CHUNGH 98
Mungkvn lyis Guon Soeu
1 Yhensain lhyi chunghthwe vsaiq yah chungh geh;
nyang gas mauhphoh zis kuot goeus.
Nyah yomsoq yahge gyingshang yom yah nyang ung cho yoh goeus.
2 Yhensain ka nyang ung dah cho kyoh kat;
dius nyau jens lyis nyah khyuot yoeus yomsoq lyis seq nhang.
3 Israel dius jens yah toh dah dangthoengh lyis nyang nyah nhaiqnyen cho yahge nyah wontang cho soh dyei.
Nyeisjvng goms shoq, yah Mangso dah khyuot yoeus cho nyvng goeus.
4 Nyeisjvng dius jens dvnganh Yhensain lhyi gauslaus chunghthwe kat geh;
gauslaus chunghthwe kaiq kat zis yah nyang lyis chungh geh.
5 Yhensain lhyi chunghthwe kat las chungh geh!
Toenk bat, khvlhank muot las chungh geh.
6 Lvbuh yahge noeukhyau muot las
yah hwankti Yhensain lhyi gauslaus zis yah kaiq chungh geh.
7 Thomh yahge houmha bos zis dvnganh,
nyeisjvng yahge houmha nyeis bang kaiq geh.
8 Jeismuh lvng jens loq tyuk geh!
Boms jens eq Yhensain xikkhonh mas dvgeh gauslaus chunghthwe kat geh.
9 Khasoeh ge lyis nyang nyeisjvng lyis los guon.
Nyang gas mungkvn dius jens lyis lyi jus khyvlyis, yih khyvlyis guon das.