15
Thanghchvp Kwi Tyungh das
1 Dawi gas Dawi dah wusnote 15.1 Dawi dah wus ge zis gas, xik lyis nyeis los bang Yebusi jens jyank masyah Dawi zan yoeus dah Yerusalem vdoeus lyis taiq mas nyah xiklyis yhen tsain kuot. Nyang Mangso dah Thanghchvp Kwi xiklyis joqyos cvvq las zvng kuot.
2 Hauh thang lhyi Dawi taiq zis gas, Lewi vkoq kyingh Thanghchvp Kwi lhyi dvgis dvng, khasoeh ge lyis Mangso ka nyamoq lyis hauh zis dvng das xiklyis yahge vcaiq vto nyang lyis phuqsoe das xiklyis khyen toh goeus, ge.Ref 15.2: Lyi 10.8
3 Dawi gas nyang Thanghchvp Kwi xiklyis sont toh dah joqyos mas hauh Kwi yoeus los das xiklyis Israel jens dvnganh lyis Yerusalem mas khi tsainh toh.
4 Hauh thang lhyi Dawi gas Aron vnyau vshih jens yahge Lewi jens lyis khi huom.
5 Lewi vkoq Kora vhuh mas 120 yahge nyamoq dah uhjyung Uriel;
6 Merari vhuh mas 220 yahge nyamoq uhjyung Asaia;
7 Gashon vhuh mas uhjyung Yoel yahge nyah boekyis 130;
8 Elizaphan vhuh mas uhjyung Shemaia yahge nyah boekyis 200;
9 Hebron vhuh mas uhjyung Eliel yahge nyah boekyis 80;
10 Uziel vhuh mas uhjyung Aminadab yahge nyah boekyis 112 yuk nghuot.
11 Dawi gas Phudyei vzomh Zadok yahge Abiatha, Lewi jens Uriel, Asaia, Yoel, Shemaia, Eliel yahge Aminadab moq lyis khi.
12 Nyang Lewi jens lyis taiq, Namoq gas Lewi vkoq jens dah uhjyung tsain nghuot. Yhensain, Israel dah Mangso dah Thanghchvp Kwi xiklyis ngos sont toh joqyos mas hauh kwi yoh dvng los das xiklyis namoq eq namoq boekyis eq cheihshang cho kuot geh.
13 Xik lyis vlhain namoq Lewi dius jens Thanghchvp Kwi lhyi ma dvng gvng mas, Yhensain yamoq dah Mangso yang lyis joeng goeus. Yang hauh Kwi lhyi khasoeh thuot yoeus das zis Mangso lhyi ma soh nyei, ge.
14 Phudyei bang yahge Lewi jens gas Yhensain, Israel Mangso dah Thanghchvp Kwi yoeus los das xiklyis nyamoq nyang cheihshang.
15 Yhensain ka Moshe lhyi yah tying toh vgus Lewi jens gas Mangso dah Thanghchvp Kwi lhyi nyah tanzoe yah kvtoq mas wuq las dvng.Ref 15.15 Dyu 25.14
16 Dawi Lewi uhshe bang lyis, Gausyis ehnyet yah thwe thuq las chunghthwe toenk, khvlhank, lvbuh janghau thwe yah loh das zis Lewi jens mas chunghthwe kat bang yahge toenk, janghau bat bang lyis toeuq toh nhang.
17-21 Chunghthwe kat bang dah vhuh jens masyah thunk janghau bat das xiklyis, nyamoq gas o mha bos bang lyis khyen toh: Yoel loloeu Heman, Berekhia loloeu nyah boekyis Asap yahge Merari vhuh mas Kushaia dah loloeu Ethan nghuot. Nyamoq lyis pangh das xiklyis nyamoq gas o mha dah Lewi jens lyis nyhang keq toenk bat das xiklyis khyen toh: Zekharia, Yaziel, Shemiramot, Yehiel, Uni, Eliab, Maseia, yahge Benaia nghuot.
Nyhen keq toenk bat das xiklyis nyamoq khyen toh dah Lewi jens gas: Matithia, Eliphelehu, Mikneia, Azazia, yahge yhenmuh zungh vzomh Obed Edom yahge Yeil nghuot.
22 Toenk khvlhank mas lyes yvmvyah Khenamia gas Lewi vkoq mas chunghthwe kat bang, toenk khvlhank bat bang lyis yoeuh guon das xiklyis khyen yoeus zis xauh.
23-24 Berekhia yahge Elkana, Obed Edom yahge Yehia moq gas Thanghchvp Kwi zungh bang khyvlyis khyen yoeus zis xauh. Phudyei bang Shebania, Yoshaphat, Nethanel, Amasai, Zekharia, Benaia, yahge Elieza moq gas Thanghchvp Kwi xikkhonh mas lvbuh muot das xiklyis khyen yoeus zis xauh.
Yerusalem pheh Thuot los
(2Sa 6:12-22)
25 Housoeh Dawi, Israel logis jens yahge jes dvkhyoengh guon zau jens gas Yhensain dah Thanghchvp Kwi lhyi Obed Edom dah yhen mhayah gaus gaus yis yis yoeus das ge doq loh.
26 Yhensain dah Thanghchvp Kwi dvng loh nyeis dah Lewi jens lyis Mangso pangh las nyamoq gas noeulu nyhet doeu, yvnglus nyhet doeu phudyei.
27 Dawi gas Thanghchvp Kwi dvng dah Lewi jens dvnganh, chunghthwe uhshe soeu Khenania yahge chunghthwe kat bang teh misyhwiq dyixing wuot toh. Dawi kyingh misyhwiq ephodnote 15.27 Ephod: Phudyei Zainsmuh wuot dah thoq mas dyi eq puk wuot toh.
28 Housoeh Israel jens dvnganh kaiq hoeu lha noeukhyau, lvbuh, janghau muot, toenk bat zis yah Yhensain dah Thanghchvp Kwi yoeus los.
29 Yhensain dah Thanghchvp Kwi Dawi dah wus mas jweh los lyis Saulo dah lonyi khomhbaiq masyah yoeuh las hwankti Dawi gausyis zis yah goh las jywe las los yvlyis nyvng lyis nyah nhaiq mas nyang lyis vgyis yoeuh phe.