CHUNGH 99
Hwankti Zainsmuh Mangso
1 Yhensain ka hwankti nghuot las,Ref 99.1: Dyu 25.22 dius jens eq gyuk nvn nyeis.
Nyang gas Kherubim jo mas dah hwankti tank mas tsung toh,
nyeisjvng gas nonh nyeis.
2 Yhensain ka Zion mha yomzains bos soeu nghuot.
Nyang dius nyau jens dvnganh thoq lyis kuh thank soeu nghuot.
3 Kuhxing lha shoenkkhyi bos dah nyings lyis yuk khanghmuh chungh das.
Nyang gas gyingshang.
4 Yomzains hwankti eh, nvng gas jus yvlyis jyet.
Nvng Israel mas lyi jus cho toh dyei,
nvng gas dan cho yahge yih cho she los.
5 Yhensain, yah Mangso lhyi chungh goh,
nyah hwankti tank xikkhonh mas paiq goh.
6 Moshe yahge Aron gas nyah phudyei bang, Samuel gas shvmanh dung soeu nghuot.
Nyamoq Yhensain lhyi lui las, nyang nyamoq lyis toeuh dyei.
7 Nyang nyamoq lyis jyommauh punk masyah taiq.Ref 99.7: Dyu 33.9
Nyamoq eq nyang dyei toh dah lyi yahge tyingtoh dang lyis domsyos tsain gyo.
8 Yhensain, ngamoq dah Mangso eh, nah dius jens lyis toeuh dyei aq.
Nvng nyamoq dah yaunos gvng mas nyamoq lyis yau dyei laus eq,
yobos khyuot dyei dah Mangso nghuot cho nvng nyamoq lyis chixoeuq.
9 Yhensain, yah Mangso lhyi chungh geh,
nyah gyingshang boms mas paiq geh:
khasoeh ge lyis Yhensain, yah Mangso ka gyingshang.