sheshan ka nyah lonyi dvyuk, nyah jyeidwis Yarha lhyi dyeizo las Atai ge dah nyeilo dvyuk yoh. 36 Atai dah dius caiq gas o mha bos khyvlyis nghuot: Atai, Nathan, Zabad; 37 Ephal, Obed, 38 Yehu, Azaria; 39 Hele, Eleasa; 40 Simai, Shalum; 41 Yekamia, Elishama.
Khaleb Vnyau Vshih Gohtoeu
42 Khaleb dah loxeih Yeramel dah vnoeuh gas Mesha ge soeu nghuot. Mesha gas Zip dah uwus, Zip gas Maresha dah uwus, Maresha gas Hebron dah uwus nghuot. 43 Hebron gas Kora, Tapua, Rekem yahge Shema ge dah loloeu nyei yuk yoh. 44 Shema gas Raham dah uwus yahge Yorkeam dah vphauh nghuot. Shema dah vmang Rekem gas Shamai dah uwus nghuot. 45 Shamai gas Maon dah uwus, Maon ka Betzu dah uwus nghuot.
46 Khaleb gas nyah nyinhungh Epha khomh mas Haran, Moza yahge Gaze ge dah loloeu somh yuk bos shih. Haran eq Gaze ge dah loloeu dvyuk yoh.
47 (Yadai ge dah vbusbih mas Regem, Yotham, Geshan, Pelet, Epha yahge Shap ge dah loloeu khyuk yuk bos.)
48 Khaleb gas Makha ge dah nyinhungh gohtoeu dvyuk yoh. Makha gas Sheba yahge Tihana ge dah loloeu aiq yuk lyis khoeu dyei. 49 Hauh thang lhyi Makha gas loloeu aiq yuk lyis khoeu dyei shih: Mamanna wus lyis tsuk soeu Shap yahge Makbena wus yahge Gibea wus tsuk soeu Shewa nghuot.
Hauh thoq lyis Khaleb gas Aksa ge dah lonyi dvyuk yoh. 50 O mha lhaih toh zis eq Khaleb dah vnyau vshih jens nghuot shih.
Hur gas Khaleb dah yhensain nyhiq Ephrat khomh mas dah nyah loxeih nghuot. Hur dah loloeu Shoba gas Kiriat Yearim wus lyis tsuk. 51 Nyah loloeu aiq vyuk Sama gas Betlehem wus lyis tsuk, nyah loloeu somh vyuk Harep gas Betgada wus lyis tsuk.
52 Kiriat Yearim wus tsuk soeu Shoba gas Haroe dius, Menuhot mas nyeis bang dvgohyih, 53 yahge Kiriat Yearim mas nyeis dah dius nyau jens: Ithri, Puthit, Shumat, Mishra bang dah phauh thyeih nghuot. (Zora yahge Eshtaol wus bang gas hauh dius nyau jens tsain nghuot.)
54 Betlehem wus lyis tsuk soeu Sama gas Netopha dius, Atrot Bet Yoab dius yahge Manahat mas nyeis dius aiq huh mas dvgohyih nghuot dah Zorit dius jens dah phauh thyeih nghuot.
55 Yabez wus mas nyeis dah lhaih lyes bang gas Tirat, Shimeat yahge Sukhat dius nyau jens nghuot. (Nyamoq gas Rekhabit jens yah nyiyoeus, lonyi dyeizo goh dah Ken jens nghuot.)